Lukas 8
8
Paingaz Jesus maig duzig ditoz
1Saen uzimeg Jesus panu ujan kitek mai uzig itozse itozlemeg, tamolpain Anut inan kiŋdomoi totol gamun ipidin. Inan apostel twelf i maig ditoz.#Luk 4:43 2Pain tata i get buga salandaŋanlak, me Jesus kudualak, aenta maiaidaŋan, i kibinialak, me i maig ditoz. Menen ta Maria Magdalena, inan buga sewen Jesus kudualak.#Mar 15:40, 41; 16:9 3Johana, Kusa iwon, me Herodes inan uzattizinek ta, Susana mai, aenta kuzum mai, i nadin abaŋlon biadin depalu ditoz.
Abaŋ fabuloi Jesus toanig ibol
4Panupanu tamolpain lol depasig, wozou desaeg, Jesus izinnen ditaseg i imais, azu toanig faŋanfaŋan ibol: 5Umfun ta fabul sezanewoi ile. Aenta dallak dibal didug depetefaza, ma mai diseg diŋalge dunua pasi. 6Aenta patlak dibal didug disa dile, tan sisez tealak demakaz. 7Aenta wazablon dibal didu, waz abaŋ maig disa taimonlakoi dedadag. 8Aenta tan puluek gauailon dibal didug disa dile, noŋodin denau hundertge. Megin ibol binig gauz iwog ibol, Ta tiliŋan gauaitap, azu me iloŋ.
Azu faŋanfaŋan fun blanek
9Mug inan meglaum desedazeg depai, Abaŋ toanig ubollak me abaŋte? 10I ibol, Aŋ bo Anut kiŋdom inan toanek beŋten aloŋoi panaŋlak; ge aenta i faŋanfaŋan mon diloŋoi, i denasimap so denasiwoi, diloŋmap so diloŋoi.#Jes 6:9, 10 11Azu faŋanfaŋan ŋabollak, niŋon egin: Fabul ŋabollak me Anut azu. #Pet I 1:23 12Dallak ŋabollak me tamolpain, i azu bo diloŋ, aloumap Satan isoime, azu bubudinlon pasiime, i so ladinlon malikoi, putudin so isawoi. 13Pat ŋabollak me tamolpain, i malanmalan azu diloŋdime, gamun ifu, duzi mai depanidime, ge i dubudin tea; saen ta i azu ladinlon malik, ge san ta abaŋ alan i iŋal uz, ladin pasi. 14Wazab ŋabollak me tamolpain, i azu diloŋdime, aloumap tan abaŋoi ladin kankanpa puzupuzep demadodime, filiadinoi, abaŋ tinin zigiekoi jaeŋ sufutanamap ditoz, me abaŋ gauai ladinlon idadagime, noŋodin tea. 15Tan puluek gauailon ŋabollak me tamolai, i azu diloŋmap bubudin gauai, ikok mailon tezepasig deŋale diabi, bubudinlon du ibol, ibin idup ditozdime, noŋodin inau.#Apos 16:14; Heb 10:36
16Ta i lamp tunimap i kunuplon so segemaniime, kapal paenlon so inauime, tea, i sulmadudlak inauime, aenta i ablak didusap abaŋ lelaman denasiwoi.#Mat 5:15 17Abaŋte tat mon kukumge ienime me so beŋtenoi? Abaŋte tat mon miŋianilak, me so taloŋoi, so tenasiwoi?#Mat 10:26 18Aŋ dab anau, dodin mon azu aloŋ! Ta i mug abaŋdaŋan, i ta mai panip iŋalewoi; ge ta i tealak, inan abaŋ jabiime ibol, me mai wozaiwoi.#Luk 19:26
Jesus inan taintauan mok
19Jesus inan tinan taingaz maig dise, ge tamolpain kuzumlakoi i naonnen ditasanen lo tea. 20I depaig dibol, Oina tina taigaz mai beŋten ditiuz o denasowoi dibol. 21I auadin jabig pidin, Me i Anut inan azu diloŋ, duzi mai depanidime, i mon ŋainag nen taiggaz mai.
Jesus tim ipai, mas ipai to dibol
22Nal ta i inan meglaum mai wag talak diduseg ipidin, Wag didinip tatasa, id wililuk aen akilon tejauawoi. Ibollak dejaua. 23Dejauameg Jesus waglon ien padal. Launen tim ujan fazeg duban ujan tani, beleŋanag kizikoz wag toanig depadaloi denau. 24I Jesus izinnen dipaz, dufuŋunig dibol, Tamoluja, Tamoluja! Id tepadaloi tenautame. I imaisge tim ipaig, mas ipaig to dibol, manin salei ibol.#Apos 27:22, 34 25I pidin, Lamilon maliknen ŋan? I tinidin dizez dizutmeg nug dikibiaig dibol, Me itai? Timtag, mastag ipaiime, inan auan dagom depani!
Jesus Gerasenawain bugadaŋan ikibine
26I Gerasena fatulon dejaua. Fatu me Galilea fatu daŋeg ienime. 27Dibalmeg laŋten idumeg, panulonge tamol ta Jesus mai naon tazetaze me saen melaen bugadaŋan, daz lilim funilak, i jamel so nuleg ablon so made, tea, fedafodlon mon itoz. 28I Jesus nasimeg ibob kekauk, nien fun ibal idu, auan ujanlon ibol, Ŋa o mai abaŋte? Jesus, o Ujanzen mok, Anut inan Ai! Ŋa o ŋagod, o ŋa so titiliag mon.#Luk 4:34 29Jesus buga gazog ipaiwoi inauime, i tamol biniwoi, mewoi. Buga mug saen kuzum tamol me ifunifuni; nien niman mai depaug ienmeg, i zaeŋ ŋuzuŋaz mai titizia pasi, eginge buga i fatu fuzailon iduzi.#Luk 13:16 30Jesus i ipai, O nea itai? I ibol, Legion, buga salan kuzum tininlon didulelakoi. 31I Jesus digod, i Hadeslon diduwoi so ipidinoi. 32Men did tiliŋanlon boz malan zen detemanig dunuameg ditoz; meginge i Jesus digosdigos depai, i me ladinlon didulawoi. Jesus so piziana, segauz ibol. 33Mug buga daŋan tamol deseflale, boz tinidinlon didule, meginge boz malan daŋan gazaplonge maslon didu, daŋan idid pasi.
34Tizinekai denasig i bezazou diauge panulon fatulon mai me dibolge ditoz. 35Tamolpain daŋan abaŋ me denasiwoi dimaisge Jesus izinnen ditase. I tamol, me buga dibinilak, jameldaŋan kabe Jesus nien funlon imatalmeg denasig dizut. 36Aenta i Jesus tamol me ikibinemeg denasilak, dimaisge tamolpain diselak sai dipinidin. 37Meginge Gerasenagaz daŋan Jesus digod, i zidinnenpa imulpa ilawoi, i gauz mok dizezlakoi, mewoi. Jesus waglak iduseg imulge ile.
38Mug tamol i ilonnenge buga ditaseg deseflalelak, Jesus maip ditozoi igod. 39Ge Jesus i ibinimeg ipai, Oinanen umulpa ulap, Anut o nuolak, me sai pinidinpa utoz. Mug imaisge ileg, Jesus abaŋ inaulak, me panu daŋanlon sai janimeg itoz.#Mar 7:36
Jesus Jairus inan aipain fuŋuni, pain daz funilak mai ikibine
40Jesus imulge isemeg laŋten tamolpain kuzumpanu i malan denaug demade. 41Tamol ta i nean Jairus, medaeŋgaten, iseg Jesus nien fun ibal idug igosigosge ipai, inan ablak idusawoi, 42inan nanunpain taimon mok imatoi inauime, ibol. Nanunpain umaz 12 mon itozlak. Ilemeg tamolpain lol depasig dububuzig maig dile.#Luk 7:12; 9:38
43Pain ta i umaz 12 daz funig itozlak, i inan jes daŋan mug doktaoi bezaselak, tinin dikibinenen lo tea. 44I Jesus muzinnen melabublon ipaz iseg inan jamel jabig nasi, mug tinin gauai. 45Jesus ibol, It ŋa biag nasaglak? I daŋan sebadin pizianameg Petrusgaz dibol, Maŋautamol, kuzumpanu o dububuzolakoi dipinodime. 46Jesus auanlon pasi ŋaleg ibol, Taimon ta ŋa biaglak, tiwog ta ilemeg ŋaloŋ, dab ŋepani.#Luk 5:17 47Pain iloŋtag i miŋianinen teag, tinin terere ibolmeg ise, naonnen ileg ibal idug tamolpain meladin i jabi nasilak me fun ibol, buntaimon tinin gauailak maig ibol. 48Mug Jesus ipai, Nanugpain, o ilolon maliklakoi, tini pasa ibol ŋalelak, segauz mazozdaŋan ula.#Luk 7:50
49Jesus azu ibol saseg ienmeg gaten inan aibegabeg ta iseg ibol, Oina nanupain mug imat pasi, maŋautamol paip, dal nien se so funi mon. 50Jesus iloŋmeg i ipai, O so uzez mon, ilolon malik mon, meginpe i tinin basoi. 51I ablak iduseg aenta mai didusawoi piziana, Petrus, Johanes, Jakobus i mon, tinantaman mai mon.#Luk 9:28 52Daŋan gauz dita, iwoi desagaimeg demade. Ge i ibol, So ata mon, i so imat mok, ien padal mon.#Luk 7:13 53I didiwa depani, malik imat pasilak i diloŋ. 54Ge i inan niman jabig, bise ŋaleg, iwogmeg ibol, Talita kumi! (Aipain, umais!) 55Mug inan uz imulge ise, i faun mug bas imais. I anaŋ depaniwoi kibiai pinidin. 56Tinantaman gauz dizut deladal. I kibiai pinidinge ibol, tatata abaŋ mewoi kin so pidin mon.#Luk 5:14; Mar 7:36
Currently Selected:
Lukas 8: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Lukas 8
8
Paingaz Jesus maig duzig ditoz
1Saen uzimeg Jesus panu ujan kitek mai uzig itozse itozlemeg, tamolpain Anut inan kiŋdomoi totol gamun ipidin. Inan apostel twelf i maig ditoz.#Luk 4:43 2Pain tata i get buga salandaŋanlak, me Jesus kudualak, aenta maiaidaŋan, i kibinialak, me i maig ditoz. Menen ta Maria Magdalena, inan buga sewen Jesus kudualak.#Mar 15:40, 41; 16:9 3Johana, Kusa iwon, me Herodes inan uzattizinek ta, Susana mai, aenta kuzum mai, i nadin abaŋlon biadin depalu ditoz.
Abaŋ fabuloi Jesus toanig ibol
4Panupanu tamolpain lol depasig, wozou desaeg, Jesus izinnen ditaseg i imais, azu toanig faŋanfaŋan ibol: 5Umfun ta fabul sezanewoi ile. Aenta dallak dibal didug depetefaza, ma mai diseg diŋalge dunua pasi. 6Aenta patlak dibal didug disa dile, tan sisez tealak demakaz. 7Aenta wazablon dibal didu, waz abaŋ maig disa taimonlakoi dedadag. 8Aenta tan puluek gauailon dibal didug disa dile, noŋodin denau hundertge. Megin ibol binig gauz iwog ibol, Ta tiliŋan gauaitap, azu me iloŋ.
Azu faŋanfaŋan fun blanek
9Mug inan meglaum desedazeg depai, Abaŋ toanig ubollak me abaŋte? 10I ibol, Aŋ bo Anut kiŋdom inan toanek beŋten aloŋoi panaŋlak; ge aenta i faŋanfaŋan mon diloŋoi, i denasimap so denasiwoi, diloŋmap so diloŋoi.#Jes 6:9, 10 11Azu faŋanfaŋan ŋabollak, niŋon egin: Fabul ŋabollak me Anut azu. #Pet I 1:23 12Dallak ŋabollak me tamolpain, i azu bo diloŋ, aloumap Satan isoime, azu bubudinlon pasiime, i so ladinlon malikoi, putudin so isawoi. 13Pat ŋabollak me tamolpain, i malanmalan azu diloŋdime, gamun ifu, duzi mai depanidime, ge i dubudin tea; saen ta i azu ladinlon malik, ge san ta abaŋ alan i iŋal uz, ladin pasi. 14Wazab ŋabollak me tamolpain, i azu diloŋdime, aloumap tan abaŋoi ladin kankanpa puzupuzep demadodime, filiadinoi, abaŋ tinin zigiekoi jaeŋ sufutanamap ditoz, me abaŋ gauai ladinlon idadagime, noŋodin tea. 15Tan puluek gauailon ŋabollak me tamolai, i azu diloŋmap bubudin gauai, ikok mailon tezepasig deŋale diabi, bubudinlon du ibol, ibin idup ditozdime, noŋodin inau.#Apos 16:14; Heb 10:36
16Ta i lamp tunimap i kunuplon so segemaniime, kapal paenlon so inauime, tea, i sulmadudlak inauime, aenta i ablak didusap abaŋ lelaman denasiwoi.#Mat 5:15 17Abaŋte tat mon kukumge ienime me so beŋtenoi? Abaŋte tat mon miŋianilak, me so taloŋoi, so tenasiwoi?#Mat 10:26 18Aŋ dab anau, dodin mon azu aloŋ! Ta i mug abaŋdaŋan, i ta mai panip iŋalewoi; ge ta i tealak, inan abaŋ jabiime ibol, me mai wozaiwoi.#Luk 19:26
Jesus inan taintauan mok
19Jesus inan tinan taingaz maig dise, ge tamolpain kuzumlakoi i naonnen ditasanen lo tea. 20I depaig dibol, Oina tina taigaz mai beŋten ditiuz o denasowoi dibol. 21I auadin jabig pidin, Me i Anut inan azu diloŋ, duzi mai depanidime, i mon ŋainag nen taiggaz mai.
Jesus tim ipai, mas ipai to dibol
22Nal ta i inan meglaum mai wag talak diduseg ipidin, Wag didinip tatasa, id wililuk aen akilon tejauawoi. Ibollak dejaua. 23Dejauameg Jesus waglon ien padal. Launen tim ujan fazeg duban ujan tani, beleŋanag kizikoz wag toanig depadaloi denau. 24I Jesus izinnen dipaz, dufuŋunig dibol, Tamoluja, Tamoluja! Id tepadaloi tenautame. I imaisge tim ipaig, mas ipaig to dibol, manin salei ibol.#Apos 27:22, 34 25I pidin, Lamilon maliknen ŋan? I tinidin dizez dizutmeg nug dikibiaig dibol, Me itai? Timtag, mastag ipaiime, inan auan dagom depani!
Jesus Gerasenawain bugadaŋan ikibine
26I Gerasena fatulon dejaua. Fatu me Galilea fatu daŋeg ienime. 27Dibalmeg laŋten idumeg, panulonge tamol ta Jesus mai naon tazetaze me saen melaen bugadaŋan, daz lilim funilak, i jamel so nuleg ablon so made, tea, fedafodlon mon itoz. 28I Jesus nasimeg ibob kekauk, nien fun ibal idu, auan ujanlon ibol, Ŋa o mai abaŋte? Jesus, o Ujanzen mok, Anut inan Ai! Ŋa o ŋagod, o ŋa so titiliag mon.#Luk 4:34 29Jesus buga gazog ipaiwoi inauime, i tamol biniwoi, mewoi. Buga mug saen kuzum tamol me ifunifuni; nien niman mai depaug ienmeg, i zaeŋ ŋuzuŋaz mai titizia pasi, eginge buga i fatu fuzailon iduzi.#Luk 13:16 30Jesus i ipai, O nea itai? I ibol, Legion, buga salan kuzum tininlon didulelakoi. 31I Jesus digod, i Hadeslon diduwoi so ipidinoi. 32Men did tiliŋanlon boz malan zen detemanig dunuameg ditoz; meginge i Jesus digosdigos depai, i me ladinlon didulawoi. Jesus so piziana, segauz ibol. 33Mug buga daŋan tamol deseflale, boz tinidinlon didule, meginge boz malan daŋan gazaplonge maslon didu, daŋan idid pasi.
34Tizinekai denasig i bezazou diauge panulon fatulon mai me dibolge ditoz. 35Tamolpain daŋan abaŋ me denasiwoi dimaisge Jesus izinnen ditase. I tamol, me buga dibinilak, jameldaŋan kabe Jesus nien funlon imatalmeg denasig dizut. 36Aenta i Jesus tamol me ikibinemeg denasilak, dimaisge tamolpain diselak sai dipinidin. 37Meginge Gerasenagaz daŋan Jesus digod, i zidinnenpa imulpa ilawoi, i gauz mok dizezlakoi, mewoi. Jesus waglak iduseg imulge ile.
38Mug tamol i ilonnenge buga ditaseg deseflalelak, Jesus maip ditozoi igod. 39Ge Jesus i ibinimeg ipai, Oinanen umulpa ulap, Anut o nuolak, me sai pinidinpa utoz. Mug imaisge ileg, Jesus abaŋ inaulak, me panu daŋanlon sai janimeg itoz.#Mar 7:36
Jesus Jairus inan aipain fuŋuni, pain daz funilak mai ikibine
40Jesus imulge isemeg laŋten tamolpain kuzumpanu i malan denaug demade. 41Tamol ta i nean Jairus, medaeŋgaten, iseg Jesus nien fun ibal idug igosigosge ipai, inan ablak idusawoi, 42inan nanunpain taimon mok imatoi inauime, ibol. Nanunpain umaz 12 mon itozlak. Ilemeg tamolpain lol depasig dububuzig maig dile.#Luk 7:12; 9:38
43Pain ta i umaz 12 daz funig itozlak, i inan jes daŋan mug doktaoi bezaselak, tinin dikibinenen lo tea. 44I Jesus muzinnen melabublon ipaz iseg inan jamel jabig nasi, mug tinin gauai. 45Jesus ibol, It ŋa biag nasaglak? I daŋan sebadin pizianameg Petrusgaz dibol, Maŋautamol, kuzumpanu o dububuzolakoi dipinodime. 46Jesus auanlon pasi ŋaleg ibol, Taimon ta ŋa biaglak, tiwog ta ilemeg ŋaloŋ, dab ŋepani.#Luk 5:17 47Pain iloŋtag i miŋianinen teag, tinin terere ibolmeg ise, naonnen ileg ibal idug tamolpain meladin i jabi nasilak me fun ibol, buntaimon tinin gauailak maig ibol. 48Mug Jesus ipai, Nanugpain, o ilolon maliklakoi, tini pasa ibol ŋalelak, segauz mazozdaŋan ula.#Luk 7:50
49Jesus azu ibol saseg ienmeg gaten inan aibegabeg ta iseg ibol, Oina nanupain mug imat pasi, maŋautamol paip, dal nien se so funi mon. 50Jesus iloŋmeg i ipai, O so uzez mon, ilolon malik mon, meginpe i tinin basoi. 51I ablak iduseg aenta mai didusawoi piziana, Petrus, Johanes, Jakobus i mon, tinantaman mai mon.#Luk 9:28 52Daŋan gauz dita, iwoi desagaimeg demade. Ge i ibol, So ata mon, i so imat mok, ien padal mon.#Luk 7:13 53I didiwa depani, malik imat pasilak i diloŋ. 54Ge i inan niman jabig, bise ŋaleg, iwogmeg ibol, Talita kumi! (Aipain, umais!) 55Mug inan uz imulge ise, i faun mug bas imais. I anaŋ depaniwoi kibiai pinidin. 56Tinantaman gauz dizut deladal. I kibiai pinidinge ibol, tatata abaŋ mewoi kin so pidin mon.#Luk 5:14; Mar 7:36
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.