Genesis 15
15
Anut Abram mai temaneknen denau
1Abaŋ e uzig Ujanzen inan azu malan nitun jazeklon Abram izinnen itase. Me ibol, So uzez mon, Abram, ŋa oina gubiz, oina jes mok mai. 2Abram ibol, O Ujazen Anut, o abaŋte panagoi, ŋa ai teag ŋemadoŋame, Damaskuswain Elieser ŋainag abaŋ fuzan iŋaloi? 3Abram ibol, Nasi, o begazag ta so panaglak; begabeg ta ŋainag panulon tinan duzilak me ŋainag abaŋ fuzan iŋaloi. 4Meginge Ujanzen inan azu izinnen ise, Tamol e me oina fuzanŋalek tea; oina ai mok me oina fuzanŋalek inauwoi. 5I duzig tanlak idug ibol, Didlak utadpa patui suta, o sutanen uloŋtap. Meginge i ipai, Oina begazagaz meginoi. 6I Ujanzen ilonlon malik. Mewoi Anut ibol, I ilon taoz.
7I ipai, Ŋa Ujagzen, Ur Kaldeanenge ŋuduzog tan e ŋepanop o fun unauwoi. 8Ge i ibol, O Ujazen Anut, ŋa tan e fun ŋenauwoi me dodin ŋaloŋoi? 9I ipaig ibol, Bulmakau paiat faun umaz tol, gout paiat umaz tol, gout dauai umaz tol, muluk bun faun ta mai uŋalpa izignen uso. 10I me daŋan iŋalge ise, i bisonlon ital. Boi azuazu nug patun panipanig inau. Ma me so tale azugen. 11Mapizian ta mudan fonlak didumeg Abram i kudua.
12Ad idulemeg Abram ien padal, nasi, zoazuk mafuz tinan mai idug toani. 13Meginge Ujanzen Abram ipai, Uloŋ gauai oina begazagaz i fatu me inadin fun tealak melon i lo ditozpa i begabeg denauwoi, umaz four hundert modoanap demadowoi. 14Ge ŋa ŋenaup fatubadim i bian depaludime me fonlak betenaek iduwoi, uzip i menpa abaŋ kuzumdaŋan ditasawoi. 15O sibewoi megin, o mazozdaŋan tamagaz zidinnen ulawoi oina madoknen saen tanlak idusemap umatpa dunuowoi. 16Daz uzek fourlonpa elak dimuloi, Amoritgaz nadin aupasek get so fuam.
17Ad idulelag fatu mafuzge, nasi, jananin inan bodlon jakas itasemeg, sul ta mai nanimeg me mudan inan boi liliuŋlon dile. 18Nal melon Ujanzen Abram mai temaneknen ta inaug ibol, Oina begazagaz ŋa tan e ŋipinidin, Egipta fatu inan naz ujanlonpa ilap naz ujan Eu‐fratesnen. 19Me Kenitgaz nadin tan, Kenissit, Kadmonit, 20Hittit, Perissit, Refaim, 21Amorit, Kanaanwain, Girgasit Jebusit nadin tan mai ŋipinidinoi.
Currently Selected:
Genesis 15: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 15
15
Anut Abram mai temaneknen denau
1Abaŋ e uzig Ujanzen inan azu malan nitun jazeklon Abram izinnen itase. Me ibol, So uzez mon, Abram, ŋa oina gubiz, oina jes mok mai. 2Abram ibol, O Ujazen Anut, o abaŋte panagoi, ŋa ai teag ŋemadoŋame, Damaskuswain Elieser ŋainag abaŋ fuzan iŋaloi? 3Abram ibol, Nasi, o begazag ta so panaglak; begabeg ta ŋainag panulon tinan duzilak me ŋainag abaŋ fuzan iŋaloi. 4Meginge Ujanzen inan azu izinnen ise, Tamol e me oina fuzanŋalek tea; oina ai mok me oina fuzanŋalek inauwoi. 5I duzig tanlak idug ibol, Didlak utadpa patui suta, o sutanen uloŋtap. Meginge i ipai, Oina begazagaz meginoi. 6I Ujanzen ilonlon malik. Mewoi Anut ibol, I ilon taoz.
7I ipai, Ŋa Ujagzen, Ur Kaldeanenge ŋuduzog tan e ŋepanop o fun unauwoi. 8Ge i ibol, O Ujazen Anut, ŋa tan e fun ŋenauwoi me dodin ŋaloŋoi? 9I ipaig ibol, Bulmakau paiat faun umaz tol, gout paiat umaz tol, gout dauai umaz tol, muluk bun faun ta mai uŋalpa izignen uso. 10I me daŋan iŋalge ise, i bisonlon ital. Boi azuazu nug patun panipanig inau. Ma me so tale azugen. 11Mapizian ta mudan fonlak didumeg Abram i kudua.
12Ad idulemeg Abram ien padal, nasi, zoazuk mafuz tinan mai idug toani. 13Meginge Ujanzen Abram ipai, Uloŋ gauai oina begazagaz i fatu me inadin fun tealak melon i lo ditozpa i begabeg denauwoi, umaz four hundert modoanap demadowoi. 14Ge ŋa ŋenaup fatubadim i bian depaludime me fonlak betenaek iduwoi, uzip i menpa abaŋ kuzumdaŋan ditasawoi. 15O sibewoi megin, o mazozdaŋan tamagaz zidinnen ulawoi oina madoknen saen tanlak idusemap umatpa dunuowoi. 16Daz uzek fourlonpa elak dimuloi, Amoritgaz nadin aupasek get so fuam.
17Ad idulelag fatu mafuzge, nasi, jananin inan bodlon jakas itasemeg, sul ta mai nanimeg me mudan inan boi liliuŋlon dile. 18Nal melon Ujanzen Abram mai temaneknen ta inaug ibol, Oina begazagaz ŋa tan e ŋipinidin, Egipta fatu inan naz ujanlonpa ilap naz ujan Eu‐fratesnen. 19Me Kenitgaz nadin tan, Kenissit, Kadmonit, 20Hittit, Perissit, Refaim, 21Amorit, Kanaanwain, Girgasit Jebusit nadin tan mai ŋipinidinoi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.