Lukas 5
5
Petrus ij gauz iŋal Jesus meglaum pal iŋal
1Santa Jesus wililuk Genesaret laŋten itiuzmeg tamolpain gugup depaug diseg azu diloŋoi. I Jesus dipinig mon demade. 2I malan ileg wag azugen il. Wag fun nadin kakaŋ deflanawoi laŋten didug demade. 3Jesus wag talak iduse, me Petrus inan. I me ipai, Wag kin didinip tatasa. Jesus waglak matalmeg tamolpain azu pidin. 4I azu ibol binig, Simon ipai, Launen tatasa, aŋ kakaŋ atanip ij aŋaloi.#Joh 21:6 5Simon auan jabig ipai, O tamoluja, am tidom uzat gauz anaulak, ij bo ta so aŋale. Ge o ubollakoi ŋa faun ŋetaniwoi. 6I megin denaug ij malan zen diŋal, kakaŋ kin tetazi. 7Nadin tizadingaz i wag talon demadelak tabei dipinidin, i maip disop kakaŋ dezaewoi. Diseg dezaeg ij waglak didiz auadinnen, wag azuazu ditogle. 8Abaŋ me Simon Petrus nasig, Jesus nien fun ibal idug ibol, O tamoluja, o ŋa binagpa ula, ŋa aupasekwain. 9I ij kuzum diŋallak, mewoi Petrus gauz izut, aenta daŋan megin mon. 10Sebedeus inan ai, Jakobus Johanes mai, i Simon inan kadoigaz, i maig dizut.
Jesus Simon ipai, O so uzut mon, o gazop tamolpain megin mok uŋaloi.#Mat 13:47 11I nadin wag laŋten dizaulakge, abaŋ daŋan dibinge Jesus duzig ditoz.#Mat 19:27
Jesus tamol tinin pizapizdaŋan ikibine
12Santa Jesus panu talon idu, men tamol ta pizapizdaŋan made. I Jesus nasig inan naon takokge, tanlak ibal idug igodmeg ipai, Tamoluja, o so umoitap, o ŋa kibiniagnen uloŋ. 13Jesus niman woteg, ititimeg ibol, Ŋa so ŋamoi, oina tini gauaioi! Mug pizapiz ibinilak. 14I kibiai panig ibol, i tatata so ipaiwoi, ibol, tea, i ipai, Ulap waliŋ tini peteŋani, Moses kibiai ibollak, me janauklon nauwoi, tamolpain denasip diloŋoi, o ikok,#Lew 14:2–32 15Mug biŋ Jesusoi bebaŋeg ileg, fatufatu daŋan fuam. Tamolpain lol depasimeg i izinnen diseg, inan auan diloŋoi, nadin maiai i kibinewoi dibol. 16Ge Jesus jamumleg fatu udaulon ileg godoanimeg made.#Mar 1:35
Tinin miliau Jesus ikibine
17Nal ta Jesus tamolpain kagin peteŋanameg made. Fariseagaz gazekmaŋaugaz mai Galilea panupanu daŋannenge, Judea panupanu daŋannenge, Jerusalemnenge maig diseg dematal. Maiaidaŋan diselak me Jesus Ujanzen tiwonlon daŋan kibinia pasi. 18Meginmeg tamol taitai ta tinin miliaulak kapaldaŋan dojoazeg dise. I ablak Jesus naonnen denauwoi dibolge dal delaŋaimeg ditoz.#Luk 19:3 19Tamolpain kuzumlak didulanen lo teag, ab tinin latnen diduseg, kin degage, melonge kapaldaŋan Jesus naonnen dibinig idu. 20Ladinlon maliklak Jesus ilge ipai, Tamol, oina aupasek pasi ŋepanolak. 21Gazekmaŋaugaz, fariseagaz ladinlon kankan dibol, Me it? I Anut dizan waiime. It mon aupasek pasinen iloŋ? Anut siben mon iloŋime.#Jes 43:25; Kan 130:4 22I ladinlon dibolmeg Jesus iloŋge, ipidin, ibol, Dodin aŋ lamilon ŋa paiagame? 23Abaŋte azu pasak tat? Ŋa ŋepaimap, Oina aupasek pasi panowoi, tea, ŋepaimap, Umaispa utozoi, me pasak tat? 24Aŋ aloŋoilakoi, Tamolai tiwondaŋan tanlak aupasek pasinen mai iloŋime, i tinin miliau ipai, Ŋa o ŋepao, Umaispa, oina kapal bisap joazep inanen ula! 25Gazo meladinlon imaisge inan kapal, me fonlak ienlak, ibise, Anut kalel ipanimeg inannen ile. 26Daŋan meladin ti ibolge dizut, Anut biŋan dibise, dizut dizezmeg demade, dibol, Id gazomnek abaŋ iben mok tenasilak!
Jesus Lewi sunuzeklon wagi
27Alouge itaseg ilemeg i selna ta, nean Lewi, inan uzatablak matalmeg nasi. I ipai, O ŋa sunuzagpa utoz. 28Mug imaisge, inan abaŋ daŋan ibinge, uzig maig ditoz. 29Lewi inan ablon Jesus tuz ujan inau pani. Selna kuzum tamolpain aenta mai i maig dematal.#Luk 15:1 30Fariseagaz gazekmaŋaugaz mai Jesus inan meglaumoi duŋuzuzge dibol, Aitoige aŋ selna mai aupasekwain mai anaŋ ani, tuz imiliame?#Luk 19:7 31Jesus auadin jabi pidin, Me i tinidin baslak i doktaoi so dibol, tea, maiaidaŋan me mon. 32Taoz ditozdime dibol me wigidinoi so ŋase, tea, aupasekai ŋiwigidinoi ŋase, i didaŋsawoi.
Jesus udekoi ibol
33I bo Jesus depai, Aitoige Johanes inan meglaum nal kuzum dudidime, dogodoani maidime, farisea nadin mai, oina bo anaŋ diani, tuz mai dimilidime? 34Jesus pidin, Aifazeŋ mademap aŋ inan mezazeŋgaz dudip demadowoi seseŋananen aloŋ? 35Ge nal ta diduwoi, aifazeŋ i zidinnenpa wozaimap saen melon i dudiwoi.
Jesus inan kagin faunoi ibol
36I azu faŋanfaŋan ta ipidin, Ta i jamel faun so tetaziime, jamel samoi selaniwoi ibol, tea, ge inautap jamel tetaziime, samoi me jamel boi faun daŋanlak, malan gizaud tea. 37Ta i wainpatan faun siliŋon samoilon so tigiliime, tea, ge inautap wainpatan faun tezepalewoi, wainpatan se bedaniwoi, siliŋon mai ibedani. 38Megin tea, wainpatan faun siliŋon faunlon liliwoi, megin inaumap, i auzun gauai ienoi. 39Ta i wainpatan getnen mililak, i pasak so ibol, Faun mai panag, tea, i ibolime, Getnen me gauai.
Currently Selected:
Lukas 5: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Lukas 5
5
Petrus ij gauz iŋal Jesus meglaum pal iŋal
1Santa Jesus wililuk Genesaret laŋten itiuzmeg tamolpain gugup depaug diseg azu diloŋoi. I Jesus dipinig mon demade. 2I malan ileg wag azugen il. Wag fun nadin kakaŋ deflanawoi laŋten didug demade. 3Jesus wag talak iduse, me Petrus inan. I me ipai, Wag kin didinip tatasa. Jesus waglak matalmeg tamolpain azu pidin. 4I azu ibol binig, Simon ipai, Launen tatasa, aŋ kakaŋ atanip ij aŋaloi.#Joh 21:6 5Simon auan jabig ipai, O tamoluja, am tidom uzat gauz anaulak, ij bo ta so aŋale. Ge o ubollakoi ŋa faun ŋetaniwoi. 6I megin denaug ij malan zen diŋal, kakaŋ kin tetazi. 7Nadin tizadingaz i wag talon demadelak tabei dipinidin, i maip disop kakaŋ dezaewoi. Diseg dezaeg ij waglak didiz auadinnen, wag azuazu ditogle. 8Abaŋ me Simon Petrus nasig, Jesus nien fun ibal idug ibol, O tamoluja, o ŋa binagpa ula, ŋa aupasekwain. 9I ij kuzum diŋallak, mewoi Petrus gauz izut, aenta daŋan megin mon. 10Sebedeus inan ai, Jakobus Johanes mai, i Simon inan kadoigaz, i maig dizut.
Jesus Simon ipai, O so uzut mon, o gazop tamolpain megin mok uŋaloi.#Mat 13:47 11I nadin wag laŋten dizaulakge, abaŋ daŋan dibinge Jesus duzig ditoz.#Mat 19:27
Jesus tamol tinin pizapizdaŋan ikibine
12Santa Jesus panu talon idu, men tamol ta pizapizdaŋan made. I Jesus nasig inan naon takokge, tanlak ibal idug igodmeg ipai, Tamoluja, o so umoitap, o ŋa kibiniagnen uloŋ. 13Jesus niman woteg, ititimeg ibol, Ŋa so ŋamoi, oina tini gauaioi! Mug pizapiz ibinilak. 14I kibiai panig ibol, i tatata so ipaiwoi, ibol, tea, i ipai, Ulap waliŋ tini peteŋani, Moses kibiai ibollak, me janauklon nauwoi, tamolpain denasip diloŋoi, o ikok,#Lew 14:2–32 15Mug biŋ Jesusoi bebaŋeg ileg, fatufatu daŋan fuam. Tamolpain lol depasimeg i izinnen diseg, inan auan diloŋoi, nadin maiai i kibinewoi dibol. 16Ge Jesus jamumleg fatu udaulon ileg godoanimeg made.#Mar 1:35
Tinin miliau Jesus ikibine
17Nal ta Jesus tamolpain kagin peteŋanameg made. Fariseagaz gazekmaŋaugaz mai Galilea panupanu daŋannenge, Judea panupanu daŋannenge, Jerusalemnenge maig diseg dematal. Maiaidaŋan diselak me Jesus Ujanzen tiwonlon daŋan kibinia pasi. 18Meginmeg tamol taitai ta tinin miliaulak kapaldaŋan dojoazeg dise. I ablak Jesus naonnen denauwoi dibolge dal delaŋaimeg ditoz.#Luk 19:3 19Tamolpain kuzumlak didulanen lo teag, ab tinin latnen diduseg, kin degage, melonge kapaldaŋan Jesus naonnen dibinig idu. 20Ladinlon maliklak Jesus ilge ipai, Tamol, oina aupasek pasi ŋepanolak. 21Gazekmaŋaugaz, fariseagaz ladinlon kankan dibol, Me it? I Anut dizan waiime. It mon aupasek pasinen iloŋ? Anut siben mon iloŋime.#Jes 43:25; Kan 130:4 22I ladinlon dibolmeg Jesus iloŋge, ipidin, ibol, Dodin aŋ lamilon ŋa paiagame? 23Abaŋte azu pasak tat? Ŋa ŋepaimap, Oina aupasek pasi panowoi, tea, ŋepaimap, Umaispa utozoi, me pasak tat? 24Aŋ aloŋoilakoi, Tamolai tiwondaŋan tanlak aupasek pasinen mai iloŋime, i tinin miliau ipai, Ŋa o ŋepao, Umaispa, oina kapal bisap joazep inanen ula! 25Gazo meladinlon imaisge inan kapal, me fonlak ienlak, ibise, Anut kalel ipanimeg inannen ile. 26Daŋan meladin ti ibolge dizut, Anut biŋan dibise, dizut dizezmeg demade, dibol, Id gazomnek abaŋ iben mok tenasilak!
Jesus Lewi sunuzeklon wagi
27Alouge itaseg ilemeg i selna ta, nean Lewi, inan uzatablak matalmeg nasi. I ipai, O ŋa sunuzagpa utoz. 28Mug imaisge, inan abaŋ daŋan ibinge, uzig maig ditoz. 29Lewi inan ablon Jesus tuz ujan inau pani. Selna kuzum tamolpain aenta mai i maig dematal.#Luk 15:1 30Fariseagaz gazekmaŋaugaz mai Jesus inan meglaumoi duŋuzuzge dibol, Aitoige aŋ selna mai aupasekwain mai anaŋ ani, tuz imiliame?#Luk 19:7 31Jesus auadin jabi pidin, Me i tinidin baslak i doktaoi so dibol, tea, maiaidaŋan me mon. 32Taoz ditozdime dibol me wigidinoi so ŋase, tea, aupasekai ŋiwigidinoi ŋase, i didaŋsawoi.
Jesus udekoi ibol
33I bo Jesus depai, Aitoige Johanes inan meglaum nal kuzum dudidime, dogodoani maidime, farisea nadin mai, oina bo anaŋ diani, tuz mai dimilidime? 34Jesus pidin, Aifazeŋ mademap aŋ inan mezazeŋgaz dudip demadowoi seseŋananen aloŋ? 35Ge nal ta diduwoi, aifazeŋ i zidinnenpa wozaimap saen melon i dudiwoi.
Jesus inan kagin faunoi ibol
36I azu faŋanfaŋan ta ipidin, Ta i jamel faun so tetaziime, jamel samoi selaniwoi ibol, tea, ge inautap jamel tetaziime, samoi me jamel boi faun daŋanlak, malan gizaud tea. 37Ta i wainpatan faun siliŋon samoilon so tigiliime, tea, ge inautap wainpatan faun tezepalewoi, wainpatan se bedaniwoi, siliŋon mai ibedani. 38Megin tea, wainpatan faun siliŋon faunlon liliwoi, megin inaumap, i auzun gauai ienoi. 39Ta i wainpatan getnen mililak, i pasak so ibol, Faun mai panag, tea, i ibolime, Getnen me gauai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.