Lukas 6
6
Meglaum uboulon baza deŋaleg diani, mewoi farisea dipidin
1Santa Jesus ubounallon baza um uzig itozmeg inan meglaum baza deŋale, lelapenlon depasi diani.#Deut 23:26 2Farisea taitai i dipidin, Aŋ ait anauame, me uboulon id so tenauwoi? 3Jesus auadin jabi pidin, Dawid inan daup mai pitol ifug ditozmeg, i abaŋte denaulak, me aŋ so asutilak?#Sam I 21:7 4I Anutablon iduleg, sepalaŋ Anutoi gun inaug ienlak, me waliŋ sebadin mok mon dianiwoi, me mok iŋalge jani, aenta mai pinidin diani. Me aŋ so aloŋ?#Lew 24:9 5I pidin, Tamolai i ubou inan Ujanzen mai.
Tamol niman miliaudaŋan Jesus uboulon kibine
6Ubounal talon i sinagoglon idug azu ibol. Men tamol ta made, inan niman waŋ miliaulak. 7Gazekmaŋau farisea mai zuazoudime, i uboulon mai tinin kibinewoi tat dibol. Inautap i siben ja tininnen dibol, uf denauwoi.#Luk 14:1 8Ge Jesus i ladinlon azu ienime me iloŋge, tamol niman miliaulak ipai, Umaispa, leŋadlon mado! I imaisge ileg itiuz. 9Mug Jesus pidin, Ŋa aŋ ŋisidiziaŋ, abolpa, abaŋte uboulon tenauwoi, abaŋ gauai tat, tea, salan tat; ta tetazi ŋalewoi tat, tea, bedaniwoi tat? 10Meginge i daŋan liliadinmeg tamol me ipai, Oina nima wotep usou! Ai i inau. Meginge inan niman faun mug aenta egin gauai. 11I mug daŋan mok buzudin kukuzudin ibolge demade, nug dikibiaige, i Jesus abaŋte tat denau alan depaniwoi.
Jesus meglaum twelf piliana, tamolpain kuzum kibinia
12Saen melon nal ta did talak godoaniwoi iduse. Tidom daŋan Anut mai godoanimeg mon made. 13Fatu faun gigig iselag inan meglaum wigidinge ilonlon twelf piliana, me neadin apostel iblana:#Mat 10:2–4; Apos 1:13 14Simon me mai Petrus ibol, inan tain Andreas mai, Jakobus, Johanes, Filipus, Bartolomeus, 15Mateus, Tomas, Jakobus me Alfeus ai, Simon me Selotes depai, 16Judas me Jakob ai, Judas Iskariot mai, me alouge Jesus blanilak.
17I apostel mai didu dileg zoanek aben ta ien, men ditiuzge demade. Inan meglaum kuzumpanu, tamolpain malan zen mai Judea fatu daŋanlonge, Jerusalemnenge mai panu laŋten Tirus Sidonnen maig azu diloŋoi dise, nadin maiai mai kibiniawoi. 18Aenta bugadaŋan ditoz, me mai ikibinia. 19Malan zen daŋan dududin Jesus mai diabi denasiwoi dibol, tiwon tininlon itaselakoi, daŋan ikibiniaime.#Luk 5:17; 8:46
Did azu patunisanen, waio! azu mai
20Jesus malan biseg meglaum ilelmeg ibol, Aŋ putumi isap amado, aŋ waizlak, Anut inan kiŋdom aŋnamilakoi. 21Aŋ putumi isap amado, aŋ gazo pitol biaŋime, aŋ loami didiwoi. Aŋ putumi isap amado, aŋ gazo ataame, aŋ diawap amadowoi.#Bo 7:16, 17; Kan 126:1–2; Jes 61:3 22Aŋ putumi isap amado, tannenwain Tamolaioi aŋ dumugunaŋmap betetanaŋmap, meselanaŋmap, nami neami depeneŋanimap mai 23Nal ta megin donoaŋmap aŋ sisup zigiaŋoi, nami naon filian didlak ienimelakoi. Inadin malanfufulungaz get profetgaz megin mon denaulak.
24Ge me aŋ, aŋ en filiandaŋan, waio! nami naon mug aŋallak.#Jak 5:1 25Waio aŋ, gazo aŋ loami didiame, aŋ gazop pitol mok biaŋoi. Waio aŋ, gazo aŋ diawaame, aŋ asagai ata monmap amadowoi.#Jes 5:22 26Waio aŋ, aŋoi tamolpain daŋan tinimi dumuzumuzimap, inadin malanfufulungaz get profet sekauk megin mon denaulak.#Jak 4:4; Mika 2:11
Agez ilod panekoi, naon so panekoi, so betenaekoi
27Ge aŋ, aŋ inag azu gazo aloŋame ŋepaiaŋ, Nami agez lami pinidinoi; 28demeselanaŋdime i ikibinia, azu salan depaiaŋdime iwoi aŋ agodoi. 29Ta i wala waŋwaŋ funiime, aenta mai nau pani; ta ina kot wizioime, jamel mai so piziani mon; 30ta i o igodime, me abaŋ paniwoi; ta i oina abaŋ wizioime me faun panowoi so pai mon. 31Tamolpain aŋ donoaŋoi abolame egin, megin mok aŋ i anaup pinidinoi.#Mat 7:12 32Aŋ me ladin depanaŋdime i mon lami pinidintap, nami naon abaŋte mon ienoi? Aupasekai mai me i ladin dipinidindime ŋan me i mai ladin dipinidinoi. 33Ta i aŋ donoaŋ gauaidime, aŋ i mon anau gauaitap, aitoi naonoi aboloi? Aupasekbi megin mon denaudime. 34Aŋ naon depanaŋnen diloŋdime, aŋ me mon abaŋ ti ipinidintap, aitnen aŋ pez depanaŋoi? Aupasekai mai nadin aupasekbi abaŋ ti dipinidindime, ge i faun mug abaŋ megin mon deŋalewoi dibol.#Lew 25:35, 36 35Tea, nami agez lami pinidinoi; aŋ lo awa mon aduwoi; ti ipinidin, ge abaŋ wadanoi so abol mon. Meginpe nami domomi ujanoi aŋ Ujanzen inan nanunai anauwoi, i megin mon me i so dagom, salasala me mai me lo ipinidinime. 36Nami Mam daŋanoi teŋaen alanime egin, megin aŋ mai aentawoi teŋaemi alanoi! 37Aŋ so betenai mon, meginmap aŋ mai so bitinaŋoi! Aŋ so meselana mon, meginmap aŋ mai so meselanaŋoi! Ja apazep idu, meginmap nami ja mai pazep idup aŋalewoi!#Mat 6:11 38Aŋ ipinidinmap aŋ mai panaŋoi; au, tenaeg gauai, sae idug, dininig auannen giliamilon lilip panaŋoi. Aŋ tenaeame egin, megin mon aŋ maip tenaep panaŋoilakoi.#Mar 4:24; Mat 7:2
39I azu faŋan mai te pidin; Ta i malan itaulak, i aenta mai malan itaulak dal peteŋaninen iloŋ tat? Tea, i auzun loflon dibal diduwoi.#Mat 15:14 40Meglaum ta inan kamaŋtamol so nenazi itasaime, tea, i inan kamaŋ egintap, megin i iduse.#Mat 10:24, 25; Joh 15:20
41O ait mames nasiume, me oina tai malanlon ienime, bag bo oina malalon dab so paniume? 42O dodin oina tai paiume, Taig biniŋan, mames malalon ŋugutewoi, ge bag oina malalon ien, me so nasiume? Aua kakez o! O get oina malalon bag gutepged, aloupa o mala gauaimap mames tai malanlon gutekoi deleŋaninen gauai mai uloŋoi.
Ja inan niŋon maiwoi
43Ja gauai ta niŋon salan so inauime, megin mon ja salan ta niŋon gauai so inauime. 44Niŋonlon id ja taloŋtame. Faiaglak guzab niŋon tunuenen teabe, megin mon bazailak baza tea. 45Tamol gauai i inan buben sagen gauailon abaŋ gauai mon inau itasaime; tamol salan inan buben sagen salanlon niŋon salan inau tenasitame. Abaŋ buben fuamime, me mon auan ibolime.
Ujanzen auan uzi panekoi
46Aitoige aŋ neag, Ujazen, Ujazen ablaniame, ge ŋainag auag uzi so apaniame?#Maleak 1:6; Mat 7:21 47Tata i ŋa izignen isoime, inag auag iloŋ, uzi mai paniime, e ŋepeteŋanaŋoi, i it kilian. 48I tamol e kilian, i inan ab sasemeg, lof tig isazeg, bag fun pat gegaunlak igun, fun mai pat sae panig gegaun. Alouge ui gauzlak, lom idumeg fatu dezemani, lom ab me ifunifunig tan zezadig iau; ge ab so gojogoja ibol, i pat fonlak gegaun saseg ienlakoi. 49Ta i auag iloŋmeg ge uzi so pani, i tamol ta ikol, i inan ab tan bodok fonlak saselak, bag fun patlak teag, pat bag funlon mai so sae; lom idumeg ab me funi, ab ijouse ijoule belemani, daŋan mok bekekazig liŋanmeg idu.
Currently Selected:
Lukas 6: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Lukas 6
6
Meglaum uboulon baza deŋaleg diani, mewoi farisea dipidin
1Santa Jesus ubounallon baza um uzig itozmeg inan meglaum baza deŋale, lelapenlon depasi diani.#Deut 23:26 2Farisea taitai i dipidin, Aŋ ait anauame, me uboulon id so tenauwoi? 3Jesus auadin jabi pidin, Dawid inan daup mai pitol ifug ditozmeg, i abaŋte denaulak, me aŋ so asutilak?#Sam I 21:7 4I Anutablon iduleg, sepalaŋ Anutoi gun inaug ienlak, me waliŋ sebadin mok mon dianiwoi, me mok iŋalge jani, aenta mai pinidin diani. Me aŋ so aloŋ?#Lew 24:9 5I pidin, Tamolai i ubou inan Ujanzen mai.
Tamol niman miliaudaŋan Jesus uboulon kibine
6Ubounal talon i sinagoglon idug azu ibol. Men tamol ta made, inan niman waŋ miliaulak. 7Gazekmaŋau farisea mai zuazoudime, i uboulon mai tinin kibinewoi tat dibol. Inautap i siben ja tininnen dibol, uf denauwoi.#Luk 14:1 8Ge Jesus i ladinlon azu ienime me iloŋge, tamol niman miliaulak ipai, Umaispa, leŋadlon mado! I imaisge ileg itiuz. 9Mug Jesus pidin, Ŋa aŋ ŋisidiziaŋ, abolpa, abaŋte uboulon tenauwoi, abaŋ gauai tat, tea, salan tat; ta tetazi ŋalewoi tat, tea, bedaniwoi tat? 10Meginge i daŋan liliadinmeg tamol me ipai, Oina nima wotep usou! Ai i inau. Meginge inan niman faun mug aenta egin gauai. 11I mug daŋan mok buzudin kukuzudin ibolge demade, nug dikibiaige, i Jesus abaŋte tat denau alan depaniwoi.
Jesus meglaum twelf piliana, tamolpain kuzum kibinia
12Saen melon nal ta did talak godoaniwoi iduse. Tidom daŋan Anut mai godoanimeg mon made. 13Fatu faun gigig iselag inan meglaum wigidinge ilonlon twelf piliana, me neadin apostel iblana:#Mat 10:2–4; Apos 1:13 14Simon me mai Petrus ibol, inan tain Andreas mai, Jakobus, Johanes, Filipus, Bartolomeus, 15Mateus, Tomas, Jakobus me Alfeus ai, Simon me Selotes depai, 16Judas me Jakob ai, Judas Iskariot mai, me alouge Jesus blanilak.
17I apostel mai didu dileg zoanek aben ta ien, men ditiuzge demade. Inan meglaum kuzumpanu, tamolpain malan zen mai Judea fatu daŋanlonge, Jerusalemnenge mai panu laŋten Tirus Sidonnen maig azu diloŋoi dise, nadin maiai mai kibiniawoi. 18Aenta bugadaŋan ditoz, me mai ikibinia. 19Malan zen daŋan dududin Jesus mai diabi denasiwoi dibol, tiwon tininlon itaselakoi, daŋan ikibiniaime.#Luk 5:17; 8:46
Did azu patunisanen, waio! azu mai
20Jesus malan biseg meglaum ilelmeg ibol, Aŋ putumi isap amado, aŋ waizlak, Anut inan kiŋdom aŋnamilakoi. 21Aŋ putumi isap amado, aŋ gazo pitol biaŋime, aŋ loami didiwoi. Aŋ putumi isap amado, aŋ gazo ataame, aŋ diawap amadowoi.#Bo 7:16, 17; Kan 126:1–2; Jes 61:3 22Aŋ putumi isap amado, tannenwain Tamolaioi aŋ dumugunaŋmap betetanaŋmap, meselanaŋmap, nami neami depeneŋanimap mai 23Nal ta megin donoaŋmap aŋ sisup zigiaŋoi, nami naon filian didlak ienimelakoi. Inadin malanfufulungaz get profetgaz megin mon denaulak.
24Ge me aŋ, aŋ en filiandaŋan, waio! nami naon mug aŋallak.#Jak 5:1 25Waio aŋ, gazo aŋ loami didiame, aŋ gazop pitol mok biaŋoi. Waio aŋ, gazo aŋ diawaame, aŋ asagai ata monmap amadowoi.#Jes 5:22 26Waio aŋ, aŋoi tamolpain daŋan tinimi dumuzumuzimap, inadin malanfufulungaz get profet sekauk megin mon denaulak.#Jak 4:4; Mika 2:11
Agez ilod panekoi, naon so panekoi, so betenaekoi
27Ge aŋ, aŋ inag azu gazo aloŋame ŋepaiaŋ, Nami agez lami pinidinoi; 28demeselanaŋdime i ikibinia, azu salan depaiaŋdime iwoi aŋ agodoi. 29Ta i wala waŋwaŋ funiime, aenta mai nau pani; ta ina kot wizioime, jamel mai so piziani mon; 30ta i o igodime, me abaŋ paniwoi; ta i oina abaŋ wizioime me faun panowoi so pai mon. 31Tamolpain aŋ donoaŋoi abolame egin, megin mok aŋ i anaup pinidinoi.#Mat 7:12 32Aŋ me ladin depanaŋdime i mon lami pinidintap, nami naon abaŋte mon ienoi? Aupasekai mai me i ladin dipinidindime ŋan me i mai ladin dipinidinoi. 33Ta i aŋ donoaŋ gauaidime, aŋ i mon anau gauaitap, aitoi naonoi aboloi? Aupasekbi megin mon denaudime. 34Aŋ naon depanaŋnen diloŋdime, aŋ me mon abaŋ ti ipinidintap, aitnen aŋ pez depanaŋoi? Aupasekai mai nadin aupasekbi abaŋ ti dipinidindime, ge i faun mug abaŋ megin mon deŋalewoi dibol.#Lew 25:35, 36 35Tea, nami agez lami pinidinoi; aŋ lo awa mon aduwoi; ti ipinidin, ge abaŋ wadanoi so abol mon. Meginpe nami domomi ujanoi aŋ Ujanzen inan nanunai anauwoi, i megin mon me i so dagom, salasala me mai me lo ipinidinime. 36Nami Mam daŋanoi teŋaen alanime egin, megin aŋ mai aentawoi teŋaemi alanoi! 37Aŋ so betenai mon, meginmap aŋ mai so bitinaŋoi! Aŋ so meselana mon, meginmap aŋ mai so meselanaŋoi! Ja apazep idu, meginmap nami ja mai pazep idup aŋalewoi!#Mat 6:11 38Aŋ ipinidinmap aŋ mai panaŋoi; au, tenaeg gauai, sae idug, dininig auannen giliamilon lilip panaŋoi. Aŋ tenaeame egin, megin mon aŋ maip tenaep panaŋoilakoi.#Mar 4:24; Mat 7:2
39I azu faŋan mai te pidin; Ta i malan itaulak, i aenta mai malan itaulak dal peteŋaninen iloŋ tat? Tea, i auzun loflon dibal diduwoi.#Mat 15:14 40Meglaum ta inan kamaŋtamol so nenazi itasaime, tea, i inan kamaŋ egintap, megin i iduse.#Mat 10:24, 25; Joh 15:20
41O ait mames nasiume, me oina tai malanlon ienime, bag bo oina malalon dab so paniume? 42O dodin oina tai paiume, Taig biniŋan, mames malalon ŋugutewoi, ge bag oina malalon ien, me so nasiume? Aua kakez o! O get oina malalon bag gutepged, aloupa o mala gauaimap mames tai malanlon gutekoi deleŋaninen gauai mai uloŋoi.
Ja inan niŋon maiwoi
43Ja gauai ta niŋon salan so inauime, megin mon ja salan ta niŋon gauai so inauime. 44Niŋonlon id ja taloŋtame. Faiaglak guzab niŋon tunuenen teabe, megin mon bazailak baza tea. 45Tamol gauai i inan buben sagen gauailon abaŋ gauai mon inau itasaime; tamol salan inan buben sagen salanlon niŋon salan inau tenasitame. Abaŋ buben fuamime, me mon auan ibolime.
Ujanzen auan uzi panekoi
46Aitoige aŋ neag, Ujazen, Ujazen ablaniame, ge ŋainag auag uzi so apaniame?#Maleak 1:6; Mat 7:21 47Tata i ŋa izignen isoime, inag auag iloŋ, uzi mai paniime, e ŋepeteŋanaŋoi, i it kilian. 48I tamol e kilian, i inan ab sasemeg, lof tig isazeg, bag fun pat gegaunlak igun, fun mai pat sae panig gegaun. Alouge ui gauzlak, lom idumeg fatu dezemani, lom ab me ifunifunig tan zezadig iau; ge ab so gojogoja ibol, i pat fonlak gegaun saseg ienlakoi. 49Ta i auag iloŋmeg ge uzi so pani, i tamol ta ikol, i inan ab tan bodok fonlak saselak, bag fun patlak teag, pat bag funlon mai so sae; lom idumeg ab me funi, ab ijouse ijoule belemani, daŋan mok bekekazig liŋanmeg idu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.