Petrus I 3
3
Painoi azu ta
1Megin mon aŋ paingaz, nami tamol dagom apani. Tata so tat azu duzi depanidime, ge i azu tealon nadin pain tazeŋlon didaŋsawoi,#Ef 5:22; Mat 5:16 2i nami tazeŋ tiduk azutnen mai dedeleŋanimap.#Pet I 2:12 3Aŋ tinin fon bala zen so apaniwoi, gatenzaun bala iben, gold inan kililoi, sikoz biu mai, jamel gizaud gaŋmalan kuzum inan melon.#Jes 3:18–24; Tim I 2:9 4Tea, pain i buben nasinen tea, me bala paniwoi, bala samoinen tealak ŋan uz bodok manin mai melon, me abaŋ gizaud, Anut gamun funiime. 5Megin get pain gun Anutoi dusuzuazoumeg nadin tamol dagom depanig ditozlak. 6Sara Abraham auan uzi panilak egin, i ujanzen iblani, me inan nanungaz aŋ gazo amadoame, aŋ lolon atoz, abaŋ tatawoi so azez mon.#Gen 18:12
Tamol nadin azu ta
7Tamol, aŋ megin mon, aŋ kankandaŋan nami iwomi maip amado, i tinin bodokged biŋan ibisa, aŋ bas niŋon inan kanim fuzan aŋale taimonamelakoi, aŋnami gadiŋ so kibiziawoi mewoi.#Ef 5:25
Medaeŋgaz daŋan ibebana
8Wadanlonpa, aŋ daŋan bubumi taimon amado, badim taimon, nug lami panipani, nugoi teŋaemi alan, binaŋ adup atoz.#Rom 12:16 9Abaŋ salan naon salan so pani mon, azu salan naon azu salan so pai, tea, i abenlon azu gauai abol, aŋ baz aŋalewoi wigiaŋlakoi.#Mat 5:44; Tes I 5:15 10Megin gazelakoi, I me bas madonen ilon paniwoi ibol, nal gauai inasiwoi, i inan balen abaŋ salanoi, inan fiziŋon sekauk ibolnenoi ipizianawoi.#Kan 34:13–17; Jak 1:26 11I abaŋ salan miz ipanip abaŋ gauai inauwoi, i mazoz ibezanip i me uzip itozoi. 12Ujanzen inan malan taozgaz fodinlak ienimelakoi; inan tiliŋan nadin gadiŋoi fueg ien. Ge me i abaŋ salan denaudime me Ujanzen naon idiŋiaime.
ALAN NAUK KIBIANEK MAI INAN TANSAEK AZU 3:13—5:11
Abaŋ gauai naunenoi segauz alan naup madowoi
13It aŋ alan noaŋoi, aŋ abaŋ gauaioi jaeŋ ifunaŋpa amademap?#Rom 8:31 14Ge aŋ taozoi alan anaup amademap aŋ putumi isap amadowoi. Inadin zazuk dab so apani mon, lami mai so kubuli mon.#Mat 5:10; Pet I 2:20 15Tea, aŋ Ujanzen Kristus bubumilon gun anau. Sansan lami kibinep amado, tata nami suzuazouknen lamilon ienime mewoi sidiziaŋmap aŋ dadodado auadin abiwoi, ge me bodo abolp azutnenlon mai anau.#Jes 8:13 16Kakad lami so kunuti mon, meginpe i me melami desaemap i nami tazeŋ gauai Kristuslon dizami dewaidime me mamai ifuwoi.#Pet I 2:12 17Anut ibolmap id gauai naukoi alan tenauwoi me kin gauai, salan naukoi alan tenaumap me gauai tea.#Pet I 3:14; 2:20
Kristus ja tea, ge alan inaug made, mewoi niŋon gauai itase
18Kristus mai aupasekoi imat pasi taimon, taozlak me taoz tealak abedinlon, i Anut izinnen duzadoilakoi. I tinin sinanlon dufunig imat pasi, ge uz sinanlon i fuŋunig bas imais.#Pet I 2:21–24; Ef 2:18; Joh 6:63 19Meginge i buga sebaneklon noadinnen mai itase,#Pet I 4:6 20Ŋan i me Noa inan saenlon demadelak kiliadin, Anut iwoi nasinasig mademeg Noa wag ipaug melon taitai, ŋan nitun 8, nazlon tataz iŋallak.#Gen 7:7, 17 21Me ŋelaŋal ŋan flaneklon aŋ putumi pasiime, me tinin inan nun pasinenoi tea, tea, buben malolnenoi kakad teap Anut gadiŋ paniime Jesus Kristus inan tiziaulon.#Ef 5:26; Heb 10:22 22Me i didlon ilelak, Anut waŋlon madoime, eŋelgaz, gaten naukgaz duzek fun mai i paenlon demadodime.#Ef 1:20, 21; Kan 110:1
Currently Selected:
Petrus I 3: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Petrus I 3
3
Painoi azu ta
1Megin mon aŋ paingaz, nami tamol dagom apani. Tata so tat azu duzi depanidime, ge i azu tealon nadin pain tazeŋlon didaŋsawoi,#Ef 5:22; Mat 5:16 2i nami tazeŋ tiduk azutnen mai dedeleŋanimap.#Pet I 2:12 3Aŋ tinin fon bala zen so apaniwoi, gatenzaun bala iben, gold inan kililoi, sikoz biu mai, jamel gizaud gaŋmalan kuzum inan melon.#Jes 3:18–24; Tim I 2:9 4Tea, pain i buben nasinen tea, me bala paniwoi, bala samoinen tealak ŋan uz bodok manin mai melon, me abaŋ gizaud, Anut gamun funiime. 5Megin get pain gun Anutoi dusuzuazoumeg nadin tamol dagom depanig ditozlak. 6Sara Abraham auan uzi panilak egin, i ujanzen iblani, me inan nanungaz aŋ gazo amadoame, aŋ lolon atoz, abaŋ tatawoi so azez mon.#Gen 18:12
Tamol nadin azu ta
7Tamol, aŋ megin mon, aŋ kankandaŋan nami iwomi maip amado, i tinin bodokged biŋan ibisa, aŋ bas niŋon inan kanim fuzan aŋale taimonamelakoi, aŋnami gadiŋ so kibiziawoi mewoi.#Ef 5:25
Medaeŋgaz daŋan ibebana
8Wadanlonpa, aŋ daŋan bubumi taimon amado, badim taimon, nug lami panipani, nugoi teŋaemi alan, binaŋ adup atoz.#Rom 12:16 9Abaŋ salan naon salan so pani mon, azu salan naon azu salan so pai, tea, i abenlon azu gauai abol, aŋ baz aŋalewoi wigiaŋlakoi.#Mat 5:44; Tes I 5:15 10Megin gazelakoi, I me bas madonen ilon paniwoi ibol, nal gauai inasiwoi, i inan balen abaŋ salanoi, inan fiziŋon sekauk ibolnenoi ipizianawoi.#Kan 34:13–17; Jak 1:26 11I abaŋ salan miz ipanip abaŋ gauai inauwoi, i mazoz ibezanip i me uzip itozoi. 12Ujanzen inan malan taozgaz fodinlak ienimelakoi; inan tiliŋan nadin gadiŋoi fueg ien. Ge me i abaŋ salan denaudime me Ujanzen naon idiŋiaime.
ALAN NAUK KIBIANEK MAI INAN TANSAEK AZU 3:13—5:11
Abaŋ gauai naunenoi segauz alan naup madowoi
13It aŋ alan noaŋoi, aŋ abaŋ gauaioi jaeŋ ifunaŋpa amademap?#Rom 8:31 14Ge aŋ taozoi alan anaup amademap aŋ putumi isap amadowoi. Inadin zazuk dab so apani mon, lami mai so kubuli mon.#Mat 5:10; Pet I 2:20 15Tea, aŋ Ujanzen Kristus bubumilon gun anau. Sansan lami kibinep amado, tata nami suzuazouknen lamilon ienime mewoi sidiziaŋmap aŋ dadodado auadin abiwoi, ge me bodo abolp azutnenlon mai anau.#Jes 8:13 16Kakad lami so kunuti mon, meginpe i me melami desaemap i nami tazeŋ gauai Kristuslon dizami dewaidime me mamai ifuwoi.#Pet I 2:12 17Anut ibolmap id gauai naukoi alan tenauwoi me kin gauai, salan naukoi alan tenaumap me gauai tea.#Pet I 3:14; 2:20
Kristus ja tea, ge alan inaug made, mewoi niŋon gauai itase
18Kristus mai aupasekoi imat pasi taimon, taozlak me taoz tealak abedinlon, i Anut izinnen duzadoilakoi. I tinin sinanlon dufunig imat pasi, ge uz sinanlon i fuŋunig bas imais.#Pet I 2:21–24; Ef 2:18; Joh 6:63 19Meginge i buga sebaneklon noadinnen mai itase,#Pet I 4:6 20Ŋan i me Noa inan saenlon demadelak kiliadin, Anut iwoi nasinasig mademeg Noa wag ipaug melon taitai, ŋan nitun 8, nazlon tataz iŋallak.#Gen 7:7, 17 21Me ŋelaŋal ŋan flaneklon aŋ putumi pasiime, me tinin inan nun pasinenoi tea, tea, buben malolnenoi kakad teap Anut gadiŋ paniime Jesus Kristus inan tiziaulon.#Ef 5:26; Heb 10:22 22Me i didlon ilelak, Anut waŋlon madoime, eŋelgaz, gaten naukgaz duzek fun mai i paenlon demadodime.#Ef 1:20, 21; Kan 110:1
New Testament published by the British and Foreign Bible Society in 1960. Genesis published by the Australian Bible Society in 1971.