Genesis 47
47
1Meginge Josef iduseg Farao ipai, Inag mam taiggaz mai nadin belelek pifoldaŋan bulmakau malandaŋan, nadin abaŋ daŋan mai Kanaan fatulonge dise. I gazomnen Gosen fatulon demadodime. 2Taingaz leŋadinlon i tamol faif iŋalge Farao naonnen inau. 3Farao taingaz pidin, Nami uzat abaŋte? I Farao depai, Oina begabeg me dazuktizinek temamagaz getnen egin. 4I Farao depai, Am fatu elon lo amadowoi; oina begabeg nadin dazuk pifoldaŋan nadin anaŋ tea, Kanaan fatulon pitol ujan moklakoi. Am o godoano, ubolpa am Gosen fatulon amadowoi. 5Meginge Farao Josef ipai, Oina tama taigaz mai izinen dise. 6Owoi Egipta fatu petadeg ien; oina tama taigaz mai fatu gauai pinidinpa demado, segauz Gosen fatulon demadowoi. I ilonnen tamol maŋaudaŋan ta demadodime, o me ŋainag bulmakau gaten unau.
7Meginge Josef inan taman Jakob duzig Farao naonnen inau. Jakob i Farao baz pani. 8Farao Jakob ipai, Oina umaz o madelak inan nal pite? 9Jakob Farao ipai, Ŋa ŋatozlak inan nal me umaz won hundert tirti; ŋainag tazeŋ inan umaz me kuzum teag alan mai ŋenau, ŋainag mamgaz nadin umaz inan nal i ditozlak mai so iduse. 10Jakob i Farao baz panig i naonnenge ile. 11Meginge Josef inan taman taingaz mai madoknen panu pinidinge, Egipta fatulon tan gauai mok Rameses inan fatulon pinidin, Farao kibiai inaulak egin. 12Josef inan taman, taingaz, taman inan abbadimgaz daŋan nadin aikamo maiwoi iduselak megin anaŋ pinidin.
Josef pitolsaenlon kibiai pinidin
13Fatu daŋanlon anaŋ tea, pitol ujan moklakoi, Egipta fatulon Kanaannen mai pitollon dimiliau. 14Josef Egipta fatu Kanaan fatu inan gaŋmalan mai daŋan baza idadmeglon iŋalge Farao inan ablak inau. 15Egipta fatulon Kanaan fatulon mai gaŋmalan daŋan dadeŋlon teabmeg Egiptawain daŋan Josef izinnen diseg depai, Anaŋ penamape, dodinge nesamamap mok amatoi? Am mug gaŋmalan tea. 16Josef auadin jabig ibol, Nami bulmakau penamape, aŋ gaŋmalan teatap aŋ bulmakau naon anaŋ ŋepanaŋoi. 17Meginge nadin bulmakau didauzig Josef izinnen dise. Josef i hors, belelek, bulmakau doŋki mai naon anaŋ pinidin; i umaz melon me nadin dazuk poaleklon naon anaŋ pinidin. 18Umaz me binig i umaz talon izinnen diseg depai, Inag ujanzen naonnen miŋianinen tea, amnama gaŋmalan daŋan atani pasi, dazuk malandaŋan mai inag ujanzen inan. Nama ujanzen malanlon abaŋ ta tea pasi, tinima nama tan mai mon. 19Dodinge am nesamamap mok amatoi? Am amat pasimap tan mai gazop tamolai teaboi? Am nama tan mai anaŋlon udadpe, am nama tan mai Farao inan begabeg anauwoi. Paeknen fabul penamape, meginpe am bas amadowoi, so apadaloi, tan tamol teap se so ienoi.
20Meginge Josef Egipta inan tan daŋan idadge Farao pani. Egiptawain daŋan nadin um didad ile, pitol gegaunge fodinlak ien. Tan me mug Farao inan. 21Tamolpain iŋalge inan begabeg inaug ditoz, Egipta fatu geglonge ileg geglon. 22Waliŋgaz nadin tan mon so idadlak; waliŋgaz Farao get ibollak uzat naon deŋalelak melon i anaŋ didad; mewoi i nadin tan so didad ile. 23Anasi, ŋa nal elon aŋ, nami tan mai Faraooi ŋadadlak. Fabul paeknen aŋoi ŋan ie, aŋ um apaewoi. 24Melaun saenlon aŋ um inan abaŋ tezepalep faifpa taimon Farao apaniwoi, palgen me aŋnami, fabul faun apaenen, sebami nami badimgaz, nami aikamo mai aninen. 25I dibol, O putuma pasilak; nama ujanzen kanim penamap am Farao inan begabeg anauwoi. 26Meginge Josef Egipta fatulon kagin me inaug zatamge gazomnen ienime, ŋan megin: Farao i tezepalek faifoi taimon ŋalewoi; waliŋgaz nadin tan mon me Farao so ŋale.
Jakob imatnen saen sisizge inan kibiaipanek
27Megin Israel Egipta fatulon Gosennen made. I abaŋ didadmeg uzat denaumeg ditoz; i fabuldaŋange tamolai kuzum mokge demade. 28Jakob umaz sewentin Egipta fatulon made. Meginge Jakob inan umaz i madelak me won hundert fourti‐sewen.
29Saen Israel imatoi sisizge i inan ai Josef wagig ipai, O kanim ŋaleg panaglak, megintap o nima nieg loan paenlon unaup, o ŋa mai pinipinip temademap ŋawoi bube malikdaŋan maimap malik paiagoi, ŋa ŋamatmap o Egiptanen so noagoi, tea, 30ŋainag mamgaz maip aenoi; Egiptanenpa jiwiziagpa nadin fedafodlon noag. I auan jabig ibol, O ubollak egin ŋenauwoi. 31I ibol, Stemanek azulon malik paiagpa. I malik e ipai. Meginge i Israel inan badim gatenlak itakok.
Currently Selected:
Genesis 47: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 47
47
1Meginge Josef iduseg Farao ipai, Inag mam taiggaz mai nadin belelek pifoldaŋan bulmakau malandaŋan, nadin abaŋ daŋan mai Kanaan fatulonge dise. I gazomnen Gosen fatulon demadodime. 2Taingaz leŋadinlon i tamol faif iŋalge Farao naonnen inau. 3Farao taingaz pidin, Nami uzat abaŋte? I Farao depai, Oina begabeg me dazuktizinek temamagaz getnen egin. 4I Farao depai, Am fatu elon lo amadowoi; oina begabeg nadin dazuk pifoldaŋan nadin anaŋ tea, Kanaan fatulon pitol ujan moklakoi. Am o godoano, ubolpa am Gosen fatulon amadowoi. 5Meginge Farao Josef ipai, Oina tama taigaz mai izinen dise. 6Owoi Egipta fatu petadeg ien; oina tama taigaz mai fatu gauai pinidinpa demado, segauz Gosen fatulon demadowoi. I ilonnen tamol maŋaudaŋan ta demadodime, o me ŋainag bulmakau gaten unau.
7Meginge Josef inan taman Jakob duzig Farao naonnen inau. Jakob i Farao baz pani. 8Farao Jakob ipai, Oina umaz o madelak inan nal pite? 9Jakob Farao ipai, Ŋa ŋatozlak inan nal me umaz won hundert tirti; ŋainag tazeŋ inan umaz me kuzum teag alan mai ŋenau, ŋainag mamgaz nadin umaz inan nal i ditozlak mai so iduse. 10Jakob i Farao baz panig i naonnenge ile. 11Meginge Josef inan taman taingaz mai madoknen panu pinidinge, Egipta fatulon tan gauai mok Rameses inan fatulon pinidin, Farao kibiai inaulak egin. 12Josef inan taman, taingaz, taman inan abbadimgaz daŋan nadin aikamo maiwoi iduselak megin anaŋ pinidin.
Josef pitolsaenlon kibiai pinidin
13Fatu daŋanlon anaŋ tea, pitol ujan moklakoi, Egipta fatulon Kanaannen mai pitollon dimiliau. 14Josef Egipta fatu Kanaan fatu inan gaŋmalan mai daŋan baza idadmeglon iŋalge Farao inan ablak inau. 15Egipta fatulon Kanaan fatulon mai gaŋmalan daŋan dadeŋlon teabmeg Egiptawain daŋan Josef izinnen diseg depai, Anaŋ penamape, dodinge nesamamap mok amatoi? Am mug gaŋmalan tea. 16Josef auadin jabig ibol, Nami bulmakau penamape, aŋ gaŋmalan teatap aŋ bulmakau naon anaŋ ŋepanaŋoi. 17Meginge nadin bulmakau didauzig Josef izinnen dise. Josef i hors, belelek, bulmakau doŋki mai naon anaŋ pinidin; i umaz melon me nadin dazuk poaleklon naon anaŋ pinidin. 18Umaz me binig i umaz talon izinnen diseg depai, Inag ujanzen naonnen miŋianinen tea, amnama gaŋmalan daŋan atani pasi, dazuk malandaŋan mai inag ujanzen inan. Nama ujanzen malanlon abaŋ ta tea pasi, tinima nama tan mai mon. 19Dodinge am nesamamap mok amatoi? Am amat pasimap tan mai gazop tamolai teaboi? Am nama tan mai anaŋlon udadpe, am nama tan mai Farao inan begabeg anauwoi. Paeknen fabul penamape, meginpe am bas amadowoi, so apadaloi, tan tamol teap se so ienoi.
20Meginge Josef Egipta inan tan daŋan idadge Farao pani. Egiptawain daŋan nadin um didad ile, pitol gegaunge fodinlak ien. Tan me mug Farao inan. 21Tamolpain iŋalge inan begabeg inaug ditoz, Egipta fatu geglonge ileg geglon. 22Waliŋgaz nadin tan mon so idadlak; waliŋgaz Farao get ibollak uzat naon deŋalelak melon i anaŋ didad; mewoi i nadin tan so didad ile. 23Anasi, ŋa nal elon aŋ, nami tan mai Faraooi ŋadadlak. Fabul paeknen aŋoi ŋan ie, aŋ um apaewoi. 24Melaun saenlon aŋ um inan abaŋ tezepalep faifpa taimon Farao apaniwoi, palgen me aŋnami, fabul faun apaenen, sebami nami badimgaz, nami aikamo mai aninen. 25I dibol, O putuma pasilak; nama ujanzen kanim penamap am Farao inan begabeg anauwoi. 26Meginge Josef Egipta fatulon kagin me inaug zatamge gazomnen ienime, ŋan megin: Farao i tezepalek faifoi taimon ŋalewoi; waliŋgaz nadin tan mon me Farao so ŋale.
Jakob imatnen saen sisizge inan kibiaipanek
27Megin Israel Egipta fatulon Gosennen made. I abaŋ didadmeg uzat denaumeg ditoz; i fabuldaŋange tamolai kuzum mokge demade. 28Jakob umaz sewentin Egipta fatulon made. Meginge Jakob inan umaz i madelak me won hundert fourti‐sewen.
29Saen Israel imatoi sisizge i inan ai Josef wagig ipai, O kanim ŋaleg panaglak, megintap o nima nieg loan paenlon unaup, o ŋa mai pinipinip temademap ŋawoi bube malikdaŋan maimap malik paiagoi, ŋa ŋamatmap o Egiptanen so noagoi, tea, 30ŋainag mamgaz maip aenoi; Egiptanenpa jiwiziagpa nadin fedafodlon noag. I auan jabig ibol, O ubollak egin ŋenauwoi. 31I ibol, Stemanek azulon malik paiagpa. I malik e ipai. Meginge i Israel inan badim gatenlak itakok.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.