Genesis 14
14
Abram Lot tetazi ŋale
1Amrafel Sinar inan kiŋ, Ariok Ellasar fatu inan kiŋ, Ked‐or‐laomer Elam inan kiŋ, Tidal Goiim fatu inan kiŋ mai, 2i Bera Sodom inan kiŋ, Birsa Gomorra inan kiŋ, Sinab Adma panu inan kin, Semeber Seboiim panu inan kiŋ, Bela, me Soar, inan kiŋ mai dizoioi ju dile. 3E me daŋan zoanek Siddimlon, me gazo Mastaen inan mas, melak nadin judaupdaŋan dizoioi detemani. 4Umaz twelw i Ked‐or‐laomer paenlon demade, umaz tirtinlon i dimoige liwon diabi. 5Umaz fourtinlon Ked‐or‐laomer kiŋ aenta maig diseg Refaimwain aenta difug peadinlon denau: Refaimwain Asterot‐karnaimlon, Susimwain Hamlon, Emimwain Sawe‐kiriataimlon, 6Horitwain nadin did Seirnen, El‐paran fatuudaulon geg. 7Meginge i dimulge En‐mispatnen, me Kades, Amalekwain nadin fatu daŋan peadinlon denau. Amoritwain Hasason‐tamarnen demadodime me mai difug peadinlon denau. 8Meginge Sodom inan kiŋ, Gomorra inan kiŋ, Adma inan kiŋ, Seboiim inan kiŋ, Bela, me Soar, inan kiŋ mai didug Sidim fatu zoaneklon 9Ked‐or‐laomer Elam fatu inan kiŋ, Tidal Goiim inan kiŋ, Amrafel Sinar inan kiŋ, Ariok Ellasar inan kiŋ mai dizoi. Kiŋ palgen kiŋ faif mai dizoi. 10Siddim fatu zoanek me bitumen inan lofdaŋan. Sodom Gomorra mai nadin kiŋ diaumeg dauptamol aenta lof melon dibal didu, aenta did ilonnen diau. 11Meginge agezgaz Sodom Gomorra panu nadin abaŋ daŋan, nadin anaŋ daŋan diŋalge dile. 12Lot, Abram inan tain inan ai, Sodomnen mademeg, mai, inan abaŋ mai diŋalge dile.
13Meginge ai ta tuzugusig iaulak i ileg Abram Hebreawain, i Mamre me Amoritwain, Eskol Aner nadin tidin inan ito izinnen madoime, abaŋ idulak me ipai. Tamol tolgen me Abram inan temanekbi. 14Abram inan nanungaz diablak iloŋge i inan tamol kamaŋ, inan panulon tinadin denaulak, tri hundert eittin me idauzig agez duzge Dannen geg. 15Tidomlon i inan daup tezepaleg zidinnen dileg difug dukuduag duz, Hobanen Damaskus panu inan dal nord baŋenlon dibin. 16Uzig abaŋ daŋan debezaug, inan taintauan Lot, inan abaŋ, pain tamolai mai idauzig dimul.
Melkisedek Abram baz pani
17Ked‐or‐laomer, kiŋ i mai ditozlak mai dizoig seŋanilakge Sodom inan kiŋ idug fatu uzem Sawelon, me Kiŋ inan Uzem, Abram mai naon tazetaze. 18Melkisedek, Salem inan kiŋ, i mai sepalaŋ wain mai ŋaleg idu; i Anut Sutan Mok inan waliŋtamol. 19I baz panig ibol, Patun isap Abram Anut Sutan Moklon, did tan mai fun. 20Patun isag madoimelak Anut Sutan Mok i me oina agez oina nimalon inaulak! Abram abaŋ daŋan tezepaleg tenge tezepalek taimon i pani. 21Sodom inan kiŋ Abram ipai, Tamolai mon ŋa panag, abaŋ me oina, o uŋal. 22Abram i Sodom inan kiŋ ipai, Ŋa Ujanzen Anut Sutan Mok did fun tan fun mai malik, ŋepailak, 23Ŋa mol ta nien aten inan seŋaneknen dazuk tat, tea, oina abaŋ ta so ŋeŋalewoi. O gazop so uboloi, Ŋa ŋenaug Abram filiandaŋan. 24Ŋa abaŋ ta so ŋeŋalewoi, abaŋ tamol faun i dianilak me mon, tamol ŋa maig alelak, Aner, Eskol Mamre mai iwoi iduselak me deŋalewoi.
Currently Selected:
Genesis 14: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 14
14
Abram Lot tetazi ŋale
1Amrafel Sinar inan kiŋ, Ariok Ellasar fatu inan kiŋ, Ked‐or‐laomer Elam inan kiŋ, Tidal Goiim fatu inan kiŋ mai, 2i Bera Sodom inan kiŋ, Birsa Gomorra inan kiŋ, Sinab Adma panu inan kin, Semeber Seboiim panu inan kiŋ, Bela, me Soar, inan kiŋ mai dizoioi ju dile. 3E me daŋan zoanek Siddimlon, me gazo Mastaen inan mas, melak nadin judaupdaŋan dizoioi detemani. 4Umaz twelw i Ked‐or‐laomer paenlon demade, umaz tirtinlon i dimoige liwon diabi. 5Umaz fourtinlon Ked‐or‐laomer kiŋ aenta maig diseg Refaimwain aenta difug peadinlon denau: Refaimwain Asterot‐karnaimlon, Susimwain Hamlon, Emimwain Sawe‐kiriataimlon, 6Horitwain nadin did Seirnen, El‐paran fatuudaulon geg. 7Meginge i dimulge En‐mispatnen, me Kades, Amalekwain nadin fatu daŋan peadinlon denau. Amoritwain Hasason‐tamarnen demadodime me mai difug peadinlon denau. 8Meginge Sodom inan kiŋ, Gomorra inan kiŋ, Adma inan kiŋ, Seboiim inan kiŋ, Bela, me Soar, inan kiŋ mai didug Sidim fatu zoaneklon 9Ked‐or‐laomer Elam fatu inan kiŋ, Tidal Goiim inan kiŋ, Amrafel Sinar inan kiŋ, Ariok Ellasar inan kiŋ mai dizoi. Kiŋ palgen kiŋ faif mai dizoi. 10Siddim fatu zoanek me bitumen inan lofdaŋan. Sodom Gomorra mai nadin kiŋ diaumeg dauptamol aenta lof melon dibal didu, aenta did ilonnen diau. 11Meginge agezgaz Sodom Gomorra panu nadin abaŋ daŋan, nadin anaŋ daŋan diŋalge dile. 12Lot, Abram inan tain inan ai, Sodomnen mademeg, mai, inan abaŋ mai diŋalge dile.
13Meginge ai ta tuzugusig iaulak i ileg Abram Hebreawain, i Mamre me Amoritwain, Eskol Aner nadin tidin inan ito izinnen madoime, abaŋ idulak me ipai. Tamol tolgen me Abram inan temanekbi. 14Abram inan nanungaz diablak iloŋge i inan tamol kamaŋ, inan panulon tinadin denaulak, tri hundert eittin me idauzig agez duzge Dannen geg. 15Tidomlon i inan daup tezepaleg zidinnen dileg difug dukuduag duz, Hobanen Damaskus panu inan dal nord baŋenlon dibin. 16Uzig abaŋ daŋan debezaug, inan taintauan Lot, inan abaŋ, pain tamolai mai idauzig dimul.
Melkisedek Abram baz pani
17Ked‐or‐laomer, kiŋ i mai ditozlak mai dizoig seŋanilakge Sodom inan kiŋ idug fatu uzem Sawelon, me Kiŋ inan Uzem, Abram mai naon tazetaze. 18Melkisedek, Salem inan kiŋ, i mai sepalaŋ wain mai ŋaleg idu; i Anut Sutan Mok inan waliŋtamol. 19I baz panig ibol, Patun isap Abram Anut Sutan Moklon, did tan mai fun. 20Patun isag madoimelak Anut Sutan Mok i me oina agez oina nimalon inaulak! Abram abaŋ daŋan tezepaleg tenge tezepalek taimon i pani. 21Sodom inan kiŋ Abram ipai, Tamolai mon ŋa panag, abaŋ me oina, o uŋal. 22Abram i Sodom inan kiŋ ipai, Ŋa Ujanzen Anut Sutan Mok did fun tan fun mai malik, ŋepailak, 23Ŋa mol ta nien aten inan seŋaneknen dazuk tat, tea, oina abaŋ ta so ŋeŋalewoi. O gazop so uboloi, Ŋa ŋenaug Abram filiandaŋan. 24Ŋa abaŋ ta so ŋeŋalewoi, abaŋ tamol faun i dianilak me mon, tamol ŋa maig alelak, Aner, Eskol Mamre mai iwoi iduselak me deŋalewoi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.