GEN 6
6
Kugeko heke Aitsükü Hesinhütene Tüipügü
1Kugeko epünenügü etinenügü leha, agakutelüko leha tatute ngongo ahi, indisüko inhügü leha. 2Kuge kahüalüko#6.2 "Kuge kahüalükoha" akagoi, ungu hungukope ngapa uãke akagoi, inhalü hekite sahinhatepügükoi Deusu Akinhagü kae, ẽ ngapa "utotoko aitsüküngokope" akagoi ẽ ngapa "kuge kahüalükope". "Deusu Mugu" la hüle kugeko heke iganünkgokilü. heke leha atütüi utotoko indisü ingilü. Aitsükü leha tüakitini tüngingipügüko aküngijükilü ihekeni. 3Ülepeiha KUKANETÜGÜ kilü: "Inhalü kugeko unümingoi uheke tipaki inhünundokomi, hesinhütene anügü ateheha. Inhalüha tingugi inhünkgoingoi 120 kisũanügü uate", nügü leha iheke.
4Egetaha uãke ngongo ugupo Nefĩliko#6.4 Kapohongope akagoi Nefĩlikoi, ukugeko imütonkgisatinhimbüngükope gehaleha. itsagü; utotokoha tüakitini Deusu inginiko inhügü leha utotoko limo itaõko ake ilainha leha, etijilüko leha. Kindotoi leha nagope inhügü tuhuti gehale.
5KUKANETÜGÜ hekeha tatute kugeko ingitagü hesinhüi hekugu, tipaki geleha hesinhü tüilü kae ingunkgingundako. 6Üle atehe leha KUKANETÜGÜ inhügü aitsükü kotühüngüi, otõlü leha kugeko tüipügüpe ateheha iheke. 7Ülepei leha KUKANETÜGÜ kilü: "Kugeko ungüipügükope ngongohonga imbükilüingo leha uheke, tatute hekugu gehale leha ngenekope tuhugu, talahitsinhükope tuhugu ngongoho tolokope tuhugu gehale. Aitsüküha utõtagü tüipügüko ateheha uheke", ta leha iheke.
8KUKANETÜGÜ gekuitügitsagü leha hüle Noe ingilü heke.
"Tsekegü Ehu Tüike", Deusu Kipügü Noe heke
9Noe akinhagüha igei uãke tülimo ake:
Utoto titagengopeha uãke isügühütu ekisei Noei Deusu ikenitatinhimbüngüpe gehale, tetundibüngüpeha ngikona ikukinetote hesinhü tüitomi iheke ukugeko ahitsongokope agagela. Deusu enga leha etelükilü. 10Tilakoha uãke ijimo, ititükopeha Sẽi, Kamü Jafe gehale.
11Deusu hekeha ngongo ingilükilü, tatute leha kugeko hesinhü tüilü hokongoko hogijükilü leha iheke. Aitsüküha kugeko etimütonkgijükilü tatute ngongo ahi. 12Deusu heke kugeko ngongohongoko ingilü, hesinhütene enga leha kugeko ingilü iheke, tatuteha kugeko heke hesinhütene tüitagü tuhugu. 13Ülepeiha Deusu kilü Noe heke: "Tatute leha tingugingokope imbükilüingo uheke. Tatute leha tuelükoingo uheke tatute gehale ngongope imbükilüingo uheke, ngikomunde kugeko etimütonkgijü atehe tepeheni gele teloko ake gehale", nügüha iheke Noe heke. 14Ülepeiha nügü gehale iheke: "Engitseha i atütüpe tuhugu, engüikeha ehu aetsi tsekegüi, angakekeha isatagü, ikonkgeha itsupo ama akondohoha asfaltoki isata gehale tuã etsohope üngapetomi iheke. 15Igiaha tüike: 135 metroiha itumitsugu inhümingo, 22 metroiha itagü inhümingo, 13 metroiha itsapohondu inhümingo hüle. 16Ehu ugupetohoha engüike, kĩkungu etsuhetühügü kapohondu agageha ugupetoho gae hite endohoi. Tilakoha ehu atagü engüike tetsugupo, ahuluha aetsi engüike itsühati.
17Tuã ahujü kuẽgü tüilüingoha uheke ngongo itakuĩtsomi iheke. Tatute leha ngongohongoko tingugingokope etomi iheke. Tatute leha ngongohongope apünguingo. 18Ake hüle igei uakisü atalü tüilüingo uheke. Enkge atsange engüilüingo ehu kuẽgü atati, ehitsü igelüingoha eheke ake, elimo gehale tühitsão ake. 19Engingamenkge gehale atsange ehu kuẽgü atati, tatuteha tetsua tuhugu ngene ngongohongoko, takikoni tepitsükoi aetsiha ngene utoto aetsi gehale ngene itaõ, tingugi geleha itsokomi ake. 20Tolokoha tatute tetsua tuhugu takikoni tepitsükoi, tatute gehale tetsua tuhugu ngeneko takikoni tepitsükoi, tatute gehale tetsua tuhugu ngongoho talahitsinhüko takikoni tepitsükoi gehale, sinünkgoingoha einha tingugi gele itsokomi. 21Enduhutekeha tatute tetsua tuhugu kuminhango, engigekeha tengetomi ehekeni ngeneko ake gehale", egea leha Deusu kitagü Noe heke.
22Noe heke leha tüilü tatute Deusu heke inhakongondühügüa.
Currently Selected:
GEN 6: KUI-BIBLE
Highlight
Copy
Compare
Share
Want to have your highlights saved across all your devices? Sign up or sign in
© Associação Linguistica Evangélica Missionária
