2 Tesalonicenses 2
2
Lricatjinata lrinacu ljiaji waminalri inuca ipieta
1Panaya, nukitsiñape, lrinacu ljiaji lrinucadanacuatsa ljiaji Waminalri Jesucristo njite lrinacu ljiaji wawaketacarruatsa lriinai, watatja iinai caiwirricutsa 2curricarru icadaa njenita iwaopiakje merrapitanacatsa, curricarrutsakja icadaa nafieta shaa nacaitecapua Espíritu Santo icadapia waaji, u wadetsa nacaiteca wacaiteca njemi, u wadanaca narsu paperra wacaitecawa uupikena Waminalri ipieta inuca. 3Macadatsakja nacashata shaa lrinacu ljiaji caidalri currimtsuca. Ima ljiadaa ipjeyatuatsa, njaji inaiki neemautsa likjuete ljiaji Dios, njite limutuwatsao ljiaji atsia pacamidalri mashidalrishu, currinatsautsa yuumjecarrucani. 4Icatsa ljiaji jipundatacaita yajiacacadapjawa cajikjedalripjacani Dios yuya njite lriuya pjiumi ljiaji nacadalri nacauelreo inacu, njitepja lriucatsakjaotsa lriufawa aji Dios iipanalricu, caiji Dios-capishun, lricaitewatsa ljiaca Dios.
5Capja iwaopiatsa cuajipiaca cacuca njua lrinacu aacadanacupiatua njua iinai. 6Panaya yaajina cucaca ljiaji idaanatalini, wadee limutucao ljinana ipjeyatua. 7Cai nuaco irsu, ima panaya nini apada jiidati maashidalritsa idejicada dawacaitsa, njite niini ljiaji idanatali ljiaji jiidati maashidalitsa curricarruatsa ljiyapetacao, mitsa lriucawatsao ljiadaa ljienacao ljiaji idanatalrituani. 8Njite liawaljenautsa limutuenao ljiaji atsia pakjamidalri matsidalrishu, ljiaji Waminalri Jesucristo ipjialriutsa lrinumashu lriwayaketacarrun, njite lriwayaketautsa pjiumi ljidaa lrinucadanacuatsa ljiaji Iminalriti Jesús lrimatsiaca melremelredalri yaapiya. 9Mitsa lripjeyatuatsa Waminalri iwayaketaca ljiaji atsia pakjamidalri maashidalrishu, lrinuwatsa ñaacaim yaajikeshu; lrirsuatsa jurre jiidati, lrinaitjautsa jurre nacapau, icañatacapeutsa lrirsuca ljiaji itaitakjeti curridalri apada inaiki itaita irsuca, njite lrinaitjautsa manaitjacanaperri lricashatacarru njaji inaiki, nawadacarru Dios-catsa liinai. 10Njite lrinaitjautsa pjiumi cayuji lriwaopiakje maashidalri yuumacapishu lricashatacarru njaji Dios jirrapjitetaupewatsa caidalriwetsa, curricapuapia nauma njeepaca njite napeyucarruntja ljiaji ajadalri narsucarru jalredauca mawayacacadalri. 11Caishupa, Dios icadaa nacashatana njeepacarru ljiaji ishaati lricaiterri, 12Cayucarruatsa njerrapjitaca pjiumi njaji curriperri yuuma sheepaca ljiaji yaacuti ajadalri Jesucristo-nacu, ima nacatimatacapiawa nanaitjacadanacu ljiaji maashidalri.
Narsutsa neemaca taimiwa naji sheepacaperri
13Mitsa faa caidalritsa warsutsa waaca matsiadalri Dios irsu inacu, wakitsiñape Waminalri ipeyunipe, ima Dios iniwanjenina shaa lriinitacaolje lrinaitjaca ljiaji jalredauca, irsucarru ljiaji yuumecai iinita lrinakjuite ljiaji Espíritu ipeculri yuya imashicana njite lrinakjuite ljiaji ajadalri icadalrina icaolreo inacu. 14Lrikjaote ljiaji Dios iniwanjenina shaa lrinakuite ljiaji yaacuti matsiadalri wacaiterri irsu, irsucarruatsa iyadao lrirricuda ljiaji lrimatsiaca macadalri melremelredalri ljiaji Waminalri Jesucristo.
15Caishupa, nukitsiñape, itarrawatena njite mamaudacatsa lriuya ljiaji wacanantalrina shaa inacu fawacatsa njite paperralricu tsakja. 16Watatja Waminalri Jesucristo iinai njite Fanirri Dios iinai tsakja, ljiaji ipeyucada faa, njite lrimatsiaca ima, ljirreta wawaopiakje caidalriwetsa njite liawatsa warsu ljiaji wawapalri wacapa lriinai, 17nakjaidatacarru iwaopiakje njite nakjaidatacarru shaa icaolrerricu, inaitjacarruatsa njite icaitecarruatsa ljiaji matsiadalri.
Currently Selected:
2 Tesalonicenses 2: kpc
Highlight
Copy
Compare
Share
Want to have your highlights saved across all your devices? Sign up or sign in
© 2025 CLAN
© 2025 Seed Company