Genesis 28
28
1Meginge Isak Jakob wagig baz panig kibiai mai panig ibol, O Kanaan pain e ta so ŋalewoi. 2Umaispa Paddan‐aramnen oina tina inan taman Betuel inan abbadimlon ula; aonpa oina tina inan liun Laban inan aipain ta ŋale. 3Anut tiwondaŋan i kibiniop o fabuldananpa tamolpain badim kuzumoi. 4I Abraham inan baz me oina begazagaz maip panaŋoi, meginpe fatu o lo utozume, Anut Abraham panilak me o ŋalep fun unauwoi. 5Meginge Isak Jakob inaug ile. I Paddan‐aramnen Betuel inan ai Laban i Arameawain, Rebeka inan liun, Jakob Esau mai weadin, izinnen ile.
Esau pain ta mai ŋale
6Esau mug dab ipani, Isak Jakob baz panilakge Paddan‐aramnen pain ta ŋalewoi inaug ilelak. Baz panimeg kibiai mai pani, ibol, O Kanaan pain ta so ŋalewoi, me mai iloŋ. 7Jakob taman tinan mai dagom pinidinge Paddan‐aramnen ilelak me mai iloŋ. 8Ta mai, Esau mug dab ipani, Kanaan painoi taman gamun so funiime. 9Mewoi Esau Ismael izinnen ileg pain aenta demadodime menen pain faun ta Maha‐lat, Ismael Abraham inan ai, Nebaiot inan liun, ŋaleg inan pain inau.
Jakob Betelnen ienmin
10Jakob Beer‐seba binig Haran salo ile. 11I fatu talon itaseg tidom melon melak made, ad mug idulelakoi. Fatu me inan pat ta ŋaleg kalik inaug ien. 12I ienminge tet didlakge fun tan saeg ienmeg nasi. Anut inan eŋel tet duzig diduse didulemeg il. 13Nasi, Ujanzen siben tet buzunlak itiuzge ibol, Ŋa Ujagzen, Abraham, oina tama inan Anut, Isak inan Anut; fatu uwenumelak me o oina begazagaz mai ŋepanaŋoi. 14Oina begazagaz kulukal egin kuzumoi, aŋ apezetalep west ist mai, nord saut baŋenlon mai alawoi. Olonpa oina begazagazlonpa tamolai fatu daŋan baz gauai deŋalewoi. 15Uloŋ, ŋa o maip tatozoi, o ulaumelak men ŋa o ŋitizinowoi, menpa ŋa ŋuduzop umulpa fatu elon ŋunuowoi. Ŋa so ŋibinowoi, abaŋ o ŋepaolak me ŋenaumap mon eginmap. 16Meginge Jakob imaisge ibol, Malik, Ujanzen aben elon madoime, ŋa get so ŋaloŋlak. 17I izutge ibol, Aben e gun mok! E me Anut inan ab, e me did inan dalauan.
18Meginge Jakob bomon mon imaisge pat kalik inaulak me ŋaleg gunig bagoz inau. Fonlak gazeŋ wali. 19I aben me Betel iblani; nean getnen me Lus. 20Uzig Jakob malik e ibol, niŋon inauwoi ibol, Anut ŋa mai atozpa dal ŋatozmap tizinagtap, anaŋ ŋaninen, jamel ŋunulanen mai panagtap duzag gauaipa, 21mam inan ablon mazozlon faun ŋamultap, Ujanzen i ŋainag Anut e ŋaboloi. 22Ŋa bagozoi pat e ŋugunilak me Anut inan aboi. Abaŋ daŋan o panagume me ŋetezepalep tenpa taimon o ŋepanowoi.
Currently Selected:
Genesis 28: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 28
28
1Meginge Isak Jakob wagig baz panig kibiai mai panig ibol, O Kanaan pain e ta so ŋalewoi. 2Umaispa Paddan‐aramnen oina tina inan taman Betuel inan abbadimlon ula; aonpa oina tina inan liun Laban inan aipain ta ŋale. 3Anut tiwondaŋan i kibiniop o fabuldananpa tamolpain badim kuzumoi. 4I Abraham inan baz me oina begazagaz maip panaŋoi, meginpe fatu o lo utozume, Anut Abraham panilak me o ŋalep fun unauwoi. 5Meginge Isak Jakob inaug ile. I Paddan‐aramnen Betuel inan ai Laban i Arameawain, Rebeka inan liun, Jakob Esau mai weadin, izinnen ile.
Esau pain ta mai ŋale
6Esau mug dab ipani, Isak Jakob baz panilakge Paddan‐aramnen pain ta ŋalewoi inaug ilelak. Baz panimeg kibiai mai pani, ibol, O Kanaan pain ta so ŋalewoi, me mai iloŋ. 7Jakob taman tinan mai dagom pinidinge Paddan‐aramnen ilelak me mai iloŋ. 8Ta mai, Esau mug dab ipani, Kanaan painoi taman gamun so funiime. 9Mewoi Esau Ismael izinnen ileg pain aenta demadodime menen pain faun ta Maha‐lat, Ismael Abraham inan ai, Nebaiot inan liun, ŋaleg inan pain inau.
Jakob Betelnen ienmin
10Jakob Beer‐seba binig Haran salo ile. 11I fatu talon itaseg tidom melon melak made, ad mug idulelakoi. Fatu me inan pat ta ŋaleg kalik inaug ien. 12I ienminge tet didlakge fun tan saeg ienmeg nasi. Anut inan eŋel tet duzig diduse didulemeg il. 13Nasi, Ujanzen siben tet buzunlak itiuzge ibol, Ŋa Ujagzen, Abraham, oina tama inan Anut, Isak inan Anut; fatu uwenumelak me o oina begazagaz mai ŋepanaŋoi. 14Oina begazagaz kulukal egin kuzumoi, aŋ apezetalep west ist mai, nord saut baŋenlon mai alawoi. Olonpa oina begazagazlonpa tamolai fatu daŋan baz gauai deŋalewoi. 15Uloŋ, ŋa o maip tatozoi, o ulaumelak men ŋa o ŋitizinowoi, menpa ŋa ŋuduzop umulpa fatu elon ŋunuowoi. Ŋa so ŋibinowoi, abaŋ o ŋepaolak me ŋenaumap mon eginmap. 16Meginge Jakob imaisge ibol, Malik, Ujanzen aben elon madoime, ŋa get so ŋaloŋlak. 17I izutge ibol, Aben e gun mok! E me Anut inan ab, e me did inan dalauan.
18Meginge Jakob bomon mon imaisge pat kalik inaulak me ŋaleg gunig bagoz inau. Fonlak gazeŋ wali. 19I aben me Betel iblani; nean getnen me Lus. 20Uzig Jakob malik e ibol, niŋon inauwoi ibol, Anut ŋa mai atozpa dal ŋatozmap tizinagtap, anaŋ ŋaninen, jamel ŋunulanen mai panagtap duzag gauaipa, 21mam inan ablon mazozlon faun ŋamultap, Ujanzen i ŋainag Anut e ŋaboloi. 22Ŋa bagozoi pat e ŋugunilak me Anut inan aboi. Abaŋ daŋan o panagume me ŋetezepalep tenpa taimon o ŋepanowoi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.