Apostel Sai 21
21
Miletusnenge jauag Tirusnen ibal
1Am i mai nug subutamalag launen ataseg aleg nui Kos tiduk asae, nal ta am nui Rodusnen adu, menge dilpanu Pataranen abal. 2Men wag ta anasimeg i Foinika fatulon ilawoi, am i wagenlak aduseg maig ale. 3Nui Kipros anasig se ŋaslon ibini; Siria fatu asaeg panu Tirusnen abal, men wag inan abaŋ desebazawoilakoi. 4Aleg meglaumgaz men demadodime me ail, nal 7 maig amade. Uz zagunlon i Paulus tiliŋan diabi, Jerusalemnen so ilawoi.#Apos 20:23 5Nal 7 pisinitag am faun waglak adusawoi anaumeg timagaz, nadin pain nunudingaz mai wegamalak aleg, panu wadanlon adu. Men laŋten duguma asebenai adug ogodoani.#Apos 20:36 6Maduo! Alao! paipailag am waglak aduseg ale. I nadinnen dimul.#Joh 16:32; 19:27
Paulus Kaisareanen; profet Agabus
7Tirusnenge ataseg aleg Ptolemaisnen aballag nama waiŋ geg, am Tabei ipinidinlag timagaz maig nal taimon amade. 8Boŋanip egin am amaisge Kaisareanen ale. Men am totol Filipus, i lowaknen sewen menen taimon, inan ablak aduseg maig amade.#Apos 8:40 9Inan aipain palgen demade, i bazas, me profet uzat denau.#Apos 2:17
10Am nal tata mug amadelag profet ta, nean Agabus, Judeanenge iselak,#Apos 11:28 11I zimanen iselakge i Paulus inan metagiz ŋale, siben inan niman nien melon ipaulakge ibol, Uzgun egin ibol Tamol i metagiz e mezaun, me Jerusalemnen Judagaz megin mon depauwoi, gob nimadinlon denauwoi.#Joh 18:12; 21:18 12Am megin aloŋmeg am mai timagaz mai i gauz agod, i Jerusalemnen so idusawoi.#Mat 16:22 13Ge Paulus auama jabig ibol, Aŋ aitoi zen ataame, bubeg muzuan apani? Segauz Jerusalemnen Ujanzen neanoi dopoagoi, au, segauz mai dufunag ŋamatoi, ŋa so ŋamoi.#Apos 20:24 14Am pizianinen so aloŋlakoi to abol mon amade, abol, Ujanzen auan uzip inauwoi!#Mat 26:39
Paulus Jerusalemnen
15Nal amadowoi abollak binitag am abaŋ ikibine, Jerusalemnen alawoi ale. 16Meglaum Kaisareanen taitai wegamalon maig ale. Dallak i am meglaum dinou ta inan ablak donoama, i nean Menason, inan mezaun fatu nui Kipros. Men lo amadowoi dibol.
17Jerusalemnen atasemeg timagaz bubudin judindaŋan diŋiliama. 18Nal uzig Paulus am maig Jakobus izinnen ale. Matugaz daŋan maig men dise.#Apos 12:17; 15:13 19Paulus niman ipinidinlag abaŋabaŋoi sai kabe jani, me Anut gob leŋadinlon inan uzatlon inaulak, meme.#Gal 1:19
20Totol me diloŋmeg i Anut kalel diabi. Meginmeg i Paulus depai, O uloŋume, tima waza, Juda i ladinlon maliklak me mug 10,000, ge i daŋan Moses kibiaiŋoi jenain disuidime.#Apos 15:1 21Tata owoi i dipidinlak, o gob ilonlon Judagaz Mosesoi ladin pasiume, pidin, inadin nunudingaz tinidinlon muluŋ so diabiwoi, kagin getnen mai duzi so depaniwoi.#Apos 16:3; Rom 10:4 22Dodin mon tenauwoi? I malik biŋ diloŋoi, o panulon madoume. 23Mewoi am abolame, o egin unauwoi: En tamol palgen demadodime, i Anut defezanilak waliŋ ditozdime. 24Me mai atemanimap tempellon adup, bezezeŋanaŋpa inadin janauknen dazuk o maip udad pinidin, meginpe getadin gusutinen diloŋoi. Melon daŋan diloŋoi, owoi azu daoŋ diloŋlak, me niŋon tea; tea, o mai Moses inan kibiaiŋ uzi panig utozume diloŋoi.#Joh 11:55; Apos 18:18 25Gobgaz ladinlon maliklak, iwoi get kibiai tenaulak tipidin, i tibud janauk dazuk, daz mai, bofazig imatlak, jait mai me daŋanoi wedeŋanip ditozoi.#Apos 15:20, 29 26Meginge Paulus tamol me iŋal, i mai detemani. Boŋanip egin i mai tempellon didu, i mai bezezeŋanag waliŋgaz inadin wedeŋaneknal bininen malan denau. I tempellon demade, janauk kibiaiŋ ibolime get daŋan denaup dibiniwoi eginmap.#Num 6:9–20
Juda Paulus tempellon diabi
27Nal sewen me mug biniwoi inaumeg Juda Asia fatulonge diseg demademeg i Paulus tempellon denasi. I tamolpain disikiladime, dimaisge diabig dibob. 28Israel tamolgaz, anema adu! Tamol ŋan e i fatu daŋanlon inad tamolpainbadimoi, kibiaiŋoi aben gun ewoi mai bitekazu ibolime. Megin mai i gobtamol tempellon idauzig ab gun a ibenenailak.#Apos 6:13; Hesek 44:7 29I panulon Paulus Efesuswain Tropimus mai denasilak, mewoi dibol, i me mai tat tempellon iduzig dilelak.#Apos 20:4; Tim II 4:20 30Panu daŋan bubule imais, lololo dibolge detemani. I Paulus diabig tempel muzinnen debetetanig idu, meginge dalauan pasak dufunata.
Rom opasgaten Lisias Paulus jabi
31Juda Paulus dufunip imatoi denaumeg opasgaten azu iloŋ, Jerusalem tamolpain dadon isag kubulalak. 32I buntaimon opas, opasgaten mai iŋalge palu mon ileg idu. Tamol opasgaten opas mai dilmeg, Paulus dufuninen dibini. 33Opasgaten ipaz iseg Paulus nimadinlon depasi deŋaleg opas ipidin, ŋuzaŋuz azugenlon depauwoi. I sodoz inau: tamol me itai? Ait inaulak?#Apos 20:23; 21:11 34Tata egin, aenta megin dibol, kininai zenlon i so iloŋ gauaige i kibiai inau, opas nadin kaboŋlon duduzip dilawoi.#Apos 19:32 35I tet dabinlon itaseg, opas Paulus dojoazedime, tamol pifoldaŋan gauz dububuzalakoi. 36Tamol gugup depaug mai duzge diseg dibob, funip imatoi!#Apos 22:22 37Gazog Paulus opas nadin kaboŋlon denauwoi denaumeg i opasgaten isedaze, Ŋa o azu kin ŋepaowoi tat? Me ipai, O Grik auan uloŋume?#Luk 23:18 38O Egiptawain tea tat, me wozi elak tamol 4000 iŋalge fatuudaulon idauzilak?#Apos 5:36, 37 39Paulus auan jabig ipai, Tea, ŋa Judatamol, Tarsus mezaun, panu biŋandaŋan me inanwain ta. Ge ŋa o ŋagod, au ubolpa, tamolpain azu kin ŋipidinoi.#Apos 9:11 40Opasgaten so pizianitag Paulus tet gatenlak ipazge niman biseg, i to dibolge Hebrea auanlon azu egin ipidin.#Apos 13:16
Currently Selected:
Apostel Sai 21: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 21
21
Miletusnenge jauag Tirusnen ibal
1Am i mai nug subutamalag launen ataseg aleg nui Kos tiduk asae, nal ta am nui Rodusnen adu, menge dilpanu Pataranen abal. 2Men wag ta anasimeg i Foinika fatulon ilawoi, am i wagenlak aduseg maig ale. 3Nui Kipros anasig se ŋaslon ibini; Siria fatu asaeg panu Tirusnen abal, men wag inan abaŋ desebazawoilakoi. 4Aleg meglaumgaz men demadodime me ail, nal 7 maig amade. Uz zagunlon i Paulus tiliŋan diabi, Jerusalemnen so ilawoi.#Apos 20:23 5Nal 7 pisinitag am faun waglak adusawoi anaumeg timagaz, nadin pain nunudingaz mai wegamalak aleg, panu wadanlon adu. Men laŋten duguma asebenai adug ogodoani.#Apos 20:36 6Maduo! Alao! paipailag am waglak aduseg ale. I nadinnen dimul.#Joh 16:32; 19:27
Paulus Kaisareanen; profet Agabus
7Tirusnenge ataseg aleg Ptolemaisnen aballag nama waiŋ geg, am Tabei ipinidinlag timagaz maig nal taimon amade. 8Boŋanip egin am amaisge Kaisareanen ale. Men am totol Filipus, i lowaknen sewen menen taimon, inan ablak aduseg maig amade.#Apos 8:40 9Inan aipain palgen demade, i bazas, me profet uzat denau.#Apos 2:17
10Am nal tata mug amadelag profet ta, nean Agabus, Judeanenge iselak,#Apos 11:28 11I zimanen iselakge i Paulus inan metagiz ŋale, siben inan niman nien melon ipaulakge ibol, Uzgun egin ibol Tamol i metagiz e mezaun, me Jerusalemnen Judagaz megin mon depauwoi, gob nimadinlon denauwoi.#Joh 18:12; 21:18 12Am megin aloŋmeg am mai timagaz mai i gauz agod, i Jerusalemnen so idusawoi.#Mat 16:22 13Ge Paulus auama jabig ibol, Aŋ aitoi zen ataame, bubeg muzuan apani? Segauz Jerusalemnen Ujanzen neanoi dopoagoi, au, segauz mai dufunag ŋamatoi, ŋa so ŋamoi.#Apos 20:24 14Am pizianinen so aloŋlakoi to abol mon amade, abol, Ujanzen auan uzip inauwoi!#Mat 26:39
Paulus Jerusalemnen
15Nal amadowoi abollak binitag am abaŋ ikibine, Jerusalemnen alawoi ale. 16Meglaum Kaisareanen taitai wegamalon maig ale. Dallak i am meglaum dinou ta inan ablak donoama, i nean Menason, inan mezaun fatu nui Kipros. Men lo amadowoi dibol.
17Jerusalemnen atasemeg timagaz bubudin judindaŋan diŋiliama. 18Nal uzig Paulus am maig Jakobus izinnen ale. Matugaz daŋan maig men dise.#Apos 12:17; 15:13 19Paulus niman ipinidinlag abaŋabaŋoi sai kabe jani, me Anut gob leŋadinlon inan uzatlon inaulak, meme.#Gal 1:19
20Totol me diloŋmeg i Anut kalel diabi. Meginmeg i Paulus depai, O uloŋume, tima waza, Juda i ladinlon maliklak me mug 10,000, ge i daŋan Moses kibiaiŋoi jenain disuidime.#Apos 15:1 21Tata owoi i dipidinlak, o gob ilonlon Judagaz Mosesoi ladin pasiume, pidin, inadin nunudingaz tinidinlon muluŋ so diabiwoi, kagin getnen mai duzi so depaniwoi.#Apos 16:3; Rom 10:4 22Dodin mon tenauwoi? I malik biŋ diloŋoi, o panulon madoume. 23Mewoi am abolame, o egin unauwoi: En tamol palgen demadodime, i Anut defezanilak waliŋ ditozdime. 24Me mai atemanimap tempellon adup, bezezeŋanaŋpa inadin janauknen dazuk o maip udad pinidin, meginpe getadin gusutinen diloŋoi. Melon daŋan diloŋoi, owoi azu daoŋ diloŋlak, me niŋon tea; tea, o mai Moses inan kibiaiŋ uzi panig utozume diloŋoi.#Joh 11:55; Apos 18:18 25Gobgaz ladinlon maliklak, iwoi get kibiai tenaulak tipidin, i tibud janauk dazuk, daz mai, bofazig imatlak, jait mai me daŋanoi wedeŋanip ditozoi.#Apos 15:20, 29 26Meginge Paulus tamol me iŋal, i mai detemani. Boŋanip egin i mai tempellon didu, i mai bezezeŋanag waliŋgaz inadin wedeŋaneknal bininen malan denau. I tempellon demade, janauk kibiaiŋ ibolime get daŋan denaup dibiniwoi eginmap.#Num 6:9–20
Juda Paulus tempellon diabi
27Nal sewen me mug biniwoi inaumeg Juda Asia fatulonge diseg demademeg i Paulus tempellon denasi. I tamolpain disikiladime, dimaisge diabig dibob. 28Israel tamolgaz, anema adu! Tamol ŋan e i fatu daŋanlon inad tamolpainbadimoi, kibiaiŋoi aben gun ewoi mai bitekazu ibolime. Megin mai i gobtamol tempellon idauzig ab gun a ibenenailak.#Apos 6:13; Hesek 44:7 29I panulon Paulus Efesuswain Tropimus mai denasilak, mewoi dibol, i me mai tat tempellon iduzig dilelak.#Apos 20:4; Tim II 4:20 30Panu daŋan bubule imais, lololo dibolge detemani. I Paulus diabig tempel muzinnen debetetanig idu, meginge dalauan pasak dufunata.
Rom opasgaten Lisias Paulus jabi
31Juda Paulus dufunip imatoi denaumeg opasgaten azu iloŋ, Jerusalem tamolpain dadon isag kubulalak. 32I buntaimon opas, opasgaten mai iŋalge palu mon ileg idu. Tamol opasgaten opas mai dilmeg, Paulus dufuninen dibini. 33Opasgaten ipaz iseg Paulus nimadinlon depasi deŋaleg opas ipidin, ŋuzaŋuz azugenlon depauwoi. I sodoz inau: tamol me itai? Ait inaulak?#Apos 20:23; 21:11 34Tata egin, aenta megin dibol, kininai zenlon i so iloŋ gauaige i kibiai inau, opas nadin kaboŋlon duduzip dilawoi.#Apos 19:32 35I tet dabinlon itaseg, opas Paulus dojoazedime, tamol pifoldaŋan gauz dububuzalakoi. 36Tamol gugup depaug mai duzge diseg dibob, funip imatoi!#Apos 22:22 37Gazog Paulus opas nadin kaboŋlon denauwoi denaumeg i opasgaten isedaze, Ŋa o azu kin ŋepaowoi tat? Me ipai, O Grik auan uloŋume?#Luk 23:18 38O Egiptawain tea tat, me wozi elak tamol 4000 iŋalge fatuudaulon idauzilak?#Apos 5:36, 37 39Paulus auan jabig ipai, Tea, ŋa Judatamol, Tarsus mezaun, panu biŋandaŋan me inanwain ta. Ge ŋa o ŋagod, au ubolpa, tamolpain azu kin ŋipidinoi.#Apos 9:11 40Opasgaten so pizianitag Paulus tet gatenlak ipazge niman biseg, i to dibolge Hebrea auanlon azu egin ipidin.#Apos 13:16
New Testament published by the British and Foreign Bible Society in 1960. Genesis published by the Australian Bible Society in 1971.