Mateus 20
20
Anut inan uzatai
1Didnen kagin i abfun kilian, i bomon pasak ileg inan umoi uzatai iŋaloi.#Mat 21:33 2Nal taimon naon siliŋ taimon deŋalewoi auadin taimonge i me inan umlon inauge dile. 3I admetelaen 9 egin ileg i aenta dadeŋ abenlon se demadeg ilge 4i me pidin, Aŋ mai umlon ala, naon taoz ŋepanaŋoi. I dile. 5Faun te admetelaen 12‐lon 3‐lon mai ileg megin mon inau. 6Admetelaen 5 egin ileg i aenta demademeg ilge ipidin, Aitoi ad melaen daŋan se amadoame? 7I depai, Ta i uzatoi so ŋiliamalakoi. I pidin, Aŋ mai umlon ala. 8Juzalon umfun i uzatai nadin getadin ipaig ibol, Uzatai wigidinpa naon pinidin, wadan diselak i‐lon fun unaup ilap dimugselaklon bini. 9I admetelaen 5 egin diselak me dududin siliŋ taimon deŋale. 10Malanmalan diselak i ladin ibol i subuŋan ta mai deŋalewoi tat. Ge i mai dududin siliŋ taimon deŋale. 11I me deŋaleg i abfunoi duŋuzuz. 12I dibol, Wadan diselak i aur taimon mon uzat denau, ge o am i mai noama taimon, am bo uzat funumag ad niniama mailak. 13Ge i auadin jabig ai taimon ta ipai, Tizag, ŋa o so ŋunuo alan. Siliŋoi o ŋa mai auad taimon tea tat? 14Oina abaŋ me ŋalep ula. Ŋa ŋabol, ŋa o ŋepanolak egin wadan iselak mai ŋepaniwoi. 15Ŋa inag abaŋlon abaŋ tatata ŋenauwoi ilog ibolmap me ŋenaunen tea tat? Tea, oina mala seklakel tat ŋa lolakoi?#Rom 9:16, 21 16Mewoi alounen me dimugsap demadowoi, dimugselak i alounen demadowoi.#Mat 19:30; 22:14
KRISTUS JERUSALEMNEN ILAIME, 20:17–34
Jesus alan inaup madowoi
17Jesus Jerusalemnen idusemeg i inan meglaum iŋalge ibennen inaug dallak ipidin, 18Nasi, id Jerusalemnen tadusatame, Tamolai i waliŋgatengaz, gazekmaŋau nimadinlon denaup funip imatnenoi demeselaniwoi.#Mat 16:21; 17:22, 23 19I gobgaz nimadinlon denauwoi, dizan dewaiwoi, dupututiwoi, jakebazeklak dezaiwoi. Ge nal tollon ifuŋunip imaisoi.
Meglaum ibin didup ditozoi
20Me uzig Sebedeus inan ai tinadin i inan nanungaz idauzig Jesus izinnen dise. I izinnen sebenaig idug abaŋ tawoi igod.#Mat 10:2 21Jesus i ipai, Abaŋtewoi ubol? I ipai, Ubolpa inag ai azugen e oina kaginlon demataloi, ta nima waŋlon, ta ŋaslon.#Mat 19:28 22Ge Jesus auadin jabig ibol, Aŋ agodame me fun so aloŋ. Nazgab ŋa ŋimiliwoi ŋenauŋame me imilinen aloŋ? I depai, Am anaunen aloŋ.#Mat 26:39; Joh 18:11; Luk 12:50 23I pidin, Ŋainag gab imiliwoi, ge ŋa waŋlon ŋaslon mai tematalnen me ŋa panaŋnen tea, tea, me iwoi inag Mam aben ikibinelak inadin. 24Meglaum ten azu me diloŋge i tain maiwoi baibai denau. 25Ge Jesus wigidinge ibol, Aŋ aloŋ gob getadin i tamolai didauzi gegaundime, inadin tamolujan i tiwodindaŋan kibiai dipinidindime. 26Aŋ leŋamilon megin so ienoi, tea, ta aŋ leŋamilon ujanzen madowoi ibolime i aŋnami biabi madowoi.#Mat 23:11 27Ta i malanlak madowoi ibolime i nami begabeg inaup madowoi.#Mar 9:35 28Tamolai egin mon, i bian depaluwoi so ise, tea, i aenta biadin ipaluwoi, inan tinin tamolai kuzumoi naon inauwoi.#Luk 22:27; Fil 2:7; Tim I 2:6
Tamol azugen meladin itauge Jesus ikibinia.
29I Jeriko dibinig dileg tamolpain malanzen i duzi. 30Nasi, ai azugen meladin itauge dal gezaŋenlon dematal. Jesus nenazag ilaime diloŋmeg i dibobge dibol, Ujazen, Dawid ai, ilo am penamape. 31Tamolpain debebanig to diboloi dipidin. Ge i gik denauge diwog, Ujazen, Dawid ai, ilo am penamape. 32Jesus wigidinge ibol, Ŋa aŋoi dodin ŋenauwoi abol? 33I depai, Ujazen, amnama melama po diboloi. 34Jesus ilon alange meladin itit. Buntaimon i abaŋ denasidime, i duzig ditoz.
Currently Selected:
Mateus 20: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Mateus 20
20
Anut inan uzatai
1Didnen kagin i abfun kilian, i bomon pasak ileg inan umoi uzatai iŋaloi.#Mat 21:33 2Nal taimon naon siliŋ taimon deŋalewoi auadin taimonge i me inan umlon inauge dile. 3I admetelaen 9 egin ileg i aenta dadeŋ abenlon se demadeg ilge 4i me pidin, Aŋ mai umlon ala, naon taoz ŋepanaŋoi. I dile. 5Faun te admetelaen 12‐lon 3‐lon mai ileg megin mon inau. 6Admetelaen 5 egin ileg i aenta demademeg ilge ipidin, Aitoi ad melaen daŋan se amadoame? 7I depai, Ta i uzatoi so ŋiliamalakoi. I pidin, Aŋ mai umlon ala. 8Juzalon umfun i uzatai nadin getadin ipaig ibol, Uzatai wigidinpa naon pinidin, wadan diselak i‐lon fun unaup ilap dimugselaklon bini. 9I admetelaen 5 egin diselak me dududin siliŋ taimon deŋale. 10Malanmalan diselak i ladin ibol i subuŋan ta mai deŋalewoi tat. Ge i mai dududin siliŋ taimon deŋale. 11I me deŋaleg i abfunoi duŋuzuz. 12I dibol, Wadan diselak i aur taimon mon uzat denau, ge o am i mai noama taimon, am bo uzat funumag ad niniama mailak. 13Ge i auadin jabig ai taimon ta ipai, Tizag, ŋa o so ŋunuo alan. Siliŋoi o ŋa mai auad taimon tea tat? 14Oina abaŋ me ŋalep ula. Ŋa ŋabol, ŋa o ŋepanolak egin wadan iselak mai ŋepaniwoi. 15Ŋa inag abaŋlon abaŋ tatata ŋenauwoi ilog ibolmap me ŋenaunen tea tat? Tea, oina mala seklakel tat ŋa lolakoi?#Rom 9:16, 21 16Mewoi alounen me dimugsap demadowoi, dimugselak i alounen demadowoi.#Mat 19:30; 22:14
KRISTUS JERUSALEMNEN ILAIME, 20:17–34
Jesus alan inaup madowoi
17Jesus Jerusalemnen idusemeg i inan meglaum iŋalge ibennen inaug dallak ipidin, 18Nasi, id Jerusalemnen tadusatame, Tamolai i waliŋgatengaz, gazekmaŋau nimadinlon denaup funip imatnenoi demeselaniwoi.#Mat 16:21; 17:22, 23 19I gobgaz nimadinlon denauwoi, dizan dewaiwoi, dupututiwoi, jakebazeklak dezaiwoi. Ge nal tollon ifuŋunip imaisoi.
Meglaum ibin didup ditozoi
20Me uzig Sebedeus inan ai tinadin i inan nanungaz idauzig Jesus izinnen dise. I izinnen sebenaig idug abaŋ tawoi igod.#Mat 10:2 21Jesus i ipai, Abaŋtewoi ubol? I ipai, Ubolpa inag ai azugen e oina kaginlon demataloi, ta nima waŋlon, ta ŋaslon.#Mat 19:28 22Ge Jesus auadin jabig ibol, Aŋ agodame me fun so aloŋ. Nazgab ŋa ŋimiliwoi ŋenauŋame me imilinen aloŋ? I depai, Am anaunen aloŋ.#Mat 26:39; Joh 18:11; Luk 12:50 23I pidin, Ŋainag gab imiliwoi, ge ŋa waŋlon ŋaslon mai tematalnen me ŋa panaŋnen tea, tea, me iwoi inag Mam aben ikibinelak inadin. 24Meglaum ten azu me diloŋge i tain maiwoi baibai denau. 25Ge Jesus wigidinge ibol, Aŋ aloŋ gob getadin i tamolai didauzi gegaundime, inadin tamolujan i tiwodindaŋan kibiai dipinidindime. 26Aŋ leŋamilon megin so ienoi, tea, ta aŋ leŋamilon ujanzen madowoi ibolime i aŋnami biabi madowoi.#Mat 23:11 27Ta i malanlak madowoi ibolime i nami begabeg inaup madowoi.#Mar 9:35 28Tamolai egin mon, i bian depaluwoi so ise, tea, i aenta biadin ipaluwoi, inan tinin tamolai kuzumoi naon inauwoi.#Luk 22:27; Fil 2:7; Tim I 2:6
Tamol azugen meladin itauge Jesus ikibinia.
29I Jeriko dibinig dileg tamolpain malanzen i duzi. 30Nasi, ai azugen meladin itauge dal gezaŋenlon dematal. Jesus nenazag ilaime diloŋmeg i dibobge dibol, Ujazen, Dawid ai, ilo am penamape. 31Tamolpain debebanig to diboloi dipidin. Ge i gik denauge diwog, Ujazen, Dawid ai, ilo am penamape. 32Jesus wigidinge ibol, Ŋa aŋoi dodin ŋenauwoi abol? 33I depai, Ujazen, amnama melama po diboloi. 34Jesus ilon alange meladin itit. Buntaimon i abaŋ denasidime, i duzig ditoz.
New Testament published by the British and Foreign Bible Society in 1960. Genesis published by the Australian Bible Society in 1971.