Apostel Sai 17
17
Tesalonika panulon
1Amfipolis Apolonia panu mai dubufateg dilemeg Tesalonikanen ditase. Men Juda nadin ubouab ien.#Tes I 2:2 2Paulus get sansan inaulak egin, megin gazo en mai iduleg ubou tolgen i azu gazekoi mai dikibiai.#Luk 4:16 3I me fun flaleg peteŋana, Kristus malik alan inauwoi, faun imais mokoi mai. Wadan funatimeg pidin, Ŋan Jesus me ŋa aŋ ŋepeteŋanaŋŋame i me Kristus.#Luk 24:26, 27, 45, 46 4Juda taitai i azu me ladinlon malikdime, i Paulus Silas mai detemani, Grik tamol kuzum, i get Anutoi dizutlak, gob pain ujanujan kin kuzum mai.
5Meginlakoi Juda segazadin isag tamol salasala daldal kekazeŋ ditozdimelak, kuzum diŋalge panu dukubuli; i daŋan Jason inan ab naonnen gugup depaug diseg Paulus Silas mai debezanag diŋaloi dibolge, tamolpain daŋan noadinnen denauwoi dibol.#Tes I 2:16 6So diltag i Jason kris aenta taitai mai diabge gatengaz noadinnen dezaug dile, muduf zen dipisinig diwog, Tamol e i fatu daŋan dukubulidimelak en mai dise,#Apos 16:20 7me Jason iŋalge inan ablak inau. Tamol e daŋan kaisar inan kibiai debenenaidime; i diboldimelakoi ta i kiŋ madoime, ŋan i nean Jesus.#Luk 23:2; Joh 19:12 8Azu meginmeginlon i tamolpain panu kibiaipanekgaz mai gauz dububuzag i gauz dizut. 9Gatengaz naon idusaknenoi wolaul denaulak me Jason aenta mai dipinidintag i faun dipasge dile.
Beroianen
10Tidom uzeklon taingaz Paulus Silas mai pasak panu Beroianen duduzig dile. Men mai Juda ubouablon didu.#Apos 9:25; 23:23, 31 11Juda Beroianen i bubudin dagom, Tesalonika i egin tea. I azu bubudin dagomdaŋan deŋale, nal daŋan gazeklon delaŋai denasi, diboldimelak malik niŋon megin gazeg ien tat.#Joh 5:39 12Meginge kuzum ladinlon malik, Grik pain ujanujan, tamol mai so taitai mon.
13Juda Tesalonikanen diloŋtag Beroianen mai Paulus azu ibolime, i men mai diseg denaug, tamolpain malan ujan dukubulag ladin depasi.#Tes I 2:14 14Meginlakoi buntaimon taingaz Paulus deŋale, duduzig dileg laŋten didu, Silas Timoteus mai bo Beroianen dibinge demade.#Apos 16:1 15Ge taingaz Paulus duduzig i maig ditoz, dileg Aten panulon didu. Menge dimulge dile, Paulus auanauan deŋaleg dileg Silas Timoteus mai pasak i izinen disowoi.
Panu Aten
16Paulus Atennen meladin inaumeg panu uzig itoz. Panulon i mazoz wiwa kuzum iltag ilon izoz.#Joh 2:17 17Ubouablon i Juda mai gob i Juda kagin ladinlon maliklak me mai temanig azu pidin. Dadeŋ abenlon megin mon nal daŋan tamolpain i mai men naon tazetazemeg mai kibiaik inau.#Apos 18:4 18Epikorion skulai, Stoik skulai mai dimaisge Paulus mai dikibiai. Tata dibol, Tamo belabol e dodin azu iboloi? Aenta dibol, I panute nadin tibud faun inan totol itozime. I Jesus inan patunpasinen azu, tiziau ujanoi maig ibollakoi.#Kor I 4:12 19Nal ta i Paulus deŋaleg Areopag bubunlak duduzig depai, Kagin faunoi ubolume kin paiamap anasiwoi tat? 20Abaŋabaŋ bas iben mokoi ubolume, mewoi am aloŋoi niŋon dodin tat! 21Atengaz panubaswain mai men demade, i gaid mon biŋ faunfaunoi azu diboloi sisikdime, diloŋoi tiliŋadin zoazoudime.
Paulus inan auan Areopaglak ibollak
22Meginlakoi Paulus Areopag bisonlon ipazge ibol, Aten tamolgaz! Ŋa nami panulon abaŋabaŋ ŋaillag ŋaloŋ, aŋ tibudoi gauz azutame. 23Panu ŋuzig ŋatozmeg nami wiwa gun ŋedeleŋanameg ŋa wiwa ta mai ŋenasilak, me fonlak gazek ien, egin: Tibud ta id so taloŋtame me inan. Tibud ŋa me aŋ so aloŋame abol, ge mug mai biŋan ibiselak, ŋan me ŋa aŋ fun ŋeflalewoi ŋatoz. 24Tibud taimon siben me i nean Anut, i tan, fatu, abaŋabaŋ daŋan inaulak, i mon did mai tan mai inan Ujanzen. Tempel nimadlon tasoslak melon i so madoime.#Jes 42:5; Mat 11:25; Apos 7:48 25Tamol nimadinlon puzupuzewoi, bian paluwoi mai so ibolime, abaŋabaŋoi i so igodime; i siben mon funlak, i mon aenta daŋan mok bas, madoknen, jaeŋ mai ipinidinime.#Kan 50:12 26I siben inaulak, tamol taimon tininlon fatu daŋanlon tamolpain ditaselak. Tamolpainbadim anenanen nadin nal ditoznen, fatu demadonen geg mai i siben dadon mon inaulak.#Deut 32:8 27I Anut e debezanip dab depanip diloŋoi; ge i id dadodado leŋadlon madoime.#Jes 55:6; Luk 24:39 28Id i‐lon mon bas, tatoz, temadonen mai taloŋ. Mewoi nami kanamkamaŋ tata mai dibollak: Id i mai daz taimon tatoztame.#Kan 145:18; Jer 23:23 29Id Anut e mai inan dazlakoi id so taboloi Tibud Anut i tannen abaŋ ikol, gold tat, silwer tat, pat tat, melon kamaŋtamol nadin maŋaulon tibudmazoz deteŋanadime, megin teabe.#Gen 1:27; Jes 40:18; Kor I 12:2; Rom 1:23 30Saen getnen me inad safotsaen me Anut penenazilak; ge gazog i tamolpain dadon isag fatu daŋanlon kibiai ipinidin, ibol, Aŋ tulufunaŋpa adaŋsawoi!#Apos 14:16; Luk 24:47 31I nal taimon nean inaulakoi melon panupanu inan tamol i pilianilak melon kagin taozlon bitiniawoi. I me mateŋlonge fuŋunilakoi, mewoi tamolpain daŋan i ladinlon maliknen diloŋoi inaulak.#Kan 9:9; 96:13; Apos 10:42; Rom 10:14
32Dimatlak faun dimaisnen azu diloŋmeg aenta dizan dewai, aenta dibol, Santap am faun azu menenoi oina aua aloŋoi. 33Meginge Paulus i leŋadinlonge itaseg ile. 34Ge taitai Paulus mai detemani, i ladinlon malik, menen ta Dionisius, i betenaekgaten ta, pain ta nean Damaris mai, Aenta tata megin mon mai.#Apos 16:14
Currently Selected:
Apostel Sai 17: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 17
17
Tesalonika panulon
1Amfipolis Apolonia panu mai dubufateg dilemeg Tesalonikanen ditase. Men Juda nadin ubouab ien.#Tes I 2:2 2Paulus get sansan inaulak egin, megin gazo en mai iduleg ubou tolgen i azu gazekoi mai dikibiai.#Luk 4:16 3I me fun flaleg peteŋana, Kristus malik alan inauwoi, faun imais mokoi mai. Wadan funatimeg pidin, Ŋan Jesus me ŋa aŋ ŋepeteŋanaŋŋame i me Kristus.#Luk 24:26, 27, 45, 46 4Juda taitai i azu me ladinlon malikdime, i Paulus Silas mai detemani, Grik tamol kuzum, i get Anutoi dizutlak, gob pain ujanujan kin kuzum mai.
5Meginlakoi Juda segazadin isag tamol salasala daldal kekazeŋ ditozdimelak, kuzum diŋalge panu dukubuli; i daŋan Jason inan ab naonnen gugup depaug diseg Paulus Silas mai debezanag diŋaloi dibolge, tamolpain daŋan noadinnen denauwoi dibol.#Tes I 2:16 6So diltag i Jason kris aenta taitai mai diabge gatengaz noadinnen dezaug dile, muduf zen dipisinig diwog, Tamol e i fatu daŋan dukubulidimelak en mai dise,#Apos 16:20 7me Jason iŋalge inan ablak inau. Tamol e daŋan kaisar inan kibiai debenenaidime; i diboldimelakoi ta i kiŋ madoime, ŋan i nean Jesus.#Luk 23:2; Joh 19:12 8Azu meginmeginlon i tamolpain panu kibiaipanekgaz mai gauz dububuzag i gauz dizut. 9Gatengaz naon idusaknenoi wolaul denaulak me Jason aenta mai dipinidintag i faun dipasge dile.
Beroianen
10Tidom uzeklon taingaz Paulus Silas mai pasak panu Beroianen duduzig dile. Men mai Juda ubouablon didu.#Apos 9:25; 23:23, 31 11Juda Beroianen i bubudin dagom, Tesalonika i egin tea. I azu bubudin dagomdaŋan deŋale, nal daŋan gazeklon delaŋai denasi, diboldimelak malik niŋon megin gazeg ien tat.#Joh 5:39 12Meginge kuzum ladinlon malik, Grik pain ujanujan, tamol mai so taitai mon.
13Juda Tesalonikanen diloŋtag Beroianen mai Paulus azu ibolime, i men mai diseg denaug, tamolpain malan ujan dukubulag ladin depasi.#Tes I 2:14 14Meginlakoi buntaimon taingaz Paulus deŋale, duduzig dileg laŋten didu, Silas Timoteus mai bo Beroianen dibinge demade.#Apos 16:1 15Ge taingaz Paulus duduzig i maig ditoz, dileg Aten panulon didu. Menge dimulge dile, Paulus auanauan deŋaleg dileg Silas Timoteus mai pasak i izinen disowoi.
Panu Aten
16Paulus Atennen meladin inaumeg panu uzig itoz. Panulon i mazoz wiwa kuzum iltag ilon izoz.#Joh 2:17 17Ubouablon i Juda mai gob i Juda kagin ladinlon maliklak me mai temanig azu pidin. Dadeŋ abenlon megin mon nal daŋan tamolpain i mai men naon tazetazemeg mai kibiaik inau.#Apos 18:4 18Epikorion skulai, Stoik skulai mai dimaisge Paulus mai dikibiai. Tata dibol, Tamo belabol e dodin azu iboloi? Aenta dibol, I panute nadin tibud faun inan totol itozime. I Jesus inan patunpasinen azu, tiziau ujanoi maig ibollakoi.#Kor I 4:12 19Nal ta i Paulus deŋaleg Areopag bubunlak duduzig depai, Kagin faunoi ubolume kin paiamap anasiwoi tat? 20Abaŋabaŋ bas iben mokoi ubolume, mewoi am aloŋoi niŋon dodin tat! 21Atengaz panubaswain mai men demade, i gaid mon biŋ faunfaunoi azu diboloi sisikdime, diloŋoi tiliŋadin zoazoudime.
Paulus inan auan Areopaglak ibollak
22Meginlakoi Paulus Areopag bisonlon ipazge ibol, Aten tamolgaz! Ŋa nami panulon abaŋabaŋ ŋaillag ŋaloŋ, aŋ tibudoi gauz azutame. 23Panu ŋuzig ŋatozmeg nami wiwa gun ŋedeleŋanameg ŋa wiwa ta mai ŋenasilak, me fonlak gazek ien, egin: Tibud ta id so taloŋtame me inan. Tibud ŋa me aŋ so aloŋame abol, ge mug mai biŋan ibiselak, ŋan me ŋa aŋ fun ŋeflalewoi ŋatoz. 24Tibud taimon siben me i nean Anut, i tan, fatu, abaŋabaŋ daŋan inaulak, i mon did mai tan mai inan Ujanzen. Tempel nimadlon tasoslak melon i so madoime.#Jes 42:5; Mat 11:25; Apos 7:48 25Tamol nimadinlon puzupuzewoi, bian paluwoi mai so ibolime, abaŋabaŋoi i so igodime; i siben mon funlak, i mon aenta daŋan mok bas, madoknen, jaeŋ mai ipinidinime.#Kan 50:12 26I siben inaulak, tamol taimon tininlon fatu daŋanlon tamolpain ditaselak. Tamolpainbadim anenanen nadin nal ditoznen, fatu demadonen geg mai i siben dadon mon inaulak.#Deut 32:8 27I Anut e debezanip dab depanip diloŋoi; ge i id dadodado leŋadlon madoime.#Jes 55:6; Luk 24:39 28Id i‐lon mon bas, tatoz, temadonen mai taloŋ. Mewoi nami kanamkamaŋ tata mai dibollak: Id i mai daz taimon tatoztame.#Kan 145:18; Jer 23:23 29Id Anut e mai inan dazlakoi id so taboloi Tibud Anut i tannen abaŋ ikol, gold tat, silwer tat, pat tat, melon kamaŋtamol nadin maŋaulon tibudmazoz deteŋanadime, megin teabe.#Gen 1:27; Jes 40:18; Kor I 12:2; Rom 1:23 30Saen getnen me inad safotsaen me Anut penenazilak; ge gazog i tamolpain dadon isag fatu daŋanlon kibiai ipinidin, ibol, Aŋ tulufunaŋpa adaŋsawoi!#Apos 14:16; Luk 24:47 31I nal taimon nean inaulakoi melon panupanu inan tamol i pilianilak melon kagin taozlon bitiniawoi. I me mateŋlonge fuŋunilakoi, mewoi tamolpain daŋan i ladinlon maliknen diloŋoi inaulak.#Kan 9:9; 96:13; Apos 10:42; Rom 10:14
32Dimatlak faun dimaisnen azu diloŋmeg aenta dizan dewai, aenta dibol, Santap am faun azu menenoi oina aua aloŋoi. 33Meginge Paulus i leŋadinlonge itaseg ile. 34Ge taitai Paulus mai detemani, i ladinlon malik, menen ta Dionisius, i betenaekgaten ta, pain ta nean Damaris mai, Aenta tata megin mon mai.#Apos 16:14
New Testament published by the British and Foreign Bible Society in 1960. Genesis published by the Australian Bible Society in 1971.