Korint I 5
5
KAGIN SALASALA MEDAEŊLON 5–6
Medaeŋ jait azu so kibinelak
1Azu biŋ ise, aŋ leŋamilon jait ienime, jait iben ta, gobgaz ilonnen so ienime menen, ta i tinan nieuzek iŋalelak.#Lew 18:7, 8 2Me aŋ auami iŋgas kagin anaug atozame. Aŋ me naon teŋaemi so alanoi tat? Mewoi aŋ i abaŋ me inaulak aŋ ilonnenpa apasiwoi.#Kor I 5:13
3Ŋa bo tiniglon tea, ge uzdaŋan aon ŋemadoŋame, ŋemadoŋame egin tamol me i abaŋ megin inaulak mug ŋebetenaelak. 4Aŋ Ujanzen Jesus neanlon atemanip me ŋainag ilog mai idinad Ujanzen Jesus inan tiwondaŋan mademap,#Mat 16:19; 18:18; Kor II 13:10 5aŋ tamol e apasip tinin kagin salanoi Satan nimanlon anaup, meginpe Ujanzen Jesus inan nallon nitun tetazi ŋalewoi.#Tim I 1:20
Kristus imaislak mewoi id bas faunlon tatozoi
6Auami ujanime me so gauai. Aŋ so aloŋ sepalaŋ dideknen abaŋ kinkinlon sepalaŋ bas daŋan gigienime.#Gal 5:9 7Dideknen abaŋ getnen asule, meginpe aŋ sepalaŋ bas faun amadowoi, aŋ gazo sepalaŋ gigien tealak egin. Kristus, inad Pasa belelek, mug idoi imatlak.#Ekso 12:21; 13:7; Jes 53:7; Pet I 1:19 8Mewoilakoi id dideknen abaŋ getnen inan kagin salanlon, salan nauk bibianlon mai ubou so tenasiwoi, tea, sepalaŋ bas gigien tealon, ilod ikoklon bubed malikdaŋanlon mai.#Ekso 12:3–20
Krisgaz i aupasekbibian mai getadin so tebazewoi
9Ŋainag gazeklon ŋa ŋegazelak, aŋ jait jabekgaz mai getami so tebazewoi.#Mat 18:17; Tes II 3:14 10Ŋa so ŋabol aŋ tan e inan jait jabekgaz, inan bulasesai, zuaikbibian, tantibud inan sigianektamol mai ibinoi, tea, aŋ me ibinoitap aŋ tan e ibiniwoi.#Ef 5:3, 5 11Tea, gazo gazek ŋepanaŋlak me megin: Aŋ ta Taig e ablaniame i jait jabekai tat, bulasesai, tantibud inan sigianekai, pusaikai, aiu tetamekai, zuaikbibian tat, ta i eginmap aŋ i maip getami so tebaze mon, i maip anaŋ so ani mon.#Tes II 3:6; Tit 3:10; Joh II 10 12Aitoige ŋa me i az muzinnen demadodime ŋibitiniawoi? Aŋ me i az ilonnen demadodime me so ibitiniawoi tat?#Mar 4:11 13Azu muzinnen me Anut bitiniawoi. Me aŋ leŋamilonpa salanlak me apasi.#Deut 13:6
Currently Selected:
Korint I 5: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Korint I 5
5
KAGIN SALASALA MEDAEŊLON 5–6
Medaeŋ jait azu so kibinelak
1Azu biŋ ise, aŋ leŋamilon jait ienime, jait iben ta, gobgaz ilonnen so ienime menen, ta i tinan nieuzek iŋalelak.#Lew 18:7, 8 2Me aŋ auami iŋgas kagin anaug atozame. Aŋ me naon teŋaemi so alanoi tat? Mewoi aŋ i abaŋ me inaulak aŋ ilonnenpa apasiwoi.#Kor I 5:13
3Ŋa bo tiniglon tea, ge uzdaŋan aon ŋemadoŋame, ŋemadoŋame egin tamol me i abaŋ megin inaulak mug ŋebetenaelak. 4Aŋ Ujanzen Jesus neanlon atemanip me ŋainag ilog mai idinad Ujanzen Jesus inan tiwondaŋan mademap,#Mat 16:19; 18:18; Kor II 13:10 5aŋ tamol e apasip tinin kagin salanoi Satan nimanlon anaup, meginpe Ujanzen Jesus inan nallon nitun tetazi ŋalewoi.#Tim I 1:20
Kristus imaislak mewoi id bas faunlon tatozoi
6Auami ujanime me so gauai. Aŋ so aloŋ sepalaŋ dideknen abaŋ kinkinlon sepalaŋ bas daŋan gigienime.#Gal 5:9 7Dideknen abaŋ getnen asule, meginpe aŋ sepalaŋ bas faun amadowoi, aŋ gazo sepalaŋ gigien tealak egin. Kristus, inad Pasa belelek, mug idoi imatlak.#Ekso 12:21; 13:7; Jes 53:7; Pet I 1:19 8Mewoilakoi id dideknen abaŋ getnen inan kagin salanlon, salan nauk bibianlon mai ubou so tenasiwoi, tea, sepalaŋ bas gigien tealon, ilod ikoklon bubed malikdaŋanlon mai.#Ekso 12:3–20
Krisgaz i aupasekbibian mai getadin so tebazewoi
9Ŋainag gazeklon ŋa ŋegazelak, aŋ jait jabekgaz mai getami so tebazewoi.#Mat 18:17; Tes II 3:14 10Ŋa so ŋabol aŋ tan e inan jait jabekgaz, inan bulasesai, zuaikbibian, tantibud inan sigianektamol mai ibinoi, tea, aŋ me ibinoitap aŋ tan e ibiniwoi.#Ef 5:3, 5 11Tea, gazo gazek ŋepanaŋlak me megin: Aŋ ta Taig e ablaniame i jait jabekai tat, bulasesai, tantibud inan sigianekai, pusaikai, aiu tetamekai, zuaikbibian tat, ta i eginmap aŋ i maip getami so tebaze mon, i maip anaŋ so ani mon.#Tes II 3:6; Tit 3:10; Joh II 10 12Aitoige ŋa me i az muzinnen demadodime ŋibitiniawoi? Aŋ me i az ilonnen demadodime me so ibitiniawoi tat?#Mar 4:11 13Azu muzinnen me Anut bitiniawoi. Me aŋ leŋamilonpa salanlak me apasi.#Deut 13:6
New Testament published by the British and Foreign Bible Society in 1960. Genesis published by the Australian Bible Society in 1971.