Genesis 27
27
Isak Jakob baz pani
1Isak dinou malan kin delaualtidaŋan, i abaŋ nasi gauainen teatag, inan ai matu Esau wagig ipai, Ŋainag ai! I auan jabig ibol, Ŋa ie. 2I ibol, Nasi, ŋa mug dinou; ŋainag mateŋ nal so ŋaloŋ. 3Mewoi oina fi tu tabazdaŋan mai ŋalep gazaŋlon ulap dazuk tawoi laŋaipa funip usop, 4anaŋ mewoi ŋa ŋamatŋamelak menen ta naip panag, ŋanimap iloglon baz ŋepanowoi, get so ŋamatlak eginmap.
5Isak inan ai Esau azu megin ipaimeg Rebeka i dab pani. Mewoi Esau dazukoi gazaŋlon laŋaioi ilemeg, 6Rebeka inan ai Jakob ipai, Ŋa oina tama tai Esau azu megin ipaimeg ŋaloŋ, 7Dazuk ta funip anaŋ gamun naip panag, meginpe ŋa ŋanimap so ŋamatlak eginmap Ujanzen naonnen baz ŋepanowoi. 8Mewoi inag nanug, ŋainag azu ŋa o ŋepaoŋame me uzi pani. 9Belelek pifoldaŋan zidinnen ulap nanun dauai gauaigauai azup uŋalpa uso, meginpe ŋa anaŋ gamun, mewoi i imatimelak egin ŋenaip, 10oina tama izinnen bezaup ulap janiwoi, i so imatlak eginmap baz ipanowoi. 11Jakob inan tinan Rebeka ipai, Uloŋ, taig Esau i tinin bubulundaŋan ŋa me tinig jaulak. 12Mam biag nasagoi tat, mam se ŋewozai e iboloi, meginpe ŋa meselanek azu foglak ŋezaep iduwoi, baz tea. 13Inan tinan i ipai, Nanug, meselanek azu o tuzugusop ŋa foglak iduwoi. Ŋainag auag mon uzi pani, ulap uŋal usop panag. 14Meginge i ileg iŋalge iseg tinan pani. Inan tinan i anaŋ gamun mewoi taman imatimelak menen ta inai. 15Uzig Rebeka inan nanun matu, Esau, inan jamel gauai me i izinnen ablon ienmeg ŋaleg idug Jakob, inan nanun mizimu, nule pani. 16Belelek nanun siliŋon ŋaleg niman ipau pani, klagun ijaulak me mai ipau. 17I anaŋ gamun, sepalaŋ i geteŋanilak me mai ŋaleg inan ai Jakob nimanlon inau.
18Meginge i inan taman izinnen ileg ibol, Mam a! I ibol, Ŋa ie, nanug o itai? 19Jakob taman ipai, Ŋa Esau, oina nanu matu, ubollak megin ŋenaulak ŋase. Umais matalpa, ŋainag anaŋ wani, baz ilolon ienime me panag. 20Isak inan nanun ipai, Nanug dodinge pasak mok ŋalelak? I auan jabig ibol, Ujanzen oina Anut i panaglak. Meginge Isak Jakob ipai, 21Nanug, izignen usop ŋa o ŋibio ŋenasowoi, ŋa ŋaloŋ gauaioi o malik ŋainag nanug Esau tat, tea tat. 22Meginge Jakob inan taman Isak izinnen ileg i jabi nasig ibol, Klagu Jakob klagun egin, ge nima me Esau niman egin. 23Niman Esau niman egin bubulundaŋan, ge i so iloŋ, mewoi i baz pani. 24I ibol, O malik ŋainag nanug Esau? I auan jabig ibol, Au. 25Meginge i ibol, Nanug izignen ŋalep usop ina dazuk ŋanimap baz ŋepanowoi. Meginge i ŋaleg ileg panig i jani. I wain ŋaleg panig i mili. 26Meginge inan taman Isak i ipai, Nanug izignen usop musuk panag. 27Mewoi i izinnen ileg musuk ipani. I inan jamel zuŋadin dab panig i baz pani, ibol, Nanug inan zuŋan me gazaŋ Ujanzen baz panilak inan zuŋan egin! 28Anut didnen nam o panoŋan, tan inan numuzan mai, anaŋ wain mai idusanen. 29Tamolpain badimbadim bia depaluwoi, fatu badimbadim o naonen detakokoi, o taigaz nadin ujanzen, tina inan nanunai o naonen detakokoi. Daŋan me o demeselanotap i mai meselanowoi, daŋan me o dikibiniotap i mai kibiniap demadowoi.
30Isak Jakob baz pani binig Jakob tapas idug, ŋalaŋame ibolmeg, Esau dazukoi laŋailak mug itase. 31I mai anaŋ gamun mewoi taman imatimelak egin inaig izinnen ŋaleg ileg inan taman ipai, Inag mam, imaispa inan ai inan dazuk janip ŋa baz panagoi. 32Inan taman Isak i ipai, O itai? I auan jabig ibol, Ŋa oina nanuai, oina ai matu, Esau. 33Meginge Isak tinin gauz terere ibolge ibol, It dazukoi laŋaige ŋaleg iseg, o so usemeg, ŋa ŋani ŋepasi, ŋa i baz ŋepanilak? — Au, i bazdaŋanoi. 34Esau taman inan azu iloŋge i ibob kekaukge inan taman ipai, Mam, ŋa mai baz ta panagpe. 35Ge i ibol, Oina tai sewozaiklon iseg oina baz wiziolak. 36Esau ibol, Nean Jakob iwoi so tat iduse? I mug saen azug ŋa abeg ŋale. Ŋainag matu iwiziag, nasi, gazo mai inag baz wiziag. Meginge i ibol, O ŋawoi baz ta sagen so unaulak? 37Isak Esau auan jabig ibol, Uloŋ, ŋa ŋenaug i oina ujanzen, inan taingaz daŋan begabeg egin ŋepanilak, anaŋ wain mailon zagun ŋepanilak. Nanugai owoi abaŋte ŋenaunen ŋaloŋ? 38Esau inan taman ipai, Ŋainag mam, o baz taimon e mon? Au, ŋainag mam, ŋa mai baz ta panagpe. Esau auan biseg ita.
39Meginge taman Isak i auan jabig ibol, Uloŋ, o tan numuzandaŋan me giginnen oina panu ienoi, did latnen nam giginnen. 40Oina sebuzi naon anaŋ ŋalep waniwoi, o oina tai bian paluwoi; o oina ŋuzaŋuz tetazip o gudu inan kukudek pasiwoi.
Isak Jakob inaug Harannen ile
41Esau i Jakob muguni, taman i baz panilak mewoi. Esau ilonlon ibol, Ŋainag mamoi tiŋia idunen saen mug sisizime, saen melon ŋainag taig ŋufunip imatoi. 42Ai matu Esau inan azu me Rebeka depai. Mewoi inan ai mizimu Jakoboi totol inaug wagig ipai, Uloŋ, oina tai Esau i o funowoi nean inaumeg siben ilon ŋaleime. 43Mewoi, inag ai, inag auag dab pani; umaispa ŋainag liug Laban izinnen Harannen uwaupa ula. 44Saen ta melak mado, oina tai inan buzun kekazun bodo ibol eginmap. 45Oina tai inan buzun kekazun bodo ibol eginmap, abaŋ o iwoi unaulak me ilon padalmap, saen melon ŋa totol ŋenaup aonpa ŋuduzop usowoi. Dodinpa aŋ auzun ad taimonlon melami teap ibinagoi.
46Saen melon Rebeka Isak ipai, Ŋa Hittit painoi ilog sali malan itau. Jakob i Hittit pain e egin fatu e inan pain ta iŋalep ŋa so ŋemado alanoige?
Currently Selected:
Genesis 27: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 27
27
Isak Jakob baz pani
1Isak dinou malan kin delaualtidaŋan, i abaŋ nasi gauainen teatag, inan ai matu Esau wagig ipai, Ŋainag ai! I auan jabig ibol, Ŋa ie. 2I ibol, Nasi, ŋa mug dinou; ŋainag mateŋ nal so ŋaloŋ. 3Mewoi oina fi tu tabazdaŋan mai ŋalep gazaŋlon ulap dazuk tawoi laŋaipa funip usop, 4anaŋ mewoi ŋa ŋamatŋamelak menen ta naip panag, ŋanimap iloglon baz ŋepanowoi, get so ŋamatlak eginmap.
5Isak inan ai Esau azu megin ipaimeg Rebeka i dab pani. Mewoi Esau dazukoi gazaŋlon laŋaioi ilemeg, 6Rebeka inan ai Jakob ipai, Ŋa oina tama tai Esau azu megin ipaimeg ŋaloŋ, 7Dazuk ta funip anaŋ gamun naip panag, meginpe ŋa ŋanimap so ŋamatlak eginmap Ujanzen naonnen baz ŋepanowoi. 8Mewoi inag nanug, ŋainag azu ŋa o ŋepaoŋame me uzi pani. 9Belelek pifoldaŋan zidinnen ulap nanun dauai gauaigauai azup uŋalpa uso, meginpe ŋa anaŋ gamun, mewoi i imatimelak egin ŋenaip, 10oina tama izinnen bezaup ulap janiwoi, i so imatlak eginmap baz ipanowoi. 11Jakob inan tinan Rebeka ipai, Uloŋ, taig Esau i tinin bubulundaŋan ŋa me tinig jaulak. 12Mam biag nasagoi tat, mam se ŋewozai e iboloi, meginpe ŋa meselanek azu foglak ŋezaep iduwoi, baz tea. 13Inan tinan i ipai, Nanug, meselanek azu o tuzugusop ŋa foglak iduwoi. Ŋainag auag mon uzi pani, ulap uŋal usop panag. 14Meginge i ileg iŋalge iseg tinan pani. Inan tinan i anaŋ gamun mewoi taman imatimelak menen ta inai. 15Uzig Rebeka inan nanun matu, Esau, inan jamel gauai me i izinnen ablon ienmeg ŋaleg idug Jakob, inan nanun mizimu, nule pani. 16Belelek nanun siliŋon ŋaleg niman ipau pani, klagun ijaulak me mai ipau. 17I anaŋ gamun, sepalaŋ i geteŋanilak me mai ŋaleg inan ai Jakob nimanlon inau.
18Meginge i inan taman izinnen ileg ibol, Mam a! I ibol, Ŋa ie, nanug o itai? 19Jakob taman ipai, Ŋa Esau, oina nanu matu, ubollak megin ŋenaulak ŋase. Umais matalpa, ŋainag anaŋ wani, baz ilolon ienime me panag. 20Isak inan nanun ipai, Nanug dodinge pasak mok ŋalelak? I auan jabig ibol, Ujanzen oina Anut i panaglak. Meginge Isak Jakob ipai, 21Nanug, izignen usop ŋa o ŋibio ŋenasowoi, ŋa ŋaloŋ gauaioi o malik ŋainag nanug Esau tat, tea tat. 22Meginge Jakob inan taman Isak izinnen ileg i jabi nasig ibol, Klagu Jakob klagun egin, ge nima me Esau niman egin. 23Niman Esau niman egin bubulundaŋan, ge i so iloŋ, mewoi i baz pani. 24I ibol, O malik ŋainag nanug Esau? I auan jabig ibol, Au. 25Meginge i ibol, Nanug izignen ŋalep usop ina dazuk ŋanimap baz ŋepanowoi. Meginge i ŋaleg ileg panig i jani. I wain ŋaleg panig i mili. 26Meginge inan taman Isak i ipai, Nanug izignen usop musuk panag. 27Mewoi i izinnen ileg musuk ipani. I inan jamel zuŋadin dab panig i baz pani, ibol, Nanug inan zuŋan me gazaŋ Ujanzen baz panilak inan zuŋan egin! 28Anut didnen nam o panoŋan, tan inan numuzan mai, anaŋ wain mai idusanen. 29Tamolpain badimbadim bia depaluwoi, fatu badimbadim o naonen detakokoi, o taigaz nadin ujanzen, tina inan nanunai o naonen detakokoi. Daŋan me o demeselanotap i mai meselanowoi, daŋan me o dikibiniotap i mai kibiniap demadowoi.
30Isak Jakob baz pani binig Jakob tapas idug, ŋalaŋame ibolmeg, Esau dazukoi laŋailak mug itase. 31I mai anaŋ gamun mewoi taman imatimelak egin inaig izinnen ŋaleg ileg inan taman ipai, Inag mam, imaispa inan ai inan dazuk janip ŋa baz panagoi. 32Inan taman Isak i ipai, O itai? I auan jabig ibol, Ŋa oina nanuai, oina ai matu, Esau. 33Meginge Isak tinin gauz terere ibolge ibol, It dazukoi laŋaige ŋaleg iseg, o so usemeg, ŋa ŋani ŋepasi, ŋa i baz ŋepanilak? — Au, i bazdaŋanoi. 34Esau taman inan azu iloŋge i ibob kekaukge inan taman ipai, Mam, ŋa mai baz ta panagpe. 35Ge i ibol, Oina tai sewozaiklon iseg oina baz wiziolak. 36Esau ibol, Nean Jakob iwoi so tat iduse? I mug saen azug ŋa abeg ŋale. Ŋainag matu iwiziag, nasi, gazo mai inag baz wiziag. Meginge i ibol, O ŋawoi baz ta sagen so unaulak? 37Isak Esau auan jabig ibol, Uloŋ, ŋa ŋenaug i oina ujanzen, inan taingaz daŋan begabeg egin ŋepanilak, anaŋ wain mailon zagun ŋepanilak. Nanugai owoi abaŋte ŋenaunen ŋaloŋ? 38Esau inan taman ipai, Ŋainag mam, o baz taimon e mon? Au, ŋainag mam, ŋa mai baz ta panagpe. Esau auan biseg ita.
39Meginge taman Isak i auan jabig ibol, Uloŋ, o tan numuzandaŋan me giginnen oina panu ienoi, did latnen nam giginnen. 40Oina sebuzi naon anaŋ ŋalep waniwoi, o oina tai bian paluwoi; o oina ŋuzaŋuz tetazip o gudu inan kukudek pasiwoi.
Isak Jakob inaug Harannen ile
41Esau i Jakob muguni, taman i baz panilak mewoi. Esau ilonlon ibol, Ŋainag mamoi tiŋia idunen saen mug sisizime, saen melon ŋainag taig ŋufunip imatoi. 42Ai matu Esau inan azu me Rebeka depai. Mewoi inan ai mizimu Jakoboi totol inaug wagig ipai, Uloŋ, oina tai Esau i o funowoi nean inaumeg siben ilon ŋaleime. 43Mewoi, inag ai, inag auag dab pani; umaispa ŋainag liug Laban izinnen Harannen uwaupa ula. 44Saen ta melak mado, oina tai inan buzun kekazun bodo ibol eginmap. 45Oina tai inan buzun kekazun bodo ibol eginmap, abaŋ o iwoi unaulak me ilon padalmap, saen melon ŋa totol ŋenaup aonpa ŋuduzop usowoi. Dodinpa aŋ auzun ad taimonlon melami teap ibinagoi.
46Saen melon Rebeka Isak ipai, Ŋa Hittit painoi ilog sali malan itau. Jakob i Hittit pain e egin fatu e inan pain ta iŋalep ŋa so ŋemado alanoige?
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.