Genesis 45
45
Josef taingaz noadinnen beŋten idu
1Meginge Josef i izinnen tamol ditiuzdime me noadinnen mug buben stemaninen tea. I iwog, Anaup tamol daŋan dibinagpa ibennen dila. Meginge Josef taingaz noadinnen beŋten idug tata so imade. 2I gauzgauz itag Egiptagaz diloŋ, Farao inan abgaz mai diloŋ. 3Josef inan taingaz pidin, Ŋa Josef, ŋainag mam bas madoime? Ge inan taingaz auan diabinen so diloŋ, i malanlon dedeladal.
4Meginge Josef inan taingaz pidin, Ŋa ŋogodoanaŋ, izignen aso. I izinnen dile. I ibol, Ŋa nami timi, aŋ adadge Egiptanen iselak me. 5Gazo bo teŋeami so alan mon, aŋ ŋa adadge en ŋadulak mewoi sebamiwoi buzumi so isa mon. Tamolai so depadaloi noaminenge Anut noagge ŋase. 6Pitol me umaz azugen fatulon ienlakoi; umaz faif dien, melon tan pulueknen anaŋ melaun ŋaleknen mai tea. 7Anut i aŋ noaminenge ŋa noagge ŋase, aŋnami daz loantapnen me ŋitizinap putumi pasek ujanlon getemi ŋepasiwoi. 8Mewoi aŋ tea, Anut i en noagge ŋase. I noagge ŋa Farao taman egin, ŋa inan abbadim inan ujanzen, Egipta fatu daŋan inan kibiaipanek. 9Pasak mam izinnen alap apai, oina ai Josef megin ibol, Anut Egiptalon noagge tamolujag ŋemadoŋame; izignen uduŋan, so muzua mon. 10O Gosen fatulon madowoi, o ŋa izignen mok madowoi, o oina nanugaz begazagaz mai, oina belelek pifoldaŋan bulmakau malandaŋan, oina abaŋ daŋan mai. 11Melak ŋa ŋikibiniop gauai madowoi, pitol inan umaz faif diendime, o oina abbadimgaz, oina abaŋ daŋan mai me pitollon so amatoi. 12Gazo mug aloŋ, nami melamilon mai anasi, taig Benjamin inan malan mai inasig iloŋ, ŋan inag auaglon mok aŋ azu ŋepaiaŋŋame. 13Ŋainag kubel daŋanoi Egiptanen, abaŋ daŋan anasilak menen inag mam sai apaniwoi. Pasak alap inag mam en uduzip iduwoi. 14Meginge i Benjamin kadoi panig ita, Benjamin mai i kadoi panig ita. 15I inan taingaz daŋan musuk pinidinmeg ijabge ita. Uzig taingaz i mai dikibiai.
16Farao inan ablon, Josef inan taingaz diselak, biŋ iloŋge Farao, inan begabeggaz mai gamun ifu. 17Farao Josef ipai, Oina taigaz pidinpa, Megin anau: abaŋ dazuklak idizip Kanaan fatulon amul. 18Nami temami, nami abbadimgaz mai aŋalpa izignen aso, Egiptalon tan gauai mok ŋepanaŋpa fatu inan anaŋ numuzan mai aniwoi. 19Kibiai ta mai pinidin, megin: Egipta fatu inan bobo ta mai nami ai kinkin iwomigazoi mai aŋalpa nami temami uduzip aso. 20Nami abaŋoi so kankan mon, Egipta fatu daŋan inan abaŋ gauai aŋalewoi.
21Israel inan ai megin denau. Farao ibollak egin Josef i bobo pinidin, tazeŋ inan lautamad mai pinidin. 22Taingaz daŋan dadodado jamel gizaud pinidin; Benjamin bo silwer sekel tri hundert jamel gizaud faif mai pani. 23Taman inan doŋki ten fodinlak Egipta inan abaŋ gauai idiz, doŋki paiat ten fodinlak whit abaŋ sepalaŋ, taman inan tazeŋ inan lautamad mai idiz. 24Meginge i inan taingaz inauge dile, i dilemeg ipidin, Dallak nug so paipai mon. 25I megin Egiptanenge ditaseg Kanaan fatulon temadin Jakob izinnen dile. 26I depai, Josef i bas madoime, so padal, Egipta fatu daŋanlon i kibiaipanek inauime. Jakob inan buben bodo ibol, i nadin azu ilonlon so malik. 27Ge i Josef inan azu daŋan i pidinlak me depaig, bobo i duziwoi Josef inauge diselak me daŋan ilge, nadin temadin Jakob inan uz pasa ibol. 28Israel ibol, Me iduse. Inag ai Josef so padal, bas madoime; ŋa so ŋamatmap eginmap ŋa ŋalap ŋenasiwoi.
Currently Selected:
Genesis 45: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 45
45
Josef taingaz noadinnen beŋten idu
1Meginge Josef i izinnen tamol ditiuzdime me noadinnen mug buben stemaninen tea. I iwog, Anaup tamol daŋan dibinagpa ibennen dila. Meginge Josef taingaz noadinnen beŋten idug tata so imade. 2I gauzgauz itag Egiptagaz diloŋ, Farao inan abgaz mai diloŋ. 3Josef inan taingaz pidin, Ŋa Josef, ŋainag mam bas madoime? Ge inan taingaz auan diabinen so diloŋ, i malanlon dedeladal.
4Meginge Josef inan taingaz pidin, Ŋa ŋogodoanaŋ, izignen aso. I izinnen dile. I ibol, Ŋa nami timi, aŋ adadge Egiptanen iselak me. 5Gazo bo teŋeami so alan mon, aŋ ŋa adadge en ŋadulak mewoi sebamiwoi buzumi so isa mon. Tamolai so depadaloi noaminenge Anut noagge ŋase. 6Pitol me umaz azugen fatulon ienlakoi; umaz faif dien, melon tan pulueknen anaŋ melaun ŋaleknen mai tea. 7Anut i aŋ noaminenge ŋa noagge ŋase, aŋnami daz loantapnen me ŋitizinap putumi pasek ujanlon getemi ŋepasiwoi. 8Mewoi aŋ tea, Anut i en noagge ŋase. I noagge ŋa Farao taman egin, ŋa inan abbadim inan ujanzen, Egipta fatu daŋan inan kibiaipanek. 9Pasak mam izinnen alap apai, oina ai Josef megin ibol, Anut Egiptalon noagge tamolujag ŋemadoŋame; izignen uduŋan, so muzua mon. 10O Gosen fatulon madowoi, o ŋa izignen mok madowoi, o oina nanugaz begazagaz mai, oina belelek pifoldaŋan bulmakau malandaŋan, oina abaŋ daŋan mai. 11Melak ŋa ŋikibiniop gauai madowoi, pitol inan umaz faif diendime, o oina abbadimgaz, oina abaŋ daŋan mai me pitollon so amatoi. 12Gazo mug aloŋ, nami melamilon mai anasi, taig Benjamin inan malan mai inasig iloŋ, ŋan inag auaglon mok aŋ azu ŋepaiaŋŋame. 13Ŋainag kubel daŋanoi Egiptanen, abaŋ daŋan anasilak menen inag mam sai apaniwoi. Pasak alap inag mam en uduzip iduwoi. 14Meginge i Benjamin kadoi panig ita, Benjamin mai i kadoi panig ita. 15I inan taingaz daŋan musuk pinidinmeg ijabge ita. Uzig taingaz i mai dikibiai.
16Farao inan ablon, Josef inan taingaz diselak, biŋ iloŋge Farao, inan begabeggaz mai gamun ifu. 17Farao Josef ipai, Oina taigaz pidinpa, Megin anau: abaŋ dazuklak idizip Kanaan fatulon amul. 18Nami temami, nami abbadimgaz mai aŋalpa izignen aso, Egiptalon tan gauai mok ŋepanaŋpa fatu inan anaŋ numuzan mai aniwoi. 19Kibiai ta mai pinidin, megin: Egipta fatu inan bobo ta mai nami ai kinkin iwomigazoi mai aŋalpa nami temami uduzip aso. 20Nami abaŋoi so kankan mon, Egipta fatu daŋan inan abaŋ gauai aŋalewoi.
21Israel inan ai megin denau. Farao ibollak egin Josef i bobo pinidin, tazeŋ inan lautamad mai pinidin. 22Taingaz daŋan dadodado jamel gizaud pinidin; Benjamin bo silwer sekel tri hundert jamel gizaud faif mai pani. 23Taman inan doŋki ten fodinlak Egipta inan abaŋ gauai idiz, doŋki paiat ten fodinlak whit abaŋ sepalaŋ, taman inan tazeŋ inan lautamad mai idiz. 24Meginge i inan taingaz inauge dile, i dilemeg ipidin, Dallak nug so paipai mon. 25I megin Egiptanenge ditaseg Kanaan fatulon temadin Jakob izinnen dile. 26I depai, Josef i bas madoime, so padal, Egipta fatu daŋanlon i kibiaipanek inauime. Jakob inan buben bodo ibol, i nadin azu ilonlon so malik. 27Ge i Josef inan azu daŋan i pidinlak me depaig, bobo i duziwoi Josef inauge diselak me daŋan ilge, nadin temadin Jakob inan uz pasa ibol. 28Israel ibol, Me iduse. Inag ai Josef so padal, bas madoime; ŋa so ŋamatmap eginmap ŋa ŋalap ŋenasiwoi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.