Genesis 24
24
Isak pain ŋale
1Abraham i mug dinou, inan umaz kin kuzum; Ujanzen abaŋ daŋanlon kibinelak. 2Abraham inan begabeg matu, me inan abaŋ daŋan tizinaime me ipai, Oina nima nieg loan paenlon unaup, 3o Ujanzen did tan mai inan Anutlon stemanek azulon malik paiagoi, o Kanaanwain ilonnen, ŋa ŋemadoŋame, nadin nunudinpain menen ta so ŋalep ŋainag ai paniwoi. 4Tea, ŋainag mezaugfatu taigtauag zidinnen ulap ŋainag ai Isakoi pain ta ŋalewoi. 5Begabeg i ipai, Pain me ŋa maip fatu elon asonen imoioi tat, megintap ŋa oina ai ŋuduzip o uselak melak imuloi? 6Abraham i ipai, O dab unau, ŋainag ai melak so duzip ile mon. 7Ujanzen, didnen Anut, me mam inan panulon, ŋainag mezaugfatulon ŋiliagge ŋa mai kibiaige malik mai stemanek azulon paiaglak, ibol, Oina begazagaz tan e ŋipinidinoi, i inan eŋel o naonen inaup o melak ulap ŋainag ai inan pain ta ŋalewoi. 8Ge pain o maip elak asonen imoitap o stemanek azu ubollak me tefalokoi. Ŋainag ai bo melak so duzip ile mon. 9Meginge begabeg inan niman Abraham inan nien loan paenlon inaug abaŋ ewoi stemanek azu ipai.
10Meginge begabeg inan tamolujan inan kamel ten iŋalge ile. Inan tamolujan inan zaiŋ funfun mai iŋal. I imaisge Mesopotamianen, Nahor inan panulon ile. 11Panu muzinnen naz sazek izinnen i kamel inaug desebenaig didug dien. Mug juza, saen melon paingaz naz dejasiwoi didudime. 12I ibol, O Ujazen, ŋainag tamolujan Abraham inan Anut, gazomnen inag abaŋ niŋon unau panagoi ŋagod, ŋainag tamolujan Abraham ilopanek segatekdaŋan pani. 13Nasi, ŋa naz bubuaik dabinlon ŋitiuzŋame, panu e inan aipain naz dejasiwoi disodime. 14Unaup aipain ta ŋepaip, Oina nabud kin naup idup ŋimiliŋan, i iboloi, Milipe, ŋa oina dazuk mai naz ŋipinidinoi, unaup ŋan i oina begabeg Isakoi o sagen unaulak me ŋaloŋoi. Melon ŋaloŋoi o ŋainag tamolujan oina segateklon ilo panilak.
15I azu so ibol binimeg, nasi, Abraham inan tain Nahor iwon Milka, inan ai Betuel inan aipain Rebeka, i jazon naz nabuddaŋan itase. 16Aipain me naon tinin gamundaŋan, i bazas, tamol ta maig so ditoz. I naz sazeklon idug nabudlon naz jasig iduse. 17Meginge begabeg i mai naon tazetazewoi palug ibol, Oina nabudlon naz kin panagpa ŋimilipe. 18I ibol, Ŋainag tamoluja miliŋan, ibolge pasak naz niŋon inaug nimanlon idug naz panig imili. 19I naz panig mili binig, i ibol, Ŋa oina kamel nadin mai idusanen ŋejasip ŋipinidinoi. 20Meginge i pasak inan naz nabuddaŋan taweilon walig faun te naz sazeklon palug naz jasi, inan kamel daŋanoi naz jasi. 21Tamol to ibolge ilaleg dab ipani, Ujanzen inan tazeŋ niŋon inau pani tat.
22Kamel i naz dimili binig tamol i gold inan gagas ta, inan muzuan sekel won‐haf, nimannen sikoz azug muzuan gold inan sekel ten me mai iŋaleg, 23ibol, Paiagpe, o it inan aipain? Am oina tama inan dazemlon wonoŋ abinen dal ien tat? 24I ipaig ibol, Ŋa Betuel, Milka inan ai, i duzig Nahor panilak, inan nanunpain. 25I bateg ibol, Am baza loan, dazuk nadin anaŋ aenta mai idusanen ien, tamol nadin wonoŋ aben mai ien. 26Tamol naon takokge Ujanzen pez panig, 27ibol, Ujanzen, ŋainag tamolujan Abraham inan Anut patun isag madoimelak, i me inan ilopanek segatekdaŋan, inan buben malik mai ŋainag tamolujanoi so ibinilak. Ujanzen i ŋainag tamolujan inan taintauan inan panulon duzaglak.
28Meginge aipain ipalu ileg tinan inangaz abaŋ ewoi sai pinidin. 29Rebeka i liundaŋan, inan nean Laban; Laban naz sazek izinnen inasig palug izinnen ile. 30I gagas sikoz mai liun inan nimanlak ilge inan liun Rebeka inan azu mai iloŋge, Tamol e me megin paiaglak, i tamol izinnen ile; nasi, i kamel izinnen naz sazek dabinlon itiuz. 31I ibol, Udusa, Ujanzen kibiniolak me, dodinge muzinnen utiuzume? Ab kamel abedin mai ŋikibinelak. 32Meginge tamol ablon iduse; Laban kamel nadin paus ipasge iwoi baza loan anaŋ ta mai ipani, naz nien flaninen tamol i maig demadodime me mai niedin deflaninen naz pinidin. 33Me binig i anaŋ tabizdaŋan i naonnen denaug janiwoi. Ge i ibol, Ŋa totol noagge ŋaselak menen ŋabolpaged anaŋ ŋaniwoi. I ibol, Segauz ubol.
34Meginge i ibol, Ŋa Abraham inan begabeg. 35Ujanzen i ŋainag tamolujan gauai kibinelak, i ujanzen, i belelek pifoldaŋan, bulmakau malandaŋan, silwer gold mai, aibegabeg painbegabeg mai, kamel doŋki mai pinidinlak. 36Sara ŋainag tamolujan inan iwon dinou inaumeg ai duzi panilak, inan abaŋ daŋan i fuzan ipanilak. 37Ŋainag tamolujan gegaun inaug ŋa abaŋ tawoi stemanek azulon malik e ŋepaiwoi, ibol, O Kanaanwain nadin fatu ŋa ŋemadoŋame elon nadin aipain ilonnen pain ta ŋalep ŋainag ai so paniwoi. 38Tea, o ŋainag mam inan panulon ŋainag taigtauag zidinnen ulap ŋainag ai inan pain ŋalewoi. 39Ŋa ŋainag tamolujan ŋepai, Pain ŋa maip so alawoi tat. 40I paiag, Ujanzen, i naonnen ŋa ŋatozŋame, i eŋel ta inaup o mai alap oina tazeŋ inan niŋon inaup panowoi; o taigtauag mam inan badimgaz ilonnen ŋainag ai inan pain ŋalewoi. 41Meginpe oina stemaneknen azu melon o malik paiaglak me tefalokoi, o taigtauag zidinnen utasemap i o so depanotap o ŋainag azu mewoi o malik e ubollak me tefalokoi.
42Ŋa gazomnen naz bubuaik izinnen ŋataseg ŋabol, O Ujazen, ŋainag tamolujan Abraham inan Anut, o ŋainag tazeŋoi niŋon unaup itasetap, 43nasi, ŋa naz sazek izinnen ŋitiuzŋame; unaup pain faun me naz jasiwoi isoime me ŋepaimap, Oina nabud kin naup idup ŋimiliŋan, 44i ŋa paiagoi, Miliŋan, ŋa oina kamel nadin mai ŋejasip ŋipinidinoi, unaup pain me Ujanzen ŋainag tamolujan inan aiwoi sagen inaulak e ŋaboloi.
45Ŋa bubeglon azu so ŋabol binimeg, nasi, Rebeka naz nabud jazonlak joazeg itase; i naz sazeklon idug naz jasi. Ŋa i ŋepai, Naz kin panagpa ŋimiliŋan. 46I pasak jazonlakge nabud inaug idug ibol, Miliŋan, ŋa oina kamel mai naz ŋipinidinoi. Meginge ŋa ŋimilig kamel mai naz ipinidin. 47Ŋa ŋesedazeg ŋabol, O it inan nanunpain? I ibol, Ŋa Betuel, Nahor inan ai, Milka duzig panilak me inan nanunpain. Mewoi ŋa gagas win damonlak ŋenaumeg, sikoz nimanlak ŋenau. 48Uzig ŋa gudug idug Ujanzen pez ŋepani, Ujanzen biŋan ŋibise, ŋainag tamolujan Abraham inan Anut i dal tiduk duzagge, ŋainag tamolujan inan aiwoi taintauangaz nadin aipain iŋalewoi. 49Mewoi aŋ ŋainag tamolujan iwoi lo aduwoi lami ientap, bubumi malik maitap apaiag, teatap apaiag; meginpe ŋa nieg nimag waŋlon teap ŋaslon tat ŋadaŋsawoi.
50Meginge Laban Betuel mai auan diabig dibol, Abaŋ me Ujanzen inauime; am azu salan ta gauai ta mai abolmap ipizianonen tea. 51Nasi, Rebeka madoime, o ŋalep ula, i oina tamolujan inan ai inan pain inauwoi, Ujanzen ibollak egin.
52Abraham inan begabeg azu me iloŋge i Ujanzen naonnen tanlak takok. 53Begabeg i inan jes silwer gold mai pasig jamel ta mai ŋaleg Rebeka pani; inan tinan liun mai bala gizaud pinidin. 54I, tamol i maig diselak mai, anaŋ dianig naz dimili mai, tidom melon melak demade. Bomon mon dimaisge i ibol, Noagpa ŋainag tamolujan izinnen ŋalawoi. 55Rebeka inan liun tinan mai dibol, Aipain am maip kin amadowoi, nal ten egin; aloupa segauz ilawoi. 56Ge i ibol, Ibinagpa, Ujanzen inag tazeŋ inan niŋon inau panaglakoi ŋa ŋainag tamolujan izinnen ŋalawoi. 57I dibol, Am aipain awagip sedazewoi. 58I Rebeka dewagig depai, O tamol e maip alawoi? I ibol, Ŋa ŋalawoi. 59Meginge i nadin ludin Rebeka inan ulatpain ta mai Abraham inan begabeg inan tamol mai denauge dile. 60I Rebeka baz depanig depai, Nama luma, oina daz tezepalep o tausend kuzum taims ten tausend nadin tinadin unauwoi; oina begazagaz me i dumugunadime nadin panu getadin denaup demadowoi. 61Meginge Rebeka inan ulatpain mai dimaisge kamel fodinlak dematalge tamol me duzi; begabeg i megin Rebeka ŋaleg inan dal uzig ile.
62Saen melon Isak i Beer‐lahai‐roinenge ise, i Negeblon madoime. 63Juzalon Isak ilon kankanoi umlon ile; i inan malan biseg, nasi, kamel ta disemeg il. 64Rebeka inan malan biseg i Isak nasig kamellakge tapas tanlak idu. 65I begabeg ipai, Tamol aon umlon id mai naon tazetazewoi isoime me itai? Begabeg ibol, Me ŋainag tamolujan. Meginge i inan gaten toaneknen jamel ŋaleg naon toani. 66Begabeg abaŋ i inaulak me daŋan Isak sai pani. 67Isak Rebeka duzig tazaslon inau. I Rebeka ŋaleg inan iwon inau; i iwoi imat. Isak tinan imatlakoi buben alanlak mug ilon kin gauai.
Currently Selected:
Genesis 24: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 24
24
Isak pain ŋale
1Abraham i mug dinou, inan umaz kin kuzum; Ujanzen abaŋ daŋanlon kibinelak. 2Abraham inan begabeg matu, me inan abaŋ daŋan tizinaime me ipai, Oina nima nieg loan paenlon unaup, 3o Ujanzen did tan mai inan Anutlon stemanek azulon malik paiagoi, o Kanaanwain ilonnen, ŋa ŋemadoŋame, nadin nunudinpain menen ta so ŋalep ŋainag ai paniwoi. 4Tea, ŋainag mezaugfatu taigtauag zidinnen ulap ŋainag ai Isakoi pain ta ŋalewoi. 5Begabeg i ipai, Pain me ŋa maip fatu elon asonen imoioi tat, megintap ŋa oina ai ŋuduzip o uselak melak imuloi? 6Abraham i ipai, O dab unau, ŋainag ai melak so duzip ile mon. 7Ujanzen, didnen Anut, me mam inan panulon, ŋainag mezaugfatulon ŋiliagge ŋa mai kibiaige malik mai stemanek azulon paiaglak, ibol, Oina begazagaz tan e ŋipinidinoi, i inan eŋel o naonen inaup o melak ulap ŋainag ai inan pain ta ŋalewoi. 8Ge pain o maip elak asonen imoitap o stemanek azu ubollak me tefalokoi. Ŋainag ai bo melak so duzip ile mon. 9Meginge begabeg inan niman Abraham inan nien loan paenlon inaug abaŋ ewoi stemanek azu ipai.
10Meginge begabeg inan tamolujan inan kamel ten iŋalge ile. Inan tamolujan inan zaiŋ funfun mai iŋal. I imaisge Mesopotamianen, Nahor inan panulon ile. 11Panu muzinnen naz sazek izinnen i kamel inaug desebenaig didug dien. Mug juza, saen melon paingaz naz dejasiwoi didudime. 12I ibol, O Ujazen, ŋainag tamolujan Abraham inan Anut, gazomnen inag abaŋ niŋon unau panagoi ŋagod, ŋainag tamolujan Abraham ilopanek segatekdaŋan pani. 13Nasi, ŋa naz bubuaik dabinlon ŋitiuzŋame, panu e inan aipain naz dejasiwoi disodime. 14Unaup aipain ta ŋepaip, Oina nabud kin naup idup ŋimiliŋan, i iboloi, Milipe, ŋa oina dazuk mai naz ŋipinidinoi, unaup ŋan i oina begabeg Isakoi o sagen unaulak me ŋaloŋoi. Melon ŋaloŋoi o ŋainag tamolujan oina segateklon ilo panilak.
15I azu so ibol binimeg, nasi, Abraham inan tain Nahor iwon Milka, inan ai Betuel inan aipain Rebeka, i jazon naz nabuddaŋan itase. 16Aipain me naon tinin gamundaŋan, i bazas, tamol ta maig so ditoz. I naz sazeklon idug nabudlon naz jasig iduse. 17Meginge begabeg i mai naon tazetazewoi palug ibol, Oina nabudlon naz kin panagpa ŋimilipe. 18I ibol, Ŋainag tamoluja miliŋan, ibolge pasak naz niŋon inaug nimanlon idug naz panig imili. 19I naz panig mili binig, i ibol, Ŋa oina kamel nadin mai idusanen ŋejasip ŋipinidinoi. 20Meginge i pasak inan naz nabuddaŋan taweilon walig faun te naz sazeklon palug naz jasi, inan kamel daŋanoi naz jasi. 21Tamol to ibolge ilaleg dab ipani, Ujanzen inan tazeŋ niŋon inau pani tat.
22Kamel i naz dimili binig tamol i gold inan gagas ta, inan muzuan sekel won‐haf, nimannen sikoz azug muzuan gold inan sekel ten me mai iŋaleg, 23ibol, Paiagpe, o it inan aipain? Am oina tama inan dazemlon wonoŋ abinen dal ien tat? 24I ipaig ibol, Ŋa Betuel, Milka inan ai, i duzig Nahor panilak, inan nanunpain. 25I bateg ibol, Am baza loan, dazuk nadin anaŋ aenta mai idusanen ien, tamol nadin wonoŋ aben mai ien. 26Tamol naon takokge Ujanzen pez panig, 27ibol, Ujanzen, ŋainag tamolujan Abraham inan Anut patun isag madoimelak, i me inan ilopanek segatekdaŋan, inan buben malik mai ŋainag tamolujanoi so ibinilak. Ujanzen i ŋainag tamolujan inan taintauan inan panulon duzaglak.
28Meginge aipain ipalu ileg tinan inangaz abaŋ ewoi sai pinidin. 29Rebeka i liundaŋan, inan nean Laban; Laban naz sazek izinnen inasig palug izinnen ile. 30I gagas sikoz mai liun inan nimanlak ilge inan liun Rebeka inan azu mai iloŋge, Tamol e me megin paiaglak, i tamol izinnen ile; nasi, i kamel izinnen naz sazek dabinlon itiuz. 31I ibol, Udusa, Ujanzen kibiniolak me, dodinge muzinnen utiuzume? Ab kamel abedin mai ŋikibinelak. 32Meginge tamol ablon iduse; Laban kamel nadin paus ipasge iwoi baza loan anaŋ ta mai ipani, naz nien flaninen tamol i maig demadodime me mai niedin deflaninen naz pinidin. 33Me binig i anaŋ tabizdaŋan i naonnen denaug janiwoi. Ge i ibol, Ŋa totol noagge ŋaselak menen ŋabolpaged anaŋ ŋaniwoi. I ibol, Segauz ubol.
34Meginge i ibol, Ŋa Abraham inan begabeg. 35Ujanzen i ŋainag tamolujan gauai kibinelak, i ujanzen, i belelek pifoldaŋan, bulmakau malandaŋan, silwer gold mai, aibegabeg painbegabeg mai, kamel doŋki mai pinidinlak. 36Sara ŋainag tamolujan inan iwon dinou inaumeg ai duzi panilak, inan abaŋ daŋan i fuzan ipanilak. 37Ŋainag tamolujan gegaun inaug ŋa abaŋ tawoi stemanek azulon malik e ŋepaiwoi, ibol, O Kanaanwain nadin fatu ŋa ŋemadoŋame elon nadin aipain ilonnen pain ta ŋalep ŋainag ai so paniwoi. 38Tea, o ŋainag mam inan panulon ŋainag taigtauag zidinnen ulap ŋainag ai inan pain ŋalewoi. 39Ŋa ŋainag tamolujan ŋepai, Pain ŋa maip so alawoi tat. 40I paiag, Ujanzen, i naonnen ŋa ŋatozŋame, i eŋel ta inaup o mai alap oina tazeŋ inan niŋon inaup panowoi; o taigtauag mam inan badimgaz ilonnen ŋainag ai inan pain ŋalewoi. 41Meginpe oina stemaneknen azu melon o malik paiaglak me tefalokoi, o taigtauag zidinnen utasemap i o so depanotap o ŋainag azu mewoi o malik e ubollak me tefalokoi.
42Ŋa gazomnen naz bubuaik izinnen ŋataseg ŋabol, O Ujazen, ŋainag tamolujan Abraham inan Anut, o ŋainag tazeŋoi niŋon unaup itasetap, 43nasi, ŋa naz sazek izinnen ŋitiuzŋame; unaup pain faun me naz jasiwoi isoime me ŋepaimap, Oina nabud kin naup idup ŋimiliŋan, 44i ŋa paiagoi, Miliŋan, ŋa oina kamel nadin mai ŋejasip ŋipinidinoi, unaup pain me Ujanzen ŋainag tamolujan inan aiwoi sagen inaulak e ŋaboloi.
45Ŋa bubeglon azu so ŋabol binimeg, nasi, Rebeka naz nabud jazonlak joazeg itase; i naz sazeklon idug naz jasi. Ŋa i ŋepai, Naz kin panagpa ŋimiliŋan. 46I pasak jazonlakge nabud inaug idug ibol, Miliŋan, ŋa oina kamel mai naz ŋipinidinoi. Meginge ŋa ŋimilig kamel mai naz ipinidin. 47Ŋa ŋesedazeg ŋabol, O it inan nanunpain? I ibol, Ŋa Betuel, Nahor inan ai, Milka duzig panilak me inan nanunpain. Mewoi ŋa gagas win damonlak ŋenaumeg, sikoz nimanlak ŋenau. 48Uzig ŋa gudug idug Ujanzen pez ŋepani, Ujanzen biŋan ŋibise, ŋainag tamolujan Abraham inan Anut i dal tiduk duzagge, ŋainag tamolujan inan aiwoi taintauangaz nadin aipain iŋalewoi. 49Mewoi aŋ ŋainag tamolujan iwoi lo aduwoi lami ientap, bubumi malik maitap apaiag, teatap apaiag; meginpe ŋa nieg nimag waŋlon teap ŋaslon tat ŋadaŋsawoi.
50Meginge Laban Betuel mai auan diabig dibol, Abaŋ me Ujanzen inauime; am azu salan ta gauai ta mai abolmap ipizianonen tea. 51Nasi, Rebeka madoime, o ŋalep ula, i oina tamolujan inan ai inan pain inauwoi, Ujanzen ibollak egin.
52Abraham inan begabeg azu me iloŋge i Ujanzen naonnen tanlak takok. 53Begabeg i inan jes silwer gold mai pasig jamel ta mai ŋaleg Rebeka pani; inan tinan liun mai bala gizaud pinidin. 54I, tamol i maig diselak mai, anaŋ dianig naz dimili mai, tidom melon melak demade. Bomon mon dimaisge i ibol, Noagpa ŋainag tamolujan izinnen ŋalawoi. 55Rebeka inan liun tinan mai dibol, Aipain am maip kin amadowoi, nal ten egin; aloupa segauz ilawoi. 56Ge i ibol, Ibinagpa, Ujanzen inag tazeŋ inan niŋon inau panaglakoi ŋa ŋainag tamolujan izinnen ŋalawoi. 57I dibol, Am aipain awagip sedazewoi. 58I Rebeka dewagig depai, O tamol e maip alawoi? I ibol, Ŋa ŋalawoi. 59Meginge i nadin ludin Rebeka inan ulatpain ta mai Abraham inan begabeg inan tamol mai denauge dile. 60I Rebeka baz depanig depai, Nama luma, oina daz tezepalep o tausend kuzum taims ten tausend nadin tinadin unauwoi; oina begazagaz me i dumugunadime nadin panu getadin denaup demadowoi. 61Meginge Rebeka inan ulatpain mai dimaisge kamel fodinlak dematalge tamol me duzi; begabeg i megin Rebeka ŋaleg inan dal uzig ile.
62Saen melon Isak i Beer‐lahai‐roinenge ise, i Negeblon madoime. 63Juzalon Isak ilon kankanoi umlon ile; i inan malan biseg, nasi, kamel ta disemeg il. 64Rebeka inan malan biseg i Isak nasig kamellakge tapas tanlak idu. 65I begabeg ipai, Tamol aon umlon id mai naon tazetazewoi isoime me itai? Begabeg ibol, Me ŋainag tamolujan. Meginge i inan gaten toaneknen jamel ŋaleg naon toani. 66Begabeg abaŋ i inaulak me daŋan Isak sai pani. 67Isak Rebeka duzig tazaslon inau. I Rebeka ŋaleg inan iwon inau; i iwoi imat. Isak tinan imatlakoi buben alanlak mug ilon kin gauai.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.