Markus 12
12
Um tizinek sladin
1I imaisge azu faŋanlon azu ipidin. I ibol, Tamol ta wain um ta ipae, az ipaug, piziŋineknen lof ta sazeg, tizinek inan ab sutan ta isaseg, aria, um tizinek nimadinlon inaumeg fatu talon ile.#Jes 5:1, 2 2Saen iduseg i inan begabeg ta um tizinek zidinnen inaug ile, i zidinnen um inan niŋon iŋaloi. 3I deŋaleg dugusule, niman sezanemeg mon denaug imul. 4I begabeg ta inaug ileg i me dufunig lasen daz idug denau alan mok. 5I ta inaug me dufunig imat. Aenta kuzumoi megin mon denau, aenta se difu mon, aenta difug dimat. 6Taimon madoime, inan ai buben. Wadanlon i zidinnen inaug ile, ibol, Inag aip tat iwoi dab denauwoi. 7Ge um inan tizinek nug dikibiaig dibol, E me fuzan ŋalekai, asop tufunipŋan, abaŋ fuzan id teŋalewoi. 8I deŋaleg dufunig imatmeg umlonge detanig ile.#Heb 13:12 9Wain um inanfun dodin inauwoi? I isop umjabekgaz ifup wain um me ta ipinidinoi. 10Aŋ azu gazek e so sutilak: Pat me sasekkamaŋ demeselanilak me ab siun inan fod inaulak?#Kan 118:22, 23 11E me Ujanzen inaulak, id tenasig id malad kin kebazan?
12I diabiwoi denau, ge tamolpain malanzenoi dizez. I dab depani, Jesus i azu faŋan me iwoi ibollak, mewoi i dibinig dile.
Azu ta täksoi
13I farisea ta Herodes inan ai ta mai denaug dile, i Jesus dikibianip siben inan azu zegaiklon siŋlon denauwoi.#Mar 3:6 14I diseg depai, Peteŋanek, am aloŋ o bube malikdaŋan, o tamoloi so uzezume, o tamol dumudin dab so paniumelakoi, Anut inan dal tiduk peteŋanaume, kaisar täks paninen me gauai tat, tea tat? 15Am ataniwoi, tea tat? Ge i nadin malabiab kagin iloŋge i pidin, Aitoige aŋ ikibianagame? Gaŋmalan ta aŋalep asop apanag, ŋa kin ŋenasiwoi. 16I ta deŋaleg dise. I ipidin, Metelaen e gazek mai me it inan? I depai, Kaisar inan. 17I ipidin, Kaisar inan abaŋ me kaisar apani, ge Anut inan aban me Anut apani. I dizut gauai mok.#Rom 13:7
Sedazek tiziauoi
18Sadukea tiziau so iduwoi dibollak i izinnen diseg desedazeg dibol, 19Peteŋanek, Moses i am‐oi igaze, tamol ta inan tain imatmap buzan imadop ge nanun teamap, ai me iŋalep tain begazan ta itasawoi.#Deut 25:5, 6; Gen 38:8 20Taingaz sewen demade. Matu pain iŋaleg ai teag imat.
21Azug me iŋaleg imat, i mai ai tea; tol megin mon. 22Ileg sewen i mai ai tea. Alouge pain mai imat, 23tiziaulon i it inan pain madowoi? Sewen i deŋalelakoi.
24Jesus i pidin, Aŋ mewoi so tat azegaiame, aŋ azu gazek Anut inan tiwon mai so aloŋ. 25I mateŋlonge dimaismap i pain so deŋalewoi, pain mai so dipinidinoi, tea, didnen eŋel egin demadowoi. 26Ge mateŋlonge tiziaunen aŋ Moses inan buklon so suti tat, faiagoi Anut i ipailak, Ŋa Abraham inan Anut, Isak inan Anut, Jakob inan Anut.#Ekso 3:2, 6; Mat 8:11; Luk 16:22 27I mateŋ padalnenlon demadodime me nadin Anut tea, tea, basgaz nadin. Aŋ azegaiame.
Ilopanek me kibiaiŋ matu
28Gazekmaŋau ta iseg i azulon nug betenaebetenaemeg iloŋ, auadin jabi ifunilak me dab ipanig i sedaze, Kibiaiŋ ait me aenta ilonlon matu mok? 29Jesus auan jabig ibol, Kibiaiŋ matu me megin, O Israel uloŋ, Ujanzen, inad Anut, i Ujanzen taimon.#Deut 6:4, 5 30Aŋ Ujanzen nami Anut bubumi daŋanlon, nutumi daŋanlon, kankan daŋanlon, tiwomi daŋanlon lami apaniwoi.#Joh 15:12 31I uzilak ŋan e, o sibe ilo panoume egin, megin oina muduban mai ilo paniwoi. Kibiaiŋ tata e so nenazaime.#Lew 19:18 32Gazekmaŋau i ipai, Malik mok, peteŋanek. O malik ubollak, Anut niŋon ta tea, i siben mon.#Deut 6:4; 4:35 33I buben daŋanlon, iloŋnen daŋanlon, tiwon daŋanlon ilon paninen, muduban mai siben egin ilon paninen me janauk funfun daŋan nenaza pasi.#Sam I 15:22 34I auan jabi gauailak me Jesus dab ipanig i ipai, O Anut inan kagin siziz paniume. Tata inan nal melonge i faun te sedazenen izez.#Apos 26:27–29
Jesus i Dawid inan ai, inan Ujanzen mai
35Jesus tempellon azu peteŋanameg i ibol, Gazekmaŋau dodin dibol Kristus i Dawid inan ai? 36Dawid siben Auanuzgun pazeg ibol, Ujanzen i ŋainag Ujanzen ipai, O ŋainag nimag waŋlon matalpa, ŋa oina agez nie paenlon ŋenaupa eginmap.#Kan 110:1; Sam II 23:2 37Dawid siben Ujanzen e blaniime, me dodin i inan ai? Malan ujan i inan azu diloŋoi dimat.#Luk 19:48; 21:38
Gazekmaŋau fudin beŋten inau
38I azu peteŋanameg ibol, Gazekmaŋaugazoi dab anau, i jamel melaendaŋan ditozoi dimatdime, tamolai dadeŋ abenlon tabei dipinidinoi, 39ubouablon malanmalan demataloi, tuzlon tamol biŋadindaŋan nadin pezatiulon demataloi mai dimatdime. 40Me sekauk denaug gadiŋ melaen denaumeg pain bob nadin jes diwizidindime, I meselanek ujan nenazip deŋalewoi.
Pain bob gaŋmalan tani
41Jesus gaŋmalan inan kunup daŋeg matalmeg tamolai malanzen gaŋmalan kunuplon detanimeg dab pinidin. Tamolai filiadindaŋan kin kuzum gaŋmalan kin zen detani.#Kiŋ II 12:10 42Pain bob waiz ta iseg gaŋmalan kinkin azugen mon itani. 43Jesus inan meglaum wigidinge ipidin, Malik ŋa aŋ ŋepaiaŋ, pain bob waiz i aenta daŋan me kunuplon gaŋmalan detanidime me nenaza. 44I daŋan nadin gaŋmalan subuŋan menen ta detanilakoi, ge pain e waiz mok me inan gaŋmalan daŋan itanig aben kude.#Kor II 8:12
Currently Selected:
Markus 12: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Markus 12
12
Um tizinek sladin
1I imaisge azu faŋanlon azu ipidin. I ibol, Tamol ta wain um ta ipae, az ipaug, piziŋineknen lof ta sazeg, tizinek inan ab sutan ta isaseg, aria, um tizinek nimadinlon inaumeg fatu talon ile.#Jes 5:1, 2 2Saen iduseg i inan begabeg ta um tizinek zidinnen inaug ile, i zidinnen um inan niŋon iŋaloi. 3I deŋaleg dugusule, niman sezanemeg mon denaug imul. 4I begabeg ta inaug ileg i me dufunig lasen daz idug denau alan mok. 5I ta inaug me dufunig imat. Aenta kuzumoi megin mon denau, aenta se difu mon, aenta difug dimat. 6Taimon madoime, inan ai buben. Wadanlon i zidinnen inaug ile, ibol, Inag aip tat iwoi dab denauwoi. 7Ge um inan tizinek nug dikibiaig dibol, E me fuzan ŋalekai, asop tufunipŋan, abaŋ fuzan id teŋalewoi. 8I deŋaleg dufunig imatmeg umlonge detanig ile.#Heb 13:12 9Wain um inanfun dodin inauwoi? I isop umjabekgaz ifup wain um me ta ipinidinoi. 10Aŋ azu gazek e so sutilak: Pat me sasekkamaŋ demeselanilak me ab siun inan fod inaulak?#Kan 118:22, 23 11E me Ujanzen inaulak, id tenasig id malad kin kebazan?
12I diabiwoi denau, ge tamolpain malanzenoi dizez. I dab depani, Jesus i azu faŋan me iwoi ibollak, mewoi i dibinig dile.
Azu ta täksoi
13I farisea ta Herodes inan ai ta mai denaug dile, i Jesus dikibianip siben inan azu zegaiklon siŋlon denauwoi.#Mar 3:6 14I diseg depai, Peteŋanek, am aloŋ o bube malikdaŋan, o tamoloi so uzezume, o tamol dumudin dab so paniumelakoi, Anut inan dal tiduk peteŋanaume, kaisar täks paninen me gauai tat, tea tat? 15Am ataniwoi, tea tat? Ge i nadin malabiab kagin iloŋge i pidin, Aitoige aŋ ikibianagame? Gaŋmalan ta aŋalep asop apanag, ŋa kin ŋenasiwoi. 16I ta deŋaleg dise. I ipidin, Metelaen e gazek mai me it inan? I depai, Kaisar inan. 17I ipidin, Kaisar inan abaŋ me kaisar apani, ge Anut inan aban me Anut apani. I dizut gauai mok.#Rom 13:7
Sedazek tiziauoi
18Sadukea tiziau so iduwoi dibollak i izinnen diseg desedazeg dibol, 19Peteŋanek, Moses i am‐oi igaze, tamol ta inan tain imatmap buzan imadop ge nanun teamap, ai me iŋalep tain begazan ta itasawoi.#Deut 25:5, 6; Gen 38:8 20Taingaz sewen demade. Matu pain iŋaleg ai teag imat.
21Azug me iŋaleg imat, i mai ai tea; tol megin mon. 22Ileg sewen i mai ai tea. Alouge pain mai imat, 23tiziaulon i it inan pain madowoi? Sewen i deŋalelakoi.
24Jesus i pidin, Aŋ mewoi so tat azegaiame, aŋ azu gazek Anut inan tiwon mai so aloŋ. 25I mateŋlonge dimaismap i pain so deŋalewoi, pain mai so dipinidinoi, tea, didnen eŋel egin demadowoi. 26Ge mateŋlonge tiziaunen aŋ Moses inan buklon so suti tat, faiagoi Anut i ipailak, Ŋa Abraham inan Anut, Isak inan Anut, Jakob inan Anut.#Ekso 3:2, 6; Mat 8:11; Luk 16:22 27I mateŋ padalnenlon demadodime me nadin Anut tea, tea, basgaz nadin. Aŋ azegaiame.
Ilopanek me kibiaiŋ matu
28Gazekmaŋau ta iseg i azulon nug betenaebetenaemeg iloŋ, auadin jabi ifunilak me dab ipanig i sedaze, Kibiaiŋ ait me aenta ilonlon matu mok? 29Jesus auan jabig ibol, Kibiaiŋ matu me megin, O Israel uloŋ, Ujanzen, inad Anut, i Ujanzen taimon.#Deut 6:4, 5 30Aŋ Ujanzen nami Anut bubumi daŋanlon, nutumi daŋanlon, kankan daŋanlon, tiwomi daŋanlon lami apaniwoi.#Joh 15:12 31I uzilak ŋan e, o sibe ilo panoume egin, megin oina muduban mai ilo paniwoi. Kibiaiŋ tata e so nenazaime.#Lew 19:18 32Gazekmaŋau i ipai, Malik mok, peteŋanek. O malik ubollak, Anut niŋon ta tea, i siben mon.#Deut 6:4; 4:35 33I buben daŋanlon, iloŋnen daŋanlon, tiwon daŋanlon ilon paninen, muduban mai siben egin ilon paninen me janauk funfun daŋan nenaza pasi.#Sam I 15:22 34I auan jabi gauailak me Jesus dab ipanig i ipai, O Anut inan kagin siziz paniume. Tata inan nal melonge i faun te sedazenen izez.#Apos 26:27–29
Jesus i Dawid inan ai, inan Ujanzen mai
35Jesus tempellon azu peteŋanameg i ibol, Gazekmaŋau dodin dibol Kristus i Dawid inan ai? 36Dawid siben Auanuzgun pazeg ibol, Ujanzen i ŋainag Ujanzen ipai, O ŋainag nimag waŋlon matalpa, ŋa oina agez nie paenlon ŋenaupa eginmap.#Kan 110:1; Sam II 23:2 37Dawid siben Ujanzen e blaniime, me dodin i inan ai? Malan ujan i inan azu diloŋoi dimat.#Luk 19:48; 21:38
Gazekmaŋau fudin beŋten inau
38I azu peteŋanameg ibol, Gazekmaŋaugazoi dab anau, i jamel melaendaŋan ditozoi dimatdime, tamolai dadeŋ abenlon tabei dipinidinoi, 39ubouablon malanmalan demataloi, tuzlon tamol biŋadindaŋan nadin pezatiulon demataloi mai dimatdime. 40Me sekauk denaug gadiŋ melaen denaumeg pain bob nadin jes diwizidindime, I meselanek ujan nenazip deŋalewoi.
Pain bob gaŋmalan tani
41Jesus gaŋmalan inan kunup daŋeg matalmeg tamolai malanzen gaŋmalan kunuplon detanimeg dab pinidin. Tamolai filiadindaŋan kin kuzum gaŋmalan kin zen detani.#Kiŋ II 12:10 42Pain bob waiz ta iseg gaŋmalan kinkin azugen mon itani. 43Jesus inan meglaum wigidinge ipidin, Malik ŋa aŋ ŋepaiaŋ, pain bob waiz i aenta daŋan me kunuplon gaŋmalan detanidime me nenaza. 44I daŋan nadin gaŋmalan subuŋan menen ta detanilakoi, ge pain e waiz mok me inan gaŋmalan daŋan itanig aben kude.#Kor II 8:12
New Testament published by the British and Foreign Bible Society in 1960. Genesis published by the Australian Bible Society in 1971.