Mateus 21
21
JESUS JERUSALEMNEN. FARISEAGAZ BEBANA, 21–23
Jesus Jerusalem panulon idule
1I Jerusalem siziz depanimeg Betfagenen Gazeŋdid izinnen ditaseg Jesus inan meglaum azugen inaug 2ipidin, Panu aŋ noaminen ienime melon alap pasak aŋ doŋki saselak anasiwoi, inan nanun mai demadodime. Me apaspa izignen adauzi. 3Ta i azu ta ipaiaŋtap aŋ abol, Ujanzen ewoi ibolime. I pasak inaupa dimuloi.#Mat 26:18 4E me profet ibollak niŋon inauwoi mewoi idu, me ibol, 5Sion nanunpain apai, Nasi, oina kiŋ izinen isoime, bini idug, doŋki fonlak matalime, inan nanun fonlak, me uzatnen dazuk inan nanun.#Jes 62:11; Sak 9:9 6Inan meglaum dileg Jesus ipidinlak egin denau. 7I doŋki nanun mai didauzig diseg i fodinlak jamel dozoanag i nanun fonlak imatal. 8Tamolpain malanzen menen kuzum jamel dallak dozoanag, aenta jazaen dugusutag dallak desezane.#Kiŋ II 9:13 9Tamolpain malan ujan dimugselak duzilak me mai muduf denaug dibol, Hosana, Dawid ai! Patun isap mado me Ujanzen neanlon isoime! Hosana latnen mok!#Kan 118:25, 26; Sam II 14:1 10I Jerusalem ilonnen idulemeg panu daŋan dububulag dimaisge dibol, Me itai? 11Ge tamolpain malanzen me dibol, E me profet, Jesus, Galilea fatu Nasaretwain.
Jesus tempel gezeŋani
12Jesus tempellon idule. Tempellon didad ile didad deŋalemeg me daŋan isulusula. Gaŋmalan poalektamol nadin kapal, bun didaddime nadin pezatiu mai ibulge didu.#Joh 2:14–16 13Meginge ipidin, Gazek ienime, Ŋainag ab me gadiŋab e deblaniwoi, ge aŋ zuaiktamol nadin pat gogoŋ egin anau.#Jes 56:7; Jer 7:11
14I meladin itauge laleglak me mai tempellon izinnen diseg i kibinia. 15Ge waliŋgatengaz, gazekmaŋaugaz i abaŋ kubel inaumeg denasig, aikamo mai tempellon dibobmeg dibol, Hosana Dawid ai! me diloŋge i baibai denau.#Kan 118:25 16I depai, E me diboldime o uloŋume? Jesus ipidin, Aŋ so suti tat, Ai kamo, ai su dianidime me mai auadinlon biŋan biseknen tezepasek unaug itaselak?#Kan 8:3 17I ibinge panu muzinnen Betfagenen ileg tidomlon melak imade.
Jesus guzab imeselani
18Ge bomon mon i panulon imulmeg i pitol funi. 19I guzab ta dal gezaŋenlon inasig ile, ge niŋon ta so inasi, zaun mon. I ipai, O gaid niŋo teaboi. Guzab buntaimon imakaz.#Luk 13:6 20Meglaumgaz me denasimeg i Mih dibolge dizut, dibol, Guzab dodin buntaimon makaz? 21Jesus auadin jabig ipidin, Malik ŋa aŋ ŋepaiaŋ, aŋ lamilon malikmap, so lamise lamiletap, aŋ guzaboi mon megin anaunen so aloŋoi, tea, aŋ did e apaitap, Umais, maslon tanop ula, me iduwoi.#Mat 17:20; Luk 17:6 22Abaŋ daŋan tata aŋ gadiŋlon agodmap, aŋ lamilon maliktap me aŋ aŋaloi.
Waliŋgatengaz matugaz mai auadin ifunata
23I tempellon iduleg azu flalemeg waliŋgatengaz, tamolpain nadin matugaz mai i izinnen diseg dibol, It neanlon abaŋ e unauume? It ibolge unaulak?#Joh 2:18 24Jesus auadin jabig ipidin, Ŋa mai abaŋ taimonoi ŋisidiziaŋoi, aŋ me apaiagtap, ŋa mai aŋ ŋepaiaŋoi, it tiwonlon ŋa abaŋ e ŋenauŋame. 25Johanes inan flanek me domtenge ise? Didlonge ise, tea, tamollon itase? Ge i ladinlon kankange dibol, Am abolmap, Didlonge, i paiamawoi, Aitoige aŋ i lamilon so malik? 26Ge am abolmap, Tamollon, am tamolpain malanzenoi azezame, i ladin ibol i profetlak.#Mat 11:5 27I Jesus auan diabig dibol, Am so aloŋ. I mai pidin, Ŋa mai aŋ so ŋepaiaŋoi, ŋa it tiwonlon abaŋ e ŋenauŋame.
Ai azugenoi azu toanek
28Ge aŋ lami dodin ibol? Tamol ta inan ai azugen. I matu izinnen ileg ipai, Nanug, ulap gazomnen umlon uzat unau.#Luk 15:11; Mat 7:21 29Ge i auan jabig ibol, Ŋa ŋamoi. Ge alouge i tulufunig ile. 30Mizimu izinnen ileg megin mon ipai. I auan jabig ibol, Au, Ujazen, ŋalawoi, ge i so ile. 31Azugen enen it temadin auan uzi pani? I dibol, Matu. Jesus i ipidin, Malik ŋa aŋ ŋepaiaŋ, selna pain loaŋloaŋ mai aŋ denenazaŋge Anut kaginlon diduladime.#Luk 18:14 32Johanes taoz inan dallon aŋ ziminen ileg, ge aŋ i lamilon so malik, ge selna pain loaŋloaŋ mai i ladinlon maliklak. Aŋ e anasilak, ge alouge so tulufunaŋge lamilon malik.#Luk 7:29
Um jabekgaz sladinoi azu toanek
33Azu faŋan ta dab apani. Tamol ta me abfun i wain inan um ta ipaeg az ipaug, wainpatun piziŋineknen aben kibineg inan ab sutan ta isaseg, aria, um jabekgaz nimadinlon inau binilag i fatu talon ile.#Jes 5:1, 2; Mat 25:14 34Ge melaunsaen sizizmeg i inan begabeg inaug um jabekgaz zidinnen dilap inan niŋon diŋaloi. 35Ge um jabekgaz i begabeg me diŋalge ta dugusule, ta dufunig imat, ta patlon dufuni. 36Faun te inan begabeg aenta kin kuzum inaug dile, ge um jabekgaz iwoi megin mon denau. 37Ge alouge i inan nanunai inaug zidinnen ile. I ibol, Inag aip tat iwoi dab denauwoi. 38Ge um jabekgaz i denasig i nug paipaig dibol, E me fuzan ŋalekai, asop tufunipŋan, inan fuzan id teŋalewoi.#Mat 27:18 39I deŋaleg um muzinnen detanig dufunig imat. 40Mewoi wain inan umfun isemap i um jabekgazoi dodin inauwoi? 41I depai, I tamol sladin me ifu alanpa dimatoi, inan um um jabektamol aenta nimadinlon inaupa, i me melaunsaenlon niŋon depaniwoi.
42Jesus ipidin, Aŋ gazeklon so sutilak, Pat ab sasekkamaŋ demeselanilak me mok ab siun inan fod inau. Me Ujanzen inaulak, mewoi tazutge malad kebazanime?#Kan 118:22, 23; Apos 4:11; Rom 9:33; Pet I 2:6–8 43Mewoi ŋa aŋ ŋepaiaŋ, Anut inan kagin aŋ ziminen me wiziaŋpa tamolpainbadim ta paniwoi, i inan niŋon inauwoi. 44Ta i pat e fonlak ibal idumap i pitiŋiniwoi, ge i ta fonlak ibal idumap me i petefaziwoi.#Dan 2:34, 35, 44, 45
45Waliŋgatengaz fariseagaz mai inan azu faŋan e diloŋge i iwoi ibolimelak me diloŋ. 46I diabiwoi jaeŋ ifu, ge tamolpain malanzenoi dizez, i profet e diboldimelakoi.#Mat 11:26
Currently Selected:
Mateus 21: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Mateus 21
21
JESUS JERUSALEMNEN. FARISEAGAZ BEBANA, 21–23
Jesus Jerusalem panulon idule
1I Jerusalem siziz depanimeg Betfagenen Gazeŋdid izinnen ditaseg Jesus inan meglaum azugen inaug 2ipidin, Panu aŋ noaminen ienime melon alap pasak aŋ doŋki saselak anasiwoi, inan nanun mai demadodime. Me apaspa izignen adauzi. 3Ta i azu ta ipaiaŋtap aŋ abol, Ujanzen ewoi ibolime. I pasak inaupa dimuloi.#Mat 26:18 4E me profet ibollak niŋon inauwoi mewoi idu, me ibol, 5Sion nanunpain apai, Nasi, oina kiŋ izinen isoime, bini idug, doŋki fonlak matalime, inan nanun fonlak, me uzatnen dazuk inan nanun.#Jes 62:11; Sak 9:9 6Inan meglaum dileg Jesus ipidinlak egin denau. 7I doŋki nanun mai didauzig diseg i fodinlak jamel dozoanag i nanun fonlak imatal. 8Tamolpain malanzen menen kuzum jamel dallak dozoanag, aenta jazaen dugusutag dallak desezane.#Kiŋ II 9:13 9Tamolpain malan ujan dimugselak duzilak me mai muduf denaug dibol, Hosana, Dawid ai! Patun isap mado me Ujanzen neanlon isoime! Hosana latnen mok!#Kan 118:25, 26; Sam II 14:1 10I Jerusalem ilonnen idulemeg panu daŋan dububulag dimaisge dibol, Me itai? 11Ge tamolpain malanzen me dibol, E me profet, Jesus, Galilea fatu Nasaretwain.
Jesus tempel gezeŋani
12Jesus tempellon idule. Tempellon didad ile didad deŋalemeg me daŋan isulusula. Gaŋmalan poalektamol nadin kapal, bun didaddime nadin pezatiu mai ibulge didu.#Joh 2:14–16 13Meginge ipidin, Gazek ienime, Ŋainag ab me gadiŋab e deblaniwoi, ge aŋ zuaiktamol nadin pat gogoŋ egin anau.#Jes 56:7; Jer 7:11
14I meladin itauge laleglak me mai tempellon izinnen diseg i kibinia. 15Ge waliŋgatengaz, gazekmaŋaugaz i abaŋ kubel inaumeg denasig, aikamo mai tempellon dibobmeg dibol, Hosana Dawid ai! me diloŋge i baibai denau.#Kan 118:25 16I depai, E me diboldime o uloŋume? Jesus ipidin, Aŋ so suti tat, Ai kamo, ai su dianidime me mai auadinlon biŋan biseknen tezepasek unaug itaselak?#Kan 8:3 17I ibinge panu muzinnen Betfagenen ileg tidomlon melak imade.
Jesus guzab imeselani
18Ge bomon mon i panulon imulmeg i pitol funi. 19I guzab ta dal gezaŋenlon inasig ile, ge niŋon ta so inasi, zaun mon. I ipai, O gaid niŋo teaboi. Guzab buntaimon imakaz.#Luk 13:6 20Meglaumgaz me denasimeg i Mih dibolge dizut, dibol, Guzab dodin buntaimon makaz? 21Jesus auadin jabig ipidin, Malik ŋa aŋ ŋepaiaŋ, aŋ lamilon malikmap, so lamise lamiletap, aŋ guzaboi mon megin anaunen so aloŋoi, tea, aŋ did e apaitap, Umais, maslon tanop ula, me iduwoi.#Mat 17:20; Luk 17:6 22Abaŋ daŋan tata aŋ gadiŋlon agodmap, aŋ lamilon maliktap me aŋ aŋaloi.
Waliŋgatengaz matugaz mai auadin ifunata
23I tempellon iduleg azu flalemeg waliŋgatengaz, tamolpain nadin matugaz mai i izinnen diseg dibol, It neanlon abaŋ e unauume? It ibolge unaulak?#Joh 2:18 24Jesus auadin jabig ipidin, Ŋa mai abaŋ taimonoi ŋisidiziaŋoi, aŋ me apaiagtap, ŋa mai aŋ ŋepaiaŋoi, it tiwonlon ŋa abaŋ e ŋenauŋame. 25Johanes inan flanek me domtenge ise? Didlonge ise, tea, tamollon itase? Ge i ladinlon kankange dibol, Am abolmap, Didlonge, i paiamawoi, Aitoige aŋ i lamilon so malik? 26Ge am abolmap, Tamollon, am tamolpain malanzenoi azezame, i ladin ibol i profetlak.#Mat 11:5 27I Jesus auan diabig dibol, Am so aloŋ. I mai pidin, Ŋa mai aŋ so ŋepaiaŋoi, ŋa it tiwonlon abaŋ e ŋenauŋame.
Ai azugenoi azu toanek
28Ge aŋ lami dodin ibol? Tamol ta inan ai azugen. I matu izinnen ileg ipai, Nanug, ulap gazomnen umlon uzat unau.#Luk 15:11; Mat 7:21 29Ge i auan jabig ibol, Ŋa ŋamoi. Ge alouge i tulufunig ile. 30Mizimu izinnen ileg megin mon ipai. I auan jabig ibol, Au, Ujazen, ŋalawoi, ge i so ile. 31Azugen enen it temadin auan uzi pani? I dibol, Matu. Jesus i ipidin, Malik ŋa aŋ ŋepaiaŋ, selna pain loaŋloaŋ mai aŋ denenazaŋge Anut kaginlon diduladime.#Luk 18:14 32Johanes taoz inan dallon aŋ ziminen ileg, ge aŋ i lamilon so malik, ge selna pain loaŋloaŋ mai i ladinlon maliklak. Aŋ e anasilak, ge alouge so tulufunaŋge lamilon malik.#Luk 7:29
Um jabekgaz sladinoi azu toanek
33Azu faŋan ta dab apani. Tamol ta me abfun i wain inan um ta ipaeg az ipaug, wainpatun piziŋineknen aben kibineg inan ab sutan ta isaseg, aria, um jabekgaz nimadinlon inau binilag i fatu talon ile.#Jes 5:1, 2; Mat 25:14 34Ge melaunsaen sizizmeg i inan begabeg inaug um jabekgaz zidinnen dilap inan niŋon diŋaloi. 35Ge um jabekgaz i begabeg me diŋalge ta dugusule, ta dufunig imat, ta patlon dufuni. 36Faun te inan begabeg aenta kin kuzum inaug dile, ge um jabekgaz iwoi megin mon denau. 37Ge alouge i inan nanunai inaug zidinnen ile. I ibol, Inag aip tat iwoi dab denauwoi. 38Ge um jabekgaz i denasig i nug paipaig dibol, E me fuzan ŋalekai, asop tufunipŋan, inan fuzan id teŋalewoi.#Mat 27:18 39I deŋaleg um muzinnen detanig dufunig imat. 40Mewoi wain inan umfun isemap i um jabekgazoi dodin inauwoi? 41I depai, I tamol sladin me ifu alanpa dimatoi, inan um um jabektamol aenta nimadinlon inaupa, i me melaunsaenlon niŋon depaniwoi.
42Jesus ipidin, Aŋ gazeklon so sutilak, Pat ab sasekkamaŋ demeselanilak me mok ab siun inan fod inau. Me Ujanzen inaulak, mewoi tazutge malad kebazanime?#Kan 118:22, 23; Apos 4:11; Rom 9:33; Pet I 2:6–8 43Mewoi ŋa aŋ ŋepaiaŋ, Anut inan kagin aŋ ziminen me wiziaŋpa tamolpainbadim ta paniwoi, i inan niŋon inauwoi. 44Ta i pat e fonlak ibal idumap i pitiŋiniwoi, ge i ta fonlak ibal idumap me i petefaziwoi.#Dan 2:34, 35, 44, 45
45Waliŋgatengaz fariseagaz mai inan azu faŋan e diloŋge i iwoi ibolimelak me diloŋ. 46I diabiwoi jaeŋ ifu, ge tamolpain malanzenoi dizez, i profet e diboldimelakoi.#Mat 11:26
New Testament published by the British and Foreign Bible Society in 1960. Genesis published by the Australian Bible Society in 1971.