Apostel Sai 14
14
Ikonianen uzat denau
1Panu Ikonialon i mai Juda ubouablon didug azu pidin. Men mai nadin azu bubudin isebelaig Juda mai gob mai malan metalun ladinlon malik.#Apos 13:14 2Juda aenta bo ladinlon so maliklak gobgaz ladin depasig taingazoi segazadin isa.#Apos 13:45; Apos 19:11; Heb 2:4 3Meginmegin denaumeg Paulus Barnabas segauz dibol, maig saen kin melaen egin uzat denaug jaugjaug azu dibol, so dizez. Ujanzen mon denau depani, i inan azu kanimdaŋan siben inaup bubudinlon isaep iduwoi; me i maŋaumaŋau kubelbagoz mai i auzun nimadinlon inaug idu. 4Ge tamolpain malan siben besesali azugen, ta me Judagaz mai, ta me apostel mai. 5Ge i auzun diloŋmeg gob mai Juda nadin kibiaipanekgaz mai buzudin kukuzudin dibolge ditoz, patlon digup dimatoi tinidin denaulak.#Apos 14:19; Tim II 3:11 6I me dab depanimeg i dimaisge diau, fatu Likonianen panu Listra Derbe mailon, panu aenta diendime melon mai dile.#Mat 10:23 7Melak i totol gamun inan azu megin mon dibol.#Apos 11:19, 20
Listranen tamol laleg ikibine
8Listranen tamol ta made i nien tiwon tea, dazlonge laleg sansan matalmeg mon made, i get kin so itozlak.#Apos 3:2; 9:33 9Paulus azu ibolmeg i iloŋ. Paulus i deleŋanimeg iloŋge i kibinenen ilonlon inau panig madoime,#Mat 9:28 10i auan metalunlon ipai, Umaispa nielak tiduk utiuz! Mug imaisge itoz.#Apos 3:8; 9:34
11Tamolpain Paulus inaulak denasig nadin mezaudin auanlon auan ujanlon dibol, Tibudgaz tamol denaulak izidnen didug disie!#Apos 28:6 12Barnabas tibud nean Seus, Paulus me Hermes deblana, i gaid azu ibolimelakoi. 13Seus inan waliŋ inan tempel panu wadanlon ienime, i bulmakau dauai talit mai mai panu dalauan muzinnen iŋalge ise, tamolpain i maig aposteloi ja denauwoi denaudime. 14Apostel Barnabas Paulus mai diloŋge nadin jamel detataz ablonge tapas didu, tamolpain leŋadinlon depalug diseg dipidin, 15Tamol, aŋ ait anau? Am mai mon aŋ kiliami tannenwain! Am totol gamun aŋ apaiaŋ, aŋ tibud sekauk abinoi, Anut mok bas i adaŋe apanip adaŋsawoi. I did mai tan mai mas mai, abaŋ daŋan ilonnen itozime mai inaulak, meme.#Kan 146:6; Jes 37:16; Jer 32:17; Apos 10:26 16I saen get mon gobgaz daŋan sebadin noadinnen mon ditozmeg, to ibollak.#Apos 17:30 17Ge segauz megin atozmeg i inan lo inaug fomilak idu panaŋ, melon i siben aŋ leŋamilon i sigianilak egin, ŋan me i didlakge ui mai, saen fiafunen daŋan mai panaŋlak, anaŋ dadon isag mai, nami bubumilon jaun mai inaulak ifuam.#Kan 145:16; 147:8; Jer 5:24 18I megin dibolmeg tamolpain gedagad egin denau, janauk dipinidin mokoi dibol, piziananen muzuan mok.
Paulus patlon dufuni. Derbenen dile
19Alouge Antiokia ta Ikonia mai nadin Judagaz Listranen dise. I tamolpain ladin depasi, dileg Paulus deŋaleg patlon dufuni. Imatlak dibolge panu muzinnen dezaeg dibinig ien.#Kor II 11:25; Tim II 3:11 20Medaeŋgaz diseg dililitimeg faun imaisge panulon idu.
Boŋanip egin i Barnabas maig Derbenen dile. 21Melak mai totol gamunoi azu dibol, meglaum mai kuzum inau.#Mat 28:19
Siria panu Antiokianen dile
Dimulge Listra, Ikonia, Antiokia panu me daŋan dititimeg dile. 22Panu daŋanlon meglaum dud pinidin, debebana mai, i ladinlon maliknen diabip stemanip demadowoi, i maite pidin, id alannauk kuzumlon Anut inan kiŋdomlon tadulawoi.#Apos 11:23; 13:43; Tes I 3:3; Mat 7:14 23I elakte melakte mai medaeŋlon gaten denau. Godoaneklon udeklon mai, me i gazo ladinlon maliklak, Ujanzen nimanlon denau.#Apos 13:3; 20:32 24Meginge i Pisidia fatu duzig dilemeg Pampilia fatulon faun ditase. 25I Perge panulon mai azu dibol dibinig Atalia panulon laŋten didu. 26Menge Antiokianen dejaua, melak i get uzatoi Anut kanim paenlon denaulak.#Apos 13:1, 2; Kor I 15:10 27I men ditaselag medaeŋgaz detemanig sai di pinidin, abaŋ ujan Anut i tinidinlon inaulak me, i gobgaz mai ilonlon maliknen dalauan ifueg pinidinlak me.#Kor I 16:9 28Meginge i saen ta Antiokia medaeŋgaz maig demade.
Currently Selected:
Apostel Sai 14: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 14
14
Ikonianen uzat denau
1Panu Ikonialon i mai Juda ubouablon didug azu pidin. Men mai nadin azu bubudin isebelaig Juda mai gob mai malan metalun ladinlon malik.#Apos 13:14 2Juda aenta bo ladinlon so maliklak gobgaz ladin depasig taingazoi segazadin isa.#Apos 13:45; Apos 19:11; Heb 2:4 3Meginmegin denaumeg Paulus Barnabas segauz dibol, maig saen kin melaen egin uzat denaug jaugjaug azu dibol, so dizez. Ujanzen mon denau depani, i inan azu kanimdaŋan siben inaup bubudinlon isaep iduwoi; me i maŋaumaŋau kubelbagoz mai i auzun nimadinlon inaug idu. 4Ge tamolpain malan siben besesali azugen, ta me Judagaz mai, ta me apostel mai. 5Ge i auzun diloŋmeg gob mai Juda nadin kibiaipanekgaz mai buzudin kukuzudin dibolge ditoz, patlon digup dimatoi tinidin denaulak.#Apos 14:19; Tim II 3:11 6I me dab depanimeg i dimaisge diau, fatu Likonianen panu Listra Derbe mailon, panu aenta diendime melon mai dile.#Mat 10:23 7Melak i totol gamun inan azu megin mon dibol.#Apos 11:19, 20
Listranen tamol laleg ikibine
8Listranen tamol ta made i nien tiwon tea, dazlonge laleg sansan matalmeg mon made, i get kin so itozlak.#Apos 3:2; 9:33 9Paulus azu ibolmeg i iloŋ. Paulus i deleŋanimeg iloŋge i kibinenen ilonlon inau panig madoime,#Mat 9:28 10i auan metalunlon ipai, Umaispa nielak tiduk utiuz! Mug imaisge itoz.#Apos 3:8; 9:34
11Tamolpain Paulus inaulak denasig nadin mezaudin auanlon auan ujanlon dibol, Tibudgaz tamol denaulak izidnen didug disie!#Apos 28:6 12Barnabas tibud nean Seus, Paulus me Hermes deblana, i gaid azu ibolimelakoi. 13Seus inan waliŋ inan tempel panu wadanlon ienime, i bulmakau dauai talit mai mai panu dalauan muzinnen iŋalge ise, tamolpain i maig aposteloi ja denauwoi denaudime. 14Apostel Barnabas Paulus mai diloŋge nadin jamel detataz ablonge tapas didu, tamolpain leŋadinlon depalug diseg dipidin, 15Tamol, aŋ ait anau? Am mai mon aŋ kiliami tannenwain! Am totol gamun aŋ apaiaŋ, aŋ tibud sekauk abinoi, Anut mok bas i adaŋe apanip adaŋsawoi. I did mai tan mai mas mai, abaŋ daŋan ilonnen itozime mai inaulak, meme.#Kan 146:6; Jes 37:16; Jer 32:17; Apos 10:26 16I saen get mon gobgaz daŋan sebadin noadinnen mon ditozmeg, to ibollak.#Apos 17:30 17Ge segauz megin atozmeg i inan lo inaug fomilak idu panaŋ, melon i siben aŋ leŋamilon i sigianilak egin, ŋan me i didlakge ui mai, saen fiafunen daŋan mai panaŋlak, anaŋ dadon isag mai, nami bubumilon jaun mai inaulak ifuam.#Kan 145:16; 147:8; Jer 5:24 18I megin dibolmeg tamolpain gedagad egin denau, janauk dipinidin mokoi dibol, piziananen muzuan mok.
Paulus patlon dufuni. Derbenen dile
19Alouge Antiokia ta Ikonia mai nadin Judagaz Listranen dise. I tamolpain ladin depasi, dileg Paulus deŋaleg patlon dufuni. Imatlak dibolge panu muzinnen dezaeg dibinig ien.#Kor II 11:25; Tim II 3:11 20Medaeŋgaz diseg dililitimeg faun imaisge panulon idu.
Boŋanip egin i Barnabas maig Derbenen dile. 21Melak mai totol gamunoi azu dibol, meglaum mai kuzum inau.#Mat 28:19
Siria panu Antiokianen dile
Dimulge Listra, Ikonia, Antiokia panu me daŋan dititimeg dile. 22Panu daŋanlon meglaum dud pinidin, debebana mai, i ladinlon maliknen diabip stemanip demadowoi, i maite pidin, id alannauk kuzumlon Anut inan kiŋdomlon tadulawoi.#Apos 11:23; 13:43; Tes I 3:3; Mat 7:14 23I elakte melakte mai medaeŋlon gaten denau. Godoaneklon udeklon mai, me i gazo ladinlon maliklak, Ujanzen nimanlon denau.#Apos 13:3; 20:32 24Meginge i Pisidia fatu duzig dilemeg Pampilia fatulon faun ditase. 25I Perge panulon mai azu dibol dibinig Atalia panulon laŋten didu. 26Menge Antiokianen dejaua, melak i get uzatoi Anut kanim paenlon denaulak.#Apos 13:1, 2; Kor I 15:10 27I men ditaselag medaeŋgaz detemanig sai di pinidin, abaŋ ujan Anut i tinidinlon inaulak me, i gobgaz mai ilonlon maliknen dalauan ifueg pinidinlak me.#Kor I 16:9 28Meginge i saen ta Antiokia medaeŋgaz maig demade.
New Testament published by the British and Foreign Bible Society in 1960. Genesis published by the Australian Bible Society in 1971.