Apostel Sai 12
12
Agripa Jerusalem medaeŋ iŋal uz, Jakobus ifuni
1Saen melon kiŋ Herodes medaeŋgaz aenta titilia.#Apos 4:3; Mat 20:22 2Jakobus, Johanes inan tain, me badizlon funig imat.
Anut Petrus ipasi
3Iloŋmeg Judagaz mewoi zigiatag, inau mugge Petrus mai jabi. Ge Sepalaŋ Didek Zagun Tea inan nal wagam pisinig idulak.#Rom 8:36 4I Petrus jabilag sebaneklon funati, opas sikstin poalekpoalek i ditiziniwoi ibol. Pasa ubou binip i duzip tamolai noadinnen inauwoi. 5Meginge Petrus funateklon made; ge medaeŋgaz iwoi Anut naonnen dedeŋanig dogodoanidime.#Jak 5:16
6Herodes boŋanip egin Petrus beŋten duziwoi ibollak bo melon Petrus opas azugen mai ŋuzaŋuz azugenlon depezetemanag depaug dien. Opas aenta galuŋ me tizinimeg maig demade.#Apos 5:22, 23 7Buntaimon Ujanzen inan eŋel idu ise, sul galuŋlon sepetade. Eŋel Petrus gezaŋen isaemeg fuŋunimeg ipai, Pasak umais! Mug ŋuzaŋuz azugen nimanlon sazo ibolge didu.#Apos 5:19 8Eŋel ipai, Metagiz ŋale, jamel bubutip nieaten udizlawoi. Petrus megin inau, Faunte ipai, Oina kot tabubpa uzagpa uso! 9Meginge Petrus eŋel uzig ditase. I so iloŋ gauai abaŋ me malik eŋellon inau, tea, ienmin e ibol. 10Opas ta aenta mai denenazameg dileg kemdalauan naonnen ditase; dalauan melonpa panulon didudime. Me siben noadinnen fue. I beŋten didug dal ta duzig dilemeg mug eŋel Petrus ibinig iau. 11Petrus mug tininlon ileg ilon ibol, Ŋa mug malik ŋaloŋ, Ujanzen inan eŋel inaug iseg Herodes nimanlon bisiag ŋiliaglak, Israelbadim dizezlak melon patug pasilak.#Luk 15:17
12Megin ilon isoumeg ileg Maria inan ab naonnen itase. Maria i Johanes ta inan tinan, Johanes nean ta Markus deblani. Ab melon kuzum godoanekoi detemanilak.#Apos 15:37 13Petrus daluan titimeg begabegpain ta, nean Rode, iseg iloŋoi, it tat. 14Petrus auan iloŋtag zigemeg dalauan so pasig ileg ab ilonnen me pidin, Petrus dalauan muzinnen itiuzime, ibol.#Luk 24:41 15I depai, O ilo gedagadge ubolume! Ge i ibol, Malik megin. Me i dibol, Inan tizineknen eŋel ise.#Luk 24:37; Mat 18:10 16Petrus sededeŋanig titimeg made. I dalauan depasilag denasi, i gauz dizut deladal. 17I nimanlon inau pinidin, to diboloi, Ujanzen sebaneklon pasilak me sai pinidin. I mai ibol, Aŋ me Jakobus apaip taidgaz mai pidinpa diloŋ. Meginge i ibinge sekeleanig panu talon ile.
18Fatu gigimeg opas bezetaŋanag demade, nug dibol, Petrus mai abaŋte tat inaulak, dibol.#Apos 5:21, 22 19Herodes Petrus debezaniwoi ibol, so denasi. Fitamol sodoz pinidintag, teag, difug woi ibolge difug dimat. Meginge i siben Judeanenge Kaisareanen idug imade.
Anut niman Herodes funi alan, imat pasi
20Herodes Tirus Sidon panuoi buzun isameg itoz. I me diloŋge totol denaug izinnen dile. Me kiŋ inan abgaten ujan, nean Blastus, malan deŋale, i iwoi kiŋ naonnen mazozoi igodoi, i mai ju so denauwoi; kiŋ inan fatulon inadin anaŋ didad deŋaledimelakoi, mewoi.#Kiŋ I 5:25; Hesek 17:17 21Nal nean naulak me pisinitag Herodes inan kiŋnen jamel kubelzen inuleg inan pezatiulak matal idumeg, totol me azu pidin. 22Tamolpain demadelak diwogge dibol, Me Anut auan, tamol ta inan teabe!#Hesek 28:2 23Buntaimon Ujanzen inan eŋel ifuni, i Anut biŋan so panilakoi; da inan tininlon ditaseg dipitakge dianimeg imat.#Dan 5:20
Medaeŋ balif inau
24Anut azu isag bebaŋeg ile, kris kuzum inau.#Apos 6:7; Jes 55:11 25Barnabas Saulus mai Jerusalemnen totoloi dilelak nadin azu dibol dibinig dimulge dile. Johanes me inan nean ta Markus i maig dile.#Apos 11:29; 11:12; 15:37
Currently Selected:
Apostel Sai 12: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 12
12
Agripa Jerusalem medaeŋ iŋal uz, Jakobus ifuni
1Saen melon kiŋ Herodes medaeŋgaz aenta titilia.#Apos 4:3; Mat 20:22 2Jakobus, Johanes inan tain, me badizlon funig imat.
Anut Petrus ipasi
3Iloŋmeg Judagaz mewoi zigiatag, inau mugge Petrus mai jabi. Ge Sepalaŋ Didek Zagun Tea inan nal wagam pisinig idulak.#Rom 8:36 4I Petrus jabilag sebaneklon funati, opas sikstin poalekpoalek i ditiziniwoi ibol. Pasa ubou binip i duzip tamolai noadinnen inauwoi. 5Meginge Petrus funateklon made; ge medaeŋgaz iwoi Anut naonnen dedeŋanig dogodoanidime.#Jak 5:16
6Herodes boŋanip egin Petrus beŋten duziwoi ibollak bo melon Petrus opas azugen mai ŋuzaŋuz azugenlon depezetemanag depaug dien. Opas aenta galuŋ me tizinimeg maig demade.#Apos 5:22, 23 7Buntaimon Ujanzen inan eŋel idu ise, sul galuŋlon sepetade. Eŋel Petrus gezaŋen isaemeg fuŋunimeg ipai, Pasak umais! Mug ŋuzaŋuz azugen nimanlon sazo ibolge didu.#Apos 5:19 8Eŋel ipai, Metagiz ŋale, jamel bubutip nieaten udizlawoi. Petrus megin inau, Faunte ipai, Oina kot tabubpa uzagpa uso! 9Meginge Petrus eŋel uzig ditase. I so iloŋ gauai abaŋ me malik eŋellon inau, tea, ienmin e ibol. 10Opas ta aenta mai denenazameg dileg kemdalauan naonnen ditase; dalauan melonpa panulon didudime. Me siben noadinnen fue. I beŋten didug dal ta duzig dilemeg mug eŋel Petrus ibinig iau. 11Petrus mug tininlon ileg ilon ibol, Ŋa mug malik ŋaloŋ, Ujanzen inan eŋel inaug iseg Herodes nimanlon bisiag ŋiliaglak, Israelbadim dizezlak melon patug pasilak.#Luk 15:17
12Megin ilon isoumeg ileg Maria inan ab naonnen itase. Maria i Johanes ta inan tinan, Johanes nean ta Markus deblani. Ab melon kuzum godoanekoi detemanilak.#Apos 15:37 13Petrus daluan titimeg begabegpain ta, nean Rode, iseg iloŋoi, it tat. 14Petrus auan iloŋtag zigemeg dalauan so pasig ileg ab ilonnen me pidin, Petrus dalauan muzinnen itiuzime, ibol.#Luk 24:41 15I depai, O ilo gedagadge ubolume! Ge i ibol, Malik megin. Me i dibol, Inan tizineknen eŋel ise.#Luk 24:37; Mat 18:10 16Petrus sededeŋanig titimeg made. I dalauan depasilag denasi, i gauz dizut deladal. 17I nimanlon inau pinidin, to diboloi, Ujanzen sebaneklon pasilak me sai pinidin. I mai ibol, Aŋ me Jakobus apaip taidgaz mai pidinpa diloŋ. Meginge i ibinge sekeleanig panu talon ile.
18Fatu gigimeg opas bezetaŋanag demade, nug dibol, Petrus mai abaŋte tat inaulak, dibol.#Apos 5:21, 22 19Herodes Petrus debezaniwoi ibol, so denasi. Fitamol sodoz pinidintag, teag, difug woi ibolge difug dimat. Meginge i siben Judeanenge Kaisareanen idug imade.
Anut niman Herodes funi alan, imat pasi
20Herodes Tirus Sidon panuoi buzun isameg itoz. I me diloŋge totol denaug izinnen dile. Me kiŋ inan abgaten ujan, nean Blastus, malan deŋale, i iwoi kiŋ naonnen mazozoi igodoi, i mai ju so denauwoi; kiŋ inan fatulon inadin anaŋ didad deŋaledimelakoi, mewoi.#Kiŋ I 5:25; Hesek 17:17 21Nal nean naulak me pisinitag Herodes inan kiŋnen jamel kubelzen inuleg inan pezatiulak matal idumeg, totol me azu pidin. 22Tamolpain demadelak diwogge dibol, Me Anut auan, tamol ta inan teabe!#Hesek 28:2 23Buntaimon Ujanzen inan eŋel ifuni, i Anut biŋan so panilakoi; da inan tininlon ditaseg dipitakge dianimeg imat.#Dan 5:20
Medaeŋ balif inau
24Anut azu isag bebaŋeg ile, kris kuzum inau.#Apos 6:7; Jes 55:11 25Barnabas Saulus mai Jerusalemnen totoloi dilelak nadin azu dibol dibinig dimulge dile. Johanes me inan nean ta Markus i maig dile.#Apos 11:29; 11:12; 15:37
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.