Genesis 20
20
Abraham Abimelek mai
1Fatu melonge Abraham Negeb fatulon ileg Kades Sur mai liluŋlon made; i Gerarnen kin lo egin made. 2Abraham i iwon Saraoi ibol, I ŋainag liug. Abimelek, Gerar inan kiŋ, totol inauge Sara ŋale. 3Mewoi Anut Abimelek ienminlon izinnen itaseg ipai, Uloŋ, o umatoi, pain o ŋalelak iwoi, i tamol ta inan painlakoi. 4Ge Abimelek i Sara izinnen so ile. Mewoi i ibol, Ujazen, o tamolai tinidinnen ja tealak me ufuwoi? 5Tamol me siben so tat ibol, I ŋainag liug? Pain siben mai ibol, I ŋainag liug! Bubeg azugen tea taimonge nimag ikok mai mon ŋa megin ŋenaulak. 6Meginge Anut ienminlon i ipai, Au, ŋa ŋaloŋ o bube taimonge megin unaulak, ŋa sibeg geg ŋenaug o inag kibiaiŋ au so upaslak; mewoi ŋa ŋipizianog o izinnen kin so udulak. 7Mewoi tamol me inan iwon bulip pani, i profetlakoi, i owoi godoanip o bas madowoi. O so bulip panitap o malik umatoi, uloŋ, o oinagaz daŋan mai meginoi.
8Meginge Abimelek bomon mon imaisge inan begabeg daŋan wigidinge abaŋ e daŋan sai pinidinge tamol gauz dizez. 9Alouge Abimelek Abraham iwagig ipai, O dodin noamalak? Ŋa owoi dodin auŋapaslakge o ŋa, ŋainag kiŋdom mai fomalak aupasek ujan zaeg idulak? Abaŋ nauknen so iduse melon noag alanlak. 10Abimelek Abraham ipai, O abaŋtewoi kankanmeg o abaŋ e unaulak? 11Abraham ibol, Ŋa ilog ibol, fatu elon Anutoi kin so dizezdime, mewoi ŋainag painoi dufunag ŋamatoi, ilog megin ibolge megin ŋenaulak. 12Ta mai, i malik ŋainag liug, ŋainag mam inan aipain, nengaz bo ibeniben; ŋa i ŋeŋaleg inag pain inau. 13Anut ibolge ŋa ŋainag mam inan panu ŋibinig ŋatozmeg, ŋa ŋainag pain ŋepai, O abaŋ ewoi ilo panagoi: Panu daŋanlon id tatasemap o ŋawoi uboloi, I ŋainag liug. 14Meginge Abimelek mug belelek, bulmakau, aibegabeg, painbegabeg mai iŋalge Abraham pani, inan iwon Sara mai bulig pani. 15Abimelek ibol, Uloŋ ŋainag tan o naonen petadeg ien, ilo iboltap segauz melak mado. 16I Sara ipai, Nasi, ŋa oina liu silwer boi won tausend ŋepanilak, melon daŋan i o mai amadoame me meladinlon mamai ŋepasi, daŋan noadinnen o taoz. 17Meginge Abraham Anut mai godoani; Anut Abimelek tinin kibineg, inan iwon, painbegabeg mai kibiniag i mug inig so ditoz, tea, ai denau. 18Ujanzen Abraham iwon Saraoi Abimelek inan abbadimgaz nadin pain inig inaulakoi.
Currently Selected:
Genesis 20: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
