Korint I 7
7
BETEZEMANEK INAN AZU
Iwoniwon ditoznen
1Ge abaŋ mewoi aŋ agazelak me fun megin, tamol i pain so titi nasimap me gauai. 2Ge jait ienimelakoi tamol dadodado inan paindaŋan madowoi, pain mai dadodado inan iwondaŋanoi.#Tes I 4:3 3Tamol tinin me pain inan, me i so piziani mon; megin mon pain inan tinin me tamol inan. 4Pain i siben inan tinin gaten tea, tea, tamol; megin mon tamol i siben inan tinin gaten tea, pain. 5Nug pizianaŋpa so amade mon. Au, saen tituk godoanekoi tat kin wedeŋanip amadowoi bubumi iboltap segauz anau, ge uzip faun atemani, teatap Satan i etemi isaewoi. 6Ge e me looi ŋabolŋame, kibiaiŋoi tea.#Mat 19:12 7Tamol daŋan ŋa sibeg kiliag demadowoi ilog ibolime. Ge daŋan ibeniben inan suzuzum Anutlon iŋalelak, ta egin, ta megin.
Tamolpain wozou ibeniben kibiai ipinidin
8Ge me i iwodin so deŋalelak painbob mai ŋipidinŋame, i ŋa egin iwodin teap demademap me gauai. 9Ge i tinidin pizianip lo teatap i betezemanawoi. Betezemaneknen me gauai, ge buben imaisnen inan nanek me salan.#Tim I 5:14
10Ge i mug betezemanalak me kibiai ŋipinidinŋame, ŋa tea, Ujanzen, pain me inan tamol so biniwoi.#Mat 5:32; Mar 10:11, 12; Kor I 7:12, 25, 40 11Me i binitap i faun tamol ta so ŋalewoi, teatap i inan tamol dadom paniwoi. Ta mai, tamol me inan pain so biniwoi.
Iwon ilonlon so malik iwoi dodin?
12Ge aenta ŋa ŋipidinŋame, Ujanzen azu e so peteŋanag: Taig ta inan pain Kristusoi ilonlon so malik, ge i maip demadowoi iboltap i pain so pasiwoi. 13Pain ta inan tamol Kristusoi ilonlon so malikmap, ge i maip demadowoi iboltap i tamol so pasiwoi. 14Tamol ilonlon so malikime me painlon gun inau. Pain mai i ilonlon so malikime me tamollon gun inau. I egin teatap nami nunumi so ikok, ge gazo i gun.#Rom 11:16 15Ge me i ilonlon so malikime me iwon biniwoi iboltap aŋ so piziani mon. Liluŋ megin ienmap taig tat, liug tat so puzip itozoi. Tea, Anut mazozlon temadowoi wigiadlak.#Rom 14:19 16Pain, o dodin uloŋ, o oina tamol so tat tetazi ŋaleweoi? Tamol, o dodin uloŋ, o oina pain so tat tetazi ŋalewoi?#Pet I 3:1
Dodin medaeŋlon didulelak me daig so disazoi
17Ujanzen dadodado iwae panilak, dadodado iwagilak egin mon itozoi, Megin ŋa medaeŋmedaeŋlon kibiai ŋenau.#Kor I 7:20, 24 18Ta i get muluŋ nasig uzig totol gamun iwagilak i muluŋoi so kakezoi. Ta i muluŋ get so nasimeglon wagilak i muluŋ so nasi mon. 19Muluŋ nasek me se, muluŋ nasek tea me mai se, ge Anut inan kibiaiŋ uzi paninen me niŋon.#Gal 5:6; 6:15 20Daŋan dadodado inan uzat melon madowoi iwagilak, segauz melon madowoi.#Kor I 7:17, 24 21O begabeg mademeg wigiolak tat? Mewoi bube so muzuan mon. Ge o pisiop madonen dal ientap, segauz megin unau. 22Ta i begabeg madeg Ujanzenlon wagilak i Ujanzen inan pasektamol. Megin ta i tamol ta inan begabeg teag i Kristus inan begabeg.#Ef 6:6; Filemon 16 23I naonlon aŋ idadlak, tamol nadin begabeg so anau mon.#Kor I 6:20 24Taiggaz, daŋan dadodado wagimeg imadelak melon segauz Anut maip demadowoi.#Kor I 7:17, 20
Betezemanek inan azu ta
25Ge pain bazasoi ŋa Ujanzen inan kibiaiŋ tea, ge tamol i Ujanzen inan kanimlon ilon malikdaŋanlak egin ŋa inag kankan ŋabolŋame.#Tim I 1:12, 13; Kor I 7:10, 40 26Ŋa ilog ibol saen alan iduwoi inauime, mewoi tamolai gazo madoime megin mademap me gauai.#Kor I 7:29; 10:11 27O pain mai betezemanaŋlak? O so pasi mon. O pain mai so betezemanaŋlak? Betezemanekoi so dalel mon. 28Ge o pain mai betezemanaŋmap o au so upasume. Pain bazas tamol mai betezemanamap i au so ipasime. Ge me i betezemanadime me tan e inan alan mai denasiwoi, me ŋa dal ŋufunatiwoi ŋenauŋame.#Luk 21:23
Tan e inan abaŋ daŋan samoiime
29Ŋa me ŋabolŋame, taiggaz, saen mug tituk. Gazomnenpa me i paindaŋan i aenta pain tea egin monoi.#Rom 13:11; Luk 14:26 30Me i ditadime me i so ditadime eginoi. Me i zigiaime me i so zigiaime eginoi. Me i didaddime i abaŋ tea eginoi. 31Me i subuŋan ŋalekoi tannen abaŋ diŋaldime i dadon isag so diŋaldime eginoi. Tan e inan kagin binip ilawoi.#Joh I 2:15–17 32Ge ŋa mewoi ŋabol, aŋ jaeŋ so sufutanaŋoi. Ta i so betezemanalak i Ujanzen inan abaŋoi jaeŋ sufutaniime, dodin inaup Ujanzen gamun funiwoi. 33Ge me i betezemanalak i tan abaŋoi jaeŋ sufutaniime, dodin inaup inan pain iwoi ilon gamun funiwoi.#Luk 14:20; Ef 5:29 34I buben azugen. Pain so betezemanalak pain bazas mai i Ujanzen inan abaŋoi jaeŋ sufutaniime, i tininlon ilonlon mai gunoi. Ge me i betezemanalak i tan abaŋoi jaeŋ sufutaniime, i dodin inaup tamol iwoi ilon gamun funiwoi. 35E me aŋoi gauai, mewoi ŋabolŋame, siŋlon so ŋonoaŋoi, tea, kagin gauai ienoi, aŋ abaŋ aentawoi jatek teap lamidaŋan Ujanzenoi zigiaŋoi.#Luk 10:39
Aipain bazasoi dodin nauwoi?
36Ta iboltap i inan aipain bazasoi kagin gauai so uziime, i tamol ŋaleknen saen get iduselak, megin inauwoi buben mai ienime, meginpe ilon ibolime me inauwoi. I au so ipasime, segauz betezemanawoi. 37Ge ta i buben zatamlak, abaŋ ta mai so seseŋanitap, tinin binig madoime, i me inan bubenlon nean inaulak me inan aipain bazas kin se madowoi ibol, i gauai inauime. 38Meginge ta i inan bazas betezemanamap i gauai inauime, ta inan aipain bazas so betezemanamap i me nenazip kin gauai inauime.
Painbob faun tamol ŋalewoi?
39Pain ta inan tamol bas madoime saen melon i iwon mai ipaulak. Ge inan tamol imatmap i mug paseklak, tamol ta ŋalewoi ilon iboltap, segauz iŋalewoi, ge Ujanzenlon mon inauwoi.#Rom 7:2 40Ŋainag kankan bo megin, i madoimelak egin madop ilemap i buben kin gauaipa madowoi. Ŋa ŋabol ŋa Anut inan Uzdaŋange azu e ŋabolŋame.#Kor I 7:25
Currently Selected:
Korint I 7: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Korint I 7
7
BETEZEMANEK INAN AZU
Iwoniwon ditoznen
1Ge abaŋ mewoi aŋ agazelak me fun megin, tamol i pain so titi nasimap me gauai. 2Ge jait ienimelakoi tamol dadodado inan paindaŋan madowoi, pain mai dadodado inan iwondaŋanoi.#Tes I 4:3 3Tamol tinin me pain inan, me i so piziani mon; megin mon pain inan tinin me tamol inan. 4Pain i siben inan tinin gaten tea, tea, tamol; megin mon tamol i siben inan tinin gaten tea, pain. 5Nug pizianaŋpa so amade mon. Au, saen tituk godoanekoi tat kin wedeŋanip amadowoi bubumi iboltap segauz anau, ge uzip faun atemani, teatap Satan i etemi isaewoi. 6Ge e me looi ŋabolŋame, kibiaiŋoi tea.#Mat 19:12 7Tamol daŋan ŋa sibeg kiliag demadowoi ilog ibolime. Ge daŋan ibeniben inan suzuzum Anutlon iŋalelak, ta egin, ta megin.
Tamolpain wozou ibeniben kibiai ipinidin
8Ge me i iwodin so deŋalelak painbob mai ŋipidinŋame, i ŋa egin iwodin teap demademap me gauai. 9Ge i tinidin pizianip lo teatap i betezemanawoi. Betezemaneknen me gauai, ge buben imaisnen inan nanek me salan.#Tim I 5:14
10Ge i mug betezemanalak me kibiai ŋipinidinŋame, ŋa tea, Ujanzen, pain me inan tamol so biniwoi.#Mat 5:32; Mar 10:11, 12; Kor I 7:12, 25, 40 11Me i binitap i faun tamol ta so ŋalewoi, teatap i inan tamol dadom paniwoi. Ta mai, tamol me inan pain so biniwoi.
Iwon ilonlon so malik iwoi dodin?
12Ge aenta ŋa ŋipidinŋame, Ujanzen azu e so peteŋanag: Taig ta inan pain Kristusoi ilonlon so malik, ge i maip demadowoi iboltap i pain so pasiwoi. 13Pain ta inan tamol Kristusoi ilonlon so malikmap, ge i maip demadowoi iboltap i tamol so pasiwoi. 14Tamol ilonlon so malikime me painlon gun inau. Pain mai i ilonlon so malikime me tamollon gun inau. I egin teatap nami nunumi so ikok, ge gazo i gun.#Rom 11:16 15Ge me i ilonlon so malikime me iwon biniwoi iboltap aŋ so piziani mon. Liluŋ megin ienmap taig tat, liug tat so puzip itozoi. Tea, Anut mazozlon temadowoi wigiadlak.#Rom 14:19 16Pain, o dodin uloŋ, o oina tamol so tat tetazi ŋaleweoi? Tamol, o dodin uloŋ, o oina pain so tat tetazi ŋalewoi?#Pet I 3:1
Dodin medaeŋlon didulelak me daig so disazoi
17Ujanzen dadodado iwae panilak, dadodado iwagilak egin mon itozoi, Megin ŋa medaeŋmedaeŋlon kibiai ŋenau.#Kor I 7:20, 24 18Ta i get muluŋ nasig uzig totol gamun iwagilak i muluŋoi so kakezoi. Ta i muluŋ get so nasimeglon wagilak i muluŋ so nasi mon. 19Muluŋ nasek me se, muluŋ nasek tea me mai se, ge Anut inan kibiaiŋ uzi paninen me niŋon.#Gal 5:6; 6:15 20Daŋan dadodado inan uzat melon madowoi iwagilak, segauz melon madowoi.#Kor I 7:17, 24 21O begabeg mademeg wigiolak tat? Mewoi bube so muzuan mon. Ge o pisiop madonen dal ientap, segauz megin unau. 22Ta i begabeg madeg Ujanzenlon wagilak i Ujanzen inan pasektamol. Megin ta i tamol ta inan begabeg teag i Kristus inan begabeg.#Ef 6:6; Filemon 16 23I naonlon aŋ idadlak, tamol nadin begabeg so anau mon.#Kor I 6:20 24Taiggaz, daŋan dadodado wagimeg imadelak melon segauz Anut maip demadowoi.#Kor I 7:17, 20
Betezemanek inan azu ta
25Ge pain bazasoi ŋa Ujanzen inan kibiaiŋ tea, ge tamol i Ujanzen inan kanimlon ilon malikdaŋanlak egin ŋa inag kankan ŋabolŋame.#Tim I 1:12, 13; Kor I 7:10, 40 26Ŋa ilog ibol saen alan iduwoi inauime, mewoi tamolai gazo madoime megin mademap me gauai.#Kor I 7:29; 10:11 27O pain mai betezemanaŋlak? O so pasi mon. O pain mai so betezemanaŋlak? Betezemanekoi so dalel mon. 28Ge o pain mai betezemanaŋmap o au so upasume. Pain bazas tamol mai betezemanamap i au so ipasime. Ge me i betezemanadime me tan e inan alan mai denasiwoi, me ŋa dal ŋufunatiwoi ŋenauŋame.#Luk 21:23
Tan e inan abaŋ daŋan samoiime
29Ŋa me ŋabolŋame, taiggaz, saen mug tituk. Gazomnenpa me i paindaŋan i aenta pain tea egin monoi.#Rom 13:11; Luk 14:26 30Me i ditadime me i so ditadime eginoi. Me i zigiaime me i so zigiaime eginoi. Me i didaddime i abaŋ tea eginoi. 31Me i subuŋan ŋalekoi tannen abaŋ diŋaldime i dadon isag so diŋaldime eginoi. Tan e inan kagin binip ilawoi.#Joh I 2:15–17 32Ge ŋa mewoi ŋabol, aŋ jaeŋ so sufutanaŋoi. Ta i so betezemanalak i Ujanzen inan abaŋoi jaeŋ sufutaniime, dodin inaup Ujanzen gamun funiwoi. 33Ge me i betezemanalak i tan abaŋoi jaeŋ sufutaniime, dodin inaup inan pain iwoi ilon gamun funiwoi.#Luk 14:20; Ef 5:29 34I buben azugen. Pain so betezemanalak pain bazas mai i Ujanzen inan abaŋoi jaeŋ sufutaniime, i tininlon ilonlon mai gunoi. Ge me i betezemanalak i tan abaŋoi jaeŋ sufutaniime, i dodin inaup tamol iwoi ilon gamun funiwoi. 35E me aŋoi gauai, mewoi ŋabolŋame, siŋlon so ŋonoaŋoi, tea, kagin gauai ienoi, aŋ abaŋ aentawoi jatek teap lamidaŋan Ujanzenoi zigiaŋoi.#Luk 10:39
Aipain bazasoi dodin nauwoi?
36Ta iboltap i inan aipain bazasoi kagin gauai so uziime, i tamol ŋaleknen saen get iduselak, megin inauwoi buben mai ienime, meginpe ilon ibolime me inauwoi. I au so ipasime, segauz betezemanawoi. 37Ge ta i buben zatamlak, abaŋ ta mai so seseŋanitap, tinin binig madoime, i me inan bubenlon nean inaulak me inan aipain bazas kin se madowoi ibol, i gauai inauime. 38Meginge ta i inan bazas betezemanamap i gauai inauime, ta inan aipain bazas so betezemanamap i me nenazip kin gauai inauime.
Painbob faun tamol ŋalewoi?
39Pain ta inan tamol bas madoime saen melon i iwon mai ipaulak. Ge inan tamol imatmap i mug paseklak, tamol ta ŋalewoi ilon iboltap, segauz iŋalewoi, ge Ujanzenlon mon inauwoi.#Rom 7:2 40Ŋainag kankan bo megin, i madoimelak egin madop ilemap i buben kin gauaipa madowoi. Ŋa ŋabol ŋa Anut inan Uzdaŋange azu e ŋabolŋame.#Kor I 7:25
New Testament published by the British and Foreign Bible Society in 1960. Genesis published by the Australian Bible Society in 1971.