Apostel Sai 22
22
Paulus tamolpain azu pidin
1Tamaggaz, taiggaz, kin dab apanip aloŋoi!#Apos 7:2; 13:26 2I diloŋtag i Hebrea auanlon ibolime, i manin salei dibolge demade. Meginge i ibol,#Apos 21:40 3Ŋa Judawain, Tarsus panulon, Kilikia fatu inan panu, nen noaglak. Ge panu elon ŋatublak; Gamaliel nien fun skullon ŋematalmeg tamadgaz nadin kibiaiŋ peteŋanag gauz mok, ŋusutig ŋaloŋge ŋuzi ŋepanilak. Ŋa Anutoi wagai ŋenaulak, aŋ gazo e anauame megin.#Apos 9:1–29; 26:9–20 4Ŋa tamol meginlakoi ŋa kris kagin gauz ŋefazelak, mateŋlon ŋebetetaniwoi ŋabol. Ŋa tamol mai pain maiwoi ŋabolge ŋuzuŋazlon depaug sebaneklon detana.#Apos 8:3 5Me waliŋgaten, betenaekgatengaz sebadin diloŋdime; i nimadinlonge leta ŋeŋalelak, inad tamolpainbadimgaz Damaskusnen ŋipinidinoi: men ŋa mai krisgaz ŋaŋalpa ŋepaup Jerusalemnen wadan jabekoi ŋedauziwoi ŋabol.
6Ge dal ŋabig ŋalemeg Damaskus mug siziz ŋepanig admatimeg buntaimon didlakge sul lelaman mok sepetadag.#Apos 8:26 7Ŋa tanlak ŋabal ŋadu, auan ŋaloŋ, i paiag, Saul! Saul! Dodinge o ŋa ŋiliag uzagume? 8Ŋa sodoz ŋenau ŋepai, Ujazen, o itai? I auag jabig ibol, Ŋa Jesus Nazaretwain, me o ŋale uziume. 9Ŋa maig atozlak me bo sul denasi, ge auan i ŋa azu paiaglak me i so diloŋ. 10Ŋa ŋesedaze, Ujazen, dodin ta ŋenauwoi ubolume? Ujanzen auag jabig paiag, Umaispa Damaskuslon udulap, men o abaŋ daŋan uloŋoi, me o unauwoi mewoi get nean inaug ienime.#Luk 3:10 11Dedadek sinanlonlakoi ŋa malag kobaub, abaŋ so ŋenasi; inaggaz nimag diabig duduzagge Damaskusnen adule. 12Men tamol ta made, nean Ananias, i tamol dagom, buben malikdaŋange kibiaiŋ wagenlon mon itoz. Juda daŋan panu melon inan biŋan dibise.#Apos 2:5; 8:2 13I ŋa izigenn idu, ipaz iseg ipaiag, Taig Saul, mala faun po iboloi! Ibolmeg abaŋ faun ŋenasi. 14Ge i ibol, Inad tamad nadin Anut i owoi nean inaulak, o inan auan bubelon uloŋoi, taoz Jesus nasiwoi, inan auanlon wagiŋ uloŋoi.#Apos 3:14 15O tamolpain daŋan noadinnen inan sigianektamol utozoilakoi abaŋ nasilak uloŋ mailak me pidinoi. 16Aria, ait muzuaume? Umaispa segauz flanowoi, Ujanzen nean blanimap oina aupasek suasnen ŋale.#Tim II 2:22
17Aloumeg Jerusalemnen ŋamulge ŋaselag tempellon ŋogodoanimeg ŋemade, ilog seflaleg.#Apos 9:26; 11:30 18Jesus ŋenasi. I paiag, O zubutop kude pasip Jerusalem binip ula! Ina aualon sigianekazu ŋawoi deŋalenen dimoi moklakoi.#Gal 1:18, 19 19Ŋa ŋepai, Ujazen i sebadin diloŋ, ŋa sibeg mon get o ladinlon maliklak me ŋaŋallak, sebaneklon ŋetanalak, sinagoglon mok tituidaŋanlon difuwoi me ŋa ŋabolge denau.#Apos 22:4 20Oina sigianektamol Stefanus inan daz dufuzemeg ŋa maig men ŋemademeg ilog muzumuzilak; tamol i dufunilak me nadin jamel dab ŋepanilak, meme daŋan diloŋdime.#Apos 7:58; 8:1 21Ge i ŋa paiag, Umaispa ula, ŋa o fatu aentaklon gobgaz zidinnen ŋunuowoi.#Apos 9:15; 13:2
Juda Paulus auan detale. Opasgaten sebaneklon inau
22Malan ibollak mewoi to dibolge auan diloŋ. Ge gazog babeŋ zen denaug dibob, Tamol meginlakoi tanlakpa bitip imat mokoi i nal taimon ta en so itozoi!#Apos 21:36 23I megin dibobmeg nadin kot desebazag kulukal deŋaleg latnen desezanetag, 24opasgaten Paulus opas nadin kaboŋlon duduziwoi ibol; kibiai pinidin, mol tituidaŋanlon dufunimap kibianiwoi, i iloŋoi, aitoige tamol buzukbuzuk iwoi dibob zen.#Apos 21:34 25I kapallak depaulag dufuniwoi denaumeg Paulus opasgaten men itiuzge me ipai, Me gauai tat, aŋ Rom mezaun, me mai get betenaek so anaulak se mon mol tituidaŋanlon ufuniwoi?#Apos 16:37; 23:27 26Opasgaten me iloŋtag i inan gaten ujan izinnen ileg ipai, Dodin tat mon unauwoi? Tamol e i Rom mezaun ta! 27Opasgaten ujan ipaz iseg Paulus ipai, Paiagpe, o malik Rom mezau tat? I auan jabig Au ibol. 28Opasgaten batemeg ibol, Ŋa sibeg Rom mezaug ŋenauwoi ŋabolge gaŋmalan kuzumlon mon me ŋadadlak. Ge Paulus ipai, Ŋa bo nen Rom mezaug noaglak. 29Opas i dufuniwoi denaulak buntaimon dibini. Opasgaten ujan mai iloŋlag i Rom mezaunlak, izezge izut, i Paulus depauwoi ibollakoi mewoi.#Apos 16:38
30Boŋanip egin i abaŋ, mewoi Juda Paulus malan desaelak, me iloŋoi ibolge, i Paulus ŋuzaŋuzlon depaulak depasiwoi ibol. Juda kibiai pinidin, waliŋgatengaz, betenaekgatengaz mai medaeŋ detaniwoi. Meginge Paulus duduzip diduwoi ibolge i noadinnen inau.#Apos 21:34
Currently Selected:
Apostel Sai 22: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 22
22
Paulus tamolpain azu pidin
1Tamaggaz, taiggaz, kin dab apanip aloŋoi!#Apos 7:2; 13:26 2I diloŋtag i Hebrea auanlon ibolime, i manin salei dibolge demade. Meginge i ibol,#Apos 21:40 3Ŋa Judawain, Tarsus panulon, Kilikia fatu inan panu, nen noaglak. Ge panu elon ŋatublak; Gamaliel nien fun skullon ŋematalmeg tamadgaz nadin kibiaiŋ peteŋanag gauz mok, ŋusutig ŋaloŋge ŋuzi ŋepanilak. Ŋa Anutoi wagai ŋenaulak, aŋ gazo e anauame megin.#Apos 9:1–29; 26:9–20 4Ŋa tamol meginlakoi ŋa kris kagin gauz ŋefazelak, mateŋlon ŋebetetaniwoi ŋabol. Ŋa tamol mai pain maiwoi ŋabolge ŋuzuŋazlon depaug sebaneklon detana.#Apos 8:3 5Me waliŋgaten, betenaekgatengaz sebadin diloŋdime; i nimadinlonge leta ŋeŋalelak, inad tamolpainbadimgaz Damaskusnen ŋipinidinoi: men ŋa mai krisgaz ŋaŋalpa ŋepaup Jerusalemnen wadan jabekoi ŋedauziwoi ŋabol.
6Ge dal ŋabig ŋalemeg Damaskus mug siziz ŋepanig admatimeg buntaimon didlakge sul lelaman mok sepetadag.#Apos 8:26 7Ŋa tanlak ŋabal ŋadu, auan ŋaloŋ, i paiag, Saul! Saul! Dodinge o ŋa ŋiliag uzagume? 8Ŋa sodoz ŋenau ŋepai, Ujazen, o itai? I auag jabig ibol, Ŋa Jesus Nazaretwain, me o ŋale uziume. 9Ŋa maig atozlak me bo sul denasi, ge auan i ŋa azu paiaglak me i so diloŋ. 10Ŋa ŋesedaze, Ujazen, dodin ta ŋenauwoi ubolume? Ujanzen auag jabig paiag, Umaispa Damaskuslon udulap, men o abaŋ daŋan uloŋoi, me o unauwoi mewoi get nean inaug ienime.#Luk 3:10 11Dedadek sinanlonlakoi ŋa malag kobaub, abaŋ so ŋenasi; inaggaz nimag diabig duduzagge Damaskusnen adule. 12Men tamol ta made, nean Ananias, i tamol dagom, buben malikdaŋange kibiaiŋ wagenlon mon itoz. Juda daŋan panu melon inan biŋan dibise.#Apos 2:5; 8:2 13I ŋa izigenn idu, ipaz iseg ipaiag, Taig Saul, mala faun po iboloi! Ibolmeg abaŋ faun ŋenasi. 14Ge i ibol, Inad tamad nadin Anut i owoi nean inaulak, o inan auan bubelon uloŋoi, taoz Jesus nasiwoi, inan auanlon wagiŋ uloŋoi.#Apos 3:14 15O tamolpain daŋan noadinnen inan sigianektamol utozoilakoi abaŋ nasilak uloŋ mailak me pidinoi. 16Aria, ait muzuaume? Umaispa segauz flanowoi, Ujanzen nean blanimap oina aupasek suasnen ŋale.#Tim II 2:22
17Aloumeg Jerusalemnen ŋamulge ŋaselag tempellon ŋogodoanimeg ŋemade, ilog seflaleg.#Apos 9:26; 11:30 18Jesus ŋenasi. I paiag, O zubutop kude pasip Jerusalem binip ula! Ina aualon sigianekazu ŋawoi deŋalenen dimoi moklakoi.#Gal 1:18, 19 19Ŋa ŋepai, Ujazen i sebadin diloŋ, ŋa sibeg mon get o ladinlon maliklak me ŋaŋallak, sebaneklon ŋetanalak, sinagoglon mok tituidaŋanlon difuwoi me ŋa ŋabolge denau.#Apos 22:4 20Oina sigianektamol Stefanus inan daz dufuzemeg ŋa maig men ŋemademeg ilog muzumuzilak; tamol i dufunilak me nadin jamel dab ŋepanilak, meme daŋan diloŋdime.#Apos 7:58; 8:1 21Ge i ŋa paiag, Umaispa ula, ŋa o fatu aentaklon gobgaz zidinnen ŋunuowoi.#Apos 9:15; 13:2
Juda Paulus auan detale. Opasgaten sebaneklon inau
22Malan ibollak mewoi to dibolge auan diloŋ. Ge gazog babeŋ zen denaug dibob, Tamol meginlakoi tanlakpa bitip imat mokoi i nal taimon ta en so itozoi!#Apos 21:36 23I megin dibobmeg nadin kot desebazag kulukal deŋaleg latnen desezanetag, 24opasgaten Paulus opas nadin kaboŋlon duduziwoi ibol; kibiai pinidin, mol tituidaŋanlon dufunimap kibianiwoi, i iloŋoi, aitoige tamol buzukbuzuk iwoi dibob zen.#Apos 21:34 25I kapallak depaulag dufuniwoi denaumeg Paulus opasgaten men itiuzge me ipai, Me gauai tat, aŋ Rom mezaun, me mai get betenaek so anaulak se mon mol tituidaŋanlon ufuniwoi?#Apos 16:37; 23:27 26Opasgaten me iloŋtag i inan gaten ujan izinnen ileg ipai, Dodin tat mon unauwoi? Tamol e i Rom mezaun ta! 27Opasgaten ujan ipaz iseg Paulus ipai, Paiagpe, o malik Rom mezau tat? I auan jabig Au ibol. 28Opasgaten batemeg ibol, Ŋa sibeg Rom mezaug ŋenauwoi ŋabolge gaŋmalan kuzumlon mon me ŋadadlak. Ge Paulus ipai, Ŋa bo nen Rom mezaug noaglak. 29Opas i dufuniwoi denaulak buntaimon dibini. Opasgaten ujan mai iloŋlag i Rom mezaunlak, izezge izut, i Paulus depauwoi ibollakoi mewoi.#Apos 16:38
30Boŋanip egin i abaŋ, mewoi Juda Paulus malan desaelak, me iloŋoi ibolge, i Paulus ŋuzaŋuzlon depaulak depasiwoi ibol. Juda kibiai pinidin, waliŋgatengaz, betenaekgatengaz mai medaeŋ detaniwoi. Meginge Paulus duduzip diduwoi ibolge i noadinnen inau.#Apos 21:34
New Testament published by the British and Foreign Bible Society in 1960. Genesis published by the Australian Bible Society in 1971.