Petrus I 4
4
Ta tininlon alan inauime i aupasek biniime
1Kristus i tininlon alan inaug madelakoi aŋ mai kankan me judazuk egin abi, ta it tininlon alan inaulak i aupasek binilakoi.#Kor II 5:14 2Meginpe aŋ nami saen wadan tinimilon amademap aŋ tamol inan buben imaisnenlon so amadowoi, tea, Anut inan auan uzi paneklon.#Joh I 2:16, 17 3Saen binilak aŋ kagin mewoi gobgaz dimatlak melon mug iduseg atozlak, buben funeklon, bubudin imaisnenlon, aiu tetamek, anaŋ tetamek mai, aiu tetamemeg kagin tefalok, kagin tealak melon gobtibud biadin palu alan.#Ef 2:2, 3; Tit 3:3 4Aŋ i mai nadin tazeŋ loaŋloaŋlon mihmih so atozame, mewoi Dodin? e dibol. 5Ge i me bas dimatlak mai bitiniawoi abaŋ kibineg madoime me gazop inan auan diabip nadin fudin diboloi.#Apos 10:42; Tim II 4:1 6Mewoi totol gamun dimatlakgaz ipidinlak, i tamolpain aenta egin tinidinlon bitiniawoi, ge Uzlon Anut egin demadowoi.#Pet I 3:19; Rom 8:10
Wadan saen siziz, kris kaginlon ditozoi
7Abaŋ daŋan bininen mug siziz paniime, mewoi nami gadiŋoi so biliŋaŋ mon, lami gazep amado.#Kor I 10:11; Joh I 2:18 8Nug lami panipaninen me abaŋ aenta daŋan nenazap bubumidaŋan itizini, ilopanek aupasek kuzum toana iduimelakoi.#Met 10:12; Jak 5:20; Mat 18:22 9Aŋ nug lolon amado, mewoi so uŋuzuz mon.#Heb 13:2 10Anut inan suzuzum dadodado aŋalelak melon nug dinidini, Anut inan kanim ibeniben inan tizinek egin amado.#Luk 12:42 11Ta i azu ibolime, i Anut azu ibolime egin iboloi. Ta i dinek uzat inauime, i me Anut tiwon panilak egin inauwoi. Meginpe abaŋ daŋanlon Anut Jesus Kristuslon biŋan imaisoi. I biŋan tiwondaŋan mai dedeŋanip dedeŋanip madowoi. Malik!#Rom 12:7
Alan anaup amademap putumi isap atoz
12Bubeggaz, aŋ ja me aŋ kibianaŋoi leŋamilon iduime mewoi aŋ abaŋ iben egin lami so izut mon.#Pet I 1:6, 7 13Tea, zigiaŋpa, aŋ Kristus maig alan anaug amadoame, inan kubel boboloaneklon mai zigiaŋpa lami gauaioi mewoi.#Apos 5:41; Jak 1:2; Rom 8:17 14Aŋ Kristus neanoi depeneŋanaŋmap putumi isap amadowoi, Anut inan biŋan uz mai aŋ dotoanaŋdime.#Pet I 2:20; Kan 89:51, 52 15Ta i funekbibian, ponaubibian tat, abaŋ salannaukbibian tat, naoŋelaŋal mai tat egin alan so inaup made mon. 16Ge ta i krislakoi alan inaup mademap me mamai so funi mon, tea, nean melon Anut biŋan bisawoi.#Fil 1:20 17Anut inan ablon betenaek iduwoi saen ipisini. Ge betenaek malanmalan id izidnen idumap, i me Anut inan totol gamun dagom so depanidime me wadan dodinoi?#Hesek 9:6; Jer 25:29; Kor I 11:32 18Tamol taoz i patun pasinen muzuanmap ŋan i me Anut mai tealak, aupasekwain me mai dodin inauwoi?#Met 11:31; Luk 23:31 19Mewoilakoi i me Anut auan duzig alan denaudime me tiduk ditozmap nutudin Fun Anut malikdaŋan nimanlon denauwoi.#Kan 31:6; Luk 23:46
Currently Selected:
Petrus I 4: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Petrus I 4
4
Ta tininlon alan inauime i aupasek biniime
1Kristus i tininlon alan inaug madelakoi aŋ mai kankan me judazuk egin abi, ta it tininlon alan inaulak i aupasek binilakoi.#Kor II 5:14 2Meginpe aŋ nami saen wadan tinimilon amademap aŋ tamol inan buben imaisnenlon so amadowoi, tea, Anut inan auan uzi paneklon.#Joh I 2:16, 17 3Saen binilak aŋ kagin mewoi gobgaz dimatlak melon mug iduseg atozlak, buben funeklon, bubudin imaisnenlon, aiu tetamek, anaŋ tetamek mai, aiu tetamemeg kagin tefalok, kagin tealak melon gobtibud biadin palu alan.#Ef 2:2, 3; Tit 3:3 4Aŋ i mai nadin tazeŋ loaŋloaŋlon mihmih so atozame, mewoi Dodin? e dibol. 5Ge i me bas dimatlak mai bitiniawoi abaŋ kibineg madoime me gazop inan auan diabip nadin fudin diboloi.#Apos 10:42; Tim II 4:1 6Mewoi totol gamun dimatlakgaz ipidinlak, i tamolpain aenta egin tinidinlon bitiniawoi, ge Uzlon Anut egin demadowoi.#Pet I 3:19; Rom 8:10
Wadan saen siziz, kris kaginlon ditozoi
7Abaŋ daŋan bininen mug siziz paniime, mewoi nami gadiŋoi so biliŋaŋ mon, lami gazep amado.#Kor I 10:11; Joh I 2:18 8Nug lami panipaninen me abaŋ aenta daŋan nenazap bubumidaŋan itizini, ilopanek aupasek kuzum toana iduimelakoi.#Met 10:12; Jak 5:20; Mat 18:22 9Aŋ nug lolon amado, mewoi so uŋuzuz mon.#Heb 13:2 10Anut inan suzuzum dadodado aŋalelak melon nug dinidini, Anut inan kanim ibeniben inan tizinek egin amado.#Luk 12:42 11Ta i azu ibolime, i Anut azu ibolime egin iboloi. Ta i dinek uzat inauime, i me Anut tiwon panilak egin inauwoi. Meginpe abaŋ daŋanlon Anut Jesus Kristuslon biŋan imaisoi. I biŋan tiwondaŋan mai dedeŋanip dedeŋanip madowoi. Malik!#Rom 12:7
Alan anaup amademap putumi isap atoz
12Bubeggaz, aŋ ja me aŋ kibianaŋoi leŋamilon iduime mewoi aŋ abaŋ iben egin lami so izut mon.#Pet I 1:6, 7 13Tea, zigiaŋpa, aŋ Kristus maig alan anaug amadoame, inan kubel boboloaneklon mai zigiaŋpa lami gauaioi mewoi.#Apos 5:41; Jak 1:2; Rom 8:17 14Aŋ Kristus neanoi depeneŋanaŋmap putumi isap amadowoi, Anut inan biŋan uz mai aŋ dotoanaŋdime.#Pet I 2:20; Kan 89:51, 52 15Ta i funekbibian, ponaubibian tat, abaŋ salannaukbibian tat, naoŋelaŋal mai tat egin alan so inaup made mon. 16Ge ta i krislakoi alan inaup mademap me mamai so funi mon, tea, nean melon Anut biŋan bisawoi.#Fil 1:20 17Anut inan ablon betenaek iduwoi saen ipisini. Ge betenaek malanmalan id izidnen idumap, i me Anut inan totol gamun dagom so depanidime me wadan dodinoi?#Hesek 9:6; Jer 25:29; Kor I 11:32 18Tamol taoz i patun pasinen muzuanmap ŋan i me Anut mai tealak, aupasekwain me mai dodin inauwoi?#Met 11:31; Luk 23:31 19Mewoilakoi i me Anut auan duzig alan denaudime me tiduk ditozmap nutudin Fun Anut malikdaŋan nimanlon denauwoi.#Kan 31:6; Luk 23:46
New Testament published by the British and Foreign Bible Society in 1960. Genesis published by the Australian Bible Society in 1971.