Petrus I 2
2
Gungaz gun demadowoi
1Mewoi kagin salan deŋan, sekauk daŋan, malajabek, jenain isunen, uf daŋan mai apaspa.#Ef 4:22 2Ai faun egin nitun inan su benenaik tea mewoi jaeŋ ifunaŋoi, melon aŋ putumipaseknenoi atuboi,#Heb 5:12, 13; Mat 18:3 3aŋ Ujanzen inan lo imili anasilak.#Kan 34:9
4Aŋ pat bas izinnen aso, me tamolpain demeselanilak, ge Anut i pilianilak, pat gegaun gizaud.#Kan 118:22; Mat 21:42 5Pat bas niŋon egin aŋ sebami Anut inan ablon azazewoi, gun anauwoi, Anut janauk gun, mewoi i gamun funiime, me apaniwoi, Jesus Kristuslon.#Ef 2:21, 22; Rom 12:1; Pet I 2:9 6Gazek ienimelakoi: Nasi, ŋa Sionlon pat pilianek gizaud mai siun gaten ŋenauŋame, ta i me ilonlon malikime i mamai so paniwoi.#Jes 28:16 7Aŋ me lamilon maliklak abol i pat gizaud, ge aenta i ladinlon so malik iwoi azu megin ien: Pat mok me zazekkamaŋ demeselanilak me siun gaten inau.#Kan 118:22; Mat 21:42 8Ta mai, Pat melon tamol niedin desaewoi, pat ujan melon dibal diduwoi. I gazek ibollak egin azu dagom so depanidime, mewoi depeselaudime.#Jes 8:14; Rom 9:33 9Ge aŋ daz pilianaŋlak waliŋ sutan, aŋ tamolpainbadim gun, Anut siben inan tamolpain. Meginge aŋ ina kagin kubel aflalewoi me i aŋ mafuzlonge wigiaŋlak, aŋ inan lelaman kubelkubellon amadowoi.#Ekso 19:6; Apos 26:18; Bo 1:6 10Aŋ get tamolpainbadim taimon tea, ge gazomnen aŋ Anut inan tamolpainbadim, get kanim so aŋalelak, ge gazomnen aŋ kanim panaŋlak.#Rom 9:25
TAMOL LEŊADINLON DITOZNEN TANSAEK AZU 2:11—3:12
Gob ilonnen kris dodin ditozoi?
11Inag bubeggaz, ŋa tansaek ŋepanaŋ, aŋ fatu baswain, bitekwain egin, tinin inan malaisekoi, me nitun mai ju denaudime, amoipa atoz.#Kan 39:13; Ef 2:19; Jak 4:1 12Aŋ gob leŋadinlon kabe amado. Meginpe aŋ kagin salan uziame diboltap i nami nauknauk gauai denasimap i inan nallon Anut inan biŋan dibisawoi.#Mat 5:16; Jak 3:13
Tan gatengaz dagom pinidinoi
13Aŋ Ujanzenoi tamol nadin kibiaiŋ daŋan dagom ipinidin, i kiŋ tat sutange madoime,#Rom 13:1–7; Tit 3:1 14tea, gowerner i inaulak me tat, me i salan denaudime wadan diabiwoi, gauai denaudime me biŋadin dibisawoi. 15Anut inan auan megin, aŋ gauai nauklon tamol gedagad abaŋ so diloŋdime auadin isinewoi.#Pet I 3:16 16Aŋ tamol pasek egin amado, ge nami paseknen me aupasek inan gubiz egin so abi mon, tea, Anut inan begabeg egin amado,#Gal 5:13 17Tamolai daŋan biŋadin ibisa, timigaz lami ipinidin, Anutoi azut, kiŋ biŋan ibisa.#Rom 12:10; Met 24:21; Mat 22:21
Begabeg nadin azu
18Aŋ begabeggaz, aŋ azutmap nami getami dagom ipinidinpa atoz, me i gauailak bodo diboldime mai me mon tea, kagin ibendaŋan me mai.#Ef 6:5; Tit 2:9 19Tata i Anut ilon isoup aenta nadin sekauklon alannauk joazemap me Anut gamun funiime. 20Aŋ auapaspa tinimi ti abolp fedazaŋtap aŋ biŋami dodin? Ge aŋ tazeŋ taozlon naseknasek alan nauk paenlon adulemap Anut gauai e iboloi.#Pet I 3:14, 17; 4:13, 14; Mat 5:10 21Tea, mewoi aŋ wigiaŋlak, Kristus mai aŋoi alan inaug made, naolalek aŋ panaŋlak, aŋ inan nien ban mon apazep atozoi,#Mat 16:24; Joh 13:15 22I au ta so ipaslak, azu sekauk mai auanlon so denasilak.#Jes 53:9; Joh 8:46; Kor II 5:21 23I dizan dewaimeg i naon dizadin so iwai pinidin; i alan inaumeg i bak so ipaz, tea, inan azu me taoz betenaeime me nimanlon inaulak. 24I siben inan tininlon idinad aupasek jalak ibezaulak, me id aupasekoi tamat pasiwoi, ge taozoi tatozoi. Inan tiziŋineklon aŋ ikibiniaŋlak.#Joh I 3:5; Rom 6:11; Heb 9:28 25Aŋ wagam belelek egin zegaig atozlak, ge gazomnen aŋ nami nutumi inan Tizinek Duzek mai izinnen aseg daŋe apani.#Jes 53:6; Hesek 34:5; Pet I 5:4; Joh 10:12
Currently Selected:
Petrus I 2: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Petrus I 2
2
Gungaz gun demadowoi
1Mewoi kagin salan deŋan, sekauk daŋan, malajabek, jenain isunen, uf daŋan mai apaspa.#Ef 4:22 2Ai faun egin nitun inan su benenaik tea mewoi jaeŋ ifunaŋoi, melon aŋ putumipaseknenoi atuboi,#Heb 5:12, 13; Mat 18:3 3aŋ Ujanzen inan lo imili anasilak.#Kan 34:9
4Aŋ pat bas izinnen aso, me tamolpain demeselanilak, ge Anut i pilianilak, pat gegaun gizaud.#Kan 118:22; Mat 21:42 5Pat bas niŋon egin aŋ sebami Anut inan ablon azazewoi, gun anauwoi, Anut janauk gun, mewoi i gamun funiime, me apaniwoi, Jesus Kristuslon.#Ef 2:21, 22; Rom 12:1; Pet I 2:9 6Gazek ienimelakoi: Nasi, ŋa Sionlon pat pilianek gizaud mai siun gaten ŋenauŋame, ta i me ilonlon malikime i mamai so paniwoi.#Jes 28:16 7Aŋ me lamilon maliklak abol i pat gizaud, ge aenta i ladinlon so malik iwoi azu megin ien: Pat mok me zazekkamaŋ demeselanilak me siun gaten inau.#Kan 118:22; Mat 21:42 8Ta mai, Pat melon tamol niedin desaewoi, pat ujan melon dibal diduwoi. I gazek ibollak egin azu dagom so depanidime, mewoi depeselaudime.#Jes 8:14; Rom 9:33 9Ge aŋ daz pilianaŋlak waliŋ sutan, aŋ tamolpainbadim gun, Anut siben inan tamolpain. Meginge aŋ ina kagin kubel aflalewoi me i aŋ mafuzlonge wigiaŋlak, aŋ inan lelaman kubelkubellon amadowoi.#Ekso 19:6; Apos 26:18; Bo 1:6 10Aŋ get tamolpainbadim taimon tea, ge gazomnen aŋ Anut inan tamolpainbadim, get kanim so aŋalelak, ge gazomnen aŋ kanim panaŋlak.#Rom 9:25
TAMOL LEŊADINLON DITOZNEN TANSAEK AZU 2:11—3:12
Gob ilonnen kris dodin ditozoi?
11Inag bubeggaz, ŋa tansaek ŋepanaŋ, aŋ fatu baswain, bitekwain egin, tinin inan malaisekoi, me nitun mai ju denaudime, amoipa atoz.#Kan 39:13; Ef 2:19; Jak 4:1 12Aŋ gob leŋadinlon kabe amado. Meginpe aŋ kagin salan uziame diboltap i nami nauknauk gauai denasimap i inan nallon Anut inan biŋan dibisawoi.#Mat 5:16; Jak 3:13
Tan gatengaz dagom pinidinoi
13Aŋ Ujanzenoi tamol nadin kibiaiŋ daŋan dagom ipinidin, i kiŋ tat sutange madoime,#Rom 13:1–7; Tit 3:1 14tea, gowerner i inaulak me tat, me i salan denaudime wadan diabiwoi, gauai denaudime me biŋadin dibisawoi. 15Anut inan auan megin, aŋ gauai nauklon tamol gedagad abaŋ so diloŋdime auadin isinewoi.#Pet I 3:16 16Aŋ tamol pasek egin amado, ge nami paseknen me aupasek inan gubiz egin so abi mon, tea, Anut inan begabeg egin amado,#Gal 5:13 17Tamolai daŋan biŋadin ibisa, timigaz lami ipinidin, Anutoi azut, kiŋ biŋan ibisa.#Rom 12:10; Met 24:21; Mat 22:21
Begabeg nadin azu
18Aŋ begabeggaz, aŋ azutmap nami getami dagom ipinidinpa atoz, me i gauailak bodo diboldime mai me mon tea, kagin ibendaŋan me mai.#Ef 6:5; Tit 2:9 19Tata i Anut ilon isoup aenta nadin sekauklon alannauk joazemap me Anut gamun funiime. 20Aŋ auapaspa tinimi ti abolp fedazaŋtap aŋ biŋami dodin? Ge aŋ tazeŋ taozlon naseknasek alan nauk paenlon adulemap Anut gauai e iboloi.#Pet I 3:14, 17; 4:13, 14; Mat 5:10 21Tea, mewoi aŋ wigiaŋlak, Kristus mai aŋoi alan inaug made, naolalek aŋ panaŋlak, aŋ inan nien ban mon apazep atozoi,#Mat 16:24; Joh 13:15 22I au ta so ipaslak, azu sekauk mai auanlon so denasilak.#Jes 53:9; Joh 8:46; Kor II 5:21 23I dizan dewaimeg i naon dizadin so iwai pinidin; i alan inaumeg i bak so ipaz, tea, inan azu me taoz betenaeime me nimanlon inaulak. 24I siben inan tininlon idinad aupasek jalak ibezaulak, me id aupasekoi tamat pasiwoi, ge taozoi tatozoi. Inan tiziŋineklon aŋ ikibiniaŋlak.#Joh I 3:5; Rom 6:11; Heb 9:28 25Aŋ wagam belelek egin zegaig atozlak, ge gazomnen aŋ nami nutumi inan Tizinek Duzek mai izinnen aseg daŋe apani.#Jes 53:6; Hesek 34:5; Pet I 5:4; Joh 10:12
New Testament published by the British and Foreign Bible Society in 1960. Genesis published by the Australian Bible Society in 1971.