Korint I 3
3
Ai kamo i su dimilidime
1Ge taiggaz, ŋa aŋ Uz kagindaŋan egin azu ŋepaiaŋnen get so ŋaloŋ, tea, tinin kagindaŋan egin, Kristuslon aŋ ai kinkin egin mon ŋepaiaŋnen ŋaloŋlak.#Joh 16:12 2Ŋa sulon ŋufutuaŋlak, anaŋ gegaunlon tea, aŋ menen so aduselakoi, gazo mai so adusaame.#Pet I 2:2; Heb 5:12, 13 3Aŋ tinin kagindaŋanged. Aŋ leŋamilon jenain isuinen pusaik mai ienmap aŋ tinin inan kagin, tamol se nadin kagin uzig so atozame tat?#Kor I 1:10, 11; 11:18 4Nasi, ta ibolmap, Ŋa Pauluswain, ta, Ŋa Apoloswain, aŋ tamol kagin so uziame tat?#Kor I 1:12
Peteŋanek i Anut inan uzattamol mon
5Apolos i abaŋte tat? Paulus i abaŋte tat? I uzatai mon, i tinidinlon aŋ lamilon maliklak, Ujanzen anenanen uzat pinidinlak egin.#Apos 18:24, 27 6Ŋa ŋepaelak, Apolos staleg, ge Anut inaug itublak.#Apos 18:4, 11 7Meginge me ipaeime i biŋan tea, i staleime mai tea, Anut inaug itubime i mon biŋandaŋan. 8Ge i ipaeime, me i staleime mai me taimon, dadodado inan uzat idusap naon iŋalewoi.#Kor I 4:5 9Malik, am Anut inan uzatbi; aŋ Anut inan um, inan ab, i aŋ sisiaŋlak.#Mat 13:3–9; Ef 2:20
Peteŋanek i sasekkamaŋ
10Anut inan kanim ŋa panaglak uzig ŋa sasekkamaŋ ilon kagindaŋan egin ab fun ŋenau, ta i me fonlak saseime. Ge daŋan ibeniben dab ipaniwoi, i dodin fonlak saseime.#Kor I 15:10; Rom 15:20; Pet II 3:15 11Ge ta fodlak bag iben ta iguninen tea, get guneklak me mon, me Jesus Kristus.#Pet I 2:4–6 12Ge ta i fodlak gold, silwer, patkubel, abau ze, bazaloanloan isasemap 13me dadodado inan uzat inan niŋon itasawoi. Betenaeknal me beŋten inauwoi, i jalon boboloaniwoi, ja me ibeniben inan uzat inaulak me kibianiwoi.#Kor I 4:5; Tes II 1:8 14Tamol tata i fod fonlak inaulak so nani pasimap i naon ŋalewoi. 15Tamol tata inan uzat nani pasitap i uzat niŋon teaboi, ge i siben patun pasiwoi, me bo jalon egin mon.
Krisgaz i Anut inan ab gun
16Aŋ so aloŋ tat, aŋ Anut inan ab gun, Anut inan Uz mai aŋlon madoime?#Kor I 6:19; Kor II 6:16 17Ta i Anut inan ab gun pitiŋinimap me Anut ipitiŋiniwoi. Anut inan ab i gunlak ŋan aŋged.
Tamol inan kaginkagin siben sepalelak me se
18Ta siben se so wozai mon. Ta i tan saen elon ilon ibol, Ŋa ilog kaginkagindaŋan, me i gedagad inaupa, meginpe i kaginkagindaŋanoi.#Kor I 2:6; Bo 3:17, 18 19Tan e inan kaginkagin me Anut izinnen kagin gedagad. Gazelak ienime, i me kaginkagindaŋan inadin kaginkaginlon fudin iloŋime.#Hiob 5:12, 13 20Faun te ibol, Ujanzen me i kaginkagindaŋan nadin kankan niŋon tealak iloŋ.#Kan 94:11 21Meginge ta tamol biŋadinoi auan so ujan mon, abaŋ daŋan me aŋnamilakoi. 22Paulus tat, Apolos tat, Kefas tat, panupanu basnen mateŋ mai abaŋ gazo, abaŋ gazogdime mai, me daŋan aŋnami.#Kor I 1:12 23Aŋ bo Kristus inan, Kristus i Anut inan.#Kor I 11:3; Luk 3:38
Currently Selected:
Korint I 3: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Korint I 3
3
Ai kamo i su dimilidime
1Ge taiggaz, ŋa aŋ Uz kagindaŋan egin azu ŋepaiaŋnen get so ŋaloŋ, tea, tinin kagindaŋan egin, Kristuslon aŋ ai kinkin egin mon ŋepaiaŋnen ŋaloŋlak.#Joh 16:12 2Ŋa sulon ŋufutuaŋlak, anaŋ gegaunlon tea, aŋ menen so aduselakoi, gazo mai so adusaame.#Pet I 2:2; Heb 5:12, 13 3Aŋ tinin kagindaŋanged. Aŋ leŋamilon jenain isuinen pusaik mai ienmap aŋ tinin inan kagin, tamol se nadin kagin uzig so atozame tat?#Kor I 1:10, 11; 11:18 4Nasi, ta ibolmap, Ŋa Pauluswain, ta, Ŋa Apoloswain, aŋ tamol kagin so uziame tat?#Kor I 1:12
Peteŋanek i Anut inan uzattamol mon
5Apolos i abaŋte tat? Paulus i abaŋte tat? I uzatai mon, i tinidinlon aŋ lamilon maliklak, Ujanzen anenanen uzat pinidinlak egin.#Apos 18:24, 27 6Ŋa ŋepaelak, Apolos staleg, ge Anut inaug itublak.#Apos 18:4, 11 7Meginge me ipaeime i biŋan tea, i staleime mai tea, Anut inaug itubime i mon biŋandaŋan. 8Ge i ipaeime, me i staleime mai me taimon, dadodado inan uzat idusap naon iŋalewoi.#Kor I 4:5 9Malik, am Anut inan uzatbi; aŋ Anut inan um, inan ab, i aŋ sisiaŋlak.#Mat 13:3–9; Ef 2:20
Peteŋanek i sasekkamaŋ
10Anut inan kanim ŋa panaglak uzig ŋa sasekkamaŋ ilon kagindaŋan egin ab fun ŋenau, ta i me fonlak saseime. Ge daŋan ibeniben dab ipaniwoi, i dodin fonlak saseime.#Kor I 15:10; Rom 15:20; Pet II 3:15 11Ge ta fodlak bag iben ta iguninen tea, get guneklak me mon, me Jesus Kristus.#Pet I 2:4–6 12Ge ta i fodlak gold, silwer, patkubel, abau ze, bazaloanloan isasemap 13me dadodado inan uzat inan niŋon itasawoi. Betenaeknal me beŋten inauwoi, i jalon boboloaniwoi, ja me ibeniben inan uzat inaulak me kibianiwoi.#Kor I 4:5; Tes II 1:8 14Tamol tata i fod fonlak inaulak so nani pasimap i naon ŋalewoi. 15Tamol tata inan uzat nani pasitap i uzat niŋon teaboi, ge i siben patun pasiwoi, me bo jalon egin mon.
Krisgaz i Anut inan ab gun
16Aŋ so aloŋ tat, aŋ Anut inan ab gun, Anut inan Uz mai aŋlon madoime?#Kor I 6:19; Kor II 6:16 17Ta i Anut inan ab gun pitiŋinimap me Anut ipitiŋiniwoi. Anut inan ab i gunlak ŋan aŋged.
Tamol inan kaginkagin siben sepalelak me se
18Ta siben se so wozai mon. Ta i tan saen elon ilon ibol, Ŋa ilog kaginkagindaŋan, me i gedagad inaupa, meginpe i kaginkagindaŋanoi.#Kor I 2:6; Bo 3:17, 18 19Tan e inan kaginkagin me Anut izinnen kagin gedagad. Gazelak ienime, i me kaginkagindaŋan inadin kaginkaginlon fudin iloŋime.#Hiob 5:12, 13 20Faun te ibol, Ujanzen me i kaginkagindaŋan nadin kankan niŋon tealak iloŋ.#Kan 94:11 21Meginge ta tamol biŋadinoi auan so ujan mon, abaŋ daŋan me aŋnamilakoi. 22Paulus tat, Apolos tat, Kefas tat, panupanu basnen mateŋ mai abaŋ gazo, abaŋ gazogdime mai, me daŋan aŋnami.#Kor I 1:12 23Aŋ bo Kristus inan, Kristus i Anut inan.#Kor I 11:3; Luk 3:38
New Testament published by the British and Foreign Bible Society in 1960. Genesis published by the Australian Bible Society in 1971.