Genesis 16
16
Hagar Ismael mai
1Sarai, Abram iwon, i inig itoz, ai ta so duzi pani. Egipta pain nean Hagar me Sarai inan biabipain. 2Sarai i Abram ipai, Nasi, Ujanzen i inig noagge ŋa ai ta so ŋuduzi. Ŋainag painbegabeg ŋale, i‐lon tat ŋa ai ta ŋeŋalewoi. Abram i Sarai inan auan uzi pani. 3Meginge Abram umaz ten Kanaan fatulon madelakge, Sarai, Abram iwon, inan begabegpain Egiptawain Hagar me ŋaleg inan iwon Abram ipani. 4I Hagar mauzun ditozge i aidaŋan. I aidaŋan me iloŋge i inan painujan zezeŋani. 5Sarai Abram ipai, Alan ŋa noag alanime me o tinilak idup ienoi! Ŋainag painbegabeg maip atozoi ŋepanolakge i aidaŋan me iloŋge i ŋa zezeŋanag. Ujanzen o ŋa mai liluŋlon azu betenaewoi. 6Ge Abram Sarai ipai, Uloŋ, oina painbegabeg nimalon madoime, iwoi ilo ibolime megin unau. Meginge Sarai iwoi gegaun inaug Hagar iau.
7Ujanzen inan eŋel i fatuudaulon Sur inan dallak naz bubuaik izinnen inasi. 8I ibol, Hagar, Sarai inan painbegabeg, o domtenge useg domten ulaume? I ibol, Ŋa ŋainag painujan Sarai ŋibinig ŋauŋame. 9Ujanzen inan eŋel i ipai, O oina painujan izinnen umulpa i paenlon mado. 10Ujanzen inan eŋel azu ta mai ipai, ibol, Ŋa oina begazagaz ŋenaup kuzummap sutek teaboi. 11Ujanzen inan eŋel i ipai, Uloŋ, o aidaŋanpa aitamol unauwoi, inan nean Ismael blaniwoi, Ujanzen oina alan dab panilakoi. 12I tamol doŋki duguze egin inaup tamol aenta daŋan mai nug daŋedaŋep ditozmap, inan taintauangaz mai pizibitek ditozoi. 13Mewoi i Ujanzen me azu ipailak inan nean megin iblani, O Naseknen Anut, e ibol. I ibol, Ŋa malik Anut ŋenasimeg bas ŋemadoŋame, so ŋamat? 14Mewoi naz sazek me Beer‐lahai‐roi blani; me Kades Bered mai liluŋlon ien.
15Hagar aitamol ta duzig Abram pani. Abram inan ai Hagar duzilak me nean Ismael blani. 16Abram i umaz eiti‐siks madelag Hagar Ismael duzig Abram pani.
Currently Selected:
Genesis 16: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 16
16
Hagar Ismael mai
1Sarai, Abram iwon, i inig itoz, ai ta so duzi pani. Egipta pain nean Hagar me Sarai inan biabipain. 2Sarai i Abram ipai, Nasi, Ujanzen i inig noagge ŋa ai ta so ŋuduzi. Ŋainag painbegabeg ŋale, i‐lon tat ŋa ai ta ŋeŋalewoi. Abram i Sarai inan auan uzi pani. 3Meginge Abram umaz ten Kanaan fatulon madelakge, Sarai, Abram iwon, inan begabegpain Egiptawain Hagar me ŋaleg inan iwon Abram ipani. 4I Hagar mauzun ditozge i aidaŋan. I aidaŋan me iloŋge i inan painujan zezeŋani. 5Sarai Abram ipai, Alan ŋa noag alanime me o tinilak idup ienoi! Ŋainag painbegabeg maip atozoi ŋepanolakge i aidaŋan me iloŋge i ŋa zezeŋanag. Ujanzen o ŋa mai liluŋlon azu betenaewoi. 6Ge Abram Sarai ipai, Uloŋ, oina painbegabeg nimalon madoime, iwoi ilo ibolime megin unau. Meginge Sarai iwoi gegaun inaug Hagar iau.
7Ujanzen inan eŋel i fatuudaulon Sur inan dallak naz bubuaik izinnen inasi. 8I ibol, Hagar, Sarai inan painbegabeg, o domtenge useg domten ulaume? I ibol, Ŋa ŋainag painujan Sarai ŋibinig ŋauŋame. 9Ujanzen inan eŋel i ipai, O oina painujan izinnen umulpa i paenlon mado. 10Ujanzen inan eŋel azu ta mai ipai, ibol, Ŋa oina begazagaz ŋenaup kuzummap sutek teaboi. 11Ujanzen inan eŋel i ipai, Uloŋ, o aidaŋanpa aitamol unauwoi, inan nean Ismael blaniwoi, Ujanzen oina alan dab panilakoi. 12I tamol doŋki duguze egin inaup tamol aenta daŋan mai nug daŋedaŋep ditozmap, inan taintauangaz mai pizibitek ditozoi. 13Mewoi i Ujanzen me azu ipailak inan nean megin iblani, O Naseknen Anut, e ibol. I ibol, Ŋa malik Anut ŋenasimeg bas ŋemadoŋame, so ŋamat? 14Mewoi naz sazek me Beer‐lahai‐roi blani; me Kades Bered mai liluŋlon ien.
15Hagar aitamol ta duzig Abram pani. Abram inan ai Hagar duzilak me nean Ismael blani. 16Abram i umaz eiti‐siks madelag Hagar Ismael duzig Abram pani.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.