Genesis 48
48
Jakob Efraim Manasse mai baz pinidin
1Me uzig Josef depai, Uloŋ, oina tama maiai funi. Mewoi i inan ai azugen, Manasse Efraim mai inalge dile. 2Jakob depai, Oina ai Josef izinen ise. Meginge Israel tinin zagun segatig inan badimlak matal. 3Jakob Josef ipai, Anut tiwondaŋan Lusnen Kanaan fatulon itaseg baz panag, 4i ŋa paiag, Nasi, ŋa ŋunuop o fabuldaŋanmap kuzumoi, olonpa ŋa tamolpain badimbadim ŋenaup, fatu e me o uzop begazagaz ŋipinidinpa i dedeŋanip fun egin demadowoi. 5Oina ai azugen, ŋa o izinen Egiptanen so ŋasemeg tinadin Egiptanen inaug panolak, me ŋainag; Efraim Manasse mai me ŋainag, Ruben Simeon mai egin. 6Aloupa o ai ta unaumap me oina; i fuzan ŋalek saenlon tidin uzeklon neadin deblanawoi. 7Ŋa Paddannenge ŋasemeg, Efrat inan dal kin izinnenge, ilog alanmeg, Rahel dallak Kanaan fatulon imat, ŋa dallak ŋenau, Efrat salo, me Betlehem.
8Israel Josef inan ai ilge i ibol, Me itai? 9Josef inan taman ipai, I me ŋainag ai, Anut elak panaglak. I ibol, Ŋa ŋogodoano, izignen udauzip diso, ŋa baz ŋipinidinoi. 10Israel dinouge inan malan delaualtidaŋan, abaŋ nasi gauainen tea. Meginge Josef izinnen idauzig musuk pinidinge sigigia mai. 11Israel Josef ipai, Ŋa nao so ŋenasiwoi ŋabolge, nasi, Anut inaug ŋa oina nanugaz mai ŋailŋame. 12Meginge Josef i taman nimanlakge ai ijabge ipasmeg takokge naon tan isae. 13Josef ai azugen me iŋalge Efraim niman waŋlon Israel niman ŋas salo inau, Manasse niman ŋaslon me Israel niman waŋ salo izinnen inau. 14Israel inan niman poalig niman waŋ isouge ai mizimu Efraim gatenlak inau, niman ŋas me niman waŋ doloanimeg Manasse gatenlak inau, i ai matulak. 15I Josef baz panig ibol, Anut me naonnen ŋainag mamgaz Abraham Isak mai ditozlak, Anut i inag umaz daŋanlonge gazo e duzaglak, 16eŋel i abaŋ alan daŋanlonge gateg pasilak, i ai kibiniape; i‐lon inag neag, mamgaz Abraham Isak neadin mai sansan ladin isouwoi; tan ilonnen nadin daz tezepalep i malan ujanoi.
17Josef i taman niman waŋ Efraim gatenlak inaumeg dab panig i gamun so funi. I taman inan niman jabig Efraim inan gatenlonpa pasip Manasse inan gatenlak inauwoi inau. 18Josef taman ipai, Mam, megin tea, e me ai matu, oina nima waŋ inan gatenlak unau. 19Ge inan taman imoige ibol, Ŋa ŋaloŋ, nanugai, i mai tamolpain badim inauwoi, i mai ujanoi, ge tain mizimu i nenazip ujanoi, inan begazangaz i tamolpain badim kuzumoi. 20Megin i nal melon baz pinidinge ibol, Aŋlonpa Israel baz azu iboloi, Anut aŋ Efraim Manasse mai egin noaŋoi. Mewoi i Efraim ŋaleg Manasse abenlon inaug imugse. 21Meginge Israel Josef ipai, Nasi, ŋa bo ŋamatoi sisiz, ge Anut aŋ maiwoi, nami temamigaz nadin fatulon faun duzaŋoi. 22Ta mai, ŋa did ta inan gazap ta fi badiz mailon Amoritgaz nimadinlon ŋowozailak, me tan subuŋan o ŋeblani ŋepanolak.
Currently Selected:
Genesis 48: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 48
48
Jakob Efraim Manasse mai baz pinidin
1Me uzig Josef depai, Uloŋ, oina tama maiai funi. Mewoi i inan ai azugen, Manasse Efraim mai inalge dile. 2Jakob depai, Oina ai Josef izinen ise. Meginge Israel tinin zagun segatig inan badimlak matal. 3Jakob Josef ipai, Anut tiwondaŋan Lusnen Kanaan fatulon itaseg baz panag, 4i ŋa paiag, Nasi, ŋa ŋunuop o fabuldaŋanmap kuzumoi, olonpa ŋa tamolpain badimbadim ŋenaup, fatu e me o uzop begazagaz ŋipinidinpa i dedeŋanip fun egin demadowoi. 5Oina ai azugen, ŋa o izinen Egiptanen so ŋasemeg tinadin Egiptanen inaug panolak, me ŋainag; Efraim Manasse mai me ŋainag, Ruben Simeon mai egin. 6Aloupa o ai ta unaumap me oina; i fuzan ŋalek saenlon tidin uzeklon neadin deblanawoi. 7Ŋa Paddannenge ŋasemeg, Efrat inan dal kin izinnenge, ilog alanmeg, Rahel dallak Kanaan fatulon imat, ŋa dallak ŋenau, Efrat salo, me Betlehem.
8Israel Josef inan ai ilge i ibol, Me itai? 9Josef inan taman ipai, I me ŋainag ai, Anut elak panaglak. I ibol, Ŋa ŋogodoano, izignen udauzip diso, ŋa baz ŋipinidinoi. 10Israel dinouge inan malan delaualtidaŋan, abaŋ nasi gauainen tea. Meginge Josef izinnen idauzig musuk pinidinge sigigia mai. 11Israel Josef ipai, Ŋa nao so ŋenasiwoi ŋabolge, nasi, Anut inaug ŋa oina nanugaz mai ŋailŋame. 12Meginge Josef i taman nimanlakge ai ijabge ipasmeg takokge naon tan isae. 13Josef ai azugen me iŋalge Efraim niman waŋlon Israel niman ŋas salo inau, Manasse niman ŋaslon me Israel niman waŋ salo izinnen inau. 14Israel inan niman poalig niman waŋ isouge ai mizimu Efraim gatenlak inau, niman ŋas me niman waŋ doloanimeg Manasse gatenlak inau, i ai matulak. 15I Josef baz panig ibol, Anut me naonnen ŋainag mamgaz Abraham Isak mai ditozlak, Anut i inag umaz daŋanlonge gazo e duzaglak, 16eŋel i abaŋ alan daŋanlonge gateg pasilak, i ai kibiniape; i‐lon inag neag, mamgaz Abraham Isak neadin mai sansan ladin isouwoi; tan ilonnen nadin daz tezepalep i malan ujanoi.
17Josef i taman niman waŋ Efraim gatenlak inaumeg dab panig i gamun so funi. I taman inan niman jabig Efraim inan gatenlonpa pasip Manasse inan gatenlak inauwoi inau. 18Josef taman ipai, Mam, megin tea, e me ai matu, oina nima waŋ inan gatenlak unau. 19Ge inan taman imoige ibol, Ŋa ŋaloŋ, nanugai, i mai tamolpain badim inauwoi, i mai ujanoi, ge tain mizimu i nenazip ujanoi, inan begazangaz i tamolpain badim kuzumoi. 20Megin i nal melon baz pinidinge ibol, Aŋlonpa Israel baz azu iboloi, Anut aŋ Efraim Manasse mai egin noaŋoi. Mewoi i Efraim ŋaleg Manasse abenlon inaug imugse. 21Meginge Israel Josef ipai, Nasi, ŋa bo ŋamatoi sisiz, ge Anut aŋ maiwoi, nami temamigaz nadin fatulon faun duzaŋoi. 22Ta mai, ŋa did ta inan gazap ta fi badiz mailon Amoritgaz nimadinlon ŋowozailak, me tan subuŋan o ŋeblani ŋepanolak.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.