Apostel Sai 13
13
EKLESIA GOB FATULON DAIAG ILE, 13–28
Paulus Barnabas mai totol uzatoi denaug dile
1Antiokia medaeŋlon profet gazekmaŋau mai demade, neadin megin: Barnabas, Simeon me Niger deblani, Lukius i Kirenawain, Manaen, i Herodes, i tetrark, mai ditub taimon, Saulus mai.#Apos 11:20, 27 2Nal ta i Ujanzen naonnen ubou denasimeg dudig maig demademeg. Auanuzgun kibiai pinidin, ibol, Aŋ Barnabas Saulus mai ŋawoi gun anauwoi, i uzat denauwoi, mewoi ŋa i ŋipilianalak.#Apos 9:15; Gal 1:15 3Meginge dewedeŋanidime, dogodoani mai, nimadin fodinlak denang denauge dile.#Apos 14:23, 26; Tim I 4:14
Nui Kiprosnen uzat denau
4I auzun Auanuzgun inaug dilelag ditozmeg dileg Seleukianen laŋten didu. Menge Kiprosnen dejaua. 5Panu nean Salamis men dibal. Juda nadin ubouablon didumeg Anut inan azu dibol. Johanes nadin dinek egin i maig ditoz.#Apos 12:12, 25 6Nui daŋan duzig dilemeg panu Paposnen didu. Men kiaitamol profet sekauk, Judawain ta, denasi, nean Barjesus. 7I Rom kiap Sergius Paulus, me tamol ilon kagindaŋan, izinnen made. Me Barnabas Saulus mai wigidinge izinnen didusawoi ibol, i auadinlon Anut azu iloŋoi imat. 8Meginmeg Elimas, (kiaitamol me poaleklon fun megin), auzun liwodin jabiime, i kiap ibiti, i ilonlon so malikoi.#Tim II 3:8 9Ge Saulus, me mug Paulus mai deblanidime, Auanuzgundaŋan ilaleg, malan ti ibolmegi pai,#Apos 2:4; 4:8 10O Satan nanunai, sekauk kakez mon mai o ilo ifofokimelak, taoz agez. Ujanzen inan dal talek falewoi utozume, me kin so tat bodo uboloi?#Hosea 14:10 11Gazo e uloŋ, Ujanzen niman folak iduwoi, o mala itauwoi, saen ta o ad so nasiwoi. Mug mafuz tidom maig jabi, se idab mon itoz, tata duziwoi igod.#Joh 9:39 12Kiap megin nasimeg ilonlon malik, Ujanzen inan kaginoi izut deladal.#Mar 1:22, 27
Panu Antiokia Pisidia fatulon didu
13Paulusgaz Paposnenge dejauameg Pergenen Pampilia fatulon ditase. Elak Johanes ibinge siben Jerusalemnen imulge ile.#Apos 15:38; Mat 21:30 14I auzun Pergenen dileg Antiokianen, Pisidia fatulon, ditase. Uboulon Judagaz nadin ubouablon diduleg dematal. 15Moses inan azu profet ta inan mai dusutilag medaeŋ inan kibiaipanekgaz ai denaug isidiziag pidin, Taiggaz, nami tansaek azu ta ientap kin abolpa tamolpain diloŋ.#Apos 15:21 16Meginge Paulus imaisge niman biseg ibol, Aŋ Israeltamol, aŋ aenta mai, aŋ Anutoi azutame, aŋ dab anau! 17Inad Israelbadim inan Anut inad mamgaz pilianalak, fatu bas Egiptalon tezepale, aonge inan tiwon ujanlon idauzig ditaseg dile.#Jes 1:2; Ekso 6:1, 6; 14:8 18Fatuudaulon umaz 40 daŋan i toanameg ilonpaneklon joazelak.#Ekso 16:35; Num 14:34 19Kanaan fatulon i tamolpainbadim fun sewen pitiŋinalak, nadin panupanu i fuzan egin ipinidin, me umaz 450.#Deut 7:1; Jos 14:2 20Me uzig betenaekkamaŋ ipinidinge ileg profet Samuel geg.#Bet 2:16; Sam I 3:20 21Saen melon i kiŋoi dibolge Anut Kis inan ai Saul ipinidin, i Benjamin bagen. I umaz 40 made.#Sam I 8:5; 10:21, 24 22I me sebazilag Dawid ibiseg nadin kiŋ inau, Iwoi sigianig ibol, Ŋa Dawid ŋenasilak, Jesse inan ai, tamol me inag bubeg ibolime egin iduse, i ŋainag auag uzi paniwoi.#Sam I 13:14; 16:12, 13; Kan 89:21 23Inan dazlon Anut Israel inan Patunpaseknen, get blani paneklon ibollak, megin inaug itase, ŋan me Jesus.#Sam II 7:12; Jes 11:1 24Me get so itaselag eginlak Johanes Israelbadim daŋan tulufuneknen flanekoi azu pidin.#Luk 3:3 25Johanes inan uzat itautoi inaumeg ibol, Aŋ ŋawoi abolame me ŋa tea, ge aloŋame, ŋa uzagpa isowoi, i inan nienaten inan mol ŋeflalenen ŋa so ŋaduse.#Joh 1:20, 27; Luk 3:16; Mar 1:7
26Aŋ tamolgaz, taiggaz, Abraham daz inan nanun me aŋ aenta mai, aŋ Anutoi azutame, idoi patunpaseknen azu me inaug ise.#Apos 13:46; Kan 107:20 27Jerusalem tamolpain nadin kibiaipanekgaz mai Jesus e so diloŋlakoi i demeselanilak. Melon i blani panek azu profetgaz iwoi dibollak, nadin uboulon dusutidimelak, niŋon denaulak.#Joh 16:3 28I bo siben tininnen dufunip imatnen ta so denasi, segauz Pilatus funip imatoi dejapal.#Mat 27:22, 23 29Iwoi azu ibollak ienime, ŋan me daŋan tezepasig denau iduselag i jakebazeklak desebazig loflon denau.#Mat 27:59, 60 30Ge Anut i mateŋlonge fuŋunilak.#Apos 3:15 31Nal kuzum i me meladinlon itaseg denasilak, me i mai Galileanenge Jerusalemnen diduselak; ŋan i gazo nadin tamolpainbadim naonnen inan sigianektamol demadodime.#Apos 1:3 32Me am auzun aŋ mug totol gamun apaiaŋame: blani panek azu get mamgaz pinidinlak,#Apos 13:23 33me idoi, inadin nunudingazoi Anut niŋon inaug iduse, i Jesus mateŋlonge fuŋunilakoi melon. Me Dawid mai kanam tulon gazelak, O inag nanugaiume, gazo ŋa o ŋunuolak.#Kan 2:7 34Me i mateŋlonge ifuŋunilak, mezeteŋanek i so inasiwoi, mewoi i kanam talon ibol, Ŋa aŋ baz gun niŋon mai Dawid blani ŋepanilak me ŋepanaŋoi, me sebazinen teabe.#Jes 55:3 35Mewoilakoi kanam talon mai ibol, Oina Gun unaug iselak me mezeteŋanek nasiwoi pizianiume.#Kan 16:10 36Ŋan Dawid i inan saenlon nal Anut inan auan uzig itozlag imatlak, inan tamangaz abenlon mai loflon denaulak, inan tinin mezeteŋanilak.#Apos 2:29 37Ge me ŋan Anut infuŋunilak, i so mezeteŋanilak. 38Meginge aŋ tamol, taiggaz, gazo aloŋoi, am aŋ Jesus elon aupasek suasnenoi azu apaiaŋame.#Apos 10:43; Num 15:30 39Ŋan i‐lon dadodado i ilonlon malikime, ja tininlak ien mewoi dadon isap gaten pasinen iŋalewoi, Moses inan kibiaiŋlon aŋ getemi pasinen aŋalenen get so aloŋlak.#Rom 10:4 40Mewoi dab anau, profetgaz get dibollak, me aŋ so toanaŋoi:#Hab 1:5 41Anasi, dizawaikbibian, melami kebazanoi, apadal maiwoi! Nami nallon ŋa abaŋ ta ŋenauwoi, abaŋ iben ta mewoi aŋ sai gauai panaŋmap mai lamilon so malikoi.
Azu inan niŋon ibeniben
42Ubouablonge ditaseg dilemeg digod, ubou talon azu megin mon pidinpa diloŋoi. 43Daŋan depetetalelag Judawain, Judatizan kuzum mai i Anutoi dizutdime, Paulus Barnabas mai duzge ditoz, me i auzun dipidin, debebana mai, i Anut kanimlon mon sededeŋanawoi.#Apos 11:23; 14:22
44Ubou talon panu me tamolpain kin dadon isag egin detemani, Anut inan azu diloŋoi. 45Judagaz tamolpain metalun diselak dilmeg i digasge, Paulus azu ibolime me detalemeg demade, dizan mai dewai.#Apos 14:2; 17:5; Luk 15:28; Rom 10:19
Totol Judagaz dibitge gobgaz azu dipidin
46Meginmeg Paulus Barnabas mai beŋten dipidinge dibol, Aŋ bo malanmalan Anut azu apaiaŋlak, ge gazo aŋ me pututiamelakoi, bas niŋon aŋ sebami so aduse egin anauamelak, aloŋ, am mewoi gobgaz mug idiŋiawoi.#Apos 3:26; Mat 10:6; Luk 7:30 47Ujanzen i megin kibiai penamalak ienime, Ŋa o gob nadin sul ŋunuolak, o fatu wadannen daŋan patunpaseknen azu pidinoi.#Jes 49:6 48Gobgaz me diloŋmeg zigiadime, Ujanzen inan azu biŋan dibise. Daŋan i dedeŋanip bas demadonenoi pilianalak me ladinlon malik.#Rom 8:29 49Meginge Ujanzen inan azu fatu me daŋanlon bebaŋeg ile.
Judagaz apostel diŋal duz, dukudua
50Ge Judagaz i pain ujanujan i nadin ubouablon ubou denasidime, panugatengaz mai dimiziadin, i Paulus Barnabas mai diŋal duzge dukuduag nadin fatu geglon denau. 51I auzun meladin dubuzin dugutemeg i pinidin, dibinge Ikonianen dile.#Apos 18:6; Mat 10:14 52Ge meglaumgaz i judindaŋan, Uzgun mai ladin ifofok pasi.
Currently Selected:
Apostel Sai 13: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 13
13
EKLESIA GOB FATULON DAIAG ILE, 13–28
Paulus Barnabas mai totol uzatoi denaug dile
1Antiokia medaeŋlon profet gazekmaŋau mai demade, neadin megin: Barnabas, Simeon me Niger deblani, Lukius i Kirenawain, Manaen, i Herodes, i tetrark, mai ditub taimon, Saulus mai.#Apos 11:20, 27 2Nal ta i Ujanzen naonnen ubou denasimeg dudig maig demademeg. Auanuzgun kibiai pinidin, ibol, Aŋ Barnabas Saulus mai ŋawoi gun anauwoi, i uzat denauwoi, mewoi ŋa i ŋipilianalak.#Apos 9:15; Gal 1:15 3Meginge dewedeŋanidime, dogodoani mai, nimadin fodinlak denang denauge dile.#Apos 14:23, 26; Tim I 4:14
Nui Kiprosnen uzat denau
4I auzun Auanuzgun inaug dilelag ditozmeg dileg Seleukianen laŋten didu. Menge Kiprosnen dejaua. 5Panu nean Salamis men dibal. Juda nadin ubouablon didumeg Anut inan azu dibol. Johanes nadin dinek egin i maig ditoz.#Apos 12:12, 25 6Nui daŋan duzig dilemeg panu Paposnen didu. Men kiaitamol profet sekauk, Judawain ta, denasi, nean Barjesus. 7I Rom kiap Sergius Paulus, me tamol ilon kagindaŋan, izinnen made. Me Barnabas Saulus mai wigidinge izinnen didusawoi ibol, i auadinlon Anut azu iloŋoi imat. 8Meginmeg Elimas, (kiaitamol me poaleklon fun megin), auzun liwodin jabiime, i kiap ibiti, i ilonlon so malikoi.#Tim II 3:8 9Ge Saulus, me mug Paulus mai deblanidime, Auanuzgundaŋan ilaleg, malan ti ibolmegi pai,#Apos 2:4; 4:8 10O Satan nanunai, sekauk kakez mon mai o ilo ifofokimelak, taoz agez. Ujanzen inan dal talek falewoi utozume, me kin so tat bodo uboloi?#Hosea 14:10 11Gazo e uloŋ, Ujanzen niman folak iduwoi, o mala itauwoi, saen ta o ad so nasiwoi. Mug mafuz tidom maig jabi, se idab mon itoz, tata duziwoi igod.#Joh 9:39 12Kiap megin nasimeg ilonlon malik, Ujanzen inan kaginoi izut deladal.#Mar 1:22, 27
Panu Antiokia Pisidia fatulon didu
13Paulusgaz Paposnenge dejauameg Pergenen Pampilia fatulon ditase. Elak Johanes ibinge siben Jerusalemnen imulge ile.#Apos 15:38; Mat 21:30 14I auzun Pergenen dileg Antiokianen, Pisidia fatulon, ditase. Uboulon Judagaz nadin ubouablon diduleg dematal. 15Moses inan azu profet ta inan mai dusutilag medaeŋ inan kibiaipanekgaz ai denaug isidiziag pidin, Taiggaz, nami tansaek azu ta ientap kin abolpa tamolpain diloŋ.#Apos 15:21 16Meginge Paulus imaisge niman biseg ibol, Aŋ Israeltamol, aŋ aenta mai, aŋ Anutoi azutame, aŋ dab anau! 17Inad Israelbadim inan Anut inad mamgaz pilianalak, fatu bas Egiptalon tezepale, aonge inan tiwon ujanlon idauzig ditaseg dile.#Jes 1:2; Ekso 6:1, 6; 14:8 18Fatuudaulon umaz 40 daŋan i toanameg ilonpaneklon joazelak.#Ekso 16:35; Num 14:34 19Kanaan fatulon i tamolpainbadim fun sewen pitiŋinalak, nadin panupanu i fuzan egin ipinidin, me umaz 450.#Deut 7:1; Jos 14:2 20Me uzig betenaekkamaŋ ipinidinge ileg profet Samuel geg.#Bet 2:16; Sam I 3:20 21Saen melon i kiŋoi dibolge Anut Kis inan ai Saul ipinidin, i Benjamin bagen. I umaz 40 made.#Sam I 8:5; 10:21, 24 22I me sebazilag Dawid ibiseg nadin kiŋ inau, Iwoi sigianig ibol, Ŋa Dawid ŋenasilak, Jesse inan ai, tamol me inag bubeg ibolime egin iduse, i ŋainag auag uzi paniwoi.#Sam I 13:14; 16:12, 13; Kan 89:21 23Inan dazlon Anut Israel inan Patunpaseknen, get blani paneklon ibollak, megin inaug itase, ŋan me Jesus.#Sam II 7:12; Jes 11:1 24Me get so itaselag eginlak Johanes Israelbadim daŋan tulufuneknen flanekoi azu pidin.#Luk 3:3 25Johanes inan uzat itautoi inaumeg ibol, Aŋ ŋawoi abolame me ŋa tea, ge aloŋame, ŋa uzagpa isowoi, i inan nienaten inan mol ŋeflalenen ŋa so ŋaduse.#Joh 1:20, 27; Luk 3:16; Mar 1:7
26Aŋ tamolgaz, taiggaz, Abraham daz inan nanun me aŋ aenta mai, aŋ Anutoi azutame, idoi patunpaseknen azu me inaug ise.#Apos 13:46; Kan 107:20 27Jerusalem tamolpain nadin kibiaipanekgaz mai Jesus e so diloŋlakoi i demeselanilak. Melon i blani panek azu profetgaz iwoi dibollak, nadin uboulon dusutidimelak, niŋon denaulak.#Joh 16:3 28I bo siben tininnen dufunip imatnen ta so denasi, segauz Pilatus funip imatoi dejapal.#Mat 27:22, 23 29Iwoi azu ibollak ienime, ŋan me daŋan tezepasig denau iduselag i jakebazeklak desebazig loflon denau.#Mat 27:59, 60 30Ge Anut i mateŋlonge fuŋunilak.#Apos 3:15 31Nal kuzum i me meladinlon itaseg denasilak, me i mai Galileanenge Jerusalemnen diduselak; ŋan i gazo nadin tamolpainbadim naonnen inan sigianektamol demadodime.#Apos 1:3 32Me am auzun aŋ mug totol gamun apaiaŋame: blani panek azu get mamgaz pinidinlak,#Apos 13:23 33me idoi, inadin nunudingazoi Anut niŋon inaug iduse, i Jesus mateŋlonge fuŋunilakoi melon. Me Dawid mai kanam tulon gazelak, O inag nanugaiume, gazo ŋa o ŋunuolak.#Kan 2:7 34Me i mateŋlonge ifuŋunilak, mezeteŋanek i so inasiwoi, mewoi i kanam talon ibol, Ŋa aŋ baz gun niŋon mai Dawid blani ŋepanilak me ŋepanaŋoi, me sebazinen teabe.#Jes 55:3 35Mewoilakoi kanam talon mai ibol, Oina Gun unaug iselak me mezeteŋanek nasiwoi pizianiume.#Kan 16:10 36Ŋan Dawid i inan saenlon nal Anut inan auan uzig itozlag imatlak, inan tamangaz abenlon mai loflon denaulak, inan tinin mezeteŋanilak.#Apos 2:29 37Ge me ŋan Anut infuŋunilak, i so mezeteŋanilak. 38Meginge aŋ tamol, taiggaz, gazo aloŋoi, am aŋ Jesus elon aupasek suasnenoi azu apaiaŋame.#Apos 10:43; Num 15:30 39Ŋan i‐lon dadodado i ilonlon malikime, ja tininlak ien mewoi dadon isap gaten pasinen iŋalewoi, Moses inan kibiaiŋlon aŋ getemi pasinen aŋalenen get so aloŋlak.#Rom 10:4 40Mewoi dab anau, profetgaz get dibollak, me aŋ so toanaŋoi:#Hab 1:5 41Anasi, dizawaikbibian, melami kebazanoi, apadal maiwoi! Nami nallon ŋa abaŋ ta ŋenauwoi, abaŋ iben ta mewoi aŋ sai gauai panaŋmap mai lamilon so malikoi.
Azu inan niŋon ibeniben
42Ubouablonge ditaseg dilemeg digod, ubou talon azu megin mon pidinpa diloŋoi. 43Daŋan depetetalelag Judawain, Judatizan kuzum mai i Anutoi dizutdime, Paulus Barnabas mai duzge ditoz, me i auzun dipidin, debebana mai, i Anut kanimlon mon sededeŋanawoi.#Apos 11:23; 14:22
44Ubou talon panu me tamolpain kin dadon isag egin detemani, Anut inan azu diloŋoi. 45Judagaz tamolpain metalun diselak dilmeg i digasge, Paulus azu ibolime me detalemeg demade, dizan mai dewai.#Apos 14:2; 17:5; Luk 15:28; Rom 10:19
Totol Judagaz dibitge gobgaz azu dipidin
46Meginmeg Paulus Barnabas mai beŋten dipidinge dibol, Aŋ bo malanmalan Anut azu apaiaŋlak, ge gazo aŋ me pututiamelakoi, bas niŋon aŋ sebami so aduse egin anauamelak, aloŋ, am mewoi gobgaz mug idiŋiawoi.#Apos 3:26; Mat 10:6; Luk 7:30 47Ujanzen i megin kibiai penamalak ienime, Ŋa o gob nadin sul ŋunuolak, o fatu wadannen daŋan patunpaseknen azu pidinoi.#Jes 49:6 48Gobgaz me diloŋmeg zigiadime, Ujanzen inan azu biŋan dibise. Daŋan i dedeŋanip bas demadonenoi pilianalak me ladinlon malik.#Rom 8:29 49Meginge Ujanzen inan azu fatu me daŋanlon bebaŋeg ile.
Judagaz apostel diŋal duz, dukudua
50Ge Judagaz i pain ujanujan i nadin ubouablon ubou denasidime, panugatengaz mai dimiziadin, i Paulus Barnabas mai diŋal duzge dukuduag nadin fatu geglon denau. 51I auzun meladin dubuzin dugutemeg i pinidin, dibinge Ikonianen dile.#Apos 18:6; Mat 10:14 52Ge meglaumgaz i judindaŋan, Uzgun mai ladin ifofok pasi.
New Testament published by the British and Foreign Bible Society in 1960. Genesis published by the Australian Bible Society in 1971.