Apostel Sai 23
23
Paulus Juda betenaekgatengaz noadinnen
1Paulus betenaekgatengaz liliameg ibol, Tamol aŋ, taiggaz! Nal daŋan gazo mai ŋa bubeg kakad teag Anut uzatlon ŋatozlak.#Apos 22:1; 24:16 2Megin ibolmeg waliŋgaten Ananias aenta i izinnen ditiuz, me Paulus auan dufudaziwoi ipidin.#Joh 18:22, 23 3Ge Paulus i ipai, Anut o funowoi, pesapas kaudaŋan! O men matalume, kibiaiŋ uzig bitiniagoi ubol, ge kibiaiŋ auan talemeg dufunagoi ubolume!#Mat 23:27 4Begabeg maig ditiuzdime i depai, Se! O Anut inan waliŋgaten peneŋaniume! 5Paulus auadin jabig ibol, Ŋa so ŋaloŋlak, taiggaz, i waliŋgaten; ge gazek ien ibol: Oina tamolpainbadim inan gaten ta o so peneŋaniwoi.#Ekso 22:27
6Paulus iloŋtag aenta i sadukea, aenta i farisea, i medaeŋlon gauz iwog, ibol, Taiggaz, ŋa farisea, farisea dazlon ŋataselak; inad suzuazouknenoi, me mateŋlonpa faun tamaisnen, ŋawoi elak uf denaudime.#Apos 22:3; 26:5; Mat 10:16 7Azu megin ibolge farisea sadukea nug pusaipusai, mewoi medaeŋ ilon tezepale. 8Me sadukeagaz dibol, tiziau so mok iduwoi, eŋel uz mai so demadodime, dibol; ge farisea i me azuazu ladinlon malik.#Mat 22:23 9Meginge babeŋ metalun ipisini. Farisea leŋadinlon gazekmaŋau taitai dimaisge pusaikazu zen dibolge dibol, Tamol e inan ja tininnen ta so anasi; uz ta eŋel ta mai kibiaitag, id it tat id Anut mai pusaipusaiwoi!#Apos 25:25; 5:39
10Opasgaten ujan buben izut, nadin zoiklon i Paulus deŋalep detetaziwoi tat ibolge opas wozou ta iduwoi ibol. I diseg Paulus leŋadinlonge gegaun deŋaleg nadin kaboŋlon duduzig dimul. 11Bop uzeklon Ujanzen Paulus izinnen ipaz iseg ipai, O bubedaŋan mado! O en Jerusalemnen ŋa sigianaglak egin, megin mon o Romnen mai ŋainag fug flalewoi.#Apos 18:9; 19:21; 28:16, 23
Juda Paulus dufuniwoi dibol
12Fatu gigilag Juda taitai depepeŋanig anaŋ kin so dianip naz mai so dimilip Paulus dufuni mokoi dibol, teatap buga jiniadinoi dibol. 13Tamol menen dibollak me 40 nenazi. 14I mug waliŋgatengaz, matugaz zidinnen dileg dibol, Am tikuma awotelak, buga jiniamawoi abol, am abaŋ ta kin so adeboi, get Paulus ufunip imatoi eginmap.#Joh 16:2, 3 15Mewoi aŋ gazog betenaek gatengaz mai temanip opasgaten ujan izinnen alap apai, i Paulus aŋ ziminen iduzip idup iboloi, aŋ uf, iwoi denaulak, dabinlon adubudabpa kabe aloŋoi; meginpe am tawaŋlon itiuzoi, i get aŋ ziminen so itasawoi eginmap am mug ufunip imat pasiwoi.
Jamumlelon dibollak me Anut boboloani
16Paulus liun inan ai abaŋ me iloŋlak. Mewoi imaisge opas kaboŋlon iduseg Paulus ipai.#Apos 9:24; 20:3 17Paulus gaten ta dewagiwoi ibol. Iseg ipai, Aifaun e opasgaten ujan izinnen duzip ilap i azu ta ipaiwoi. 18I me iŋaleg opasgaten ujan naonnen iduzig ileg ipai, Sebanekai Paulus wigiaglak paiag, aifaun e o izinen ŋuduzip isop azu ta o ipaowoi. 19Opasgaten ujan ai niman jabig kin ibennen duzig sedaze, Ait o ŋa paiagoi? 20Meginge i auan jabig ipai, Judatamol nug dikibiailak dibol, i o digodoi, o boŋanip Paulus betenaekgatengaz noadinnen uduzip abaŋ me kabe mok dikibianip diloŋoi dibol. 21Auadin o mewoi so uzi pani mon, i se defezano! Inadin tamol 40 tata mai Paulusoi defeleleanig ditoz, dufunip imatoi dibol; i tikudin dowotelak, buga jiniadinoi dibol, i abaŋ kin so dideboiged, Paulus get dufunip imatpe eginmap. I gazog tiliŋadin duzuazoudime, o mon Au uboloi dibol. 22Opasgaten ujan ai me inaug imul, gauai ipai, izinnen i meladin saelak, mewoi auan butunip tata so paiwoi.
Paulus gowerner Feliks naonnen
23Meginge i opasgaten azugen wigidinge diseg kibiai pinidin, Aŋ juzamap admetelaen 9‐lonpa opas fidaŋan 200 ikibiniap, opas horsdaŋan 70 mai, aenta 200 judaŋan mai, aŋ Kaisareanen alawoi.#Apos 9:25; 17:10 24Paulus inan hors azugen megin mon ikibiniap aŋ i tizini gauaipa gowerner Feliks izinnen uduzip alawoi. 25I leta mai igaze, egin:
26Ŋa Klaudius Lisias gowerner biŋandaŋan Feliks pez ŋepaniŋame!#Luk 1:3
27Tamol e Juda diabilak, i dufunip imatoi denauwoi denaumeg ŋa opas mai ataseg nimadinlon tetazi aŋale, ta ipaiag ŋaloŋlakoi i Rom mezaun, mewoi.#Apos 21:33; 22:25 28Ŋa fun ŋaloŋoi ŋabol, aitoige i malan desaedime, ŋa ŋabol i betenaekgatengaz noadinnen duduziwoi.#Apos 22:30 29Melon ŋa ŋenasi, inadin kibiaiŋoi mon iwoi uf denaudime. Ge abaŋ salan tawoi malan saek ta so diloŋ, mewoi tat i sebaneklon funatiwoi, tea, funip imatoi tat.#Apos 18:14, 15; 23:6, 9 30Ge ta Juda meladin isaelakoi i dififiliani, dufunip imatoi nean denaulak, mewoi ŋa i enenge o izinen ŋenaup ilaime. Inan malansaekgaz ŋa ŋipidin, o naonnen dilap nadin uf deflalewoi. Gauai maduo!#Apos 24:8
31Opas kibiai sinanlon Paulus deŋaleg bop Antipatrisnen duduzig dile. 32Boŋanip egin opas horsdaŋan sebadin mon Paulus maig dile, aenta badin banlon dimul. 33I Kaisareanen ditaseg i gowerner leta depani, Paulus mai naonnen denau. 34I leta isutilag i Paulus sedaze, i fatu tezepalek itwain tat. I iloŋge i Kilikia fatuwaintag#Apos 22:3 35i ipai, Oina malasaekgaz disemap ŋa o ŋikibianowoi. Meginge kibiai pinidin, i Herodes inan kaboŋ sebaneklon dufunatip ditiziniwoi.
Currently Selected:
Apostel Sai 23: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 23
23
Paulus Juda betenaekgatengaz noadinnen
1Paulus betenaekgatengaz liliameg ibol, Tamol aŋ, taiggaz! Nal daŋan gazo mai ŋa bubeg kakad teag Anut uzatlon ŋatozlak.#Apos 22:1; 24:16 2Megin ibolmeg waliŋgaten Ananias aenta i izinnen ditiuz, me Paulus auan dufudaziwoi ipidin.#Joh 18:22, 23 3Ge Paulus i ipai, Anut o funowoi, pesapas kaudaŋan! O men matalume, kibiaiŋ uzig bitiniagoi ubol, ge kibiaiŋ auan talemeg dufunagoi ubolume!#Mat 23:27 4Begabeg maig ditiuzdime i depai, Se! O Anut inan waliŋgaten peneŋaniume! 5Paulus auadin jabig ibol, Ŋa so ŋaloŋlak, taiggaz, i waliŋgaten; ge gazek ien ibol: Oina tamolpainbadim inan gaten ta o so peneŋaniwoi.#Ekso 22:27
6Paulus iloŋtag aenta i sadukea, aenta i farisea, i medaeŋlon gauz iwog, ibol, Taiggaz, ŋa farisea, farisea dazlon ŋataselak; inad suzuazouknenoi, me mateŋlonpa faun tamaisnen, ŋawoi elak uf denaudime.#Apos 22:3; 26:5; Mat 10:16 7Azu megin ibolge farisea sadukea nug pusaipusai, mewoi medaeŋ ilon tezepale. 8Me sadukeagaz dibol, tiziau so mok iduwoi, eŋel uz mai so demadodime, dibol; ge farisea i me azuazu ladinlon malik.#Mat 22:23 9Meginge babeŋ metalun ipisini. Farisea leŋadinlon gazekmaŋau taitai dimaisge pusaikazu zen dibolge dibol, Tamol e inan ja tininnen ta so anasi; uz ta eŋel ta mai kibiaitag, id it tat id Anut mai pusaipusaiwoi!#Apos 25:25; 5:39
10Opasgaten ujan buben izut, nadin zoiklon i Paulus deŋalep detetaziwoi tat ibolge opas wozou ta iduwoi ibol. I diseg Paulus leŋadinlonge gegaun deŋaleg nadin kaboŋlon duduzig dimul. 11Bop uzeklon Ujanzen Paulus izinnen ipaz iseg ipai, O bubedaŋan mado! O en Jerusalemnen ŋa sigianaglak egin, megin mon o Romnen mai ŋainag fug flalewoi.#Apos 18:9; 19:21; 28:16, 23
Juda Paulus dufuniwoi dibol
12Fatu gigilag Juda taitai depepeŋanig anaŋ kin so dianip naz mai so dimilip Paulus dufuni mokoi dibol, teatap buga jiniadinoi dibol. 13Tamol menen dibollak me 40 nenazi. 14I mug waliŋgatengaz, matugaz zidinnen dileg dibol, Am tikuma awotelak, buga jiniamawoi abol, am abaŋ ta kin so adeboi, get Paulus ufunip imatoi eginmap.#Joh 16:2, 3 15Mewoi aŋ gazog betenaek gatengaz mai temanip opasgaten ujan izinnen alap apai, i Paulus aŋ ziminen iduzip idup iboloi, aŋ uf, iwoi denaulak, dabinlon adubudabpa kabe aloŋoi; meginpe am tawaŋlon itiuzoi, i get aŋ ziminen so itasawoi eginmap am mug ufunip imat pasiwoi.
Jamumlelon dibollak me Anut boboloani
16Paulus liun inan ai abaŋ me iloŋlak. Mewoi imaisge opas kaboŋlon iduseg Paulus ipai.#Apos 9:24; 20:3 17Paulus gaten ta dewagiwoi ibol. Iseg ipai, Aifaun e opasgaten ujan izinnen duzip ilap i azu ta ipaiwoi. 18I me iŋaleg opasgaten ujan naonnen iduzig ileg ipai, Sebanekai Paulus wigiaglak paiag, aifaun e o izinen ŋuduzip isop azu ta o ipaowoi. 19Opasgaten ujan ai niman jabig kin ibennen duzig sedaze, Ait o ŋa paiagoi? 20Meginge i auan jabig ipai, Judatamol nug dikibiailak dibol, i o digodoi, o boŋanip Paulus betenaekgatengaz noadinnen uduzip abaŋ me kabe mok dikibianip diloŋoi dibol. 21Auadin o mewoi so uzi pani mon, i se defezano! Inadin tamol 40 tata mai Paulusoi defeleleanig ditoz, dufunip imatoi dibol; i tikudin dowotelak, buga jiniadinoi dibol, i abaŋ kin so dideboiged, Paulus get dufunip imatpe eginmap. I gazog tiliŋadin duzuazoudime, o mon Au uboloi dibol. 22Opasgaten ujan ai me inaug imul, gauai ipai, izinnen i meladin saelak, mewoi auan butunip tata so paiwoi.
Paulus gowerner Feliks naonnen
23Meginge i opasgaten azugen wigidinge diseg kibiai pinidin, Aŋ juzamap admetelaen 9‐lonpa opas fidaŋan 200 ikibiniap, opas horsdaŋan 70 mai, aenta 200 judaŋan mai, aŋ Kaisareanen alawoi.#Apos 9:25; 17:10 24Paulus inan hors azugen megin mon ikibiniap aŋ i tizini gauaipa gowerner Feliks izinnen uduzip alawoi. 25I leta mai igaze, egin:
26Ŋa Klaudius Lisias gowerner biŋandaŋan Feliks pez ŋepaniŋame!#Luk 1:3
27Tamol e Juda diabilak, i dufunip imatoi denauwoi denaumeg ŋa opas mai ataseg nimadinlon tetazi aŋale, ta ipaiag ŋaloŋlakoi i Rom mezaun, mewoi.#Apos 21:33; 22:25 28Ŋa fun ŋaloŋoi ŋabol, aitoige i malan desaedime, ŋa ŋabol i betenaekgatengaz noadinnen duduziwoi.#Apos 22:30 29Melon ŋa ŋenasi, inadin kibiaiŋoi mon iwoi uf denaudime. Ge abaŋ salan tawoi malan saek ta so diloŋ, mewoi tat i sebaneklon funatiwoi, tea, funip imatoi tat.#Apos 18:14, 15; 23:6, 9 30Ge ta Juda meladin isaelakoi i dififiliani, dufunip imatoi nean denaulak, mewoi ŋa i enenge o izinen ŋenaup ilaime. Inan malansaekgaz ŋa ŋipidin, o naonnen dilap nadin uf deflalewoi. Gauai maduo!#Apos 24:8
31Opas kibiai sinanlon Paulus deŋaleg bop Antipatrisnen duduzig dile. 32Boŋanip egin opas horsdaŋan sebadin mon Paulus maig dile, aenta badin banlon dimul. 33I Kaisareanen ditaseg i gowerner leta depani, Paulus mai naonnen denau. 34I leta isutilag i Paulus sedaze, i fatu tezepalek itwain tat. I iloŋge i Kilikia fatuwaintag#Apos 22:3 35i ipai, Oina malasaekgaz disemap ŋa o ŋikibianowoi. Meginge kibiai pinidin, i Herodes inan kaboŋ sebaneklon dufunatip ditiziniwoi.
New Testament published by the British and Foreign Bible Society in 1960. Genesis published by the Australian Bible Society in 1971.