Genesis 46
46
Jakob inan samungaz mai Egiptanen diladime
1Meginge Israel inan abaŋ daŋan iŋalge tazeŋ jabig Beer‐sebanen itaseg taman Isak inan Anut ja inau pani. 2Anut i tidomlon malan nitun jazeklon Israel azu ipaig ibol, Jakob, Jakob! I ibol, Ŋa ie. 3Meginge i ibol, Ŋa Anut, oina tama inan Anut; o Egiptanen udunenoi so uzez mon. Melak ŋa o ŋunuop o panubadim ujan unaup madowoi. 4Ŋa o maip Egiptanen taduwoi, ŋa faun ŋuduzop en udusa maiwoi; Josef inan niman mala jabi idup funatiwoi. 5Meginge Jakob i Beer‐sebanenge itaseg, Israel inan ai nadin temadin Jakob, nadin ai kinkin, nadin iwodin mai bobo me i idauziwoi Farao inaulak melon didauzi. 6I nadin bulmakau, nadin abaŋ mai i Kanaan fatulon didadlak me i debezaug Egiptanen dise, Jakob inan dazgaz daŋan mai. 7Inan ai, inan nanungaz nadin ai mai, inan aipain, inan ai nadin aipain mai. Inan dazgaz daŋan idauzig i maig Egiptanen dile.
8E me Israel inan begazangaz Egiptanen dilelak me neadin: Jakob inan ai mai. Ruben, Jakob inan ai matu. 9Ruben inan ai: Hanok, Pallu, Hesron Karmi mai. 10Simeon inan ai: Jemuel, Jamin, Ohad, Jakin, Sohar Saul mai, Kanaan pain inan ai. 11Lewi inan ai: Gerson, Kohat Merari mai. 12Juda inan ai: Er, Onan, Sela, Peres Sera mai. Er Onan mai i Kanaan fatulon dimat. Peres inan ai me Hesron Hamul mai. 13Isakar inan ai: Tola, Puwa, Iob Simron mai. 14Sebulun inan ai: Sered, Elon Jaleel mai. 15Me Lea inan ai, inan aipain Dina, Jakob Paddan‐aramnen inaug panilak. Inan ai aipain mai me tirti‐tri. 16Gad inan ai: Sifion, Haggi, Suni, Esbon, Eri, Arodi Areli mai. 17Aser inan ai: Imna, Iswa, Iswi, Beria ludin Sera mai. Beria inan ai: Heber Malkiel mai. 18E me Silpa me Laban inan aipain Lea panilak inan ai; me idauzig Jakob panilak. Tamol pain mai sikstin. 19Rahel, Jakob iwon, inan ai: Josef Benjamin mai. 20Egipta fatulon Josef inan ai Manasse Efraim mai me Asenat Potifera, Onnen waliŋtamol ta inan aipain, idauzi panilak. 21Benjamin inan ai me: Bela, Beker, Asbel, Gera, Naaman, Ehi, Ros, Muppim, Huppim Ard mai. 22E me Rahel inan ai me i idauzig Jakob panilak. Tamol pain mai fourtin. 23Dan inan ai: Husim. 24Naftali inan ai: Jaseel, Guni, Jeser Sillem mai. 25E me Bilha, me Laban inan aipain Rahel panilak, inan ai me i idauzig Jakob panilak, me sewen. 26Jakob inan samungaz mok Egiptanen dilelak, siben inan dazgaz, Jakob inan ai, nadin iwodingaz mai so sutamap, me siksti‐siks. 27Josef inan ai me tinadin Egiptanen idauzilak me azugen. Tamol pain mai Jakob inan abbadimlon Egiptanen dilelak me sewenti.
Jakob inan samungaz mai Egiptanen demade
28I Juda inaug imugseg Josef izinnen ilap ipaiwoi, i Gosennen mai naon tazetazewoi; meginge i Gosen fatulon ditase. 29Meginge Josef inan bobo kibineg inan taman Israel mai Gosennen naon tazetazewoi ile. I izinnen itaseg i auzun jabijabig klugudin nugnug jazonlak denaug saen kin melaen dita. 30Israel Josef ipai, Binagpa ŋamatoi, o bas madoume me nao ŋenasilakoi. 31Josef inan taingaz taman inan abbadimgaz mai pidin, Ŋa ŋalap Farao ŋepaiwoi, Inag taiggaz mam inan abbadimgaz mai i Kanaan fatulon demadodimelak me izignen dise. 32Tamol me bulmakau belelek mai ditizinadimelak; i belelek pifoldaŋan bulmakau malandaŋan, nadin abaŋ daŋan mai diŋalge dise. 33Farao wigiaŋtap iboloi, Nami uzat abaŋte? 34Aŋ aboloi, Oina begabeggaz ai faunlonge gazo e i bulmakau mon ditizinadimelak, am temamagaz mai, meginpe Gosen fatulon amadowoi. Dazuk tizinekgaz Egiptawain ilonnen foatamol e dibol, mewoi.
Currently Selected:
Genesis 46: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 46
46
Jakob inan samungaz mai Egiptanen diladime
1Meginge Israel inan abaŋ daŋan iŋalge tazeŋ jabig Beer‐sebanen itaseg taman Isak inan Anut ja inau pani. 2Anut i tidomlon malan nitun jazeklon Israel azu ipaig ibol, Jakob, Jakob! I ibol, Ŋa ie. 3Meginge i ibol, Ŋa Anut, oina tama inan Anut; o Egiptanen udunenoi so uzez mon. Melak ŋa o ŋunuop o panubadim ujan unaup madowoi. 4Ŋa o maip Egiptanen taduwoi, ŋa faun ŋuduzop en udusa maiwoi; Josef inan niman mala jabi idup funatiwoi. 5Meginge Jakob i Beer‐sebanenge itaseg, Israel inan ai nadin temadin Jakob, nadin ai kinkin, nadin iwodin mai bobo me i idauziwoi Farao inaulak melon didauzi. 6I nadin bulmakau, nadin abaŋ mai i Kanaan fatulon didadlak me i debezaug Egiptanen dise, Jakob inan dazgaz daŋan mai. 7Inan ai, inan nanungaz nadin ai mai, inan aipain, inan ai nadin aipain mai. Inan dazgaz daŋan idauzig i maig Egiptanen dile.
8E me Israel inan begazangaz Egiptanen dilelak me neadin: Jakob inan ai mai. Ruben, Jakob inan ai matu. 9Ruben inan ai: Hanok, Pallu, Hesron Karmi mai. 10Simeon inan ai: Jemuel, Jamin, Ohad, Jakin, Sohar Saul mai, Kanaan pain inan ai. 11Lewi inan ai: Gerson, Kohat Merari mai. 12Juda inan ai: Er, Onan, Sela, Peres Sera mai. Er Onan mai i Kanaan fatulon dimat. Peres inan ai me Hesron Hamul mai. 13Isakar inan ai: Tola, Puwa, Iob Simron mai. 14Sebulun inan ai: Sered, Elon Jaleel mai. 15Me Lea inan ai, inan aipain Dina, Jakob Paddan‐aramnen inaug panilak. Inan ai aipain mai me tirti‐tri. 16Gad inan ai: Sifion, Haggi, Suni, Esbon, Eri, Arodi Areli mai. 17Aser inan ai: Imna, Iswa, Iswi, Beria ludin Sera mai. Beria inan ai: Heber Malkiel mai. 18E me Silpa me Laban inan aipain Lea panilak inan ai; me idauzig Jakob panilak. Tamol pain mai sikstin. 19Rahel, Jakob iwon, inan ai: Josef Benjamin mai. 20Egipta fatulon Josef inan ai Manasse Efraim mai me Asenat Potifera, Onnen waliŋtamol ta inan aipain, idauzi panilak. 21Benjamin inan ai me: Bela, Beker, Asbel, Gera, Naaman, Ehi, Ros, Muppim, Huppim Ard mai. 22E me Rahel inan ai me i idauzig Jakob panilak. Tamol pain mai fourtin. 23Dan inan ai: Husim. 24Naftali inan ai: Jaseel, Guni, Jeser Sillem mai. 25E me Bilha, me Laban inan aipain Rahel panilak, inan ai me i idauzig Jakob panilak, me sewen. 26Jakob inan samungaz mok Egiptanen dilelak, siben inan dazgaz, Jakob inan ai, nadin iwodingaz mai so sutamap, me siksti‐siks. 27Josef inan ai me tinadin Egiptanen idauzilak me azugen. Tamol pain mai Jakob inan abbadimlon Egiptanen dilelak me sewenti.
Jakob inan samungaz mai Egiptanen demade
28I Juda inaug imugseg Josef izinnen ilap ipaiwoi, i Gosennen mai naon tazetazewoi; meginge i Gosen fatulon ditase. 29Meginge Josef inan bobo kibineg inan taman Israel mai Gosennen naon tazetazewoi ile. I izinnen itaseg i auzun jabijabig klugudin nugnug jazonlak denaug saen kin melaen dita. 30Israel Josef ipai, Binagpa ŋamatoi, o bas madoume me nao ŋenasilakoi. 31Josef inan taingaz taman inan abbadimgaz mai pidin, Ŋa ŋalap Farao ŋepaiwoi, Inag taiggaz mam inan abbadimgaz mai i Kanaan fatulon demadodimelak me izignen dise. 32Tamol me bulmakau belelek mai ditizinadimelak; i belelek pifoldaŋan bulmakau malandaŋan, nadin abaŋ daŋan mai diŋalge dise. 33Farao wigiaŋtap iboloi, Nami uzat abaŋte? 34Aŋ aboloi, Oina begabeggaz ai faunlonge gazo e i bulmakau mon ditizinadimelak, am temamagaz mai, meginpe Gosen fatulon amadowoi. Dazuk tizinekgaz Egiptawain ilonnen foatamol e dibol, mewoi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.