Apostel Sai 19
19
Paulus Efesusnen. Johanes inan meglaum
1Apolos Korintnen ileg mademeg Paulus Asia jabnen itozse itozlelag Efesus panulon idu. Men i meglaum taitai il. 2I me sidizia, Aŋ lamilon maliklag Auanuzgun maig aŋalelak? I auan diabi dibol, Tea, am get kin so aloŋlak, Auanuzgun madoime.#Apos 2:38 3Meginge i sodoz pinidin, It neanlon flanalak? I dibol, Johanes flaneklon flanamalak. 4Paulus ibol, Johanes i tulufunek didaŋsanen flanek pinidin, i tamolpain pidin, i ta ladinlon malikoi, me i uzip isowoi ibol, ŋan me Jesus.#Mat 3:11 5I megin diloŋmeg i Jesus neanlon iflanawoi digod. 6Paulus niman i fodinlak inaumeg Auanuzgun i fodinlak idu, mug beladin faunlon azu dibolmeg profet egin azu imugseg dibol.#Apos 8:17; 10:44, 46; Mar 16:17 7Tamol daŋan twelf egin.
Paulus inan uzat, Anut inan maŋau mai
8Meginlak Paulus Juda ubouablon idu. Men fulei tolgen malakmalaklon Anut kiŋdomoi dikibiaig azu seŋanek ibol. 9Juda taitai bubudin gegaun denautag azu so dagom depaniwoi dibolge medaeŋ naonnen mai dal me Paulus peteŋanaime, debenenaitag Paulus i ibin. I meglaum ibennen inau, nal daŋan tamol ta, nean Tiranus, me inan gazekablon mon azu ibol.#Apos 9:2; Tim II 1:15 10Umaz azugen megin Paulus inau. Meginge Asia tamolpain daŋan Juda gob mai Ujanzen inan azu diloŋdime.#Apos 18:11
11Maŋau iben mai Anut Paulus nimanlon inau.#Apos 14:3 12Paulus inan maiab suasnen jamel, zaleknen jamel, me uzatlon izalelak, deŋaleg maiaidaŋan me fodinlak denau, meginge maiai ibini, buga salan mai disifililiag diau pasi.#Apos 5:15; Mar 5:28
Buga paiknen kamaŋ; kiaibuk domomoz
13Juda buga paiknen kamaŋ taitai fatu sekeleanig ditozmeg diseg dimaisge mug mai Ujanzen Jesus neanlon buga dukuduawoi denau. I dipidinmeg egin dibol, Ŋa Jesus neanlon me inan azu Paulus ibolime ŋepao!#Luk 9:49 14Juda nadin waliŋgaten, nean Skewa, inan ai sewen megin denau. 15Ge buga i auadin jabi pidin, Au, Jesus bo ŋaloŋ, Paulus nean mai ŋaloŋŋame, ge aŋ, aŋ itgaz?#Mar 1:34; Luk 4:41 16Meginmeg tamol me i bugadaŋan sisug imaisge daŋan ijab, tanlak itana didug gauz ifu alan. Nadin jamel dibinge noŋodin mon ablakge tapas didu, daidaŋan diau pasi. 17Abaŋ me Juda Grikgaz mai Efesusnen diloŋmeg gauz dizutge Ujanzen Jesus nean biŋan dibise latnen mok.#Apos 5:5, 11 18Mug aenta i wagam ladinlon maliklak mai diseg i get dodin mon dal salanlak abaŋ salan denaulak me doboboloani. 19Au, aenta me get kiai, baz naiz mai denaulak diseg nadin kiaibuk diŋalge diseg malakmalaklon domomoz. Buk me nadin gaŋmalan silwer 50,000. 20Abaŋ meginmegin mon inaumeg Ujanzen inan azu se tiwon pazeg ileg iseŋani.#Apos 6:7; 12:24
21Megin mon gauai inau binilag, Paulus ilonlon kibiai, Makedonia Akaia fatulon ilap itozpa geglon Jerusalemnen ilawoi. Me ŋenaulap, ibol, ŋa Rom panu mai ŋenasiwoi.#Apos 23:11 22I inan uzatbi azugen, Timoteus, Erastus mai inaug dimugpa Makedonianen dilawoi; ge i siben mon saen ta mai Asialon made.#Apos 17:14; Rom 16:23; Kor I 4:17
Demetrius
23Saen melon Efesus panulon Ujanzen inan azuoi tamolpain dububula dimaisge salan denau.#Kor II 1:8, 9 24Ŋan egin: silwerkamaŋ, nean Demetrius, i paintibud Artemis inan mazozab inan naolalek kamo silwerlon iteŋana; melon i siben, inan uzatbi mai gaŋmalan zen deŋale.#Apos 16:16 25Kamaŋgaz ta i egin mai wigidinge detemanig ipidin, Tamol aŋ, aŋ aloŋame, inad naŋed me inad uzat Artemis mazozoi mon teŋalelak.#Apos 16:19 26Ge aŋ mug anasiame, aloŋ maiame, Efesuslon mon tea, Asia fatu kin daŋan mai Paulus e tamolpain kuzum ladin pasiime, i pidin: Nimanlon naulak me tibud tea, ibol.#Apos 17:29 27Ge i inad uzat mon so meselaniime, inad damod mon gazop so teaboi, tea, ta mai, paintibud Artemis inan mazozab mai dezezeŋaniwoi, au, inan biŋan mai dipitiŋiniwoi, me bo gazo Asia fatu daŋan, au, tan fufulek daŋan infuam pasi.
28I megin diloŋmeg buzudin segazadin isag dibob, dibol, Efesus inan Artemis me ujan! 29Mug panuwain daŋan buzukbuzuk dimaisge panuatenlak dezezabeg dileg Gaius, Aristakus mai i auzun Makedoniawain, Paulus inan tazeŋbi diŋalge melak dezaug denau.#Apos 20:4; Kol 4:10; Filemon 24
30Paulus siben tamolpain leŋadinlon ilawoi ibolge meglaumgaz dipiziani. 31Asia fatu inan gowerment uzatbi ujanujan aenta, i Paulus inan tizangaz, i mai Paulus izinnen totol denaug tiliŋan diabi, gauz digod, i panuatenlak so mok ilawoi. 32Tamolpain malan mug gauz se dibobse dibobleg muduf denau, kuzum so diloŋ, aitoige detemanilak.#Apos 21:34
33Meginge tamolpain leŋadinlon Judagaz i tamol ta Aleksander, dibise, azu ibolnen abenlon denau. Aleksander i nimanlon inau pinidinge Juda getadin pasinen tamolpain azu pidinoi inau. 34I diloŋtag i Judawain daŋan mok auan taimon aur azugen sansan diwog zen: Efesus inan Artemis me ujan! 35Alouge panu inan gazekmaŋau ujan tamolpain metalun inaug to dibolge ipidin, Efesus tamol aŋ! It mon fatu daŋanlon so tat iloŋime, Efesus panu i Artemis ujan inan mazozab, metelaen me get didlakge ibal idulak mai me inan tizinek. 36Menenoi tata auad taletalenen so diloŋdime, mewoilakoi aŋ segauz to aboloi, bubuleg amaisnenlon abaŋ alan ta so anauwoi. 37Aŋ tamol adauzig aselak i inad mazozab pitiŋinekbibian tea, inad paintibud mai so dizan dewailak. 38Ge Demetrius inan uzatbi mai tawoi malan desaewoitap betenaeknal dien, kiap mai demadodime, i noadinnen nug nadin abaŋ dikibinewoi. 39Ge nami azu abaŋ tawoi ientap id medaeŋ tetanimap me tikibinewoi. 40Gazo anauame mewoi gazop tata idoi uf denaunen diloŋ, id panu kubulekbibian diboloi. Aŋ gazo bubuleg amaislak menen fun ta so ienime, melon gated pasinen taloŋoi. 41Azu megin ibollag i tamolpain ipidinge depetetale.
Currently Selected:
Apostel Sai 19: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 19
19
Paulus Efesusnen. Johanes inan meglaum
1Apolos Korintnen ileg mademeg Paulus Asia jabnen itozse itozlelag Efesus panulon idu. Men i meglaum taitai il. 2I me sidizia, Aŋ lamilon maliklag Auanuzgun maig aŋalelak? I auan diabi dibol, Tea, am get kin so aloŋlak, Auanuzgun madoime.#Apos 2:38 3Meginge i sodoz pinidin, It neanlon flanalak? I dibol, Johanes flaneklon flanamalak. 4Paulus ibol, Johanes i tulufunek didaŋsanen flanek pinidin, i tamolpain pidin, i ta ladinlon malikoi, me i uzip isowoi ibol, ŋan me Jesus.#Mat 3:11 5I megin diloŋmeg i Jesus neanlon iflanawoi digod. 6Paulus niman i fodinlak inaumeg Auanuzgun i fodinlak idu, mug beladin faunlon azu dibolmeg profet egin azu imugseg dibol.#Apos 8:17; 10:44, 46; Mar 16:17 7Tamol daŋan twelf egin.
Paulus inan uzat, Anut inan maŋau mai
8Meginlak Paulus Juda ubouablon idu. Men fulei tolgen malakmalaklon Anut kiŋdomoi dikibiaig azu seŋanek ibol. 9Juda taitai bubudin gegaun denautag azu so dagom depaniwoi dibolge medaeŋ naonnen mai dal me Paulus peteŋanaime, debenenaitag Paulus i ibin. I meglaum ibennen inau, nal daŋan tamol ta, nean Tiranus, me inan gazekablon mon azu ibol.#Apos 9:2; Tim II 1:15 10Umaz azugen megin Paulus inau. Meginge Asia tamolpain daŋan Juda gob mai Ujanzen inan azu diloŋdime.#Apos 18:11
11Maŋau iben mai Anut Paulus nimanlon inau.#Apos 14:3 12Paulus inan maiab suasnen jamel, zaleknen jamel, me uzatlon izalelak, deŋaleg maiaidaŋan me fodinlak denau, meginge maiai ibini, buga salan mai disifililiag diau pasi.#Apos 5:15; Mar 5:28
Buga paiknen kamaŋ; kiaibuk domomoz
13Juda buga paiknen kamaŋ taitai fatu sekeleanig ditozmeg diseg dimaisge mug mai Ujanzen Jesus neanlon buga dukuduawoi denau. I dipidinmeg egin dibol, Ŋa Jesus neanlon me inan azu Paulus ibolime ŋepao!#Luk 9:49 14Juda nadin waliŋgaten, nean Skewa, inan ai sewen megin denau. 15Ge buga i auadin jabi pidin, Au, Jesus bo ŋaloŋ, Paulus nean mai ŋaloŋŋame, ge aŋ, aŋ itgaz?#Mar 1:34; Luk 4:41 16Meginmeg tamol me i bugadaŋan sisug imaisge daŋan ijab, tanlak itana didug gauz ifu alan. Nadin jamel dibinge noŋodin mon ablakge tapas didu, daidaŋan diau pasi. 17Abaŋ me Juda Grikgaz mai Efesusnen diloŋmeg gauz dizutge Ujanzen Jesus nean biŋan dibise latnen mok.#Apos 5:5, 11 18Mug aenta i wagam ladinlon maliklak mai diseg i get dodin mon dal salanlak abaŋ salan denaulak me doboboloani. 19Au, aenta me get kiai, baz naiz mai denaulak diseg nadin kiaibuk diŋalge diseg malakmalaklon domomoz. Buk me nadin gaŋmalan silwer 50,000. 20Abaŋ meginmegin mon inaumeg Ujanzen inan azu se tiwon pazeg ileg iseŋani.#Apos 6:7; 12:24
21Megin mon gauai inau binilag, Paulus ilonlon kibiai, Makedonia Akaia fatulon ilap itozpa geglon Jerusalemnen ilawoi. Me ŋenaulap, ibol, ŋa Rom panu mai ŋenasiwoi.#Apos 23:11 22I inan uzatbi azugen, Timoteus, Erastus mai inaug dimugpa Makedonianen dilawoi; ge i siben mon saen ta mai Asialon made.#Apos 17:14; Rom 16:23; Kor I 4:17
Demetrius
23Saen melon Efesus panulon Ujanzen inan azuoi tamolpain dububula dimaisge salan denau.#Kor II 1:8, 9 24Ŋan egin: silwerkamaŋ, nean Demetrius, i paintibud Artemis inan mazozab inan naolalek kamo silwerlon iteŋana; melon i siben, inan uzatbi mai gaŋmalan zen deŋale.#Apos 16:16 25Kamaŋgaz ta i egin mai wigidinge detemanig ipidin, Tamol aŋ, aŋ aloŋame, inad naŋed me inad uzat Artemis mazozoi mon teŋalelak.#Apos 16:19 26Ge aŋ mug anasiame, aloŋ maiame, Efesuslon mon tea, Asia fatu kin daŋan mai Paulus e tamolpain kuzum ladin pasiime, i pidin: Nimanlon naulak me tibud tea, ibol.#Apos 17:29 27Ge i inad uzat mon so meselaniime, inad damod mon gazop so teaboi, tea, ta mai, paintibud Artemis inan mazozab mai dezezeŋaniwoi, au, inan biŋan mai dipitiŋiniwoi, me bo gazo Asia fatu daŋan, au, tan fufulek daŋan infuam pasi.
28I megin diloŋmeg buzudin segazadin isag dibob, dibol, Efesus inan Artemis me ujan! 29Mug panuwain daŋan buzukbuzuk dimaisge panuatenlak dezezabeg dileg Gaius, Aristakus mai i auzun Makedoniawain, Paulus inan tazeŋbi diŋalge melak dezaug denau.#Apos 20:4; Kol 4:10; Filemon 24
30Paulus siben tamolpain leŋadinlon ilawoi ibolge meglaumgaz dipiziani. 31Asia fatu inan gowerment uzatbi ujanujan aenta, i Paulus inan tizangaz, i mai Paulus izinnen totol denaug tiliŋan diabi, gauz digod, i panuatenlak so mok ilawoi. 32Tamolpain malan mug gauz se dibobse dibobleg muduf denau, kuzum so diloŋ, aitoige detemanilak.#Apos 21:34
33Meginge tamolpain leŋadinlon Judagaz i tamol ta Aleksander, dibise, azu ibolnen abenlon denau. Aleksander i nimanlon inau pinidinge Juda getadin pasinen tamolpain azu pidinoi inau. 34I diloŋtag i Judawain daŋan mok auan taimon aur azugen sansan diwog zen: Efesus inan Artemis me ujan! 35Alouge panu inan gazekmaŋau ujan tamolpain metalun inaug to dibolge ipidin, Efesus tamol aŋ! It mon fatu daŋanlon so tat iloŋime, Efesus panu i Artemis ujan inan mazozab, metelaen me get didlakge ibal idulak mai me inan tizinek. 36Menenoi tata auad taletalenen so diloŋdime, mewoilakoi aŋ segauz to aboloi, bubuleg amaisnenlon abaŋ alan ta so anauwoi. 37Aŋ tamol adauzig aselak i inad mazozab pitiŋinekbibian tea, inad paintibud mai so dizan dewailak. 38Ge Demetrius inan uzatbi mai tawoi malan desaewoitap betenaeknal dien, kiap mai demadodime, i noadinnen nug nadin abaŋ dikibinewoi. 39Ge nami azu abaŋ tawoi ientap id medaeŋ tetanimap me tikibinewoi. 40Gazo anauame mewoi gazop tata idoi uf denaunen diloŋ, id panu kubulekbibian diboloi. Aŋ gazo bubuleg amaislak menen fun ta so ienime, melon gated pasinen taloŋoi. 41Azu megin ibollag i tamolpain ipidinge depetetale.
New Testament published by the British and Foreign Bible Society in 1960. Genesis published by the Australian Bible Society in 1971.