Korint I 6
6
Medaeŋgaz azu betenaekoi gobgaz zidinnen so dilawoi
1Aŋ leŋamilon ta inan mudubanoi azu ientap i wagai pazep betenaekoi medaeŋlon so ilawoi, tea, taoz tealak me zidinnen kort inauwoi? 2Aŋ so aloŋ, gungaz i panupanu dibitiniawoi? Me aŋ tealakgaz ibitiniawoimap aŋ abaŋ mitin betenaenen so aduse?#Bo 3:21; Dan 7:22 3Aŋ so aloŋ, id eŋelgaz tibitiniawoi? A me anauwoilakoi mewoi tan inan azu mai ataliwoi. 4Nug madoknen azu ta dientap aitoige aŋ tamol i medaeŋ noadinnen biŋadin tealak zidinnen aŋaleg alaame? 5Ŋa me aŋ mamai funaŋnenoi ŋabolŋame. Megin tat, ta kaginkagindaŋan leŋamilon so madoime taingaz liluŋlon azu betenaenen iloŋime.#Luk 12:57 6Tea, tain i tealakgaz noadinnen tainoi kort inauwoi ilaime.#Kor II 6:15
Kristgaz nugoi kort so denauwoi
7Aloŋ, aŋ nugoi abaŋ taimonoi tat mon kort anautap mai so seŋanaŋame, tea, seŋanek bitiame. Aŋ donoaŋ alanmap aitoige Segauz e so abol? I sekauklon nami abaŋ duzuaŋtap aitoige Bini, naonoi so taboloi e so abol?#Mat 5:39; Tes I 5:15; Pet I 3:9 8Ge aŋ sebami anau alaname, abaŋ zudiname, ŋan timi ilonlon anauame.
9Aŋ so aloŋ taoz tealak me Anut inan kiŋdom fuzan so deŋalewoi. Se so wiziaŋ mon, me i jait diabidime, tantibud disigianidime, iwodin maig betezemanek dipitiŋinidime, ai me ai mai diendime,#Kor I 5:11; Ef 5:5 10ponaubibiadin, bulasesgaz, aiu tetamekgaz, dizawaikgaz, zuaikgaz mai me Anut inan kiŋdom fuzan so deŋalewoi. 11Aŋ aenta melon get amade. Ge aŋ flanaŋlak, aŋ gun noaŋlak, aŋ Ujanzen Jesus neanlon inad Anut inan Uz mailon taoz noaŋlak.#Tit 3:3–7; Joh I 2:12
Tinin me gun
12Abaŋ daŋan ŋenaunen ŋaloŋ, ge abaŋ daŋan naunen me ŋa gauai noagnen tea. Abaŋ daŋan ŋenaunen ŋaloŋ, ge i tiwodin paenlon donoagnen ŋamoi.#Kor I 10:23 13Anaŋ me loanoi, loan me anaŋoi, ge Anut i auzun inaup teaboi. Tinin me jaitoi so ienime, tea, me Ujanzen inan, Ujanzen me tinin inan.#Tes I 4:3–5 14Me Anut i Ujanzen fuŋunilak, i inan tiwonlon id mai fuŋunadoi.#Kor I 15:15, 20; Kor II 4:14; Rom 8:11
15Aŋ so aloŋ, nami tinimi me Kristus inan tinin inan boi ta. Mewoi ŋa Kristus inan tinin inan boi ta ŋapaspa pain loaŋloaŋ inan tinin mai ŋebetemanawoi? Tea mok!#Kor I 12:27 16Aŋ so aloŋ me i pain loaŋloaŋ mai dienmap i pain me mai betemanalak, i tinin taimon. Megin gazelak, I auzun tinin tainmonoi.#Gen 2:4 17Ge me i Ujanzen mai betemanalak i i mai Uz taimon.#Joh 17:21, 22; Ef 5:30
18Jait me amoipe au. Aupasek daŋan me tamol inauime me tinin muzinnen ienime, ge me i jait jabiime i dadon tininlon auipasime. 19Aŋ so aloŋ Auanuzgun me Anut panaŋlak i tinimilon inan ab gun egin madoime? Aŋ sebami nami tea.#Kor I 3:16 20Aŋ dadeŋ naonlon idad ŋiliaŋlak. Mewoi nami tinimilon Anut biŋan ibisa.#Kor I 7:23; Pet I 1:18, 19; Fil 1:20
Currently Selected:
Korint I 6: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Korint I 6
6
Medaeŋgaz azu betenaekoi gobgaz zidinnen so dilawoi
1Aŋ leŋamilon ta inan mudubanoi azu ientap i wagai pazep betenaekoi medaeŋlon so ilawoi, tea, taoz tealak me zidinnen kort inauwoi? 2Aŋ so aloŋ, gungaz i panupanu dibitiniawoi? Me aŋ tealakgaz ibitiniawoimap aŋ abaŋ mitin betenaenen so aduse?#Bo 3:21; Dan 7:22 3Aŋ so aloŋ, id eŋelgaz tibitiniawoi? A me anauwoilakoi mewoi tan inan azu mai ataliwoi. 4Nug madoknen azu ta dientap aitoige aŋ tamol i medaeŋ noadinnen biŋadin tealak zidinnen aŋaleg alaame? 5Ŋa me aŋ mamai funaŋnenoi ŋabolŋame. Megin tat, ta kaginkagindaŋan leŋamilon so madoime taingaz liluŋlon azu betenaenen iloŋime.#Luk 12:57 6Tea, tain i tealakgaz noadinnen tainoi kort inauwoi ilaime.#Kor II 6:15
Kristgaz nugoi kort so denauwoi
7Aloŋ, aŋ nugoi abaŋ taimonoi tat mon kort anautap mai so seŋanaŋame, tea, seŋanek bitiame. Aŋ donoaŋ alanmap aitoige Segauz e so abol? I sekauklon nami abaŋ duzuaŋtap aitoige Bini, naonoi so taboloi e so abol?#Mat 5:39; Tes I 5:15; Pet I 3:9 8Ge aŋ sebami anau alaname, abaŋ zudiname, ŋan timi ilonlon anauame.
9Aŋ so aloŋ taoz tealak me Anut inan kiŋdom fuzan so deŋalewoi. Se so wiziaŋ mon, me i jait diabidime, tantibud disigianidime, iwodin maig betezemanek dipitiŋinidime, ai me ai mai diendime,#Kor I 5:11; Ef 5:5 10ponaubibiadin, bulasesgaz, aiu tetamekgaz, dizawaikgaz, zuaikgaz mai me Anut inan kiŋdom fuzan so deŋalewoi. 11Aŋ aenta melon get amade. Ge aŋ flanaŋlak, aŋ gun noaŋlak, aŋ Ujanzen Jesus neanlon inad Anut inan Uz mailon taoz noaŋlak.#Tit 3:3–7; Joh I 2:12
Tinin me gun
12Abaŋ daŋan ŋenaunen ŋaloŋ, ge abaŋ daŋan naunen me ŋa gauai noagnen tea. Abaŋ daŋan ŋenaunen ŋaloŋ, ge i tiwodin paenlon donoagnen ŋamoi.#Kor I 10:23 13Anaŋ me loanoi, loan me anaŋoi, ge Anut i auzun inaup teaboi. Tinin me jaitoi so ienime, tea, me Ujanzen inan, Ujanzen me tinin inan.#Tes I 4:3–5 14Me Anut i Ujanzen fuŋunilak, i inan tiwonlon id mai fuŋunadoi.#Kor I 15:15, 20; Kor II 4:14; Rom 8:11
15Aŋ so aloŋ, nami tinimi me Kristus inan tinin inan boi ta. Mewoi ŋa Kristus inan tinin inan boi ta ŋapaspa pain loaŋloaŋ inan tinin mai ŋebetemanawoi? Tea mok!#Kor I 12:27 16Aŋ so aloŋ me i pain loaŋloaŋ mai dienmap i pain me mai betemanalak, i tinin taimon. Megin gazelak, I auzun tinin tainmonoi.#Gen 2:4 17Ge me i Ujanzen mai betemanalak i i mai Uz taimon.#Joh 17:21, 22; Ef 5:30
18Jait me amoipe au. Aupasek daŋan me tamol inauime me tinin muzinnen ienime, ge me i jait jabiime i dadon tininlon auipasime. 19Aŋ so aloŋ Auanuzgun me Anut panaŋlak i tinimilon inan ab gun egin madoime? Aŋ sebami nami tea.#Kor I 3:16 20Aŋ dadeŋ naonlon idad ŋiliaŋlak. Mewoi nami tinimilon Anut biŋan ibisa.#Kor I 7:23; Pet I 1:18, 19; Fil 1:20
New Testament published by the British and Foreign Bible Society in 1960. Genesis published by the Australian Bible Society in 1971.