Apostel Sai 11
11
Petrus gobgaz flanalakoi Judawain i mai dupusai
1Apostelgaz taingaz mai Juda fatulon mai diloŋ, gobgaz Anut azu dagom depanilak.#Tes I 2:13 2Meginge Petrus Jerusalemnen itasemeg Juda krisgaz i mai dupusai.#Apos 10:45; 15:5 3I dibol, O gob nadin ablak uduselak, au, o i mai anaŋ anilak.#Gal 2:13 4Petrus abaŋ daŋan inaulak sedageg pidinmeg, ibol, 5Ŋa panu Jopelon ŋemademag ŋogodoanimeg malag nitun jaze. Abaŋ tabiz egin idu, me jamel egin, didin palpal zaeŋ isoslak, malaglon didlakge idumeg ŋenasi, naognen mok ien.#Apos 10:9–48; 16:9 6Jamel ŋelalemeg ilon ŋedeleŋanimeg ŋa tannen dazuk funfun, dazuk duguze mai, guzi mai ŋail. 7Auan ta mai ŋaloŋ, i ŋa paiag, Umaispa, Petrus, ta saep wani! 8Me ŋa ŋabol, Tea mok, Ujazen, abaŋ salan foa inan abaŋ mai auaglon get so idulak. 9Didnen me auan faunte paiag, Abaŋ Anut ikok inaulak, me o foa e so pai mon. 10Megin tolgen inaulag abaŋ daŋan faunte didlak izaeg imul. 11Mug tamol tolgen ab me ŋa ŋemadelak naonnen ditiuz, Kaisareanenge izignen dise. 12Me Uz ŋa paiag, ŋa sibeg so pizianagoi, tea, segauz ŋa i maip alawoi ibol. Taig siks e ŋa maig alelak. Atasemeg am tamol me inan ablak aduse.#Apos 10:23 13I sai penamag ibol, i eŋel ta, inan ab ilonnen itiuzmeg inasilak, me i ipai, O totol Jopenen naup ila, aon Simon ŋalewoi, me Petrus mai deblanidime. 14I azu o ipaowoi, melon o inaggaz daŋan mai putumi pasinen aŋalewoi. 15Ŋa azu ŋipidinoi ŋenaumeg, Auanuzgun get gunlon id fodlak idulak egin, megin i mai fodinlak idu.#Apos 10:44 16Meginge Ujanzen inan auan ilog isou me ibol, Johanes i nazlon flanilak, ge aŋ Auanuzgunlon flanaŋoi.#Apos 1:5 17Anut get id Jesus ilodlon maliklak, inan kanim se zaiŋ panadlak, megin mon i mai pinidintag, ŋa it mon ŋa Anut bitiwoi.
18Demademeg megin diloŋge to dibol. I Anut inan kalel diabimeg dibol, Meginlakge Anut gob mai tulufunek basnenoi ipinidinlak.#Apos 13:48; 14:27; 21:14
Antiokianen goblon malanmalan medaeŋ inau
19Ladinlon maliklak me ŋalek uzek me Stefanusoi idulak sinan pititiliag Foinika fatu nui Kipros mai, Antiokia panu mailon dileg ditozse ditozlemeg Judagaz mon azu dipidin.#Apos 8:1–4 20I leŋadinlon mai aenta Kipros tamol Kirenawain mai. Me Antiokianen ditasemeg Grik mai dikibiai, Ujanzen Jesus inan totol gamun dipidin.#Apos 2:36; 13:1 21Ujanzen inan tiwon i mailakoi kuzumpanu Jesus ladinlon malikge didaŋsadime.#Apos 2:47
Barnabas denaug ile
22Jerusalem medaeŋ abaŋ mewoi biŋ iloŋge i Barnabas inaug Antiokianen ile.#Apos 4:36; 8:14 23I men itasemeg Anut inan kanim, me gob mai toanalak, inasimeg zige, daŋan ibebana, buben malikdaŋanlon Ujanzen mon diabip demadowoi.#Apos 13:43; 14:22 24I tamol dod, Auanuzgundaŋan mai, ilonlon malikdaŋan mai. Mug malan metalun ta Ujanzen daŋe depanig mai detemani.#Apos 6:5; 5:14
Barnabas Saulus duzi. Flanalak me “kris” deblana
25Barnabas men imaisge Saulus ibezaniwoi Tarsusnen ile.#Apos 9:30 26I me nasilag duzig Antiokianen dise, Men i auzun umaz taimon medaeŋlon lo demade. I kuzum azu depeteŋanameg deflale. Meginge Antiokia panulon malanmalan gob aenta meglaumgaz nean “kris” dipinidin.
Pitol saenlon kris faun Jerusalem medaeŋoi lo didu.#Gal 2:11
27Saen melon profet tata Jerusalemnenge Antiokianen dise.#Apos 13:1; 15:32 28Enen ta, nean Agabus, imaisge Uzgun peteŋanilak me ibol. Ibol, fatu daŋan pitol ijaboi. Me mai alouge Klaudius inan nallon idu.#Apos 21:10 29Mewoi meglaum daŋan nean denaug dibol, taingaz Judeanen demadodime, i dadodado ladin isouwoi, nadin jes iwoi lo diwap diduwoi, anenanen denaunen diloŋdimelak megin denauwoi.#Gal 2:10; Rom 15:27 30I alouge megin denau, nadin lowak abaŋ me Barnabas mai Saulus mai nimadinlon matugaz zidinnen denaug ile.#Apos 12:25
Currently Selected:
Apostel Sai 11: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 11
11
Petrus gobgaz flanalakoi Judawain i mai dupusai
1Apostelgaz taingaz mai Juda fatulon mai diloŋ, gobgaz Anut azu dagom depanilak.#Tes I 2:13 2Meginge Petrus Jerusalemnen itasemeg Juda krisgaz i mai dupusai.#Apos 10:45; 15:5 3I dibol, O gob nadin ablak uduselak, au, o i mai anaŋ anilak.#Gal 2:13 4Petrus abaŋ daŋan inaulak sedageg pidinmeg, ibol, 5Ŋa panu Jopelon ŋemademag ŋogodoanimeg malag nitun jaze. Abaŋ tabiz egin idu, me jamel egin, didin palpal zaeŋ isoslak, malaglon didlakge idumeg ŋenasi, naognen mok ien.#Apos 10:9–48; 16:9 6Jamel ŋelalemeg ilon ŋedeleŋanimeg ŋa tannen dazuk funfun, dazuk duguze mai, guzi mai ŋail. 7Auan ta mai ŋaloŋ, i ŋa paiag, Umaispa, Petrus, ta saep wani! 8Me ŋa ŋabol, Tea mok, Ujazen, abaŋ salan foa inan abaŋ mai auaglon get so idulak. 9Didnen me auan faunte paiag, Abaŋ Anut ikok inaulak, me o foa e so pai mon. 10Megin tolgen inaulag abaŋ daŋan faunte didlak izaeg imul. 11Mug tamol tolgen ab me ŋa ŋemadelak naonnen ditiuz, Kaisareanenge izignen dise. 12Me Uz ŋa paiag, ŋa sibeg so pizianagoi, tea, segauz ŋa i maip alawoi ibol. Taig siks e ŋa maig alelak. Atasemeg am tamol me inan ablak aduse.#Apos 10:23 13I sai penamag ibol, i eŋel ta, inan ab ilonnen itiuzmeg inasilak, me i ipai, O totol Jopenen naup ila, aon Simon ŋalewoi, me Petrus mai deblanidime. 14I azu o ipaowoi, melon o inaggaz daŋan mai putumi pasinen aŋalewoi. 15Ŋa azu ŋipidinoi ŋenaumeg, Auanuzgun get gunlon id fodlak idulak egin, megin i mai fodinlak idu.#Apos 10:44 16Meginge Ujanzen inan auan ilog isou me ibol, Johanes i nazlon flanilak, ge aŋ Auanuzgunlon flanaŋoi.#Apos 1:5 17Anut get id Jesus ilodlon maliklak, inan kanim se zaiŋ panadlak, megin mon i mai pinidintag, ŋa it mon ŋa Anut bitiwoi.
18Demademeg megin diloŋge to dibol. I Anut inan kalel diabimeg dibol, Meginlakge Anut gob mai tulufunek basnenoi ipinidinlak.#Apos 13:48; 14:27; 21:14
Antiokianen goblon malanmalan medaeŋ inau
19Ladinlon maliklak me ŋalek uzek me Stefanusoi idulak sinan pititiliag Foinika fatu nui Kipros mai, Antiokia panu mailon dileg ditozse ditozlemeg Judagaz mon azu dipidin.#Apos 8:1–4 20I leŋadinlon mai aenta Kipros tamol Kirenawain mai. Me Antiokianen ditasemeg Grik mai dikibiai, Ujanzen Jesus inan totol gamun dipidin.#Apos 2:36; 13:1 21Ujanzen inan tiwon i mailakoi kuzumpanu Jesus ladinlon malikge didaŋsadime.#Apos 2:47
Barnabas denaug ile
22Jerusalem medaeŋ abaŋ mewoi biŋ iloŋge i Barnabas inaug Antiokianen ile.#Apos 4:36; 8:14 23I men itasemeg Anut inan kanim, me gob mai toanalak, inasimeg zige, daŋan ibebana, buben malikdaŋanlon Ujanzen mon diabip demadowoi.#Apos 13:43; 14:22 24I tamol dod, Auanuzgundaŋan mai, ilonlon malikdaŋan mai. Mug malan metalun ta Ujanzen daŋe depanig mai detemani.#Apos 6:5; 5:14
Barnabas Saulus duzi. Flanalak me “kris” deblana
25Barnabas men imaisge Saulus ibezaniwoi Tarsusnen ile.#Apos 9:30 26I me nasilag duzig Antiokianen dise, Men i auzun umaz taimon medaeŋlon lo demade. I kuzum azu depeteŋanameg deflale. Meginge Antiokia panulon malanmalan gob aenta meglaumgaz nean “kris” dipinidin.
Pitol saenlon kris faun Jerusalem medaeŋoi lo didu.#Gal 2:11
27Saen melon profet tata Jerusalemnenge Antiokianen dise.#Apos 13:1; 15:32 28Enen ta, nean Agabus, imaisge Uzgun peteŋanilak me ibol. Ibol, fatu daŋan pitol ijaboi. Me mai alouge Klaudius inan nallon idu.#Apos 21:10 29Mewoi meglaum daŋan nean denaug dibol, taingaz Judeanen demadodime, i dadodado ladin isouwoi, nadin jes iwoi lo diwap diduwoi, anenanen denaunen diloŋdimelak megin denauwoi.#Gal 2:10; Rom 15:27 30I alouge megin denau, nadin lowak abaŋ me Barnabas mai Saulus mai nimadinlon matugaz zidinnen denaug ile.#Apos 12:25
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.