Genesis 26
26
Isak Gerarnen Beer‐sebanen mai made
1Saen melon pitol ta idug me get Abraham inan saenlon idulak egin. Isak i Gerarnen Abimelek, Filistawain nadin kiŋ, izinnen ile. 2Ujanzen i izinnen itaseg ipai, O Egiptanen so ule mon; fatu ŋa o ŋepaowoi melon mado. 3Fatu elon lo madop ŋa o maiwoi, ŋa ŋikibiniowoi; o oina begazagaz mai tan e daŋan ŋepanaŋoi. Azu stemanek ŋa Abraham oina tama malik ŋepailak me ŋenaup niŋon itasawoi. 4Ŋa ŋenaup oina begazagaz patui didlak egin kuzumoi, oina begazagaz tan e daŋan ŋipinidinoi; oina begazagazlon tan inan fatu badim daŋan kibineknen baz deŋalewoi. 5Abraham i auag dagom pani, ŋainag azu ŋainag kibiaiŋ, ŋainag kibiai panek ŋainag kibiaik mai uzi panilakoi.
6Meginge Isak Gerarnen made. 7Panu me inan tamol inan iwonoi sodoz depanig, i ibol, I ŋainag liug. I ŋainag iwog e ibolnen izez, ilon ibol, panu e inan tamol Rebekaoi dufunagoi. Tamol i denasig meladin gamunlakoi. 8I saen kin melaen melak mademeg Abimelek, Filistawain nadin kiŋ, inan ab inan auan kiteklon malan ilemeg i Isak iwon loatimeg nasi. 9Mewoi Abimelek Isak wagig ibol, Nasi, i oina iwo; dodinge o ubol, I ŋainag liug? Isak i ipai, Ŋa ilog kankange ŋabol, Gazop i tininnen tat ŋa dufunagoi. 10Abimelek ibol, O dodin noamalak? Dal fueg ien ai ta oina iwo mai diennen iloŋ, meginpe o ja uzaep tinima fonlak idupe. 11Mewoi Abimelek tamolai daŋan bebanag ibol, Tata i tamol e, tea, inan iwon jabi nasitap i funip imatoi.
12Isak i fatu melon anaŋ ipaeg umaz melon niŋon hundertge idug ŋale. Ujanzen i kibine. 13Tamol me filiandaŋange ilegileg i filian zen. 14I belelek pifoldaŋan, bulmakau malandaŋan, samunwain kuzum maig Filistawain iwoi jenain disui. 15Meginge Filistawain i inan taman Abraham inan begabeg naz sazek, i Abraham inan saenlon desazelak me tenatanlon dututumuni. 16Abimelek Isak ipai, Binimap ula; o nenezama mokge gegau.
17Mewoi Isak fatu me binig zoanek Gerarnen panu ŋaleg made. 18Isak naz sazek inan taman Abraham inan saenlon desazelak me faun mug isaze. Filistawain Abraham imatmeg i dututumunilak. Neadin mai taman i pinidinlak me faun ipinidin. 19Isak inan begabeg zoaneklon lof desazemeg naz bubuaig itase. 20Dazuktizinek Gerarnen i Isak inan tizinek mai dizoige dibol, Naz me amnama. Mewoi i naz sazek nean Esek iblani, i mai dizoilakoi. 21Uzig i naz sazek ta desaze, i mewoi mai dizoi, mewoi i Sitna iblani. 22I menge ileg i naz sazek ta isaze, i mewoi so dizoi. Mewoi i nean Rehobot iblanig ibol, Gazo Ujanzen dal pasi panadlak, fatu elon id temado gauaioi.
23Menge i Beer‐sebanen ile. 24Ujanzen tidom melon mon izinnen itaseg ibol, Ŋa oina tama Abraham inan Anut, so uzez mon, ŋa o maiwoi, ŋa ŋikibiniowoi, ŋainag begabeg Abrahamoi ŋa oina begazagaz ŋenaup kuzumoi. 25Meginge i melak wiwa talig Ujanzen nean blanimeg itoz, melak inan tazas inau. Melak Isak inan begabeg naz sazek ta desaze.
Isak Abimelek mai liluŋlon temaneknen denau
26Meginge Abimelek Ahussat, inan tizan ta, Fikol, inan judaup inan gaten mai, Gerarnenge Isak izinnen dile. 27Isak i pidin, Dodinge aŋ izignen ase, me aŋ mugunagmeg ŋa noagge ŋibinaŋlak? 28I dibol, Am mug anasig aloŋ Ujanzen o mailak. Mewoi am abol maliknen stemanek azu ta o am mai liluŋlon ienoi, mewoi ubolpa temaneknen ta o am mai tenauwoi. 29O so noama alanoi, am mai o so titolakoi, am o kin so unuo alanlak, gauai mon kibiniog mazozlon en uselak. Gazo madoume Ujanzen i o kibiniolak. 30Meginge Isak i tuz ta inaug pinidinge i dianig naz dimili mai. 31Bomon mon i dimaisge stemanek azulon nug paipai, malik meginoi dibol. Isak idauzig dallak inauge i mazozlon i dibinig dile. 32Nal me moklon Isak inan begabeg diseg naz i desazelak mewoi depai, Am asazemeg naz itase. 33I Siba iblani; mewoi gazo e panu me nean Beer‐seba.
34Esau i umaz fourtige i pain nean Judit, Be‐eri, Hittitwain, inan aipain, Basemat, Hittitwain Elon inan aipain, mai iŋal. 35Iwoi Isak Rebeka mai sansan teŋeadin alan.
Currently Selected:
Genesis 26: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 26
26
Isak Gerarnen Beer‐sebanen mai made
1Saen melon pitol ta idug me get Abraham inan saenlon idulak egin. Isak i Gerarnen Abimelek, Filistawain nadin kiŋ, izinnen ile. 2Ujanzen i izinnen itaseg ipai, O Egiptanen so ule mon; fatu ŋa o ŋepaowoi melon mado. 3Fatu elon lo madop ŋa o maiwoi, ŋa ŋikibiniowoi; o oina begazagaz mai tan e daŋan ŋepanaŋoi. Azu stemanek ŋa Abraham oina tama malik ŋepailak me ŋenaup niŋon itasawoi. 4Ŋa ŋenaup oina begazagaz patui didlak egin kuzumoi, oina begazagaz tan e daŋan ŋipinidinoi; oina begazagazlon tan inan fatu badim daŋan kibineknen baz deŋalewoi. 5Abraham i auag dagom pani, ŋainag azu ŋainag kibiaiŋ, ŋainag kibiai panek ŋainag kibiaik mai uzi panilakoi.
6Meginge Isak Gerarnen made. 7Panu me inan tamol inan iwonoi sodoz depanig, i ibol, I ŋainag liug. I ŋainag iwog e ibolnen izez, ilon ibol, panu e inan tamol Rebekaoi dufunagoi. Tamol i denasig meladin gamunlakoi. 8I saen kin melaen melak mademeg Abimelek, Filistawain nadin kiŋ, inan ab inan auan kiteklon malan ilemeg i Isak iwon loatimeg nasi. 9Mewoi Abimelek Isak wagig ibol, Nasi, i oina iwo; dodinge o ubol, I ŋainag liug? Isak i ipai, Ŋa ilog kankange ŋabol, Gazop i tininnen tat ŋa dufunagoi. 10Abimelek ibol, O dodin noamalak? Dal fueg ien ai ta oina iwo mai diennen iloŋ, meginpe o ja uzaep tinima fonlak idupe. 11Mewoi Abimelek tamolai daŋan bebanag ibol, Tata i tamol e, tea, inan iwon jabi nasitap i funip imatoi.
12Isak i fatu melon anaŋ ipaeg umaz melon niŋon hundertge idug ŋale. Ujanzen i kibine. 13Tamol me filiandaŋange ilegileg i filian zen. 14I belelek pifoldaŋan, bulmakau malandaŋan, samunwain kuzum maig Filistawain iwoi jenain disui. 15Meginge Filistawain i inan taman Abraham inan begabeg naz sazek, i Abraham inan saenlon desazelak me tenatanlon dututumuni. 16Abimelek Isak ipai, Binimap ula; o nenezama mokge gegau.
17Mewoi Isak fatu me binig zoanek Gerarnen panu ŋaleg made. 18Isak naz sazek inan taman Abraham inan saenlon desazelak me faun mug isaze. Filistawain Abraham imatmeg i dututumunilak. Neadin mai taman i pinidinlak me faun ipinidin. 19Isak inan begabeg zoaneklon lof desazemeg naz bubuaig itase. 20Dazuktizinek Gerarnen i Isak inan tizinek mai dizoige dibol, Naz me amnama. Mewoi i naz sazek nean Esek iblani, i mai dizoilakoi. 21Uzig i naz sazek ta desaze, i mewoi mai dizoi, mewoi i Sitna iblani. 22I menge ileg i naz sazek ta isaze, i mewoi so dizoi. Mewoi i nean Rehobot iblanig ibol, Gazo Ujanzen dal pasi panadlak, fatu elon id temado gauaioi.
23Menge i Beer‐sebanen ile. 24Ujanzen tidom melon mon izinnen itaseg ibol, Ŋa oina tama Abraham inan Anut, so uzez mon, ŋa o maiwoi, ŋa ŋikibiniowoi, ŋainag begabeg Abrahamoi ŋa oina begazagaz ŋenaup kuzumoi. 25Meginge i melak wiwa talig Ujanzen nean blanimeg itoz, melak inan tazas inau. Melak Isak inan begabeg naz sazek ta desaze.
Isak Abimelek mai liluŋlon temaneknen denau
26Meginge Abimelek Ahussat, inan tizan ta, Fikol, inan judaup inan gaten mai, Gerarnenge Isak izinnen dile. 27Isak i pidin, Dodinge aŋ izignen ase, me aŋ mugunagmeg ŋa noagge ŋibinaŋlak? 28I dibol, Am mug anasig aloŋ Ujanzen o mailak. Mewoi am abol maliknen stemanek azu ta o am mai liluŋlon ienoi, mewoi ubolpa temaneknen ta o am mai tenauwoi. 29O so noama alanoi, am mai o so titolakoi, am o kin so unuo alanlak, gauai mon kibiniog mazozlon en uselak. Gazo madoume Ujanzen i o kibiniolak. 30Meginge Isak i tuz ta inaug pinidinge i dianig naz dimili mai. 31Bomon mon i dimaisge stemanek azulon nug paipai, malik meginoi dibol. Isak idauzig dallak inauge i mazozlon i dibinig dile. 32Nal me moklon Isak inan begabeg diseg naz i desazelak mewoi depai, Am asazemeg naz itase. 33I Siba iblani; mewoi gazo e panu me nean Beer‐seba.
34Esau i umaz fourtige i pain nean Judit, Be‐eri, Hittitwain, inan aipain, Basemat, Hittitwain Elon inan aipain, mai iŋal. 35Iwoi Isak Rebeka mai sansan teŋeadin alan.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.