Korint I 4
4
Totol i Kristus inan dinek, tamolpain megin diboloi
1Tamolai am‐oi megin ladin iboloi, am Kristus inan dinek, Anut inan azu toanek inan tizinek.#Tit 1:7 2Meginge tizinekgaz bubudin malikdaŋan uzat denaumap tamolai noadinnen ditozoi.#Luk 12:42 3Ŋa bo aŋ tat, tea, tamol ta tat nadin betenaeklon bitiniagmap me kin dab so ŋepaniŋame, sibeg mai so bitiniagŋame.#Kor I 9:3 4Ŋawoi azu ienime me so ŋaloŋ, ge mewoi ŋa taoz tea, ge Ujanzen i bitiniagime.#Kan 143:2 5Mewoi abaŋ ta inan saen so pisinitap aŋ so abetenae mon, Ujanzen get so iselak eginmap, i abaŋ mafuzlon miŋianig ienime lelamanlon inauwoi, tamol bubudin inan kibiaik me mai boboloaniwoi. Me uzip Anut anenanen biŋadin bisawoi.#Kor I 3:8; Rom 2:16, 29
Korintgaz sebadin biŋadin dibise me so iduse
6Abaŋ ŋabollak me ŋa aŋoi ŋubulig sibeg Apolos mai siamalak, taiggaz, aŋ amlon aloŋoi aŋ dodin Anut azu uzip atozoi, aŋ sebamioi azu baibai so abol mon.#Rom 12:3; Kor I 1:31 7It o tamol iben ta inuolak? O abaŋtedaŋan me o so panolak? Ge o panolak, aitoige o so panolak egin aua ujanime?#Rom 12:6; Joh 3:27; Heb 5:4
8Aŋ mug loami didi! Aŋ mug filiamidaŋan! Am tealon aŋ tamol ujanujan egin anaug amadoame! Au, aŋ tamol ujanujan amadopeges, meginpe am aŋ maip tamolujan temadowoi.#Bo 3:17, 21 9Ŋa ŋabol Anut am apostelgaz wadan funatig amatoi egin beŋten noamalak, am tealakgaz, eŋelgaz, tamolpainoi mai lalek abaŋ egin noamalak.#Rom 8:36; Heb 10:33 10Am Kristusoi ai gedagad, ge aŋ Kristuslon kaginkagindaŋan. Am bodok, ge aŋ tiwomidaŋan; aŋ biŋamidaŋan, ge am biŋama tea.#Kor I 3:18 11Getnenge aur elon am pitol funuma, mileknenoi amat, jamel so iduse, nimadin detanig dufunuma, panu mai teag amadoame.#Kor II 11:23–27 12Am sebama nimama izozmeg uzat anauame. I am dizama dewaimap am ikibiniaame; i am diŋiliama duzumamap am segatamaame.#Apos 18:3; 20:34; Tes I 2:9; Tes II 3:8 13I am melama desaemap am temanek azu abolame. Am tan inan sasa egin noamag gazo amadoame, abaŋ daŋan inan kokou kizika mai egin.#Rom 12:14; Kan 109:28
Paulus i Korint medaeŋ inan funtaman
14Ŋa aŋ mamai ŋepanaŋoi e so ŋegazelak, tea, aŋ inag nanug bubeg ŋebebanaŋŋame.#Kor I 6:5 15Aŋ duzektamol kuzum sutek tealak, ge temami kuzum tea. Ŋa Kristus Jesuslon totol gamunlon nami temami ŋemadoŋame.#Gal 4:19; Tes I 2:11 16Mewoige ŋa aŋ ŋeseseŋanaŋŋame, aŋ ŋa ateŋanagpe.#Kor I 11:1
Anut kagin me azu mou tea, i tiwon
17Abaŋ ewoi ŋa Timoteus, ŋainag nanug wazan buben malikdaŋan mai Ujanzenlon aŋ ziminen ŋenaug ŋainag dal Kristuslon daŋanoi azu sufulep ipaiaŋpa lami isouwoi, ŋa medaeŋ daŋan ŋepeteŋanaŋame egin.#Apos 19:22; Kor I 7:17; 14:33 18Ŋa aŋ ziminen so ŋalaŋame mewoi tat aenta digasge ditozdime. 19Ge ŋa pasak aŋ ziminen ŋalawoi, Ujanzen ilon ibolmap. Ŋa iŋgas azu dab so ŋepaniwoi, tea, tiwon me.#Apos 18:21; Jak 4:15; Kor I 2:4; Luk 17:20, 21; Gal 6:1 20Anut inan kiŋdom me azulon so ienlak, tea, tiwonlon. 21Aŋ lami dodin ibol? Ŋa tokdaŋan ziminen ŋalawoi, tea, ilon paneklon, bini iduknen uzlon tat?
Currently Selected:
Korint I 4: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Korint I 4
4
Totol i Kristus inan dinek, tamolpain megin diboloi
1Tamolai am‐oi megin ladin iboloi, am Kristus inan dinek, Anut inan azu toanek inan tizinek.#Tit 1:7 2Meginge tizinekgaz bubudin malikdaŋan uzat denaumap tamolai noadinnen ditozoi.#Luk 12:42 3Ŋa bo aŋ tat, tea, tamol ta tat nadin betenaeklon bitiniagmap me kin dab so ŋepaniŋame, sibeg mai so bitiniagŋame.#Kor I 9:3 4Ŋawoi azu ienime me so ŋaloŋ, ge mewoi ŋa taoz tea, ge Ujanzen i bitiniagime.#Kan 143:2 5Mewoi abaŋ ta inan saen so pisinitap aŋ so abetenae mon, Ujanzen get so iselak eginmap, i abaŋ mafuzlon miŋianig ienime lelamanlon inauwoi, tamol bubudin inan kibiaik me mai boboloaniwoi. Me uzip Anut anenanen biŋadin bisawoi.#Kor I 3:8; Rom 2:16, 29
Korintgaz sebadin biŋadin dibise me so iduse
6Abaŋ ŋabollak me ŋa aŋoi ŋubulig sibeg Apolos mai siamalak, taiggaz, aŋ amlon aloŋoi aŋ dodin Anut azu uzip atozoi, aŋ sebamioi azu baibai so abol mon.#Rom 12:3; Kor I 1:31 7It o tamol iben ta inuolak? O abaŋtedaŋan me o so panolak? Ge o panolak, aitoige o so panolak egin aua ujanime?#Rom 12:6; Joh 3:27; Heb 5:4
8Aŋ mug loami didi! Aŋ mug filiamidaŋan! Am tealon aŋ tamol ujanujan egin anaug amadoame! Au, aŋ tamol ujanujan amadopeges, meginpe am aŋ maip tamolujan temadowoi.#Bo 3:17, 21 9Ŋa ŋabol Anut am apostelgaz wadan funatig amatoi egin beŋten noamalak, am tealakgaz, eŋelgaz, tamolpainoi mai lalek abaŋ egin noamalak.#Rom 8:36; Heb 10:33 10Am Kristusoi ai gedagad, ge aŋ Kristuslon kaginkagindaŋan. Am bodok, ge aŋ tiwomidaŋan; aŋ biŋamidaŋan, ge am biŋama tea.#Kor I 3:18 11Getnenge aur elon am pitol funuma, mileknenoi amat, jamel so iduse, nimadin detanig dufunuma, panu mai teag amadoame.#Kor II 11:23–27 12Am sebama nimama izozmeg uzat anauame. I am dizama dewaimap am ikibiniaame; i am diŋiliama duzumamap am segatamaame.#Apos 18:3; 20:34; Tes I 2:9; Tes II 3:8 13I am melama desaemap am temanek azu abolame. Am tan inan sasa egin noamag gazo amadoame, abaŋ daŋan inan kokou kizika mai egin.#Rom 12:14; Kan 109:28
Paulus i Korint medaeŋ inan funtaman
14Ŋa aŋ mamai ŋepanaŋoi e so ŋegazelak, tea, aŋ inag nanug bubeg ŋebebanaŋŋame.#Kor I 6:5 15Aŋ duzektamol kuzum sutek tealak, ge temami kuzum tea. Ŋa Kristus Jesuslon totol gamunlon nami temami ŋemadoŋame.#Gal 4:19; Tes I 2:11 16Mewoige ŋa aŋ ŋeseseŋanaŋŋame, aŋ ŋa ateŋanagpe.#Kor I 11:1
Anut kagin me azu mou tea, i tiwon
17Abaŋ ewoi ŋa Timoteus, ŋainag nanug wazan buben malikdaŋan mai Ujanzenlon aŋ ziminen ŋenaug ŋainag dal Kristuslon daŋanoi azu sufulep ipaiaŋpa lami isouwoi, ŋa medaeŋ daŋan ŋepeteŋanaŋame egin.#Apos 19:22; Kor I 7:17; 14:33 18Ŋa aŋ ziminen so ŋalaŋame mewoi tat aenta digasge ditozdime. 19Ge ŋa pasak aŋ ziminen ŋalawoi, Ujanzen ilon ibolmap. Ŋa iŋgas azu dab so ŋepaniwoi, tea, tiwon me.#Apos 18:21; Jak 4:15; Kor I 2:4; Luk 17:20, 21; Gal 6:1 20Anut inan kiŋdom me azulon so ienlak, tea, tiwonlon. 21Aŋ lami dodin ibol? Ŋa tokdaŋan ziminen ŋalawoi, tea, ilon paneklon, bini iduknen uzlon tat?
New Testament published by the British and Foreign Bible Society in 1960. Genesis published by the Australian Bible Society in 1971.