2 Tesalonicenses 3
3
Pablo inaa natatjaca Dios njaji sheepacaperri Tesalónicalricupe
1Wawayacarruena wakitsiñape, wauma iinai icaitecarru Dios wanacu, lriucacarruatsa kjeyapatsa pjiumi kjerrecawa naikjaolre ljiaji Waminalri yaacu, njite nacuadatacarruatsani caiji icuadatacapishupiani. 2Itatjatsakja ljienitacarru faa nauya njaji inaiki maashiperritsa, ima currim pjiumi nacadaca nacaolreo Jesucristo-nacu. 3Mitsa ljiaji Waminalri Jesucristo lrinaitja caiji lriacu icaitecapishu njite lricadawatsa jiidawa yeemacarrua taimi lrinacu ljiaji icadaalri icaolreo inacu njite lriwapautsa shaa mashirri yuya. 4Njite Waminalri icadaa wacadaa wacaolreo, nini waaji ajadalri inaitjaca panaya njite inaitjacautsa ljiaji wanaalri inaitjaca. 5Waminalri watsa ikitsindata shaa ipeyucarru naji apaana caiji Dios ipeyucapishu pjiumi njite lrikitsindatautsa shaa itarrawatacarruatsa caiji Jesucristo itarrawatacapishu pia.
Mawapatsa apada yaa irsu
6Wakitsiñape, wamenaca inaitja ljiaji, Waminalri Jesucristo iipitanancu: sheenitacau nauya njaji wakitsiñape yuumacape yuufacao caiji nawaopiakje midalritsa yuumacapishu njite currim nanaitjaca caiji wacadaacapishu-piena yuufao. 7Ima yaajintsa irsuca inaitjaca caiji wanaitjacapishupiena: currimpia waufaaca ipeculricu caiji maajicaperrishutsa, 8currimpia waiña apada ijaoda macuadatsa. Curritsa wanaitjenca cayu. Ima wadeejica kjaidaa jaalewerricu deepitsakja wadee wamaca apada icapaca. 9Ajadalrintja irsupiatsantja yaaca warsu watatjacadaa iinai Cristo icanantacalrecapua faa, mitsa wadeeji icapacarru iicao cuajica faa. 10Ima aacadanacupiatua faa iinai wanaapia inaitjaca caiji: Ljiaji curridalri ideeji curriwatsa lriwapaca apada yaacarru lriiñjao. 11Mitsa feminina niinica aapepena ipeculricu curriperri yuuma ideejica, naufaawa mikjapantsa naufacarrutsa nacapa apada irsu. 12Niini narsu njaji inaitjacape cayu wacaitena njite wanaana lripitananacu ljiaji Waminalri Jesucristo, nadejicarru namaudacatsa nataitacaru nauketaca naufaashupao.
13Mitsa shaa, wakitsiñape, mamapjicatsa inaitjaca matsia. 14Curricadaa pada yuma sheepaca ljiaji wacaiterri lrirricuda ljiaji paperra, sheenitaca lriuya lricarrunietacacarrua. 15Mitsa macapatsa caini icuemashu, matsiapja icaiteni kjaidaalricu iinaiwa caiji ikitsindashu.
16Njite ljiatsautsa ljiaji Waminalri icadacada pamaudacaca, lricadaawatsa imaudacaca caidalritsa njite pjiumi cuancawacatsaa. Waminalriwatsa iinai caidalriwetsa.
17Njua, Pablo, nudana ljiaji piketemkjai nucapishu. Icatsa cayu nunaitjaca narricuda naji paperra nudanampe yaajicarru njuaca idanana. 18Waminalri Jesucristo-watsa icadaa lrimatsiaca pjiumi inacu.
Currently Selected:
2 Tesalonicenses 3: kpc
Highlight
Copy
Compare
Share
Want to have your highlights saved across all your devices? Sign up or sign in
© 2025 CLAN
© 2025 Seed Company