Apostel Sai 18
18
Korint panulon: Akuila, Priskila
1Uzimeg Paulus Aten ibinig Korintnen ile. 2Men Judatamol ta nean Akuila i Pontuswain made, inan iwon Priskila mai wozi egin Italianenge diselak; kaisar Klaudius Judagaz daŋan Rom panulonge ikudualakoi. Paulus i auzun nadin ablak iduse.#Rom 16:3; Apos 11:28 3I Paulus mai uzat taimonlakoi, i maig demade, temanig uzat me denau. Uzat me tazas jamel waiknen.#Apos 20:24; Kor I 4:12
4Uboulon i sansan Juda nadin ubouablon idu, azu inau, i Juda Grik mai iŋaloi inasi. 5Silas Timoteus mai Makedonianenge diselag, i azu uzat mon inau, i Judagaz leŋadinlon Jesus sigiani i Mesias mok.#Apos 17:3; 14:15 6I azu mewoi liwon diabig dizan mai dewaitag i dubuzin gutemeg ipidin, Nami daz sebami tiniminen, ŋa tinignen tea, mug gobgaz diŋiap azu ŋipidinoi.#Apos 13:51; 20:26 7Meginge i menge itaseg ileg tamol ta Anutoi izutime, nean Titus Justus, inan ablak iduseg made. Ab me Juda ubouab salo ien. 8Ge Krispus, Juda ubouabgaten i inangaz mai daŋan ladinlon malik. Korintwain aenta kin kuzum mai i Paulus auan diloŋdime megin mon ladinlon malikge denau depanig iflana.#Kor I 1:14
9Ujanzen bolon Paulus ienminlon ipai ibol, O so uzut mon, tea, azu mon ubol ila, to so ubol mon!#Kor I 2:3 10Ŋa o maig temadotame, tata o so titowoi, so biop ifunowoi; inag tamolpainbadim metalun panu elon demadodime.#Jes 41:10; Hosea 2:25; Joh 10:16 11Paulus umaz taimon fulei siks mai men made, i leŋadinlon Anut azu peteŋanameg pidin.
Galio Judagaz ibit
12Galio Grik fatu Akaia inan kiap mademeg Juda dimaisge detemanig auan taimon Paulus naon dal defaleg duduzig kiap inan betenaek pezatiu naonnen denaug 13dibol, Tamol e anasilak i tamolpain etedin isae, i Anut dagom depaniwoi, me inad kibiaiŋ mai so iduse. 14Paulus gaten pasinen azu iboloi inaumeg Galio Juda ipidin, Judagaz! Abaŋ salasala tat inaupe, tea, tamol ta funip imatpe, nami uf iwoi anaupes, segauz dab ŋepanip ŋaloŋpe.#Apos 25:18–20 15Ge nami kaginoi, abaŋ neadinoi, nami kibiaiŋoi abolamelak, mewoi aŋ sebami mon anasiwoi dodin tat ikibinewoi, me inag kiap uzat teabe.#Joh 18:31 16Melon i inan betenaek pezatiu naonnenge ibit. 17Meginge i ubouabgaten Sostenes diabi, betenaek pezatiu naonnen dufuni; ge Galio mewoi kin so pidin.#Kor I 1:1
Paulus imulge ileg Antiokianen itase
18Ge Paulus saen ta maig Korintnen madelag i imaisge taingaz tabei pinidin, ibinge Sirianen imulpa ilawoi ile. Akuila Priskila maig iŋalge dile. Panu Kenkreanen i gaten depasilak, i get Ujanzen abaŋoi nean inaulak, waliŋ itozoi ibollakoi.#Apos 21:24; Num 6:9, 18 19I Efesusnen diballag men i Akuila Priskila mai ibin. Paulus Juda nadin ubouablon idug azu pidin mai.#Apos 19:8 20I kin maip demadowoi digodmeg i Au so ibol,#Rom 1:10; Kor I 4:19 21tea, i tabei pinidinmeg, ibol, Ŋa ubou ujan naodnen malik Jerusalemnen ŋenasiwoi; ge Anut iboltap san ta ziminen ŋamulpa ŋasowoi. Meginge faunmug Efesusnenge ijauag ile. 22I Kaisareanen iballag Jerusalemnen iduse, medaeŋgaz niman pinidin. Binimeg Antiokianen imulge ile.#Apos 21:15
Paulus totol uzatoi itoz tol: Efesus, Korint
23Saen kin tituk mon madelag faun imaisge ile. I Galatia fatu, Prigia fatu mai daŋan sekeleanig itozmeg panu daŋanlon meglaumgaz tansae ipinidin.
24Saen me Paulus itozse itozlemeg Judawain nean Apolos, inan mezaunpanu Aleksandria, Efesusnen ise. I auan tezepasek Anut gazeklon i mezaun kabe made.#Kor I 3:6 25Tata Ujanzen inan kaginlon dal i depeteŋanilak iloŋ. I Jesusoi azu buben wonanandaŋan auan pasa ibolge mai inau. I bo Johanes inan flanek mon iloŋ.#Apos 19:3; Rom 2:11 26Tamol me mai Juda ubouablon imaisge malakmalaklon azu ibol. Priskila Akuila men inan auan diloŋge i nadin ablon duduzig Anut inan kagin daŋan kabe deflalemeg depai. 27I imaismeg Akaianen jauawoi ibolge taingaz iseseŋani Au dibol. I Korint medaeŋgaz nadin leta degazeg dipidin i Apolos gauai deŋalep maip detemaniwoi. Aon itaselag, i me get Korintnen ladinlon maliklak, Anut kanimdaŋanlak istemana gauai.#Rom 16:1; Kor II 3:1; Kor I 4:10 28I malakmalaklon Juda auadin kabe ital, Anut azulon beŋten peteŋana, Jesus i malik Kristus.#Apos 9:22; 17:3
Currently Selected:
Apostel Sai 18: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 18
18
Korint panulon: Akuila, Priskila
1Uzimeg Paulus Aten ibinig Korintnen ile. 2Men Judatamol ta nean Akuila i Pontuswain made, inan iwon Priskila mai wozi egin Italianenge diselak; kaisar Klaudius Judagaz daŋan Rom panulonge ikudualakoi. Paulus i auzun nadin ablak iduse.#Rom 16:3; Apos 11:28 3I Paulus mai uzat taimonlakoi, i maig demade, temanig uzat me denau. Uzat me tazas jamel waiknen.#Apos 20:24; Kor I 4:12
4Uboulon i sansan Juda nadin ubouablon idu, azu inau, i Juda Grik mai iŋaloi inasi. 5Silas Timoteus mai Makedonianenge diselag, i azu uzat mon inau, i Judagaz leŋadinlon Jesus sigiani i Mesias mok.#Apos 17:3; 14:15 6I azu mewoi liwon diabig dizan mai dewaitag i dubuzin gutemeg ipidin, Nami daz sebami tiniminen, ŋa tinignen tea, mug gobgaz diŋiap azu ŋipidinoi.#Apos 13:51; 20:26 7Meginge i menge itaseg ileg tamol ta Anutoi izutime, nean Titus Justus, inan ablak iduseg made. Ab me Juda ubouab salo ien. 8Ge Krispus, Juda ubouabgaten i inangaz mai daŋan ladinlon malik. Korintwain aenta kin kuzum mai i Paulus auan diloŋdime megin mon ladinlon malikge denau depanig iflana.#Kor I 1:14
9Ujanzen bolon Paulus ienminlon ipai ibol, O so uzut mon, tea, azu mon ubol ila, to so ubol mon!#Kor I 2:3 10Ŋa o maig temadotame, tata o so titowoi, so biop ifunowoi; inag tamolpainbadim metalun panu elon demadodime.#Jes 41:10; Hosea 2:25; Joh 10:16 11Paulus umaz taimon fulei siks mai men made, i leŋadinlon Anut azu peteŋanameg pidin.
Galio Judagaz ibit
12Galio Grik fatu Akaia inan kiap mademeg Juda dimaisge detemanig auan taimon Paulus naon dal defaleg duduzig kiap inan betenaek pezatiu naonnen denaug 13dibol, Tamol e anasilak i tamolpain etedin isae, i Anut dagom depaniwoi, me inad kibiaiŋ mai so iduse. 14Paulus gaten pasinen azu iboloi inaumeg Galio Juda ipidin, Judagaz! Abaŋ salasala tat inaupe, tea, tamol ta funip imatpe, nami uf iwoi anaupes, segauz dab ŋepanip ŋaloŋpe.#Apos 25:18–20 15Ge nami kaginoi, abaŋ neadinoi, nami kibiaiŋoi abolamelak, mewoi aŋ sebami mon anasiwoi dodin tat ikibinewoi, me inag kiap uzat teabe.#Joh 18:31 16Melon i inan betenaek pezatiu naonnenge ibit. 17Meginge i ubouabgaten Sostenes diabi, betenaek pezatiu naonnen dufuni; ge Galio mewoi kin so pidin.#Kor I 1:1
Paulus imulge ileg Antiokianen itase
18Ge Paulus saen ta maig Korintnen madelag i imaisge taingaz tabei pinidin, ibinge Sirianen imulpa ilawoi ile. Akuila Priskila maig iŋalge dile. Panu Kenkreanen i gaten depasilak, i get Ujanzen abaŋoi nean inaulak, waliŋ itozoi ibollakoi.#Apos 21:24; Num 6:9, 18 19I Efesusnen diballag men i Akuila Priskila mai ibin. Paulus Juda nadin ubouablon idug azu pidin mai.#Apos 19:8 20I kin maip demadowoi digodmeg i Au so ibol,#Rom 1:10; Kor I 4:19 21tea, i tabei pinidinmeg, ibol, Ŋa ubou ujan naodnen malik Jerusalemnen ŋenasiwoi; ge Anut iboltap san ta ziminen ŋamulpa ŋasowoi. Meginge faunmug Efesusnenge ijauag ile. 22I Kaisareanen iballag Jerusalemnen iduse, medaeŋgaz niman pinidin. Binimeg Antiokianen imulge ile.#Apos 21:15
Paulus totol uzatoi itoz tol: Efesus, Korint
23Saen kin tituk mon madelag faun imaisge ile. I Galatia fatu, Prigia fatu mai daŋan sekeleanig itozmeg panu daŋanlon meglaumgaz tansae ipinidin.
24Saen me Paulus itozse itozlemeg Judawain nean Apolos, inan mezaunpanu Aleksandria, Efesusnen ise. I auan tezepasek Anut gazeklon i mezaun kabe made.#Kor I 3:6 25Tata Ujanzen inan kaginlon dal i depeteŋanilak iloŋ. I Jesusoi azu buben wonanandaŋan auan pasa ibolge mai inau. I bo Johanes inan flanek mon iloŋ.#Apos 19:3; Rom 2:11 26Tamol me mai Juda ubouablon imaisge malakmalaklon azu ibol. Priskila Akuila men inan auan diloŋge i nadin ablon duduzig Anut inan kagin daŋan kabe deflalemeg depai. 27I imaismeg Akaianen jauawoi ibolge taingaz iseseŋani Au dibol. I Korint medaeŋgaz nadin leta degazeg dipidin i Apolos gauai deŋalep maip detemaniwoi. Aon itaselag, i me get Korintnen ladinlon maliklak, Anut kanimdaŋanlak istemana gauai.#Rom 16:1; Kor II 3:1; Kor I 4:10 28I malakmalaklon Juda auadin kabe ital, Anut azulon beŋten peteŋana, Jesus i malik Kristus.#Apos 9:22; 17:3
New Testament published by the British and Foreign Bible Society in 1960. Genesis published by the Australian Bible Society in 1971.