Markus 11
11
Jesus Jerusalem panulon idule
1I Jerusalem siziz depanimeg Betfage Betania mai Gazeŋdid izinnen i meglaum azugen inauge 2ipidin, Panu noaminen ienime melon ala, atasemap buntaimon aŋ doŋki nanun ta me fonlak ta get so matallak saselak anasiwoi. Aŋ apasip uduzip aso. 3Ta, Aitoi megin anauame paiaŋtap aŋ abol, Ujanzen kin ŋalewoi ibol, aloupa pasak inaupa imuloi.#Mar 14:14; Joh 13:13 4I dimaisge dileg doŋki nanun dallak ab ta dalauan izinnen saseg mademeg denasi. I depasi. 5Men demadodime me i dibol, Abaŋte anauame, doŋki nanun apasiame? 6I Jesus ibollak dipidinge i dibinge dile. 7I doŋki nanun me Jesus izinnen duduzig nadin jamel fonlak dozoani. I fonlak imatal. 8Kuzum nadin jamel dallak dozoani, aenta jazaen zaundaŋan i umlon dugusutilak dallak desezane. 9Me i dimugseg diladime, duzidime me mai dibobge dibol, Hosana, patun isap me Ujanzen neanlon isoime!#Kan 118:25, 26 10Patun isap amnama mam Dawid inan kagin isoime me. Hosana latnen mok!
11I Jerusalemlon iduleg tempellon ile. I abaŋ daŋan deleŋanalag, saen mug ilelakoi, i twelf mai Betanianen dile.
Jesus guzab ta ipaig makaz
12Nal uzilaklon i Betanianenge disemeg i pitol funi. 13Kin ibennen guzab ta ilublak nasig i niŋonoi daleloi ile. I izinnen itaseg i zaun mon nasi, niŋon inan saen tealakoi.#Luk 13:6–9 14I ipai, Tata oina niŋo ta faun so dianiwoi. Inan meglaum azu me diloŋ.#Mar 11:20
Jesus tempel kibine
15I Jerusalemnen ditase. I tempellon iduseg ileg abaŋ didad ile didad deŋalemeg isulusula, gaŋmalan poalektamol nadin kapal, bun didaddime nadin pezatiu mai ibulge didu. 16Tata tempellon abaŋ ta bezaunen piziani. 17I azu peteŋanag ipidin, So tat gazelak, Ŋainag ab me fatufatu nadin gadiŋab e deblaniwoi? Ge aŋ anaug mug zuaikwain nadin pat gogoŋ egin anau.#Jes 56:7; Jer 7:11 18Waliŋgatengaz gazekmaŋaugaz mai diloŋge i dufunip imatnen dal debezani. Tamolpain malanzen inan kagin azuoi dizutge ditozdime, mewoi iwoi kin dizez. 19Juzag i panu dibinig dile.
Guzab makazlak denasi
20Bomon mon denenazig dilemeg i guzab denasi, i makazge idug dabinlon tapas.#Mar 11:14 21Petrus ilon isouge i ipai, Rabi, nasi! Guzab o meselanilak me makazlak. 22Jesus auadin jabig ipidin, Aŋ Anut lamilon malik.#Joh 14:1; Mat 17:20; Luk 17:6 23Malik, ŋa aŋ ŋepaiaŋ, tata did e ipaitap, O bisiop maslon tanop uduwoi, so ilonse ilonlemap, tea, bubenlon ilonlon malik, azu i ibollak me niŋon inauwoi me inaup paniwoi. 24Mewoi ŋa aŋ ŋepaiaŋ, Abaŋte tat aŋ godoaneklon agodame, aŋ aŋalewoi lamilon malik, meginmap aŋalewoi.#Mat 7:7; Joh 14:13; 16:23 25Saen aŋ agodoanimap atiuzpa, aŋ tawoi bubumi azudaŋantap aŋ toani idu. Meginpe nami Temami me didlon madoime nami zegaik mai toani iduwoi.#Mat 5:23 26Ay so otoani idutap nami Temami didlon madoime nami zegaik so toani iduwoi.#Mat 6:14, 15
Jesus duzektamol auadin butuni
27I faun mug Jerusalemnen dise. I tempellon itozmeg waliŋgatengaz, gazekmaŋaugaz matugaz mai izinen dise. 28I depai, O kagin tiwon aitlon abaŋ e unauume, it ibolge o me unauume? 29Jesus ipidin, Ŋa sodoz ta ŋepanaŋoi, auag abipe, meginpe ŋa abaŋ e it ibolge ŋenauŋame me mai ŋepaiaŋoi. 30Johanes inan flanek me didlonge itase, tea, tamollon? Auag abipe. 31I nug dikibiaig dibol, Didlonge itase e taboltap i iboloi, Aitoige aŋ i lamilon so malik? 32Ge id taboloi, Tamollon itase? I tamolpainoi dizez, daŋan dibol Johanes i profet niŋon. 33Meginge i Jesus auan diabig dibol, Am so aloŋ. Jesus i pidin, Ŋa mai ait tiwonlon, it auanlon abaŋ e ŋenauŋame me mai so ŋepaiaŋoi.
Currently Selected:
Markus 11: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Markus 11
11
Jesus Jerusalem panulon idule
1I Jerusalem siziz depanimeg Betfage Betania mai Gazeŋdid izinnen i meglaum azugen inauge 2ipidin, Panu noaminen ienime melon ala, atasemap buntaimon aŋ doŋki nanun ta me fonlak ta get so matallak saselak anasiwoi. Aŋ apasip uduzip aso. 3Ta, Aitoi megin anauame paiaŋtap aŋ abol, Ujanzen kin ŋalewoi ibol, aloupa pasak inaupa imuloi.#Mar 14:14; Joh 13:13 4I dimaisge dileg doŋki nanun dallak ab ta dalauan izinnen saseg mademeg denasi. I depasi. 5Men demadodime me i dibol, Abaŋte anauame, doŋki nanun apasiame? 6I Jesus ibollak dipidinge i dibinge dile. 7I doŋki nanun me Jesus izinnen duduzig nadin jamel fonlak dozoani. I fonlak imatal. 8Kuzum nadin jamel dallak dozoani, aenta jazaen zaundaŋan i umlon dugusutilak dallak desezane. 9Me i dimugseg diladime, duzidime me mai dibobge dibol, Hosana, patun isap me Ujanzen neanlon isoime!#Kan 118:25, 26 10Patun isap amnama mam Dawid inan kagin isoime me. Hosana latnen mok!
11I Jerusalemlon iduleg tempellon ile. I abaŋ daŋan deleŋanalag, saen mug ilelakoi, i twelf mai Betanianen dile.
Jesus guzab ta ipaig makaz
12Nal uzilaklon i Betanianenge disemeg i pitol funi. 13Kin ibennen guzab ta ilublak nasig i niŋonoi daleloi ile. I izinnen itaseg i zaun mon nasi, niŋon inan saen tealakoi.#Luk 13:6–9 14I ipai, Tata oina niŋo ta faun so dianiwoi. Inan meglaum azu me diloŋ.#Mar 11:20
Jesus tempel kibine
15I Jerusalemnen ditase. I tempellon iduseg ileg abaŋ didad ile didad deŋalemeg isulusula, gaŋmalan poalektamol nadin kapal, bun didaddime nadin pezatiu mai ibulge didu. 16Tata tempellon abaŋ ta bezaunen piziani. 17I azu peteŋanag ipidin, So tat gazelak, Ŋainag ab me fatufatu nadin gadiŋab e deblaniwoi? Ge aŋ anaug mug zuaikwain nadin pat gogoŋ egin anau.#Jes 56:7; Jer 7:11 18Waliŋgatengaz gazekmaŋaugaz mai diloŋge i dufunip imatnen dal debezani. Tamolpain malanzen inan kagin azuoi dizutge ditozdime, mewoi iwoi kin dizez. 19Juzag i panu dibinig dile.
Guzab makazlak denasi
20Bomon mon denenazig dilemeg i guzab denasi, i makazge idug dabinlon tapas.#Mar 11:14 21Petrus ilon isouge i ipai, Rabi, nasi! Guzab o meselanilak me makazlak. 22Jesus auadin jabig ipidin, Aŋ Anut lamilon malik.#Joh 14:1; Mat 17:20; Luk 17:6 23Malik, ŋa aŋ ŋepaiaŋ, tata did e ipaitap, O bisiop maslon tanop uduwoi, so ilonse ilonlemap, tea, bubenlon ilonlon malik, azu i ibollak me niŋon inauwoi me inaup paniwoi. 24Mewoi ŋa aŋ ŋepaiaŋ, Abaŋte tat aŋ godoaneklon agodame, aŋ aŋalewoi lamilon malik, meginmap aŋalewoi.#Mat 7:7; Joh 14:13; 16:23 25Saen aŋ agodoanimap atiuzpa, aŋ tawoi bubumi azudaŋantap aŋ toani idu. Meginpe nami Temami me didlon madoime nami zegaik mai toani iduwoi.#Mat 5:23 26Ay so otoani idutap nami Temami didlon madoime nami zegaik so toani iduwoi.#Mat 6:14, 15
Jesus duzektamol auadin butuni
27I faun mug Jerusalemnen dise. I tempellon itozmeg waliŋgatengaz, gazekmaŋaugaz matugaz mai izinen dise. 28I depai, O kagin tiwon aitlon abaŋ e unauume, it ibolge o me unauume? 29Jesus ipidin, Ŋa sodoz ta ŋepanaŋoi, auag abipe, meginpe ŋa abaŋ e it ibolge ŋenauŋame me mai ŋepaiaŋoi. 30Johanes inan flanek me didlonge itase, tea, tamollon? Auag abipe. 31I nug dikibiaig dibol, Didlonge itase e taboltap i iboloi, Aitoige aŋ i lamilon so malik? 32Ge id taboloi, Tamollon itase? I tamolpainoi dizez, daŋan dibol Johanes i profet niŋon. 33Meginge i Jesus auan diabig dibol, Am so aloŋ. Jesus i pidin, Ŋa mai ait tiwonlon, it auanlon abaŋ e ŋenauŋame me mai so ŋepaiaŋoi.
New Testament published by the British and Foreign Bible Society in 1960. Genesis published by the Australian Bible Society in 1971.