Genesis 25
25
Abraham inan daz uzek Keturalon
1Abraham i pain faun ta ŋale, inan nean Ketura. 2I Simran, Joksan, Medan, Midian, Isbak Sua mai idauzi pani. 3Joksan i Seba Dedan mai temadin. Dedan inan ai me Asurim, Letusim Le‐ummim mai. 4Midian inan ai me Efa, Efer, Hanok, Abida Eldaa mai. E me daŋan Ketura inan ai. 5Abraham inan abaŋ daŋan Isak pani. 6Inan paindinek, pain faun mai nadin ai me wou ta pinidin. I bas mademeg inauge inan ai Isak dibinig fatu kazag baŋenlon dile.
Abraham imatge denau
7E me Abraham inan umaz inan nal, umaz won hundert sewenti‐faif. 8Abraham mug dinou mok inaug inan saen iduseg inan uz binig ilemeg imat, inan tamolpain badim maig temana. 9Inan ai Isak Ismael mai gogoŋlon Mak‐pelanen denau, me Efron Sohar Hittitwain inan ai inan umlon, Mamre ist salolon, 10um me Abraham Hittitwain mai didadlak. Melon Abraham inan iwon Sara mai denau. 11Abraham imatlakge Anut inan ai Isak kibine. Isak i Beer‐lahai‐roinen made.
Ismael inan daz uzek
12E me Ismael Abraham inan ai me Hagar Sara inan begabegpain, Egiptawain me duzi panilak, inan begazan. 13E me Ismael inan ai neadin, tinadin uziuzig inaulak egin: Nebaiot, Ismael inan ai matu; i uzilak me Kedar, Adbeel, Mibsam, 14Misma, Duma, Massa, 15Hadad, Tema, Jetur, Nafis Kedema mai. 16E me Ismael inan ai, me neadin nadin panu fatu i tazas denaulak mailon. Tamolujan twelw bagen twelw dadodado nadin. 17E me Ismael inan umaz imadelak, won hundert tirti‐sewen. I jaeŋ sufutanig imatge inan tamolpain badim maig temana. 18I Hawi‐lanenge ileg Surnen demade, me Egipta naonnen Assiria salo ienime; i inan tamolpain badim daŋan noadinnen panu deŋaleg demade.
Esau Jakob mai ditase
19E me Isak, Abraham inan ai, inan begazan: Abraham i Isak taman. 20Isak umaz fourtige i Padan‐aramnen Arameawain Betuel nanunpain Rebeka, Arameawain Laban inan liun, ŋale. 21Isak inan iwon inig itozlakoi i Ujanzen mai godoani; Ujanzen inan gadiŋ iloŋge inan iwon Rebeka aidaŋan. 22Ai me i tininlon nug bulebule. I ibol, Meginmap aitoi bas ŋemadowoi? Mewoi i Ujanzen sodoz paniwoi ile. 23Ujanzen i ipai, Panu badim azugen o tinilon demadodime, tamolpain badim azuazu unauwoi, i pizibitek pizibitek ditozoi; ta me aenta nenazip gegaunoi, matu i mizimu bian paluwoi. 24I ai duziwoi nal idug, nasi, ai pezagog inan tininlon demade. 25Matu i itaseg tinin dazan, inan tinin daŋan jamel fufulundaŋan egin, mewoi i nean Esau deblani. 26I uzig inan tain itase. Inan niman Esau inan boz fiziŋon jabi; mewoi inan nean Jakob blani. Isak i umaz sikstige inan pain ai idauzilak.
Esau inan matu idad ile
27Ai me ditub ujanujange Esau i tezegautamol inau, gazaŋ inan tamol. Jakob i mazoztamol, tazaslon madoime. 28Isak i Esau inan dazuk janiimelakoi i iwoi imat. Rebeka i Jakoboi imat.
29Santag Jakob anaŋ inaimeg Esau gazaŋlonge iseg pitol gauz funi. 30Esau i Jakob ipai, Anaŋ dazan menen ta panagpe ŋaniŋan, ŋa tiwog teaged! Mewoi inan nean Edom deblani. 31Jakob ibol, O get oina matu udad panagpe. 32Esau ibol, Abaŋ gauaige, ŋamat ŋalanenlon matu me aitnenge? 33Jakob ibol, O get azu stemaneklon malik paiag. Mewoi i stemanek azulon i malik ipaig inan matu idadge Jakob pani. 34Meginge Jakob sepalan baza mai Esau panig janig naz mili maig imaisge ile. Meginge Esau inan matu meselani.
Currently Selected:
Genesis 25: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 25
25
Abraham inan daz uzek Keturalon
1Abraham i pain faun ta ŋale, inan nean Ketura. 2I Simran, Joksan, Medan, Midian, Isbak Sua mai idauzi pani. 3Joksan i Seba Dedan mai temadin. Dedan inan ai me Asurim, Letusim Le‐ummim mai. 4Midian inan ai me Efa, Efer, Hanok, Abida Eldaa mai. E me daŋan Ketura inan ai. 5Abraham inan abaŋ daŋan Isak pani. 6Inan paindinek, pain faun mai nadin ai me wou ta pinidin. I bas mademeg inauge inan ai Isak dibinig fatu kazag baŋenlon dile.
Abraham imatge denau
7E me Abraham inan umaz inan nal, umaz won hundert sewenti‐faif. 8Abraham mug dinou mok inaug inan saen iduseg inan uz binig ilemeg imat, inan tamolpain badim maig temana. 9Inan ai Isak Ismael mai gogoŋlon Mak‐pelanen denau, me Efron Sohar Hittitwain inan ai inan umlon, Mamre ist salolon, 10um me Abraham Hittitwain mai didadlak. Melon Abraham inan iwon Sara mai denau. 11Abraham imatlakge Anut inan ai Isak kibine. Isak i Beer‐lahai‐roinen made.
Ismael inan daz uzek
12E me Ismael Abraham inan ai me Hagar Sara inan begabegpain, Egiptawain me duzi panilak, inan begazan. 13E me Ismael inan ai neadin, tinadin uziuzig inaulak egin: Nebaiot, Ismael inan ai matu; i uzilak me Kedar, Adbeel, Mibsam, 14Misma, Duma, Massa, 15Hadad, Tema, Jetur, Nafis Kedema mai. 16E me Ismael inan ai, me neadin nadin panu fatu i tazas denaulak mailon. Tamolujan twelw bagen twelw dadodado nadin. 17E me Ismael inan umaz imadelak, won hundert tirti‐sewen. I jaeŋ sufutanig imatge inan tamolpain badim maig temana. 18I Hawi‐lanenge ileg Surnen demade, me Egipta naonnen Assiria salo ienime; i inan tamolpain badim daŋan noadinnen panu deŋaleg demade.
Esau Jakob mai ditase
19E me Isak, Abraham inan ai, inan begazan: Abraham i Isak taman. 20Isak umaz fourtige i Padan‐aramnen Arameawain Betuel nanunpain Rebeka, Arameawain Laban inan liun, ŋale. 21Isak inan iwon inig itozlakoi i Ujanzen mai godoani; Ujanzen inan gadiŋ iloŋge inan iwon Rebeka aidaŋan. 22Ai me i tininlon nug bulebule. I ibol, Meginmap aitoi bas ŋemadowoi? Mewoi i Ujanzen sodoz paniwoi ile. 23Ujanzen i ipai, Panu badim azugen o tinilon demadodime, tamolpain badim azuazu unauwoi, i pizibitek pizibitek ditozoi; ta me aenta nenazip gegaunoi, matu i mizimu bian paluwoi. 24I ai duziwoi nal idug, nasi, ai pezagog inan tininlon demade. 25Matu i itaseg tinin dazan, inan tinin daŋan jamel fufulundaŋan egin, mewoi i nean Esau deblani. 26I uzig inan tain itase. Inan niman Esau inan boz fiziŋon jabi; mewoi inan nean Jakob blani. Isak i umaz sikstige inan pain ai idauzilak.
Esau inan matu idad ile
27Ai me ditub ujanujange Esau i tezegautamol inau, gazaŋ inan tamol. Jakob i mazoztamol, tazaslon madoime. 28Isak i Esau inan dazuk janiimelakoi i iwoi imat. Rebeka i Jakoboi imat.
29Santag Jakob anaŋ inaimeg Esau gazaŋlonge iseg pitol gauz funi. 30Esau i Jakob ipai, Anaŋ dazan menen ta panagpe ŋaniŋan, ŋa tiwog teaged! Mewoi inan nean Edom deblani. 31Jakob ibol, O get oina matu udad panagpe. 32Esau ibol, Abaŋ gauaige, ŋamat ŋalanenlon matu me aitnenge? 33Jakob ibol, O get azu stemaneklon malik paiag. Mewoi i stemanek azulon i malik ipaig inan matu idadge Jakob pani. 34Meginge Jakob sepalan baza mai Esau panig janig naz mili maig imaisge ile. Meginge Esau inan matu meselani.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.