Genesis 13
13
Abram Lot mai binibini
1Mewoi Abram, inan iwon, inan abaŋ daŋan Lot mai Egiptanenge Negebnen dile. 2Abram i bulmakaulon, silwer goldlon mai filiandaŋan. 3Negebnenge i ileg Betel geg, fatu i malanmalan inan tazas inaulak me, Betel Ai mai liluŋlon, 4aben malanmalan wiwa zazelak melak. Melak Abram Ujanzen nean wagimeg made. 5Lot i Abram maig ditozdime i mai belelek pifoldaŋan, bulmakau malandaŋan tazas tata mai. 6Mewoi i auzun aben taimon demadonen tan so iduse; inadin abaŋ kuzumlakoi i panu taimon demadonen so diloŋ. 7Abram inan bulmakau nadin tizinek Lot inan bulmakau nadin tizinek mai liluŋlon siai ien. Saen melon Kanaangaz Perissitwain mai fatu melon demade.
8Meginge Abram Lot ipai, Id liluŋlon, oina tizinek ŋainag tizinek mai liluŋlon siai so ienoi, id nug taintauanlakoi. 9Fatu ta so ienimege? Binagpa aben talon ulap mado. O fatu ŋaslon ŋaletap ŋa waŋlon ŋalawoi; o waŋlon ŋaletap ŋa ŋaslon ŋalawoi. 10Lot naon biseg Jordan zoanek aben daŋanlon wizez iduse. Ujanzen get Sodom Gomorra so pitiŋinalak saen melon fatu me Egipta fatu egin, Ujanzen inan um egin, Soar baŋenlon. 11Megin Lot sibenoi Jordan zoanek daŋan pilianig ist salolon ile; megin i nug binibinig ditoz. 12Abram i Kanaan fatulon made, Lot i zoanek inan panu ilonnen made, inan tazas me Sodomnen inau. 13Sodom inan tamol me aupasekbibiadin, i Ujanzen naonnen gauz audipas.
14Lot Abram ibinig ilelag Ujanzen Abram ipai, O madoume melak mala bisap nord, saut, ist west baŋenlon mai fatu daŋan nasipe. 15Fatu o nasiume me daŋan o, oina begazagaz mai ŋepanaŋoi, me dedeŋanip aŋnami. 16Oina begazagaz ŋenaup tan inan kulukal egin kuzumoi; tata kulukal patun sutanen iloŋtap oina begazagaz mai sutanen iloŋoi. 17Umaispa tan inan melaen inan bebaŋan mai bufatep utozpa, ŋan me o ŋepanowoilakoi. 18Meginge Abram inan tazas sebazi, bezaug ileg Mamre inan ito izinnen made, Hebronnen, melak Ujanzen wiwa zaze pani.
Currently Selected:
Genesis 13: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Videos for Genesis 13
Ep 37. Genesis 13: How Do Famine and Wealth Both Test Faith?
The Bible Show
Ep 41. Genesis 17: What Does the Covenant of Circumcision Really Mean?
The Bible Show
Ep 42. Genesis 18 Part 1: Abraham Fails Again, and Sarah Laughs at God
The Bible Show
Ep. 45 Genesis 19 Part 2: Can God Redeem Even the Worst Family History?
The Bible Show