Korint II 6
6
Paulus totol uzat gauai inauime me naolalek
1Mewoige am Anut maig uzat anaumeg am aŋ tan asae apanaŋ, aŋ Anut inan kanim se bedanekoi so aŋale mon.#Kor II 1:24; 5:20 2I ibollak, Saen gamunlon ina aua dab ŋepani, patunpaseknen nallon ŋa o ane ŋadulak. Nasi, gazo e saen gauai, nasi, gazo e patunpaseknen nal.#Jes 49:8; Luk 4:19, 21 3Am abaŋ talon tata ilon bebazenen so apaniame, nama totol uzat tinin so desaewoilakoi. 4Tea, abaŋ daŋanlon am Anut inan uzat dinek bubuma aŋ lami mai atemaniame: segatek zenlon, modoaneklon, jaeŋ funeklon, pineklon,#Kor II 4:2 5funeklon, sebaneklon, pulufuneklon, uzat wagailon, mezaziklon, udeklon,#Kor II 11:23–27 6kagin ikoklon, abaŋ aloŋnenlon, ilonlon nasinasinenlon, lolon, Auanuzgunlon, ilopanek malabiab tealon,#Tim I 4:12 7azu maliklon, Anut tiwonlon, taoz inan judazuk niman waŋlon ŋaslon mai,#Kor I 2:4 8biŋan bisek biŋan pitiŋineklon mai, uf azulon azu gamunlon mai, tamol sekauk egin donoama ge am malik,#Mat 27:63 9am so diloŋlak egin ge am diloŋ gauai, amatoi anauame egin ge bas amadoame, ja naon depenama egin ge so funumag amat pasi,#Kor II 4:10, 11; Kan 118:18 10bubuma muzuanlak egin ge gaid juma isaime, waiz egin ge anaug kuzum filiadindaŋan demadodime, am abaŋ ta tea egin ge abaŋ daŋan me amnama.#Fil 4:12, 13
Korint medaeŋgaz i Paulus denau depaniwoi
11Amnama auama aŋoi bufateg ien, Korintgaz, amnama bubuma bebaŋeg ujan. 12Am aŋ so pinaŋge amadoame, tea, aŋ sebami nami lami gazeklon pinaŋlak. 13Me naon ŋa aikamo egin ŋepaiaŋŋame, aŋ mai bubumi bebaŋep amado.#Kor I 4:14
Gob kagin Anut kagin mai so temaniwoi
14Aŋ tealakgaz nadin muzuan i maip so ajoaze taimon mon. Taoz kagin salanlak mai tinin taimon tat? Lelaman mafuz mai nug dinek dodin?#Ef 5:11 15Kristus Belial mai liŋadin taimon? Ilonlon malikwain i ilonlon malik teawain mai sabat taimon? 16Anut inan ubouab me gob nadin mazoz mai nug dikol tat? Id Anut basdaŋan inan ubouab, Anut ibollak egin, Ŋa i ladinlon ŋemadop leŋadinlon ŋatozoi, ŋa inadin Anutoi, i inag tamolpainoi.#Kor I 3:16; Lew 26:12; Joh 14:23 17Mewoi i leŋadinlonpa atasap sagetpa amado, Ujanzen ibol, abaŋ foadaŋan so abi mon, meginpe ŋa aŋ ŋiŋiliaŋoi.#Jes 52:11; Bo 18:4 18Ŋa nami Temami ŋemadowoi, aŋ inag nanugai nanugpain mai amadowoi, Ujanzen tiwon zendaŋan e ibol.#Jer 31:9; 32:38; Sam II 7:14
Currently Selected:
Korint II 6: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
