Lukas 7
7
Opasgaten inan begabeg
1Jesus inan azu daŋan tamolpain malakmalaklon ibol binilag, Kapernaumnen idule. 2Opasgaten men inan begabeg ta, iwoi gauz ibolime, sub ujan funig imatoi inauime. 3I iloŋge Jesus panulon madoimelak, Juda besabes totol inau, auan deŋalep dilap depaiwoi, i isop inan begabeg kibinewoi. 4I Jesus izinnen ditaseg, digosdigos depai dibol, Jesus o so umoi mon, abaŋ igodlak me pani, i iduse. 5I inad tamolpainbadim ilon paniime, ŋan i sinagog ta saseg penamalak.#Apos 10:2 6Jesus imaisge maig dile. I panu wadanlon ditaseg, opasgaten tizangaz te totol pinidin, depaiwoi ibol, O tamoluja, o tini so funi mon, ŋa o mai so taduse, mewoi o inag ablak so use mon. 7Mewoi ŋa sibeg o izinen so ŋale, tea, o azu taimon ta ubolpa, inag begabeg tinin gauaioi. 8Kin eginpe: ŋa tamol ujan ta inan begabeg, aenta i ŋainag begabeg. Ŋa ta ŋepaimap, Ula! I ilaime. Ŋa ta ŋepaimap, Usop! I isoime. Ŋainag begabeg ŋepaimap, Abaŋ kibine! I kibineime. 9Jesus megin iloŋge izut, idaŋseg duzig ditozdime me pidin, Ŋa ŋepaiaŋ, Israel ilonnen ta ilonlon maliklak egin so ŋenasilak. 10Totol dimulge diselag ai wagam tinin pasa ibolge itoz.
Jesus Nainnen ai fuŋuni
11Alouge Jesus panu talon ile, nean Nain. Inan meglaum kuzum, tamolpain malan zen maig dile. 12Wagam panu wadanlon itaseg, nasi, tamol ta imatlak sesanun dejoazeg didu. I tinan inan ai taimon mok, tinan i bob. Tamolpain wozou ujan maig didu.#Kiŋ I 17:17 13Jesus pain nasig, teŋaen alan ipai, So uta mon! 14I ipaz ile, kunup jabi dojoazelak turu dibolge ditiuz, i ibol, Ai, ŋa ŋepao, umais! 15Imatlak imaisge matal, azu ibolime. Jesus duzig ileg, faun mug tinan pani.#Kiŋ I 17:23; Kiŋ II 4:36 16Denasilak me daŋan gauz dizut, Anut kalel depani dibol, Profet ujan id leŋadlon imaislak, Anut inan tamolpainbadim izinnen lo idu ise. 17Abaŋ inaulak inan biŋ Judea fatulon, fatu i babenlon ien, melon daŋan bebaŋeg ileg fuam.
Flaneknen Johanes totol inau
18Abaŋ me daŋanoi Johanes inan meglaum i Johanes sai depani. 19Meginge i inan meglaum azugen wigidin, Ujanzen izinnen totol inau, depaiwoi ibol, Tawoi dibollak, isowoi dibol, ŋan me o tat, tea, ta malan anauwoi?#Kan 40:8; 118:26 20Ai me Jesus izinnen ditaseg depai, Flaneknen Johanes am noamag ase, o apaowoi ibol, isowoi dibollak ŋan me o tat use? tea, am ta tat malan anauwoi? 21Saen melon Jesus tamolpain kibiniameg made, buga ikudua, meladin itaulak gauai inaug pinidin. 22Meginge i auadin jabi pidin, Aŋ ŋan anasiame, aloŋame mai, alap, Johanes sai apanip apai, Tamolpain meladin itaulak i abaŋ denasidime; tinidin miliaulak i gauai ditozdime; tinidin pizapizdaŋan kibiniag ditozdime; tiliŋadin itaulak po ibol; dimatlak fuŋunag faun basdime; waizlak i totol gamun diloŋdime;#Jes 35:5; 61:1 23putudin isap demadowoi, i ŋawoi so dedeladaldime.
24Johanes inan ai dimulge dilelag, Jesus imaisge, tamolpain Johanesoi pidin, ibol, Abaŋte fatu udaulon anasiwoi ale? An auz tim jabip telelaumap anasiwoi ase? 25Tea, aŋ abaŋte anasiwoi ase? Tamol ta jamel gizauddaŋan itozime me tat? Aloŋ, jamel menen dipiladime, filiadindaŋan mai, i kiŋ nadin ablon mon demadodime.#Mat 3:4 26Tea, aŋ abaŋte mon anasiwoi ale? Profet tat? Au, malik ŋepaiaŋŋame, Tamol e i profet nenaziime ujan,#Luk 1:76 27nasi, e i meime, iwoi get digezlak: Uloŋ, ŋa ŋainag totol ŋenaup o naonnen imugpa oina dal kibinewoi.#Maleak 3:1 28Tinadingaz denaulak menen daŋan ilonnen tata Johanes so nenaziime, ge Anut kiŋdomlon ta mitin mok me i Johanes nenazig i ujan.#Luk 1:15 29Tamolpain daŋan, selna mai i Johanes inan auan diloŋge i Johanes inan flaneklon flanalakoi i Anut taoz e dibol.#Luk 3:7, 12; Mat 21:32 30Farisea gazekmaŋau mai bo Anut inan auan debenenai, i mai flanawoi so dibol, sebadin dimoi.#Apos 13:46
31Tamolpain gazo ditozdime i it kilian ŋaboloi? I it dikol? 32I aikamo dikol, panuatenlak dematalmeg nug paipai dibol, Aŋoi am do asaelak, ge aŋ so atazilak; am sagaiknen dug abilak, ge aŋ so atalak. 33Nasi, flaneknen Johanes ise, sepalaŋ so jani, aiu so imili, meginge aŋ abol, i bugadaŋan. 34Tamolai ise i abaŋ janiime, imili maiime, meginge aŋ abol, Nasi, tamol e anaŋ tetameknen, aiu imolnen bibian, selna, aupasekbibian nadin tizadin.#Luk 15:2 35Ge aikamo daŋan i Anut inan kagindagin e diloŋ, iduse e dibol.
Pain aupasek metalundaŋan Jesus nien buzugusi
36Farisea ta Jesus igod ipai, i i mai anaŋ dianiwoi. Jesus ileg farisea inan ablak iduseg maig dematal.#Luk 11:37 37Aloŋ, panu en pain ta made, i beŋbeŋ auipasime, me iloŋge, Jesus farisea mai inan ablak anaŋ dianidime, imaisge buzuguseknen gau jaliŋdaŋan ise. 38I Jesus muzinnen ipaz iseg nien funlon itiuz, itameg inan melaun idu; Jesus nien staleg inan gatenzaunlon suas pani, inan nien musuk mai panig gazeŋ fonlak iwali.#Mat 26:7–13; Joh 12:3–8 39Farisea me Jesus isowoi ipailak, megin nasitag ilonlon ibol, I profet tatpe me iloŋpe, pain it mon iseg tinin jabi, ŋan i aupasekbibian. 40Meginmeg Jesus auan bufatemeg ipai, Simon, azu ta ŋepaonen ien. I ibol, Maŋautamol, gauai ubolpe. 41Jestamol ta inan tamol azugen gaŋmalanoi ja tinidinnen demade, ta i 500 siliŋ ti panilak, ta 50 mon. 42Alouge depani imulnen tealak imaisge se zaiŋ mok auzun pinidin. Ubolpe, ai it tat jestamoloi gauz ibol? 43Simon auan jabig ipai, Ŋa ŋabol, ai i abaŋ zen lo panilak. I ipai, O tali betenaelak. 44Mug pain idaŋemeg Simon ipai, Pain e nasiume? Ŋa oina ablak ŋaduseg, nieg flaninen naz ta o so panaglak; ge pain e ise, inan melaunlon inag nieg flanilak, inan gatenzaunlon isuas.#Gen 18:4 45O musuk kin so panaglak; ge i iduselag i inag nieg musiwoi jaeŋ sufutanig itoz.#Rom 16:16 46O ŋainag gateg gazeŋlon so buzugusilak; ge i buzuguseknen gaulon inag nieg buzugusi. 47Mewoilakoi ŋa o ŋepaoŋame, I inan aupasek kuzum suas ŋalelak, i ilonpanek metalun inaulakoi; ta i aupasek kuzum suas so ŋaleime, i mai get ilonpanek gauz so inaulak. 48I mug pain ipai, Oina aupasek get ŋusuas uŋalelak.#Luk 5:20, 21 49Anaŋ janekoi mai dematallak i dibol, Me itai, aupasek suasnen mai iloŋ? 50Ge i pain me ipai, Oina ilolon maliknen i tetazo ŋiliolak, mazozdaŋan umul ulaŋan.#Luk 8:48; 17:19; 18:42
Currently Selected:
Lukas 7: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Lukas 7
7
Opasgaten inan begabeg
1Jesus inan azu daŋan tamolpain malakmalaklon ibol binilag, Kapernaumnen idule. 2Opasgaten men inan begabeg ta, iwoi gauz ibolime, sub ujan funig imatoi inauime. 3I iloŋge Jesus panulon madoimelak, Juda besabes totol inau, auan deŋalep dilap depaiwoi, i isop inan begabeg kibinewoi. 4I Jesus izinnen ditaseg, digosdigos depai dibol, Jesus o so umoi mon, abaŋ igodlak me pani, i iduse. 5I inad tamolpainbadim ilon paniime, ŋan i sinagog ta saseg penamalak.#Apos 10:2 6Jesus imaisge maig dile. I panu wadanlon ditaseg, opasgaten tizangaz te totol pinidin, depaiwoi ibol, O tamoluja, o tini so funi mon, ŋa o mai so taduse, mewoi o inag ablak so use mon. 7Mewoi ŋa sibeg o izinen so ŋale, tea, o azu taimon ta ubolpa, inag begabeg tinin gauaioi. 8Kin eginpe: ŋa tamol ujan ta inan begabeg, aenta i ŋainag begabeg. Ŋa ta ŋepaimap, Ula! I ilaime. Ŋa ta ŋepaimap, Usop! I isoime. Ŋainag begabeg ŋepaimap, Abaŋ kibine! I kibineime. 9Jesus megin iloŋge izut, idaŋseg duzig ditozdime me pidin, Ŋa ŋepaiaŋ, Israel ilonnen ta ilonlon maliklak egin so ŋenasilak. 10Totol dimulge diselag ai wagam tinin pasa ibolge itoz.
Jesus Nainnen ai fuŋuni
11Alouge Jesus panu talon ile, nean Nain. Inan meglaum kuzum, tamolpain malan zen maig dile. 12Wagam panu wadanlon itaseg, nasi, tamol ta imatlak sesanun dejoazeg didu. I tinan inan ai taimon mok, tinan i bob. Tamolpain wozou ujan maig didu.#Kiŋ I 17:17 13Jesus pain nasig, teŋaen alan ipai, So uta mon! 14I ipaz ile, kunup jabi dojoazelak turu dibolge ditiuz, i ibol, Ai, ŋa ŋepao, umais! 15Imatlak imaisge matal, azu ibolime. Jesus duzig ileg, faun mug tinan pani.#Kiŋ I 17:23; Kiŋ II 4:36 16Denasilak me daŋan gauz dizut, Anut kalel depani dibol, Profet ujan id leŋadlon imaislak, Anut inan tamolpainbadim izinnen lo idu ise. 17Abaŋ inaulak inan biŋ Judea fatulon, fatu i babenlon ien, melon daŋan bebaŋeg ileg fuam.
Flaneknen Johanes totol inau
18Abaŋ me daŋanoi Johanes inan meglaum i Johanes sai depani. 19Meginge i inan meglaum azugen wigidin, Ujanzen izinnen totol inau, depaiwoi ibol, Tawoi dibollak, isowoi dibol, ŋan me o tat, tea, ta malan anauwoi?#Kan 40:8; 118:26 20Ai me Jesus izinnen ditaseg depai, Flaneknen Johanes am noamag ase, o apaowoi ibol, isowoi dibollak ŋan me o tat use? tea, am ta tat malan anauwoi? 21Saen melon Jesus tamolpain kibiniameg made, buga ikudua, meladin itaulak gauai inaug pinidin. 22Meginge i auadin jabi pidin, Aŋ ŋan anasiame, aloŋame mai, alap, Johanes sai apanip apai, Tamolpain meladin itaulak i abaŋ denasidime; tinidin miliaulak i gauai ditozdime; tinidin pizapizdaŋan kibiniag ditozdime; tiliŋadin itaulak po ibol; dimatlak fuŋunag faun basdime; waizlak i totol gamun diloŋdime;#Jes 35:5; 61:1 23putudin isap demadowoi, i ŋawoi so dedeladaldime.
24Johanes inan ai dimulge dilelag, Jesus imaisge, tamolpain Johanesoi pidin, ibol, Abaŋte fatu udaulon anasiwoi ale? An auz tim jabip telelaumap anasiwoi ase? 25Tea, aŋ abaŋte anasiwoi ase? Tamol ta jamel gizauddaŋan itozime me tat? Aloŋ, jamel menen dipiladime, filiadindaŋan mai, i kiŋ nadin ablon mon demadodime.#Mat 3:4 26Tea, aŋ abaŋte mon anasiwoi ale? Profet tat? Au, malik ŋepaiaŋŋame, Tamol e i profet nenaziime ujan,#Luk 1:76 27nasi, e i meime, iwoi get digezlak: Uloŋ, ŋa ŋainag totol ŋenaup o naonnen imugpa oina dal kibinewoi.#Maleak 3:1 28Tinadingaz denaulak menen daŋan ilonnen tata Johanes so nenaziime, ge Anut kiŋdomlon ta mitin mok me i Johanes nenazig i ujan.#Luk 1:15 29Tamolpain daŋan, selna mai i Johanes inan auan diloŋge i Johanes inan flaneklon flanalakoi i Anut taoz e dibol.#Luk 3:7, 12; Mat 21:32 30Farisea gazekmaŋau mai bo Anut inan auan debenenai, i mai flanawoi so dibol, sebadin dimoi.#Apos 13:46
31Tamolpain gazo ditozdime i it kilian ŋaboloi? I it dikol? 32I aikamo dikol, panuatenlak dematalmeg nug paipai dibol, Aŋoi am do asaelak, ge aŋ so atazilak; am sagaiknen dug abilak, ge aŋ so atalak. 33Nasi, flaneknen Johanes ise, sepalaŋ so jani, aiu so imili, meginge aŋ abol, i bugadaŋan. 34Tamolai ise i abaŋ janiime, imili maiime, meginge aŋ abol, Nasi, tamol e anaŋ tetameknen, aiu imolnen bibian, selna, aupasekbibian nadin tizadin.#Luk 15:2 35Ge aikamo daŋan i Anut inan kagindagin e diloŋ, iduse e dibol.
Pain aupasek metalundaŋan Jesus nien buzugusi
36Farisea ta Jesus igod ipai, i i mai anaŋ dianiwoi. Jesus ileg farisea inan ablak iduseg maig dematal.#Luk 11:37 37Aloŋ, panu en pain ta made, i beŋbeŋ auipasime, me iloŋge, Jesus farisea mai inan ablak anaŋ dianidime, imaisge buzuguseknen gau jaliŋdaŋan ise. 38I Jesus muzinnen ipaz iseg nien funlon itiuz, itameg inan melaun idu; Jesus nien staleg inan gatenzaunlon suas pani, inan nien musuk mai panig gazeŋ fonlak iwali.#Mat 26:7–13; Joh 12:3–8 39Farisea me Jesus isowoi ipailak, megin nasitag ilonlon ibol, I profet tatpe me iloŋpe, pain it mon iseg tinin jabi, ŋan i aupasekbibian. 40Meginmeg Jesus auan bufatemeg ipai, Simon, azu ta ŋepaonen ien. I ibol, Maŋautamol, gauai ubolpe. 41Jestamol ta inan tamol azugen gaŋmalanoi ja tinidinnen demade, ta i 500 siliŋ ti panilak, ta 50 mon. 42Alouge depani imulnen tealak imaisge se zaiŋ mok auzun pinidin. Ubolpe, ai it tat jestamoloi gauz ibol? 43Simon auan jabig ipai, Ŋa ŋabol, ai i abaŋ zen lo panilak. I ipai, O tali betenaelak. 44Mug pain idaŋemeg Simon ipai, Pain e nasiume? Ŋa oina ablak ŋaduseg, nieg flaninen naz ta o so panaglak; ge pain e ise, inan melaunlon inag nieg flanilak, inan gatenzaunlon isuas.#Gen 18:4 45O musuk kin so panaglak; ge i iduselag i inag nieg musiwoi jaeŋ sufutanig itoz.#Rom 16:16 46O ŋainag gateg gazeŋlon so buzugusilak; ge i buzuguseknen gaulon inag nieg buzugusi. 47Mewoilakoi ŋa o ŋepaoŋame, I inan aupasek kuzum suas ŋalelak, i ilonpanek metalun inaulakoi; ta i aupasek kuzum suas so ŋaleime, i mai get ilonpanek gauz so inaulak. 48I mug pain ipai, Oina aupasek get ŋusuas uŋalelak.#Luk 5:20, 21 49Anaŋ janekoi mai dematallak i dibol, Me itai, aupasek suasnen mai iloŋ? 50Ge i pain me ipai, Oina ilolon maliknen i tetazo ŋiliolak, mazozdaŋan umul ulaŋan.#Luk 8:48; 17:19; 18:42
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.