Genesis 9
9
Anut Noa mai temaneknen denau
1Anut Noa inan ai mai baz pinidinge ipidin, Aŋ fabuldaŋan atozmap fatu fuamoi. 2Tannen dazuk daŋan did paenlon ma daŋan, abaŋ tanlak depaleldimelak me daŋan, mas inan ij daŋan aŋoi dizez dizut zenpa nimamilon ŋenauwoi. 3Abaŋ bas ditozdime me daŋan nami anaŋ. Biab bas ŋepanaŋlak egin ŋa abaŋ daŋan ŋepanaŋŋame. 4Mudan dazdaŋan mon so aniwoi, tinin inan bas niŋon me daz, mewoi. 5Nami dazoi malik ŋejapalpa ŋemadowoi. Dazuk daŋanoi, tamol inan dazoi mai ŋejapaloi. Tamol daŋan inan tain inan dazoi ŋejapaloi. 6Tata i tamol inan daz fuzemap inan daz mai tamol fuzewoi. Anut i siben inan walislon tamol inaulakoi. 7Aŋ me fabuldaŋan atozmap kuzumoi, tanlak ai gauz anaup melon kuzumoi.
8Meginge Anut Noa, inan ai maig demadodime me mai ipidin, 9Anasi, ŋa aŋ mai, aŋ amatmap nami begazamigaz mai ŋainag temaneknen ŋenauŋame, 10dazuk basdaŋan aŋ maig amadoame, ma, bulmakau, tan inan dazuk aŋ mailak daŋan, waglonge didulak daŋan. 11Faun te sizlon dazuk abaŋ daŋan so depadaloi, faun te tan so ŋipitiŋiniwoi ŋa aŋ mai temaneknen ŋenauŋame. 12Anut ibol, Temaneknen aŋ ŋa mai liluŋlon, dazuk basdaŋan aŋ maig amadoame i mai daz uzek dedeŋanipnen bagoz megin: 13Ŋa timtaenlon ŋainag mezamoz ŋenaup me ŋa tan mai liluŋlon temaneknen bagoz. 14Ŋa uitaen ŋezaep tan fonnen ienmap, uitaenlon mezamoz itasemap, 15ŋa ŋainag temaneknen me ŋa aŋ mai abaŋ daŋan, dazuk daŋanoi mai ŋenaulak me ilog isouwoi. Naz me faun siz so inaup abaŋ daŋan pitiŋiniwoi. 16Mezamoz timtaenlak ienmap, ŋa ŋenasip tanlak abaŋ bas daŋan mai liluŋlon temanek dedeŋanipnen ŋenaulak me ilog isouwoi. 17Anut Noa ipai, Temaneknen ŋa tan inan abaŋ bas ŋa mai liluŋlon ŋenaulak bagoz megin.
Noa inan nanungaz mai
18Noa inan ai me waglakge didulak me Sem, Ham Jafet mai. Ham i Kanaan inan taman. 19Tolgen e me Noa inan ai. Nadin daz tezepaleg tan daŋan inan tamolpain demadodime.
20Noa i tan jabek fun inau. I greip um ipae. 21I greip inan wain milig ifunilag i niŋon mon tazaslon ien. 22Ham, Kanaan inan taman, i taman niŋon mon ienmeg tinin nasig ileg taingaz ipidin. 23Meginge Sem Jafet mai jamel deflaleg jozodinlak denaug ditilog galuŋlon diduleg temadin tinin dotoani. Noadin defeanig i temadin tinin so denasi. 24Noa wain funilak binig inan ai mizimu inaulak me iloŋge 25i ibol, Kanaan meselanip madowoi. I taingaz leŋadinlon i begabeg nadin begabeg inaup madowoi. 26Ta mai ibol, Ujanzen ŋainag Anut Sem inaup patun isap madowoi, Kanaan inan begabeg inauwoi. 27Anut Jafet bebaŋep Sem inan tazaslon madowoi, Kanaan inan begabeg inauwoi.
28Siz binig Noa umaz tri hundert fifti imade. 29Noa inan umaz me nain hundert fifti imadeg imat.
Currently Selected:
Genesis 9: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Videos for Genesis 9
Episode 36:Are We Near the End? The Bible’s Hidden Pattern
Under The Hood
EP 25. Why Do So Many Cultures Have Flood Myths? The Truth Behind the Stories
Under The Hood
Ep 34. Genesis 10: How Noah’s Sons Shaped the World & God's Redemption Story
The Bible Show
Episode 19: Feeding of Four thousand with the Syrophonecian woman
The Bible Show