Apostel Sai 4
4
Petrus Johanes auzun kalabuslon
1Apostel megin tamolpain azu dipidinmeg waliŋtamol mai tempel inan gaten mai, sadukea mai zidinnen dise.#Luk 22:4, 52 2I me ladin bebaze, i tamolpain azu fun deflale dipinidinlakoi, Jesus tininlon tiziau ujanoi mai diboldimelak, mewoi.#Apos 16:18; 23:8 3I diab, bop taimon i sebaneklon dufunata, mug tidomlakoi. 4Ge tamolpain kuzum i nadin azu diloŋlak me ladinlon malik. Tamol medaeŋlon mug 5000.#Apos 2:47
Betenaekgaten noadinnen Jesus fun deblani
5Boŋanip egin gatengaz, tamol ujanujangaz, gazekmaŋaugaz mai Jerusalemnen medaeŋ detani. 6Waliŋgaten, Hanas, Kaifas, Johanes, Aleksander, waliŋgatengaz nadin daz aenta daŋan mai detemani. 7Leŋadinlon denaug sidiziag dibol, It inan tiwonlon, nean itlon abaŋ e anaulak?#Mat 21:23 8Meginge Petrus Auanuzgundaŋan ipidin, Aŋ tamolpain, gatengaz, Israeltamol ujanujangaz!#Mat 10:19, 20 9Tamol laleg tininlon abaŋ gauai inaulakge itoznen iloŋ, mewoi gazo sidiziamawoi abolame. 10Megin aŋ mai, Israel tamolpain daŋan maip aloŋoi, Jesus Kristus, Nasaretwain, neanlon, me aŋ jakebazeklak azailak, ge Anut i mateŋlonge fuŋunilak, au, ŋan me neanlon tamol e noaminen tinin gauai itozime.#Apos 3:6, 13–16 11I bag me, me aŋ sasekkamaŋ ameselanilak, ge i ab siun inan fod inaulak madoime.#Mat 21:42; Kan 118:22 12Talon patunpaseknen tea mok, did paenlon nean aenta tamolpain leŋadinlon so deblanilak, melon id patud isap temadowoi.#Mat 1:21
13I Petrus Johanes mai beladin jaugjaug azu dibolmeg dil, diloŋ mai i skul ujanlon maŋau so deŋalelak, i tamol safot mon, dizut; i mai ladin isou, diloŋ mai, i Jesus maig ditozlak. 14I tamol me mug tinin kibinelak, zidinnen itiuzmeg denasig i auadin taleknen azu dibolnen ta tea.#Apos 3:8, 9 15Meginlakoi i pidin, kibiaik aben kin dibinip diduwoi. I dilelag nug dikibiaig dibol, 16Id tamol me dodin tenauwoi? Abaŋ maŋau i nimadinlon malik inaulak me Jerusalemnen daŋan diloŋ pasi, id mewoi kakeznen teabe.#Joh 11:47 17Ge abaŋ me tamolpain ilonlon so bebaŋep ilawoi id nimad tikun bisap ninip tipidinoi, i nean ewoi ta ta mai faun so dikibiai mon.#Apos 5:28 18I wigidinge dipizianameg pidin, i faun Jesus neanlon so mok diboloi, nean mewoi tamolpain fun so deflalewoi. 19Ge Petrus Johanes mai auadin dibise pidin, Aŋ sebami tiduk abolpa, am Anut apenenazip aŋ dagom apanaŋmap me Anut naonnen taoz tat?#Apos 5:29 20Am aloŋlak anasi mailak, mewoi auama to abolnen tea.
21Ge i faunte nimadin tikun dibiseg ninimeg pidin. Meginge dibinge dile. I tamolpainoi dizezlakoi i so diloŋ, dodin mon wededin diabiwoi, abaŋ denaulak mewoi tamolpain Anut kalel depanilakoi. 22Tamol me mug umaz forti itozlakge maŋau me tininlon inaulak, mewoi.
Apostel dimulge dise. Medaeŋ inan peznen, gadiŋnen godoanek
23I dibinlag dileg nadingaz zidinnen ditase. Waliŋgaz tamol besabes mai pidinlak me sai dipinidin. 24I me diloŋge bubudin taimon Anut naonnen auadin dibiseg dibol, Ujazen, o meume, i did, tan mas abaŋ me ilonnen ibelamaime mai inaulak.#Kan 146:6; Jes 37:16 25O Auanuzgunlon amnama mam Dawid, oina begabeg, auanlon ubollak, Aitoige gob diliŋange wagai denaudime, panupanu abaŋ sewoi ladin kandandime?#Kan 2:1, 2 26Tannen kiŋgaz dimaisdime, tamol gatengaz detemanidime, Ujanzen, inan Kristus mai didiŋiadime! 27Au, malik, panu elon oina ai gun Jesus, me o buzugusilak, iwoi detemanilak, Herodes mai Pontius Pilatus, gobgaz, Israel bagengaz mai.#Luk 4:18; 23:12 28Ge mon me iduwoi ubollak me mok denaug ditozdime.#Apos 2:23; Ef 6:19 29Meginlakoi, Ujazen, i buzukbuzuklon denaudime me nasipa, o penamape, am belama jaugjaug oina azu abolnen aloŋoi, 30oina nima wotepa tinin kibineknenoi, bagoz mai, abaŋ maŋau mai oina Ai gun Jesus neanlon unaup didumap. 31I godoani binilag aben i detemanig demadelak me mimlon egin gojogoja ibol. Megin inaumeg i daŋan Auanuzgun ladin ifofok pasi, beladin jaugjaugdaŋan Anut inan azu diboldime.#Apos 2:2, 4; 16:26
Medaeŋgaz bubudin taimon
32Kuzumpanu me ladinlon maliklak i daŋan bubudin taimon, ladin taimon mai mon ditoz. Ta inan abaŋoi inag e so ibol, inan daŋan mon nadin mai.#Apos 2:44 33Apostel auan tiwondaŋanlon Ujanzen Jesus imaisnenoi azu sigianek diboldime; badim daŋan iwoi gauai e diboldime.#Apos 2:47 34I leŋadinlon tata waiz tea; ta i tan tat, ab tatdaŋange me didad ile, gaŋmalan melon deŋalelak,#Apos 2:45 35me deŋaleg diseg apostel niedin funlon denau. Me dibisemeg tata i waiz me se lo wae pinidin. 36Josef me apostel Barnabas deblani (azu me poalek “ilonŋaleknen ai”), i lewit, Kiproswain,#Apos 11:22, 24 37inan um ta ienlak me idad ile, gaŋmalan iŋaleg apostel niedin funlon inau.
Currently Selected:
Apostel Sai 4: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
