San Lucas 2
2
IC OME TENONOTZAL QUAITL.
1Nononqua omochi in nonquî tonaltin, oquiz i amatlanahuatil in Cesar Augusto, inic mochi tlatlacamê mo îcuilozque ama itech.
2In in teîcuiloliztli actopa omochî i tlanahuatiltica i Cirino, Governadór Syria.
3Auh mochtin y yayâ nic mîcuilotihuê zezcâca in imîmatca altepê.
4Auh tel o âcoyâ in Joseph oquizqui Galilea itech mîmatca atltepetl Nazareth, oyâ Judea imîmatca atltepepan in David, in to cayotilo Bethlen: ipampa otzicuehuia ichan yhuan itlacamecayotitech in David,
5Inic mo îcuiloz ica mochi in i namie Maria, ye o otzticatca.
6Auh omochi îcuac ye ompa catê ó âzic in tonalli pilhuaz.
7Yhuan oquipilhuâ in i cente achtô conê in Maria yhuan oquitilma tetzilô yhuan oquitecac yolca tecon tlacualoyan: ipampa amo ocatcaya occe yeyantli itech cali, itoca meson.
8Yhuan ocatcayâ Ichcapixquê inahuac in non tlalli accochticate, yhuan itech in yoalitztinetlaliliztli oquin mocuitlahuîti catca in imichcahuan.
9Yhuan nican xic itta in i Angeltzin in Dios ohual moquetz intlan yêhuantin yhuan in itlanextzin in Dios oquin tlaychual mîminili, in ic cenca omomauhtîque.
10Yhuan oquin ilhui in Angel amo ximahuican: xic ittan nican, ca yancuica namech yectlamachitilia hueypâpaquiliztli qui piaz mochi atltepetl:
11Ipampa axcan omo tlacatili amoca yn Temaquixtiani, ca yehhuatl in tlâtoani Christo, in nican imîmatca atltepepan in David.
12Ihuan in amech machio macaz: an qui âzizquê in Piltzintli tilma tetzilîticâ, yhuan otlali loc îtec yolcatlacual comitl.
13Ihuan zan îzîucayopan o hual miecca nezquê ina huac in Angel cenca miequintin ilhuicac Chanêquê, quimoyectenchuiliayâ in Dios yhuan oquîtoayâ:
14Ma yec necuiltonoliztli in âcopa inahua in Dios, yhuan in tlalticpac in tloc intlaca in pecayeliztli y axca in yectla nequiliztli.
15Auh omochî, zan quenamio quin tlalcahuiquê in Angeles o yâque ilhuicac: in ichcapiani oquimonehuan ilhuiaya: ma ti huian ompa Bethlem, matic ittatî in tlamahuizoli omochî; in catli in Tlâtani Dios otech monextilili.
16Tel îziûcayopan oyâquê, yhuan quin mâxilito in Maria, in Joseph yhuan in Piltzintli mo onotiltîtica îtec in yolcatlacualcomitl.
17Auh in yê qui itzticatê, oqui âzicamatquê in tlahtel ó ilhuilocâ itechpa in Piltzintli.
18Tel mochtin in tlaca oqui cacque, o mizahuîque: yhuan no yuhqui itechpa in tlen oqui îtôcâ in ichcapiani.
19Auh in Maria mochi inin tlâtolli oqui piaya, i yollo itec ipan otlanemiliaya.
20In ichcapixquê omocuepquê in tlâpiayan, qui mo necuiltonoliz maquilîtihuê ihuan quimoyectenchuilîtihuê in Dios, itech pa mochi inquexquich oqui cacquê, yhuan oqui ittaquê, quenami o ilhuilocâ inyêhuantin.
21Auh in yê o âzic chicueytonalli inic yehualtlatequiloz, o tocayotiloc Jesus quenami Angel camatica ò tocayotiloc huel achtô, in ayamo omo cētlaliaya îtec i nantzin.
22Yhuan in yê otzomman ini nechipahualiz cahui in Maria, quenami tlanahuatia in itlatecpan in Moysés, oqui huicaquê inpiltzintli Jerusalem, in ic quihuenmanazquê ixpantzinco in teotlahtoani,
23Quenami itech itlatecpan in tlahtoani îcuilitoc.
24Ipampa mochi oquichtli qui tlapoa inco ne matlatl, teohuenchihualoz.
25Yhuan inic otemacozquia in tlamanali, quenami ó îtoloc itlatecpampan i Teotl, ome zacahuilòmê, ach noxo o mecalpan huilo tepitoton.
26Yhuan nican xic itta ocatca ce tlacatl Jerusalem aquin otocayotiloaya Simeon, auh in tlacatl cual nemilice, yhuan mâcanemini, in oqui tenmachiaya in iyollaliloca in Israël; yhuan itech ocatcaya in Espiritu Santo, auh oqui nanqui îca in Espiritu Santo, amo oqui panozquia in miquiltli in tlacamo achtopa opuimotilizquia in itlaôzaltzin, in tlahtoani Dios.
27Auh espiritutica ohualla teocalco. Yhuan îcuac oquihual huicatiayâ in i Tâtzitzihuan i Piltzintli Jesus, inic qui chihuaz quê quenami oquîtoaya intlasecpantli ipampa in Piltzintli:
28Auh in Simeon oqui an imatlan in Piltzintli yhuan oqui moyectenchuili in Dios, yhuan oquîto:
29Ax can, tlahtoani Teotlê, ye ic mihualia in mo tlacatzin, pacca yeliz ica quenami otic mîtal hui:
30Ipampa in noxtelolohuan oquittaquê in mo teotechichahualitzin.
31Yn otic mo mancatlalitî in oc ic ayatle in atletepemê.
32Tlahuili Tlanextli, tletl quin tlaixmachitiz in actlaneltocani xentiltin, yhuan inecultonoliz in mo atltepê Israël.
33Auh in itâtzi i huan inantzin omizahuiayâ itechpa mochi in quexquich ica in Piltzintli ò îtoloaya.
34Yhuan in Simeon oquin teochî, yhuan oqui ilhui in Nantzin Maria: nican xic itta in in Piltzintli o tlaliloc ica in polhuilililoca, yhuan in palehuiloca micquintin ipan in atltepetl Israël: yhuan machiotl ipan tlatlamantli tlâtoloz.
35Yhuan in mo nôma anima qui zecapaloz oc capaltlatecouitepoztli, in ic ixmachoz in ïtlanemiliz miec yollotin.
36Yhuan ocatcaya ce zoatl achtopa îtoani itoca Ana, ichpoch in Phanuel, tlacatini itech tlamecayotl Aser: in yê miec xihuitl oquittaca, yhuan oc ichpoch tian chicome xihuitl ocatca i nahuac in itlahuical.
37In ic icnocihuatl napoali yhuan nahuixihuitl oqui âxitîca: in in amo oquizaya yhuic teocalli, yoac yhuan tlâca neza hualiztica yhuan tlatlauhtiliztica otlatequipanoaya:
38Auh in in icnozoatl zan no ipan in on cahuitl on hual mo cetilî oquimoyectenehuiliaya in Tlâtoani Dios, yhuan otlâtoaya ica in Piltzintli in nahuac mochtin in aquîquê oquitenmachiayâ in inemaquixtiliz in Israël.
39Yhquac yê oquineltilîque mochi in tlen itech itlatecpan in tlâtoani Dios tenehui omo cuepquê Galilea ipan in atltepetl Nazareth.
40Auh in Piltzintli omozcaltiaya, yhuan otlâpaltia tlamatiliz tentoc yhuan in i gracia in Teotl itech ocatcaya.
41In itâzitzihuan o yaya xixitica Jerusalem in tonali huey ilhuitl Pascua.
42Auh in yê o quimoâxitili in piltzintli matlactlamome xihuitl oyâque Jerusalem in tlatlaliltonali ilhuitl.
43In yê opanoc in ilhuitl, îcuac ye on hual mocuepâ, in Piltzintli Jesus omo cauh Jerusalem, auh in itâtzitzihuan amo oqui âzicamatquê.
44Tel oqui nemiliayâ mo ictztica in nahuac in occequi ilhuitlaquê, onênenquê ce ithuitl, yhuan oquitemoayâ intlan in imic nihuan, yhuan in aquîque oqui ixmatiâ.
45Yhuan que nami ahuel quiâzî o mocuepque Jerusalem qui temôtinemî.
46Tel omochî in yê opanoc yey ithuitl oqui âziquê Teocalîtec yehuaticâ in ttâcotian in huêhuey ixtlamatquê quin cac ticâ yhuan quin tlatlaniticâ.
47Auh mochtino mizahuiayâ, in aquîquê oqui caquiâ itechpa in itlamatiliz, yhuan in itlananquiliz.
48In tlachianimê no omizahuiaya, auh in i Nantzï oqui ilhui in Piltzintli: No piltzinê, ¿tle ipampa yuhcon otic chî tocatêhuantin? Nican xic itta in motâtzin yhuan nehuatl netequipacholiztica otimitz temotinemiâ.
49In yêhuatzin oquin molhuili: ¿tle ipampa ò an nech temoaya? ¿amo anquimatî ca itechpa in tlen itech pohui in no tâtzin no tech pohui ni yez?
50Auh in yêhuantin amo oqui âzica matquê in tlâtolli oquimilhui.
51Tel omo temohui in cepan, yhuan o huala Nazareth, yhuan ocatca itlan in intlanahuatil. Auh in inantzin oqui nemiliaya y yollo calitec mo chi in in tlâtolli.
52In Jesus omozcaltiaya tlapal tiliztica, hueyliztica, yhuan graciatica ixpam tzinco in Dios yhuan in tlatlacamê.
Currently Selected:
San Lucas 2: NCI1833
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1833.
