Korint II 11
11
Paulus siben inan fuzoz fun flale
1Inag gedagad kinkin ewoi lami so bebazewoi ŋabol. Au, aŋ ŋawoi dab mon panip amadopged.#Ef 5:26, 27 2Ŋa Anut inan jenain isuiklon aŋoi ŋasuiŋame, ŋa aŋ Kristus mai bazas ikok inan iwon taimon ŋepaniwoi egin i mai betezemanaŋlak. 3Ge ŋa ŋazez, mot inan sekauklon Ewa se wozailak egin nami kankan duzip ilap Kristus mon anau apaninen me abedaniwoi.#Gen 3:4, 13 4Ta ilap Jesus iben ta, me am so isigianilak iwoi sigianimap, tea, aŋ uz ta aŋ get so panaŋlak me aŋalemap, tea, aŋ azu ta me aŋ get so aŋalelak me aŋalewoi dibolmap aŋ segauz me dagom apaniame.#Gal 1:8, 9 5Ilog ibol apostel dusutanlak me ŋa so denenazagdime.#Kor II 12:11; Kor I 15:10 6Ŋa azu ŋabolnen kamaŋ tea tat, ge ŋa iloglon ŋaloŋnenoi ilog so bekanilak; abaŋ daŋanlon am me beŋten anaug apeteŋanaŋ gauailak.#Kor I 2:1, 2, 13; Ef 3:4
Medaeŋmedaeŋ Paulus uzat naon depaniwoi so ibol
7Ŋa ziagge ŋamul, ge aŋ gitiaŋge amadoame mewoi ŋa auŋapaslak, ŋa totol gamun se lo ŋepaiaŋlakoi?#Kor I 9:12, 18 8Ŋa medaeŋ aenta nadin abaŋ ŋuzudinge ŋeŋaleg naon aŋ wedami ŋadulak.#Fil 4:10, 15 9Ŋa abaŋ teag aŋ maig amademeg ŋa ta muzuan ta so ŋepanilak. Taiggaz Makedonianenge diseg i inag waizoi abaŋ iduseg depanaglak. Meginge ŋa get ŋamoi, gazo mai abaŋ kiteklon muzuan ta so ŋepanaŋoi.#Kor II 12:13 10Kristus inan malik niŋon iloglon ienime egin ŋainag fuzoznen Akaia fatulon so denaup imatoi.#Kor I 9:15 11Aitoi? Ŋa ilog so ŋepanaŋŋame tat? Anut iloŋ ŋa ilog ŋepanaŋŋame.
12Ŋa ŋenauŋame me sansan ŋenauwoi, meginpe ŋa i me auadin fezafuzge dibol i am egin uzat denaudime, nadin sekauk beŋten ŋenauwoi. 13Me i eginlak i apostel sekauk, uzattamol ladin malik tea, ge Kristus inan apostel egin dibuldime.#Kor II 2:17; Fil 3:2; Bo 2:2 14Me tazutnen, malad kebazannen tea, ŋan Satan i siben bulig eŋel lelaman egin inauime. 15Mewoi Satan inan dinekgaz mai taoz niŋon inan dinek egin dibulmap id menen kagin iben e so taboloi. Inadin wadan me uzat mai idusawoi.
Se kin gedagad egin fuzoz, mewoi Korintgaz Paulus so depeneŋaniwoi
16Faunte ŋabol, ta ilon so iboloi ŋa ilog kaginkagin tea. Ge aŋ megin aboltap, segauz, meginpe ŋa kin ŋufuzozoi.#Kor II 12:6 17Azu e Ujanzen so paiagge ŋabolŋame, tea, gedagadwain egin fuzoznen elon segataglak. 18Kuzum tinin kagin duzig dufuzozdimelakoi ŋa mai ŋufuzozoi. 19Aloŋ, aŋ gedagadwainoi jumi isag segataŋame, aŋ kagindaŋanlakoi. 20Ta i aŋ inan begabeg inoaŋmap, i nami abaŋoi kekazen itozmap, lami pasip ŋiliaŋmap, siben igasmap, azu so aboloi auami butunimap, funaŋmap aŋ segataŋame. 21Ŋa mamai funag, am bodokge megin so anaulak. Ge ta i abaŋ tawoi bak ipazmap, ŋa gedagadwain egin ŋabolŋame, ŋa mai mewoi bak ŋapazoi.
Paulus inan gegaun, inan bodokoi mai fuzozime
22I Hebreawain? Ŋa mai. I Israelwain? Ŋa mai. I Abraham inan daz? Ŋa mai.#Fil 3:5 23I Kristus inan uzatai? Ŋa i ŋebeleŋanaŋame, ŋa tamol gedagad funiime egin ŋabol, ŋa uzat wagailon, sebaneklon, nal kuzum funeklon ŋebeleŋanalak, saen kuzum ŋamatoi ŋenau.#Kor I 15:10 24Judagaz nal faif mon dufunag 39.#Deut 25:3 25Nal tol mon dugusulaglak, patlon dufunag taimon, nal tolgen waglak ŋepadallak. Ad taimon tidom taimon ŋa maslon bebaŋanaglak.#Apos 16:22; 14:19 26Waiŋ kuzumlon, naz auanlon, zuaiktamol auadinlon, Judagaz auadinlon gobgaz auadinlon, panulon madonen auanlon, fatu udau auanlon, mas auanlon, taiggaz sekauk auadinlon,#Apos 20:3 27uzat wagailon ŋemade, jaeŋ funeklon, mezazik kuzumlon, pital funeklon, milekoi ŋamatmeglon, udek kuzumlon, malas, ab teameglon ŋemade.#Kor II 6:5; Tes I 2:9 28Abaŋ aenta me so ŋabol, muzuan ta nal daŋan bubuzagime, medaeŋmedaeŋoi jaeŋ funagime.#Apos 20:18–21 29It i bodok tat, me ŋa bodok tea? It tat ilon bebazeime, me ŋa ilog gauz so nanaime?#Kor I 9:22
30Ŋa ŋufuzoz mokoimap ŋa ŋainag miliauwoi ŋufuzozoi.#Kor II 12:5 31Ujanzen Jesus Kristus inan Anut Taman mai me sansanpe patun isap madowoi, i iloŋ ŋa sekauk so ŋenauŋame.#Kor II 1:23 32Damaskusnen kiŋ Aretas inan gaten ŋa ibiagoi Damaskus panu itizini.#Mat 10:23 33Ge mad auan talon sazeglon donoagge ŋadug inan nimanlon tuzugusagge ŋale.#Apos 9:24, 25
Currently Selected:
Korint II 11: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
