Apostel Sai 24
24
Paulus malan saekgaz Feliks naonnen
1Nal 5 dibinilag waliŋgaten Ananias, matugaz taitai mai, azukamaŋ Tertulus mai Kaisareanen ditaseg Paulus gowerner naonnen malan desae. 2Paulus duduzig ilelag, Tertulus uf azu flale, egin ibol, Feliks uja gado! Am oina damo sinanlon malol dod amadoame, oina kaginkamaŋlon sinan tamolpain e leŋadinlon abaŋabaŋ daŋan sansan kabe mok kibineg diendime, 3mewoi lama gamunlakoi am o biŋa gauz ibisaame. 4Ge am o gauz so ububuzop oina saen se so bedaniwoi, o mon agod, o oina bube lo banlon am tiliŋa kitek mon penamape. 5Tamol e am anasilak i zagun salan mok itoz, i Rom fatu daŋanlon Judagaz gauz isulaime, i Nasaretgaz gaten tebazek iben inan gaten ujan.#Apos 17:6 6Au, i mai tempel ibenenaiwoi inaulak. Meginge am i abig nama kibiaiŋ uzig wadan abiwoi abol.#Apos 21:28 7Ge Lisias opasgaten me iseg gegaunlon nimamalon wozai ŋale. 8I malan saeklak me ipidin, naonnen dilawoi. O i sodoz pinidinoi uboltap i auadinlon abaŋ funfun uloŋoi, menenoi am iwoi uf anaulak.#Apos 23:30 9Judagaz i mai dimaisge dibol, abaŋ megin malik mok dibol.
Paulus inan gaten pasinen azu
10Gowerner Paulus nimanlon inau panig i auan bufatemeg ibol, Ŋa ŋaloŋlak o mug umaz kuzum tamolpain e nadin betenaekkamaŋ madoumelak, meginlakoi ŋa bubegdaŋan ŋawoi kumekazu ŋabol. 11O sibe sodoz unaumap uloŋoi, nal 12 mon binilak ŋa Jerusalemnen ŋogodoaniwoi ŋalelak.#Apos 8:27; 21:17 12Tempellon, sinagoglon, panulon mai tata mai azu kin so ikibiailak, tamolpain ŋepepeŋanap dimaispa lololo diboloi so ŋabollak. 13Abaŋ mewoi i malag desaedime i sebadin, Am anasilak, e depaonen tea. 14Azi, taimon e bo o ŋepao, ŋa kagin, me in kagin zagun salan e dibolodime, melon ŋa inag tamaggaz nadin Anut dogom ŋepaniŋame. Ŋa azu me kibiaiŋlon ien, profetgaz degazelak me daŋan mai iloglon malikŋame.#Apos 24:5 15Meginge ŋa mai i egin suzuazouklon Anut ŋenau ŋepani, ŋan me: tiziau ujan malik iduwoi, melon gauaigauai salasala mai dimaisoi.#Dan 12:2; Joh 5:28, 29 16Mewoi ŋa mai wagai piziag ŋenasi, ŋa Anut naonnen tamolpain noadinnen bubeg kakad teap ŋatozoi.#Apos 23:1 17Ŋa umaz taitai uzatlon ŋatozlag wozi egin ŋase, panu aenta nadin lowak suzuzum ŋeŋaleg ŋase, inag tamolpainbadim ŋipinidinoi, janauk mai ŋenauwoi.#Rom 15:25, 26; Gal 2:10 18Ŋa megin tempellon sibeg mon ŋewedeŋanig ŋemademeg denasag. Tamolpain metalun ŋa maig so amade, kininai so idu. Tea, Asia Judawain taitai men denasaglak,#Apos 21:27 19i gazo en o naonen ditasape, i abaŋoi, ŋa tinignen diboldime, denasitap malag desaepe. 20Teatap pidinpa i sebadin diboloi, wozi nadin betenaekgaz noadinnen donoagmeg ja tiniglak dodindodin mon denasilak. 21Azu taimonoi mon tat diboloi, me ŋa aon leŋadinlon ŋitiuzmeg auag ujanlon ŋawogge ŋabollak, Mateŋlonpa faun tamaisoi ŋabollak, mewoi ŋawoi gazo elak uf denaudime.#Apos 23:6
22Feliks megin iloŋge i azu me kin binip ienoi pidin, i gauai iloŋlakoi kris kagin dal dodindodinime. I ibol, Opasgaten ujan Lisias isopged ŋa nami abaŋ kabe ŋikibianiwoi.#Apos 23:26 23Meginge i opasgaten kibiai pani, i Paulus sebaneklon funatiwoi, ge so ipauwoi. Inan kadoigaz lo disop denasiwoi, bian depaluwoi diboltap me so ibitoi ibol.#Apos 27:3
Paulus i Feliks Drusila noadinnen
24Nal taitai binig Feliks, inan iwon Drusila mai, me Juda daz ta, diseg i Paulus duduzip isowoi ibol. I iselag i Jesus Kristus ilonlon maliknenoi azu kin ipaiwoi ibol.#Mar 6:20 25Paulus azulon daiag ilemeg taozoi, daz daduboi, betenaek loantapnenoi mai azu ibolmeg Feliks gauz pulufunig ibol, Gazo segauz binip ula, gazop inag saen kin se ientap ŋa faun ŋiwigiowoi.#Joh 16:8; Apos 17:32 26I kumeime, Paulus gatenpasekoi gaŋmalan paniwoi, mewoi i santasanta faun iwagig i mai dikibiai.
27Umaz azugen binilag Porkius Festus i Feliks naon ŋalewoi ise. Feliks i Juda meladin iŋaloi ibollakoi, i muziklon Paulus segauz sebaneklon funatip madowoi ibol.
Currently Selected:
Apostel Sai 24: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 24
24
Paulus malan saekgaz Feliks naonnen
1Nal 5 dibinilag waliŋgaten Ananias, matugaz taitai mai, azukamaŋ Tertulus mai Kaisareanen ditaseg Paulus gowerner naonnen malan desae. 2Paulus duduzig ilelag, Tertulus uf azu flale, egin ibol, Feliks uja gado! Am oina damo sinanlon malol dod amadoame, oina kaginkamaŋlon sinan tamolpain e leŋadinlon abaŋabaŋ daŋan sansan kabe mok kibineg diendime, 3mewoi lama gamunlakoi am o biŋa gauz ibisaame. 4Ge am o gauz so ububuzop oina saen se so bedaniwoi, o mon agod, o oina bube lo banlon am tiliŋa kitek mon penamape. 5Tamol e am anasilak i zagun salan mok itoz, i Rom fatu daŋanlon Judagaz gauz isulaime, i Nasaretgaz gaten tebazek iben inan gaten ujan.#Apos 17:6 6Au, i mai tempel ibenenaiwoi inaulak. Meginge am i abig nama kibiaiŋ uzig wadan abiwoi abol.#Apos 21:28 7Ge Lisias opasgaten me iseg gegaunlon nimamalon wozai ŋale. 8I malan saeklak me ipidin, naonnen dilawoi. O i sodoz pinidinoi uboltap i auadinlon abaŋ funfun uloŋoi, menenoi am iwoi uf anaulak.#Apos 23:30 9Judagaz i mai dimaisge dibol, abaŋ megin malik mok dibol.
Paulus inan gaten pasinen azu
10Gowerner Paulus nimanlon inau panig i auan bufatemeg ibol, Ŋa ŋaloŋlak o mug umaz kuzum tamolpain e nadin betenaekkamaŋ madoumelak, meginlakoi ŋa bubegdaŋan ŋawoi kumekazu ŋabol. 11O sibe sodoz unaumap uloŋoi, nal 12 mon binilak ŋa Jerusalemnen ŋogodoaniwoi ŋalelak.#Apos 8:27; 21:17 12Tempellon, sinagoglon, panulon mai tata mai azu kin so ikibiailak, tamolpain ŋepepeŋanap dimaispa lololo diboloi so ŋabollak. 13Abaŋ mewoi i malag desaedime i sebadin, Am anasilak, e depaonen tea. 14Azi, taimon e bo o ŋepao, ŋa kagin, me in kagin zagun salan e dibolodime, melon ŋa inag tamaggaz nadin Anut dogom ŋepaniŋame. Ŋa azu me kibiaiŋlon ien, profetgaz degazelak me daŋan mai iloglon malikŋame.#Apos 24:5 15Meginge ŋa mai i egin suzuazouklon Anut ŋenau ŋepani, ŋan me: tiziau ujan malik iduwoi, melon gauaigauai salasala mai dimaisoi.#Dan 12:2; Joh 5:28, 29 16Mewoi ŋa mai wagai piziag ŋenasi, ŋa Anut naonnen tamolpain noadinnen bubeg kakad teap ŋatozoi.#Apos 23:1 17Ŋa umaz taitai uzatlon ŋatozlag wozi egin ŋase, panu aenta nadin lowak suzuzum ŋeŋaleg ŋase, inag tamolpainbadim ŋipinidinoi, janauk mai ŋenauwoi.#Rom 15:25, 26; Gal 2:10 18Ŋa megin tempellon sibeg mon ŋewedeŋanig ŋemademeg denasag. Tamolpain metalun ŋa maig so amade, kininai so idu. Tea, Asia Judawain taitai men denasaglak,#Apos 21:27 19i gazo en o naonen ditasape, i abaŋoi, ŋa tinignen diboldime, denasitap malag desaepe. 20Teatap pidinpa i sebadin diboloi, wozi nadin betenaekgaz noadinnen donoagmeg ja tiniglak dodindodin mon denasilak. 21Azu taimonoi mon tat diboloi, me ŋa aon leŋadinlon ŋitiuzmeg auag ujanlon ŋawogge ŋabollak, Mateŋlonpa faun tamaisoi ŋabollak, mewoi ŋawoi gazo elak uf denaudime.#Apos 23:6
22Feliks megin iloŋge i azu me kin binip ienoi pidin, i gauai iloŋlakoi kris kagin dal dodindodinime. I ibol, Opasgaten ujan Lisias isopged ŋa nami abaŋ kabe ŋikibianiwoi.#Apos 23:26 23Meginge i opasgaten kibiai pani, i Paulus sebaneklon funatiwoi, ge so ipauwoi. Inan kadoigaz lo disop denasiwoi, bian depaluwoi diboltap me so ibitoi ibol.#Apos 27:3
Paulus i Feliks Drusila noadinnen
24Nal taitai binig Feliks, inan iwon Drusila mai, me Juda daz ta, diseg i Paulus duduzip isowoi ibol. I iselag i Jesus Kristus ilonlon maliknenoi azu kin ipaiwoi ibol.#Mar 6:20 25Paulus azulon daiag ilemeg taozoi, daz daduboi, betenaek loantapnenoi mai azu ibolmeg Feliks gauz pulufunig ibol, Gazo segauz binip ula, gazop inag saen kin se ientap ŋa faun ŋiwigiowoi.#Joh 16:8; Apos 17:32 26I kumeime, Paulus gatenpasekoi gaŋmalan paniwoi, mewoi i santasanta faun iwagig i mai dikibiai.
27Umaz azugen binilag Porkius Festus i Feliks naon ŋalewoi ise. Feliks i Juda meladin iŋaloi ibollakoi, i muziklon Paulus segauz sebaneklon funatip madowoi ibol.
New Testament published by the British and Foreign Bible Society in 1960. Genesis published by the Australian Bible Society in 1971.