Mateus 22
22
Kiŋ inan ai pain ŋalekoi faŋan ibol
1Jesus auadin jabig faun te azu faŋanlon ipidinge ibol, 2Didnen kagin kiŋ ta kilian, i inan aioi betezemaneknen tuz inau. 3I inan totol inaug me i get betezemaneknen tuzoi nal pinidinlak me diwigidinoi. Ge i dilanen dimoi. 4Faun te i ai aenta inaug ibol, I nal pinidinlak me ipidin, Nasi, ŋainag tuz ŋikibinelak, ŋainag bulmakau, dazuk numuzandaŋan mai ŋisiadinlak, abaŋ daŋan kibineg ienime, betezemanek inan tuz imili.#Mat 21:36 5Ge me demeselanimeg ibeniben dile, ta inan umlon, ta dadeŋ uzatlon. 6Aenta totol diabge dizadin dewaig difug dimat pasi. 7Ge kiŋ buzun isag inan jutamol inaug funekbibian me ifug dimat, nadin panu mai imomoz.#Mat 18:34; 24:2 8Me uzig i inan totol ipidin, Betezemaneknen tuz kibineg ienime, ge nal pinidinlak i me so diduse.#Apos 13:46 9Mewoi aŋ dal dagenlon alap tata ailmap me betezemaneknen tuzoi iwigidin.#Mat 13:47; 21:43 10Totolgaz me dallon dileg i dipidinge detemana, salan mai gauai mai, taeg daŋan fuam.
11Ge kiŋ mezazeŋ iloi ilonnen idulemeg i tamol ta inasig me i betezemaneknen nal inan jamel tealak. 12I ipai, Tizag, o betezemaneknen inan jamel teag dodin elon use? Ge i auan itauge made. 13Meginge kiŋ inan ai pidin, Nien niman mai apaupa beŋten mafuz tinanlon atanip ila, tiŋia idunen, aen tetete ibolnen mai ienime melak.#Mat 8:12 14Tamolpain kuzum wigidinlak, ge taitai mon pilianalak.
Kaisar gaŋmalan paninen
15Saen melon fariseagaz dileg inan azu dodin tat melon i diabiwoi dikibiai. 16I nadin meglaum Herodeswain mai i izinnen totol denaug dibol, Peteŋanek, am aloŋ, o bube malikdaŋan, Anut inan dal tiduk peteŋanaume, tawoi dab so unauume, o tamolpain dumudin dab so paniumelakoi.#Mar 3:6; Joh 3:2 17Mewoi am paiamapa, kaisar täks paninen me gauai tat, tea tat? 18Ge Jesus nadin sekauk iloŋge ibol, Aitoi ikibianagame, malabiab aŋ? 19Täks inan gaŋmalan me apeteŋanag. I gaŋmalan ta depeteŋani. 20I pidin, Metelaen e gazek mai me it inan? 21I dibol, Kaisar inan. Meginge i pidin, Mewoi kaisar inan abaŋ me kaisar apani, ge Anut inan abaŋ me Anut apani.#Rom 13:7 22I me diloŋge dizut, i dibinig dile.#Joh 8:9
Jesus sadukea auadin butuni
23Nal melon sadukea tiziau so iduwoi dibollak i izinnen diseg desedazeg#Apos 23:6, 8 24dibol, Peteŋanek, Moses ibol, Tamol ta nanun teag imatmap i inan tain buzan iŋalep inan tain begazan ta itasawoi.#Gen 38:8; Deut 25:5, 6 25Am zimanen taingaz sewen demade. Matu i pain iŋaleg imat pasi, i ai teag i inan pain ibinig me inan tain iŋale. 26Azug i megin mon, tol mai, ileg sewen i mai ai tea. 27I daŋan dimatlag alouge pain mai imat. 28Mewoi tiziaulon i it inan iwon madowoi? I daŋan deŋalelakoi?
29Ge Jesus auadin jabig ipidin, Aŋ azegaiame, azu gazek Anut tiwon mai so aloŋlak. 30Tiziaulon i pain so deŋalewoi, pain so dipinidinoi, tea, didnen eŋel egin demadowoi. 31Ge mateŋlonge tiziaunen mewoi Anut azu paiaŋge so usutilak, me ibol,#Ekso 3:6; Mat 8:11; 17:3 32Ŋa Abraham inan Anut, ŋa Isak inan Anut, ŋa Jakob inan Anut? Ge i tamolpain mateŋ padalnenlon demadodime nadin Anut tea, tea, basnenlon demadodime inadin Anut. 33Tamolpain malanzen i diloŋge i inan kagin azuoi dizutge ditiziazi.#Mat 7:28
Jesus gazekmaŋau ta auan jabi
34Ge fariseagaz diloŋge i sadukea auadin butunilak i detemani. 35Ilonnen talekkamaŋ ta i kibianiwoi sedazeg 36ibol, Peteŋanek kibiaiŋlon kibiaiŋ ujan me dodin?#Deut 6:5 37I ipai, O Ujanzen oina Anut ilo paniwoi, bube daŋanlon, nitu daŋanlon, ilo kankan daŋanlon mai. 38E me kibiaiŋ ujan kibiaiŋ matu mai.#Lew 19:18 39Ta me i egin, O dado ilo panoume egin, megin muduban mai ilo paniwoi. 40Kibiaiŋ azugen e kibiaiŋ aenta daŋan gaten tuelak.
Kristus i it inan ai?
41Fariseagaz detemanig demademeg Jesus sodoz ipinidin, 42ibol, Kristusoi aŋ dodin abol? I it inan ai? I depai, Dawid inan ai. 43Ge i pidin, Dawid dodin Uz pazemeg i Ujanzen iblaniime, ibol, 44Ujanzen i ŋainag Ujanzen ipai, Nimag waŋlon matalpa, ŋa oina agez oina nie paenlon ŋenaumap eginmap?#Mat 26:61; Kan 110:1; Apos 2:31 45Mewoi Dawid i Ujanzen iblanimap i dodin mon inan ai? 46Ta i auan jabinen tea. Tata mai nal melonge faun te sedazek inaunen izez.
Currently Selected:
Mateus 22: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Mateus 22
22
Kiŋ inan ai pain ŋalekoi faŋan ibol
1Jesus auadin jabig faun te azu faŋanlon ipidinge ibol, 2Didnen kagin kiŋ ta kilian, i inan aioi betezemaneknen tuz inau. 3I inan totol inaug me i get betezemaneknen tuzoi nal pinidinlak me diwigidinoi. Ge i dilanen dimoi. 4Faun te i ai aenta inaug ibol, I nal pinidinlak me ipidin, Nasi, ŋainag tuz ŋikibinelak, ŋainag bulmakau, dazuk numuzandaŋan mai ŋisiadinlak, abaŋ daŋan kibineg ienime, betezemanek inan tuz imili.#Mat 21:36 5Ge me demeselanimeg ibeniben dile, ta inan umlon, ta dadeŋ uzatlon. 6Aenta totol diabge dizadin dewaig difug dimat pasi. 7Ge kiŋ buzun isag inan jutamol inaug funekbibian me ifug dimat, nadin panu mai imomoz.#Mat 18:34; 24:2 8Me uzig i inan totol ipidin, Betezemaneknen tuz kibineg ienime, ge nal pinidinlak i me so diduse.#Apos 13:46 9Mewoi aŋ dal dagenlon alap tata ailmap me betezemaneknen tuzoi iwigidin.#Mat 13:47; 21:43 10Totolgaz me dallon dileg i dipidinge detemana, salan mai gauai mai, taeg daŋan fuam.
11Ge kiŋ mezazeŋ iloi ilonnen idulemeg i tamol ta inasig me i betezemaneknen nal inan jamel tealak. 12I ipai, Tizag, o betezemaneknen inan jamel teag dodin elon use? Ge i auan itauge made. 13Meginge kiŋ inan ai pidin, Nien niman mai apaupa beŋten mafuz tinanlon atanip ila, tiŋia idunen, aen tetete ibolnen mai ienime melak.#Mat 8:12 14Tamolpain kuzum wigidinlak, ge taitai mon pilianalak.
Kaisar gaŋmalan paninen
15Saen melon fariseagaz dileg inan azu dodin tat melon i diabiwoi dikibiai. 16I nadin meglaum Herodeswain mai i izinnen totol denaug dibol, Peteŋanek, am aloŋ, o bube malikdaŋan, Anut inan dal tiduk peteŋanaume, tawoi dab so unauume, o tamolpain dumudin dab so paniumelakoi.#Mar 3:6; Joh 3:2 17Mewoi am paiamapa, kaisar täks paninen me gauai tat, tea tat? 18Ge Jesus nadin sekauk iloŋge ibol, Aitoi ikibianagame, malabiab aŋ? 19Täks inan gaŋmalan me apeteŋanag. I gaŋmalan ta depeteŋani. 20I pidin, Metelaen e gazek mai me it inan? 21I dibol, Kaisar inan. Meginge i pidin, Mewoi kaisar inan abaŋ me kaisar apani, ge Anut inan abaŋ me Anut apani.#Rom 13:7 22I me diloŋge dizut, i dibinig dile.#Joh 8:9
Jesus sadukea auadin butuni
23Nal melon sadukea tiziau so iduwoi dibollak i izinnen diseg desedazeg#Apos 23:6, 8 24dibol, Peteŋanek, Moses ibol, Tamol ta nanun teag imatmap i inan tain buzan iŋalep inan tain begazan ta itasawoi.#Gen 38:8; Deut 25:5, 6 25Am zimanen taingaz sewen demade. Matu i pain iŋaleg imat pasi, i ai teag i inan pain ibinig me inan tain iŋale. 26Azug i megin mon, tol mai, ileg sewen i mai ai tea. 27I daŋan dimatlag alouge pain mai imat. 28Mewoi tiziaulon i it inan iwon madowoi? I daŋan deŋalelakoi?
29Ge Jesus auadin jabig ipidin, Aŋ azegaiame, azu gazek Anut tiwon mai so aloŋlak. 30Tiziaulon i pain so deŋalewoi, pain so dipinidinoi, tea, didnen eŋel egin demadowoi. 31Ge mateŋlonge tiziaunen mewoi Anut azu paiaŋge so usutilak, me ibol,#Ekso 3:6; Mat 8:11; 17:3 32Ŋa Abraham inan Anut, ŋa Isak inan Anut, ŋa Jakob inan Anut? Ge i tamolpain mateŋ padalnenlon demadodime nadin Anut tea, tea, basnenlon demadodime inadin Anut. 33Tamolpain malanzen i diloŋge i inan kagin azuoi dizutge ditiziazi.#Mat 7:28
Jesus gazekmaŋau ta auan jabi
34Ge fariseagaz diloŋge i sadukea auadin butunilak i detemani. 35Ilonnen talekkamaŋ ta i kibianiwoi sedazeg 36ibol, Peteŋanek kibiaiŋlon kibiaiŋ ujan me dodin?#Deut 6:5 37I ipai, O Ujanzen oina Anut ilo paniwoi, bube daŋanlon, nitu daŋanlon, ilo kankan daŋanlon mai. 38E me kibiaiŋ ujan kibiaiŋ matu mai.#Lew 19:18 39Ta me i egin, O dado ilo panoume egin, megin muduban mai ilo paniwoi. 40Kibiaiŋ azugen e kibiaiŋ aenta daŋan gaten tuelak.
Kristus i it inan ai?
41Fariseagaz detemanig demademeg Jesus sodoz ipinidin, 42ibol, Kristusoi aŋ dodin abol? I it inan ai? I depai, Dawid inan ai. 43Ge i pidin, Dawid dodin Uz pazemeg i Ujanzen iblaniime, ibol, 44Ujanzen i ŋainag Ujanzen ipai, Nimag waŋlon matalpa, ŋa oina agez oina nie paenlon ŋenaumap eginmap?#Mat 26:61; Kan 110:1; Apos 2:31 45Mewoi Dawid i Ujanzen iblanimap i dodin mon inan ai? 46Ta i auan jabinen tea. Tata mai nal melonge faun te sedazek inaunen izez.
New Testament published by the British and Foreign Bible Society in 1960. Genesis published by the Australian Bible Society in 1971.